គន្លឹះងាយៗក្នុងការចាប់ផ្តើមអាជីវកម្មនៅផ្ទះ

1287

ការបង្កើត​អាជីវកម្ម​នៅផ្ទះ​គឺជា​ក្តីសុបិន្ត​មួយ​ដែល​មនុស្ស​ជាច្រើន​ប្រាថ្នា​ចង់បាន។ អ្នក​អាច​ធ្វើការ​តាម​កាលវិភាគ​ផ្ទាល់ខ្លួន បដិសេធ​ជាមួយ​នឹង​អតិថិជន​ដែល​ពិបាក ចៀសវាង​ពី​ចៅហ្វាយនាយ​មិនល្អ ចំណាយពេល​បានច្រើន​នៅជាមួយ​គ្រួសារ ចាកឆ្ងាយ​ពី​ភាពស្មុគស្មាញ​ប្រចាំ​ថ្ងៃ​ដែល​ត្រូវ​ប្រឈមមុខ​ជាមួយ​បុគ្គលិក​ និង​អាច​បន្ត​ស្វែងរក​ប្រាក់ចំណេញ​ផ្ទាល់​ខ្លួនបាន។ វា​ជា​ការចាកចេញ​ដ៏​ធំ​មួយ​ពី​ជានិយោជិក​ម្នាក់​មក​ជាការ​ធ្វើការ​ដោយ​ខ្លួន។

អ្នក​ត្រូវការ​សម្លឹង​ទៅមុខ​ទៅកាន់កត្តា​មួយចំនួន​នៅក្នុង​ជីវិត​របស់អ្នក​ដើម្បី​អាច​បង្កើត​បានជា​ការត្រៀម​ទុក​ដ៏​ប្រសើរ មុនពេល​អ្នក​សម្រេចចិត្ត​ចាកចេញ​ពី​ការងារ​របស់អ្នក​។ ចំពោះ​ករណី​ខ្លះទៀត​ដូចជា​គ្រោងការណ៍​ អ្នក​នឹង​មិនអាច​ត្រៀម​ទុក​មុន​បានទេ ប៉ុន្តែ​អ្នក​នៅតែ​ត្រូវការ​កត្តា​សំខាន់​មួយ​ចំនួន​ដើម្បី​ពិចារណា​។​

ការ​ស្វែងយល់​ពី​ទីផ្សារ​និង​​ផែនការណ៍​​អាជីវកម្ម​គឺជា​កត្តា​​សំខាន់​។ ការកំណត់​ពេលវេលា​ក៏ជា​រឿង​សំខាន់​ដែរ​។ អ្នក​នឹង​ត្រូវការ​គិតគូរ​ពី​ប្រភេទ​អាជីវកម្ម​ដែល​អ្នក​នឹង​ចាប់ផ្តើម លក្ខខណ្ឌ​សេដ្ឋកិច្ច​ថ្មីៗ ស្ថានភាព​ហិរញ្ញវត្ថុ និង​ទីផ្សារ​ដែល​មាន​សក្តានុពល​ចំពោះ​ផលិតផល​ឬ​សេវាកម្ម​របស់អ្នក​។

បើសិនជា​អ្នកគ្មាន​វិធីផ្សេង​ដើម្បី​ស្វែងរក​ជំនួយ​ពី​ហិរញ្ញវត្ថុទេ​ អ្នក​គួរតែ​ប្រមែប្រមូល​ប្រាក់សន្សំ​ដើម្បី​អាចទប់​ជាមូយ​នឹង​អាជីវកម្ម​ដែល​ទើបតែ​ចាប់ដំណើរការ​របស់អ្នក​។ អ្នកជំនាញ​ភាគច្រើន​ណែនាំ​ឲ្យ​ម្ចាស់អាជីវកម្ម​ត្រៀមប្រាក់បម្រុង​ទៅលើ​ការចំណាយ​ពី ៦ ខែ​ទៅ ១ ឆ្នាំ។ ចូរ​កុំភ្លេច​ថា​អ្នក​ត្រូវការ​បែងចែក​ប្រាក់ចំណេញ​ដែល​ទទួលបាន​មកពី​ការងារ​របស់អ្នក ដូចជា​ធានា​រ៉ាប់រង​សុខភាព​សម្រាប់​ខ្លួនឯង​និង​គ្រួសារ ​ព្រម​ទាំង​ផ្តល់ប្រាក់​ចូល​ទៅក្នុង​គម្រោង​ចូលនិវត្តន៍។ ជាការពិត បើ​អ្នកមាន​ស្វាមី​ភរិយា​ឬ​ដៃគូ​ដែលមាន​ការងារ​ធ្វើ​ហើយ ហើយ​ពួកគេ​ស្ម័គ្រចិត្ត​ចំណាយលុយ​ចំពោះ​ចំណុច​សំខាន់ៗ​ទាំងនេះ​កំឡុង​ពេល​ដែល​អ្នក​អនុវត្ត​អាជីវកម្ម​ជា​ជំហានៗ អ្នក​គួរតែ​ដាក់ចិត្ត​ធ្វើឲ្យ​មែនទែន។

