ទោះបីជាអ្នកប្រជុំជាមួយអ្នកណាក៏ដោយមិនថាអតិថិជនឬវិនិយោគិននោះទេ វាពិតជាសំខាន់ណាស់ក្នុងការធ្វើឲ្យអ្វីគ្រប់យ៉ាងមានភាពរលូន។ អ្នកត្រូវរៀនរៀបចំសម្រាប់កិច្ចប្រជុំសំខាន់ៗឲ្យបានល្អជាទីបំផុត។
#ទី១៖
ចំណុចដែលលំបាកជាងគេនៅក្នុងអង្គប្រជុំគឺការទទួលបានតាមអ្វីដែលអ្នករំពឹងទុក ប៉ុន្តែជួនកាលអ្នកមិនបានលើកឡើងគ្រប់ចំណុចកំឡុងពេលប្រជុំឡើយ។ អ្នកគួរតែសេចក្តីពង្រាងទុករាល់ចំណុចដែលអ្នកចង់និយាយ។ វាអាចសរសេរតែចំណុចគោលសំខាន់ៗបានហើយដោយមិនមែនគ្រប់ពាក្យនោះទេ។ ម្យ៉ាងទៀត អ្នកត្រូវតែប្រាកដថាអ្នកបានត្រៀមគម្រោងក៏ដូចជារបៀបវារៈច្បាស់លាស់សម្រាប់ដំណើរការនៃអង្គប្រជុំនិងគោលដៅដែលអ្នកចង់បាន។
#ទី២៖
ជាទូទៅអ្នកត្រូវរៀបចំការិយាល័យរបស់អ្នកឲ្យមានរបៀបរៀបរយជាពិសេសគឺពេលប្រជុំផ្ទាល់តែម្តង។ រូបភាពនៃការិយាល័យអាចជះឥទ្ធិពលដល់គំនិតនិងការឲ្យតម្លៃពីអ្នកដែលមកចូលរួមប្រជុំបាន។ ដូច្នេះ អ្នកត្រូវចាត់ចែងឲ្យគេសម្អាតរបស់របរផ្សេងៗឲ្យបានស្អាតនិងមានរបៀបមុននឹងមានការប្រជុំ។
#ទី៣៖
រឿងដែលមិនអាចចៀសបានមួយទៀតនោះគឺមានអ្នកណាឬអ្វីម្យ៉ាងមកកាត់ក្នុងពេលប្រជុំដែលអាចជាបុគ្គលិក ទូរស័ព្ទរោទិ៍ បញ្ហាភ្លើង ម៉ាស៊ីនត្រជាក់ Slide Projector ឬសំឡេងអ៊ូអរនៅខាងក្រៅក៏ថាបាន។ ដូចនេះ អ្នកគប្បីប្រាកដថាបុគ្គលិកអ្នកទទួលបានព័ត៌មានពីអង្គប្រជុំនេះនិងបង្ការបញ្ហាដោយពិនិត្យមើលឲ្យបានហ្មត់ចត់ជាមុន។
