គន្លឹះទាំង៣ដែលជួយវិភាគអ្នកពីការសម្រេចចិត្តលក់សិទ្ធិធ្វើអាជីវកម្ម

1340

បើសិនជា​អ្នក​មាន​អាជីវក​ម្ម​មួយ​ដែល​ទទួលបាន​ភាព​ជោគជ័យ​ហើយ​អ្នក​ចង់​ស្វែងរក​អ្នក​ចូលរួម​វិនិយោគ​ទៅលើ​អាជីវកម្ម​ជាមួយ​អ្នក ប៉ុន្តែ​អ្នក​គិតថា​នៅពេល​សហការ​ជាមួយ​គ្នា​ជួនកាល​អាច​នឹង​មាន​ជម្លោះ​កើតឡើង​ហើយ​ក៏​​ពិបាក​ក្នុង​ការ​សម្រេច​ចិត្ត​​នៅពេល​ពេល​ដែល​មាន​បញ្ហា​​កើតឡើង។ ​ខាងក្រោម​នេះ​គឺជា​ចំណុច​ទាំងបី​ដែល​អ្ន​ក​អាច​យក​ទៅ​ពិចារណា​​អំពី​ការ​លក់​សិទ្ធិ​ធ្វើ​អាជីវកម្ម​របស់អ្នក​៖

តើ​អ្នក​មាន​សមត្ថភាព​គ្រប់គ្រាន់​​ដើម្បី​លក់​សិទ្ធិ​ធ្វើ​អាជីវកម្ម​ហើយ​ឬ​នៅ?

មុននឹង​អ្នក​​វិភាគ​ទៅលើ​​ការ​លក់​​អាជីវកម្ម​របស់អ្នក​ អ្នក​ក៏​ត្រូវ​​វិភាគ​លើ​សមត្ថភាព​របស់​អ្នក​ជា​ម្ចាស់​អាជីវកម្ម​ផ្ទាល់​ផងដែរ។​ ការលក់​សិទ្ធិ​ធ្វើ​អាជីវកម្ម​គឺ​មិនមែន​​លក់​តែ​​អាជីវកម្ម​របស់អ្នក​ឲ្យ​អ្នក​ដទៃ​យក​ទៅធ្វើ​ប៉ុណ្ណោះ​ទេ​​ អ្នក​ត្រូវ​ពិចារណា​លើ​សមត្ថភាព​របស់អ្នក​​ថា​តើ​អ្នក​អាច​ផ្តល់​ចំណេះដឹង​និង​​បង្រៀន​ដល់​អ្នក​ដែល​ទិញ​សិទ្ធិ​ធ្វើ​អាជីវកម្ម​របស់អ្នក​បាន​ដែរឬ​ទេ? លើសពីនេះ អ្នក​​ត្រូវ​ចេះ​រក្សា​ទំនាក់​ទំនង​​ល្អ​ជាមួយ​អ្នក​ដែល​ទិញ​សិទ្ធិ​ធ្វើ​អាជីវកម្ម​នោះ​ ហើយ​​អ្នក​​ក៏​ត្រូវ​ជួយ​ដោះស្រាយ​បញ្ហា​​នៅពេល​ដែល​មាន​បញ្ហា​កើតឡើង​ក្នុង​អាជីវកម្ម​របស់​ពួកគាត់ ។ ជាពិសេស​អ្នក​ត្រូវ​មាន​កិច្ចសន្យា​ជាក់លាក់​ជាមួយ​ពួកគាត់​​មុននឹង​ផ្តល់​សិទ្ធិ​ធ្វើ​អាជីវកម្ម​ទៅឲ្យ​គេ​។

តើផលិតផល​ឬ​សេវាកម្ម​របស់អ្នក​មាន​ទីផ្សារ​ច្បាស់លាស់​ដែរ​ឬ​ទេ?

