Home ទូទៅ គុណសម្បត្តិ៧យ៉ាងនៃអ្នកដឹកនាំដែលធ្វើឲ្យបុគ្គលិក​ចូលចិត្ត

គុណសម្បត្តិ៧យ៉ាងនៃអ្នកដឹកនាំដែលធ្វើឲ្យបុគ្គលិក​ចូលចិត្ត

2183

គុណសម្បត្តិ​នៃ​អ្នកដឹកនាំ​ទាំង៧​​ខាងក្រោម​នេះ​មិនត្រឹមតែ​ជួយ​​អាជីវកម្ម​នោះទេ វា​ថែម​ទាំង​ជួយ​ឲ្យ​​អ្នកដឹកនាំ​​ទទួលបាន​ភាពស្មោះត្រង់​ពី​បុគ្គលិក​​ថែម​ទៀត​ផង៖

១.ភាពស្មោះត្រង់៖ ដំបូង​បង្អស់បុគ្គលិក​​ជាទូទៅ​មិនចូលចិត្ត​ធ្វើការ​ជាមួយ​ឬឲ្យ​មនុស្ស​​ដែល​ពួកគេ​មិន​ទុកចិត្ត​​នោះទេ​។ ដូចនេះ​អ្នក​ត្រូវ​ចងចាំ​ថា​ភាពស្មោះត្រង់​អាច​ទទួលមក​វិញ​នូវ​ភាពស្មោះត្រង់​ហើយ​ក្រុម​ហ៊ុន​អ្នក​នឹង​ទទួលបាន​ប្រយោជន៍​ពី​ទំនុកចិត្ត​នេះ​។

២.ភាព​វិជ្ជមាន៖ អ្នក​ដឹកនាំ​ប្រភេទនេះ​តែងមាន​គំនិត​និង​ឥរិយាបថ​ស្របគ្នា។ ពួកគេ​ជាមនុស្ស​ដែល​មិន​មើល​អ្វី​មួយ​តែ​ជ្រុង​ម្ខាង មិនងាយខ្វល់​ពី​ពាក្យ​សម្តី​របស់អ្នក​ដទៃ ជឿជាក់​លើ​ខ្លួន​ឯង និង​តែងតែមើល​ឃើញ​ឱកាស​ជានិច្ច។ អ្នក​​គួរតែ​​ផ្តោត​​ទៅលើ​​គោលដៅ​​ដែល​​អ្នក​​ច​ង់​ទទួល​បាន​​និង​​សម្លឹង​​ឆ្ពោះ​ទៅមុខប្រកបដោយ​ភាព​វិជ្ជមាន​​​ជានិច្ច​​។

អ្នក​​គួរតែ​​ផ្តោត​​ទៅលើ​​គោលដៅ​​ដែល​​អ្នក​​ច​ង់​ទទួល​បាន​​និង​​សម្លឹង​​ឆ្ពោះ​ទៅមុខប្រកបដោយ​ភាព​វិជ្ជមាន​​​ជានិច្ច​​។

៣.ឲ្យតម្លៃ​អ្នក​ដទៃ​​៖ អ្នក​គួរ​​ឲ្យ​​តម្លៃ​​បុគ្គលិក​​​តាម​ច្រើន​រូបភាព​ដូចជា​ការនិយាយ​សរសើរ មិន​​ប៉ះពាល់រឿង​ផ្ទាល់​ខ្លួន​របស់គេ ការ​ផ្តល់​រង្វាន់ មិន​ប្រើពាក្យ​​ទ្រគោះបោះបោកជាដើម​។ ការធ្វើ​បែបនេះ​ធ្វើឲ្យ​អ្នក​ទទួលបាន​ការគាំទ្រ​និង​ភាពស្មោះត្រង់​ពី​ពួកគេ។

៤.ការ​ផ្ទេរ​​អំណាច​​ទៅ​ឲ្យ​បុគ្គលិក​អ្នក​៖ អ្នក​ត្រូវ​ផ្តល់​សិទ្ធិ​​ទៅ​បុគ្គលិក​ក្រុងការ​សម្រេចចិត្ត​លើ​បញ្ហា​ណាមួយ​ អនុញ្ញាត​ឲ្យ​គេ​ធ្វើតាម​វិធី​សាស្រ្ត​របស់គេជាដើម​ដើម្បី​ឲ្យ​ពួកគេ​មានអារម្មណ៍​ថា​ពួកគេ​ក៏​មាន​ចំណែក​ក្នុង​ការ​កសាង​​ភាព​រីកចម្រើន​ចំពោះ​ក្រុមហ៊ុន​របស់​គេ​ដែរ។

៥.ភាពងាយស្រួលក្នុងការ​ប្រាស្រ័យ​​ទាក់ទង៖ អ្នក​គួ​រ​ធ្វើជា​អ្នកដឹកនាំ​​ដែល​​ងាយស្រួល​​ចុះសម្រុង​​អាច​ឲ្យបុគ្គលិក​ពិភាក្សា​​ជាមួយ​និង​​ស្តាប់ពី​អ្វី​ដែល​​ពួកគេ​និយាយ​​បាន​។

៦.ការសួរ​សំណួរ​៖ អ្នក​គួរ​ចំណាយ​ពេល​ខ្លះ​ស្វែង​យល់​ពី​បុគ្គលិក​អ្នក​និង​ដឹង​អំពី​ពួកគេ​ឲ្យ​បានច្រើន​ដើម្បី​ផ្សាភ្ជាប់​ទំនាក់ទំនង​ជាមួយគេ។

៧.ចាំ​ឈ្មោះ​បុគ្គលិក​​៖  នេះ​ជា​អ្វី​ដែល​អ្នកដឹកនាំ​គួរតែ​ធ្វើ​​ព្រោះ​វា​ជា​ព័ត៌មាន​ចម្បង​អំពី​បុគ្គលិក​​។ អ្នក​គួរ​​ហៅឈ្មោះ​ឬ​ត្រកូល​ពួកគេ​ឲ្យ​បាន​ច្បាស់​​។ ជួនកាល​វា​ក៏​ជា​ទង្វើ​មួយ​ដែល​ធ្វើ​ឲ្យ​បុគ្គលិក​សប្បាយ​ចិត្ត​និង​ចូលចិត្ត​អ្នក​ដែរ​ព្រោះ​យ៉ាង​ហោចណាស់​ក៏​អ្នក​ដឹកនាំ​របស់គេ​បាន​​ហៅឈ្មោះ​របស់គេ​នៅចំពោះ​មុខ​អ្នក​ដទៃ​។

Previous articleគន្លឹះទាំង៣ដែលជួយវិភាគអ្នកពីការសម្រេចចិត្តលក់សិទ្ធិធ្វើអាជីវកម្ម
Next articleយុទ្ធសាស្រ្តទាំង៣យ៉ាងដែលជួយឲ្យអ្នកក្លាយជាអ្នកដឹកនាំជោគជ័យម្នាក់
ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។