គណិតវិទ្យា​រីករាយ: ទស្សន៍ទាយ​ថ្ងៃ​ខែ​ឆ្នាំ​កំណើត

1061

តើ​អ្នក​ចង់​ក្លាយ​ជាអ្នក​ទាយ​ថ្ងៃ​ខែ​ឆ្នាំ​កំណើត​ដោយ​ប្រើ​គណិត​វិទ្យា​ជា​មធ្យោបាយ​ដែរ​ឬទេ?​ តើអ្នកចង់​អោយ​មិត្ត​ភក្តិ​ និង​ក្រុម​គ្រួសារ​របស់​អ្នក​ភ្ញាក់​ផ្អើល​ដែរ​ឬ​ទេ ថា​អ្នក​អាច​ទាយ​ដឹង​ថ្ងៃ​ខែ​ឆ្នាំ​កំណើត​របស់​ពួក​គេ​ដោយ​គ្រាន់​តែ​ប្រើ​គណិត​វិទ្យា​? ខាង​ក្រោម​នេះ​គឺ​ជា​វិធី​ដែល​អ្នក​អាច​យក​ទៅ​សាកល្បង​​ដើម្បី​ភាព​ភ្ញាក់​ផ្អើល​ និង​សប្បាយរីករាយ។ ជំហ៊ាន​ខាង​ក្រោម​នេះ អ្នក​ត្រូវ​អោយ​មិត្ត​ ឬក្រុម​គ្រួសារ​របស់អ្នក​​​អនុវត្ត ដោយ​អ្នក​ប្រាប់​គេ​អោយ​ធ្វើ​តាម​ជា​ជំហ៊ានៗ។ អ្នក​គួរ​តែ​មាន​ម៉ាស៊ីន​គិត​លេខ​មួយ​ដើម្បី​ធ្វើ​ជា​ជំនួយ ពី​ព្រោះថា​លេខ​ខាង​ក្រោម​នេះ គឺ​មាន​ច្រើន​ខ្ទង់​បន្តិច។

ជំហ៊ាន​ទី១៖ យក​ចំនួន​ខែកំណើត​បូក​នឹង​១៨ (១-១២)

ជំហ៊ាន​ទី២៖ បន្ទាប់​មក​គុណ​នឹង​២៥

ជំហ៊ាន​ទី៣៖ យក​លទ្ធផល​ខាង​លើ​ដក​នឹង ៣៣៣

ជំហ៊ាន​ទី៤៖ ហើយ​គុណ​នឹង​៨

ជំហ៊ាន​ទី៥៖ រួច​យក​លទ្ធផល​ដែល​ទទួល​បាន​ដក​នឹង​៥៥៤

ជំហ៊ាន​ទី៦៖ ហើយ​ចែក​នឹង​២

ជំហ៊ានទី​៧៖ បូក​នឹង​ថ្ងៃ​កំណើត​របស់​អ្នក (១-៣១)

ជំហ៊ាន​ទី៨៖ ហើយ​គុណ​នឹង​៥

ជំហ៊ាន​ទី៩៖ បូក​នឹង​៦៩២

ជំហ៊ាន​ទី១០៖ គុណ​នឹង​២០

ជំហ៊ាន​ទី១១៖ បូក​នឹង​ឆ្នាំ​កំណើត​របស់​អ្នក​ដោយ​កាត់​យក​លេខ​ចុង​ក្រោយ​២​ខ្ទង់​ (ឧ. ១៩៨៩គឺ​យក​៨៩)

បន្ទាប់​ពី​ធ្វើ​ការ​គណនា​ទាំង​១១​ជំហ៊ាន​ខាង​លើ​ហើយ អ្នក​ត្រូវ​សួរ​ទៅ​គូរ​ភាគី​ដែល​អ្នក​កំពុង​តែ​ធ្វើ​ការ​ទស្សន៍​ទាយអោយ​ប្រាប់​នូវ​លទ្ធផល​ចុង​ក្រោយ​របស់​គេ។ បន្ទាប់​ពី​អ្នក​ដឹង​លទ្ធ​ផល​ចុង​ក្រោយហើយ អ្នក​ត្រូវ​យក​លទ្ធ​ផល​ចុង​ក្រោយ​នោះ ទៅ​ដក​នឹង​៣២៩៤០ ដើម្បី​ទទួល​បាន​នូវ​ចម្លើយ​ថ្ងៃ​ខែ​ឆ្នាំ​កំណើត​របស់​គេនោះ។

ឧទាហរណ៖ ចម្លើយ​ដែល​អ្នក​ទទួល​បាន​បន្ទាប់​ពី​ធ្វើ​ការ​ដក​នឹង​៣២៩៤០ ហើយ​នោះ គឺ១១២៨​៩០។ នោះ​មាន​ន័យ​ថា មនុស្ស​ដែល​អ្នកកំពុង​តែ​ទាយ​នោះ​កើត​នៅ​ខែវិច្ឆិកា ថ្ងៃ​ទី២៨​​ ឆ្នាំ​១៩៩០។ ប្រសិន​បើ​ចម្លើយ​មិន​ត្រឹម​ត្រូវទេ​នោះ អ្នកឬ​ភាគីដែល​អ្នកធ្វើ​ការ​ទាយ​ អនុវត្ត​មិន​បាន​ត្រឹម​ត្រូវ​ពេញ​លេញ​ទៅ​តាម​ជំហ៊ាន​ខាង​លើ ឬ​មួយ​ក៏​គេ​កុហក​អ្នក។

 

Previous articleវិទ្យាសាស្ត្រ​រីករាយ១៖ ដកកាក់​ចេញ​ពី​ឈើ​គូស
Next articleរបក​គំហើញ ៥ យ៉ាងដែល​មាន​អាយុ​កាល​យូរជាង ១០០ ឆ្នាំ
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។