មុនពេល​ដែល​អ្នកលក់​សិទ្ធិ​ធ្វើ​អាជីវកម្ម អ្នក​ត្រូវ​ពិចារណា​ឲ្យ​បាន​ច្បាស់លាស់​ថា​តើ​ផលិតផល​ឬ​សេវាកម្ម​របស់អ្នក​មាន​​អតិថិជន​ត្រូវការ​ក្នុង​ទីផ្សារ​ដែរ​ឬ​អត់​?ឧទារហណ៍ ខ្ញុំ​មាន​ហាង​កាហ្វេ​មួយ​ដែល​ទើប​នឹង​បើក ប៉ុន្តែ​នៅក្នុង​ទីផ្សារ​ស្រុកខ្មែរ​បច្ចុប្បន្ន​ហាង​កាហ្វេ​គឺ​រីកដុះដាល​ដូច​ផ្សិត។ ដូចនេះ មុន​នឹង​ខ្ញុំ​ចង់​លក់​សិទ្ធិ​ធ្វើ​អាជីវកម្ម ខ្ញុំ​ត្រូវ​ស្វែង​យល់​​ពី​តម្រូវ​ការ​​ទីផ្សារ​​ហើយ​ក៏​ត្រូវ​ស្វែងរក​វិធីសាស្រ្ត​ណា​ដែល​ធ្វើឲ្យ​ហាងកាហេ្វ​របស់ខ្ញុំ​មាន​ភាពខុស​ពី​គេ ​ព្រោះ​ថា​បើយើង​គ្មាន​លក្ខណៈពិសេស​​នោះទេ​ស្របនឹ​ង​ទីផ្សារ​តូច​ចង្អៀត​ទៀតនោះ​ ខ្ញុំ​នឹង​អ្នក​ដែល​ទិញ​សិទ្ធិ​ធ្វើ​អាជីវកម្ម​​នឹង​ទទួលបាន​ភាពបរាជ័យ​។ សរុបមក តម្រូវការ​លើ​ផលិតផល​ឬ​សេវាកម្ម​សម្រាប់​អាជីវកម្ម​របស់​គឺ​ពិតជា​សំខាន់ ប៉ុន្តែ​លក្ខណៈ​ពិសេស​របស់​ផលិតផល​ឬ​សេវាកម្ម​របស់អ្នក​គឺការ​ទាក់ទាញ​​អតិថិជន​​​សម្រាប់អាជីវកម្ម​របស់​​អ្នក​និងអ្នក​ទិញ​សិទ្ធិ​ធ្វើ​អាជីវកម្ម​របស់អ្នក​ផងដែរ។

តើ​ការ​សិក្សា​​ស្រាវជ្រាវ​​បែបណា​​ដែល​​អ្នក​​គួរធ្វើ​?

