Home ធុរកិច្ច ការដាក់តម្លៃទំនិញដើម្បីទាក់ទាញអតិថិជន

ការដាក់តម្លៃទំនិញដើម្បីទាក់ទាញអតិថិជន

1582

តើអ្នក​ធ្លាប់​ចាប់អារម្មណ៍​ទេ​ថា​អ្នក​តែងតែ​ឃើញ​លេខ​៩​ស្ទើរ​គ្រប់​ទី​កន្លែង​ជាពិសេស​ក្នុង​ហាង​ដែលលក់​ទំនិញ​ឬ​នៅពេល​ដែល​មានការ​បញ្ចុះ​តម្លៃ​ទៅលើ​មុខ​ទំនិញ​នីមួយៗ។ តើ​អ្នក​ដែល​គិតទេ​ថា​លេខ​៩​​គឺជា​លេខ​អស្ចារ្យ​ដែល​ទាក់ទាញ​អតិថិជន​ឲ្យ​ទិញ​ទំនិញ​របស់អ្នក​នៅពេល​ដែល​អ្នក​លក់​ផលិតផល​អ្វី​មួយ​ដែល​ស្រដៀង​នឹង​ដៃគូ​ប្រកួត​ប្រជែង​របស់អ្នក​? ម្យ៉ាងវិញទៀត តើ​អ្នក​ធ្លាប់​ដឹង​​ពី​​ចិត្តសាស្រ្ត​របស់​មនុស្ស​ក្នុង​ការមើល​តម្លៃ​ទំនិញ​ដែរ​ឬទេ? ​​វា​ងាយទេ​បើ​ទំនិញ​របស់អ្នក​គ្មានដៃគូ​ប្រកួត​ប្រជែង​​ព្រោះ​ថា​នៅពេល​ដែល​អតិថិជន​មិនមាន​អ្វី​ប្រៀបធៀប​អំពី​តម្លៃ​នៃ​ទំនិញ​ដែល​ស្រដៀង​នឹង​ទំនិញ​របស់អ្នកបាន​​នាំឲ្យ​គាត់​​ជ្រើសរើស​ផលិតផល​របស់អ្នក​​ដោយសារ​តែ​គាត់​គ្មានជម្រើស។ ​

​          បើសិនជា​អ្នក​គ្មាន​ហាង​ខ្លួនឯង​ឬ​អ្នក​ចង់ឲ្យ​គេ​ស្គាល់​ទំនិញ​អ្នក​ឲ្យកាន់តែ​ច្រើន​​ អ្នក​​សម្រេចចិត្ត​សុំការអនុញ្ញាត​ដើម្បី​តាំង​ទំនិញ​របស់​អ្នក​ក្នុង​ផ្សារទំនើប​​ណាមួយ​។ ចំពោះ​ផ្សារទំនើប​ជាទូទៅ​នឹង​ដាក់​ទំនិញ​របស់អ្នក​តាម​ប្រភេទ​មុខទំនិញ​ដែល​ស្រដៀង​នឹង​ផលិតផល​របស់អ្នក ជួនកាល​​អាច​ដាក់នៅជិត​ដៃគូ​ប្រកួត​ប្រជែង​របស់អ្នក​ទៀត​ផង​។ ​តើអ្នក​គួរ​ដាក់​តម្លៃ​បែបណា​​ដើម្បី​ទាក់ទាញ​អតិថិជន​ឲ្យ​ជ្រើសរើស​ទំនិញ​របស់អ្នក? ឧទារណ៍ថា ទំនិញ “ក” មាន​តម្លៃ​ស្មើ​ 4.00$ រីឯ ទំនិញ “ខ”មាន​តម្លៃ​ស្មើ​ 3.90$​  ​ទំនិញទាំង​​ពីរ​ដូចគ្នា​តែ​ខុស​ម៉ាកសញ្ញា​និង​មាន​គុណភាព​ប្រហាក់​ប្រហែល​គ្នា​។ ​ការដាក់​តម្លៃ​ខុសគ្នា​តែ​បន្តិច​បន្តួច​ប៉ុណ្ណោះ ប៉ុន្តែ​បើសិនជា​អ្នក​​មិន​បាន​ចាប់អារម្មណ៍​នឹង​ចំណុច​នេះ​ អ្នក​​ពិតជា​ខកខាន​ការ​ទទួល​បាន​កំណើន​នៃ​ការលក់​​​ព្រោះ​​អតិថិជន​ភាគច្រើន​បូករួម​នឹង​អ្នក​ដែរ​ប្រាកដ​ជា​ជ្រើសរើស​ទំនិញ “ខ”​ជាក់ជាមិនខាន​។​ បើយោង​តាម​ចិត្តសាស្រ្ត​របស់​មនុស្ស​​ភាគច្រើន​គាត់​ចាប់អារម្មណ៍​នឹង​លេខ​ខាងមុខ​ជាជាង​នឹង​លេខ​ខាងក្រោយ។ ភាគច្រើន​គេ​​គិតថា ទំនិញ “ខ”មាន​តម្លៃ​ត្រឹមតែ​3$​ជាងតែ​ប៉ុណ្ណោះ​ព្រោះ​គេ​ឃើញ​ក្បាល​3​ខាងមុខ​និង​សន្និដ្ឋាន​​ថា​វា​ថោក​ជាង​ទំនិញ “ក” មាន​តម្លៃ​​​4.00$ ។​ ​