វា​ពិតជា​មានសារៈសំខាន់​ណាស់​ដែល​អ្នក​ត្រូវ​ជ្រើសរើស​រចនាសម្ព័ន្ធ​អាជីវកម្ម​ដែល​ល្អបំផុត​ចំពោះ​អាជីវកម្ម​របស់អ្នក។ ទម្រង់​នីមួយៗ​នៃ​ស្ថាប័ន​អាជីវកម្ម​ត្រូវមាន​ទាំង​ភាពស្របច្បាប់​និង​ការបង់ពន្ធ ដូចនេះ​អ្នក​ត្រូវតែ​ច្បាស់ថា​អ្នក​បាន​ពិភាក្សា​ជាមួយ​អ្នកជំនាញ​ចំពោះ​បញ្ហានេះ​។

ជាការពិតណាស់​ដែល​អ្នក​ត្រូវការ​មាន​ទីតាំង​ដែលមាន​ផាសុកភាព​និង​ស្ងៀមស្ងាត់​។ វា​សំខាន់ណាស់​មិនត្រឹមតែ​កាត់បន្ថយ​សម្លេង​រំខាន​ប៉ុណ្ណោះទេ ប៉ុន្តែ​វា​ក៏ជា​បញ្ហាចិត្តសាស្ត្រ​ដែរ​សម្រាប់អ្នក​និង​គ្រួសារ​របស់អ្នក​ចំពោះ​ពាក្យថា “នៅផ្ទះ” និង “នៅកន្លែង​ធ្វើការ” ។

កំឡុងពេល​ដែល​មនុស្សមួយចំនួ​ន​ពិតជា​ចាប់ផ្តើម​អាជីវកម្ម​នៅផ្ទះ​តាំងពី​តុផ្ទះបាយ អ្នក​នឹងស្វែងរកឃើញថា​ការបែងចែក​នឹង​ជួយអ្នកឲ្យ​ដឹកនាំ​អាជីវកម្ម​របស់អ្នក​បានកាន់តែ​ប្រសើរ។ កុំ​ភ្លេច​រក្សា​ចន្លោះ​សម្រាប់​ផលិតកម្ម​និង​ការរក្សាទុក​សន្និធិ បើ​អាជីវកម្ម​របស់អ្នក​ពាក់ព័ន្ធនឹង​រឿងទាំងអស់​នោះ។

ការធ្វើការនៅផ្ទះ ពេលខ្លះត្រូវ​ការ​ពេលវេលាយូរ​និង​សមស្រប ដែល​អាច​ធ្វើឲ្យ​ងាយប៉ះពាល់​ដល់​សុខភាព​រាងកាយ​និង​ខួរក្បាល​។ ដំបូន្មាន​ទូទៅ ចូរ​ព្យាយាម​ញ៉ាំរបប​អាហារ​ត្រឹមត្រូវ​និង​ធ្វើ​លំហាត់​ប្រាណ ហើយ​បើទោះបីជា​អ្នក​មិនមាន​គ្រួសារ​នៅផ្ទះ​ក៏ដោយ អ្នក​មិនគួរ​ធ្វើការ​ហួសហេតុ​ពេកទេ។ សហគ្រិន​ជា​រឿយៗ​តែងតែ​ប្រាប់ថា​ចំណុច​ដែល​ពួកគេ​តែងតែ​ខកខាន​បំផុត​ពី​ការមាន​ការងារ​ទៀងទាត់​គឺ​ទំនាក់ទំនង​ជាមួយ​មិត្តរួម​ការងារ ហេតុនេះ​ចូរច្បាស់ថា​អ្នក​បានថែរក្សា​ជីវិត​សង្គម ទោះបីជា​យ៉ាងណា​វា​ជា​បណ្តាញ​អាជីវកម្ម​ឬ​ទទួលបាន​ការគាំទ្រ​ពី​ក្រុម។​​​​​​​​​​​​​​​​​​​​​​​​​​​​​​​​​​​​​​

ព្យាយាម​ធ្វើ​ខ្លួនឯង​ឲ្យក្លាយជា​មនុស្ស​ដែលមាន​គំនិត​វិជ្ជមាន មានការគាំទ្រ និង​ពោរពេញ​ដោយ​ក្តី​សង្ឃឹមក្នុងការ​ចាប់ផ្តើម​គ្រួសារ​របស់អ្នក។ ហេតុនេះហើយ​អាជីវកម្ម​របស់អ្នក​មុនដំបូង​អ្នក​អាច​ចាប់ផ្តើម​លក់​ទៅឲ្យ​មនុស្ស​ដែល​ជិតស្និទ្ធ​ដូចជា​ប៉ាម៉ាក់ បងប្អូន មិត្តភក្តិ​​ជាដើម​ព្រោះថា​ពួកគេ​ជាមនុស្ស​ដែលស្គាល់​អ្នក​ច្បាស់​និង​ទុកចិត្ត​ចំពោះ​អាជីវកម្ម​របស់អ្នក​ជាង​អតិថិជន​ថ្មី។

ប្រភព៖ www.smallbusinessbrief.com