បើសិនជា​ផលិតផល​ឬ​សេវាកម្ម​របស់អ្នក​គឺ​ថ្មី​ដែល​មិនទាន់​មាន​អ្នក​បើក​អាជីវកម្ម​នោះទេ​ប៉ុន្តែ​មាន​តម្រូវការ​ក្នុង​ទីផ្សារ​ដោយ​អ្នក​មាន​អតិថិជន​មួយចំនួន​រួចហើយ អ្នក​​នឹង​ទទួលបាន​ភាព​ជោគជ័យ​ក្នុង​ការ​លក់​សិទ្ធិ​ធ្វើអាជីវកម្ម​នោះ​។ ​បន្ថែម​ពីនេះ​អ្នក​អាច​សាកល្បង​​សិក្សា​ស្រាវជ្រាវ​បន្ថែមថា តើ​មាន​ប្រទេស​ណាខ្លះ​ដែល​អ្នក​​អាច​នាំ​ផលិតផល​ឬ​សេវាកម្ម​របស់អ្នក​ទៅទីនោះដែរ​ ក្រៅពី​បើក​អាជីវកម្ម​ក្នុង​ប្រទេស​របស់អ្នក។ ម្យ៉ាងទៀត បើសិនជា​ផលិតផល​ឬ​សេវាកម្ម​របស់អ្នក​មាន​អ្នកបើក​អាជីវកម្ម​មុន​​រួចហើយ អ្នក​ក៏គួរតែ​សិក្សា​ស្រាវជ្រាវ​បន្ថែម​​ថា​តើ​ផលិតផល​ឬ​សេវាកម្ម​នោះ​មាន​តម្រូវការ​ខ្ពស់​ដែរ​ឬទេ? ​តើ​អ្នក​គួរ​រក​វិធីសាស្រ្ត​បែបណា​ដើម្បី​ទាក់ទាញ​អតិថិជន​ឲ្យ​បានច្រើន​ជា​ងដៃគូ​ប្រកួត​ប្រជែង​របស់អ្នក? បន្ទាប់ពី​អ្នក​ទទួលបាន​ព័ត៌មាន​ទាំងនោះហើយ អ្នក​មាន​ទំនុកចិត្ត​ក្នុងការ​បើក​អាជីវកម្ម​និង​ការលក់​សិទ្ធិ​​ធ្វើ​អាជីវកម្ម​ផងដែរ។ ក្រៅពីនេះ អ្នក​ក៏​អាច​​សម្ភាស​ដើម្បី​សាកសួរ​ព័ត៌មាន​បន្ថែម​ពី​ភាពជោគជ័យ​របស់​ម្ចាស់អាជីវកម្ម​ឯទៀត​​ដែល​បានលក់​សិទ្ធិ​ធ្វើ​អាជីវកម្ម​របស់​ទៅឲ្យ​អ្នក​ផ្សេង​ដើម្បី​យល់ឲ្យ​បាន​កាន់តែ​ច្រើន​អំពី​ការលក់សិទ្ធិ​ធ្វើ​អាជីវកម្ម។

វាជាការចំបាច់ធ្វើការសិក្សាស្វែងយល់ពីតម្រូវការរបស់អតិថិជនពីផលិតផល ឬសេវាកម្មរបស់អ្នក និងប្រព័ន្ធក្នុងការគ្រប់គ្រងសិទ្ធអាជីវកម្មរបស់ មុននឹងអ្នកសម្រាច់ចិត្តលក់សិទ្ធអាជីវកម្មទៅឲ្យអ្នកដ៏ទៃ។

Previous articleគន្លឹះ​ទាំង​៤​ដើម្បី​បង្កើត​គម្រោង​ផ្នែក​ទីផ្សារ
Next articleគុណសម្បត្តិ៧យ៉ាងនៃអ្នកដឹកនាំដែលធ្វើឲ្យបុគ្គលិក​ចូលចិត្ត
ហេង ប៊ុននាថ មានតំណែងជា Business Creative នៅគំនិត ដែលមានតួនាទីដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតថ្នាក់បរិញ្ញាប័ត្រ នៅ វិទ្យាស្ថានជាតិបរទេស(IFL) ផ្នែកអក្សរសាស្រ្តអង់គ្លេស និង សាកលវិទ្យាល័យ បញ្ញាសាស្រ្ត( PUC) ជំនាញ គ្រប់គ្រងអាជីវកម្ម ដែលសុទ្ធសឹងជាសាកលវិទ្យាល័យល្បីៗនៅប្រទេសកម្ពុជា។ ក្រៅពីការសិក្សានឹងការងារ គាត់បានលះបង់ពេលវេលាផ្ទាល់ខ្លួនរបស់គាត់ ក្នុងការចូលរួមសកម្មភាពសង្គម ដើម្បីចែករំលែកបទពិសោធន៌ និងចំណេះដឹងដែលគាត់មានទៅកាន់សហគមន៌ ព្រោះការអភិវឌ្ឍន៌សង្គមគឺជាកិច្ចការ ដែលគាត់គិតថាគួរចូលរួមចំនែក។ បន្ថែមពីនេះ នៅពេលទំនេរ គាត់បានធ្វើការស្មគ្រ័ចិត្ត ក្នុងសិក្សាស្រាជ្រាវ ទៅលើអាជីវកម្មផ្សេងៗ ដើម្បីស្វែងយល់ឱ្យកាន់តែច្បាស់ ពីតថភាពសង្គមខ្មែរ នាពេលបច្ចុប្បន្ន។