យុទ្ធសាស្រ្ត​នេះ​ពិតជា​មាន​ប្រសិទ្ធភាព​ដែល​ត្រូវ​បានប្រើប្រាស់​ដោយ​សហគ្រិន​ក្នុង​គោល​​បំណង​ទាក់ទាញ​ចំណាប់​អារម្មណ៍​​អតិថិជន​​ដើម្បី​ទិញទំនិញ​របស់ខ្លួន​ព្រោះ​ថា​តម្លៃ​​គឺ​ជា​​កត្តា​ដែល​អតិថិជន​គិតគូ​មុន​ដំបូង​ដែល​ជួនកាល​គឺ​មុនពេល​​ឃើញ​ផលិតផល​របស់អ្នក​ទៅទៀត។ ដូចនេះ​អ្នក​អាច​សាកល្បង​ប្រើប្រាស់​យុទ្ធសាស្ត្រ​នេះ​ដើម្បី​ដាក់​តម្លៃ​និង​បង្កើន​ការលក់​។

Previous articleចំណុចសំខាន់ទាំង៤សម្រាប់អ្នកដែលចង់ក្លាយជាសហគ្រិនជោគជ័យ
Next articleការត្រៀមខ្លួនសម្រាប់កិច្ចប្រជុំអាជីវកម្មសំខាន់ៗ
ហេង ប៊ុននាថ មានតំណែងជា Business Creative នៅគំនិត ដែលមានតួនាទីដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតថ្នាក់បរិញ្ញាប័ត្រ នៅ វិទ្យាស្ថានជាតិបរទេស(IFL) ផ្នែកអក្សរសាស្រ្តអង់គ្លេស និង សាកលវិទ្យាល័យ បញ្ញាសាស្រ្ត( PUC) ជំនាញ គ្រប់គ្រងអាជីវកម្ម ដែលសុទ្ធសឹងជាសាកលវិទ្យាល័យល្បីៗនៅប្រទេសកម្ពុជា។ ក្រៅពីការសិក្សានឹងការងារ គាត់បានលះបង់ពេលវេលាផ្ទាល់ខ្លួនរបស់គាត់ ក្នុងការចូលរួមសកម្មភាពសង្គម ដើម្បីចែករំលែកបទពិសោធន៌ និងចំណេះដឹងដែលគាត់មានទៅកាន់សហគមន៌ ព្រោះការអភិវឌ្ឍន៌សង្គមគឺជាកិច្ចការ ដែលគាត់គិតថាគួរចូលរួមចំនែក។ បន្ថែមពីនេះ នៅពេលទំនេរ គាត់បានធ្វើការស្មគ្រ័ចិត្ត ក្នុងសិក្សាស្រាជ្រាវ ទៅលើអាជីវកម្មផ្សេងៗ ដើម្បីស្វែងយល់ឱ្យកាន់តែច្បាស់ ពីតថភាពសង្គមខ្មែរ នាពេលបច្ចុប្បន្ន។