គំនិត​​គួរពិចារណា​មុន​សម្រេចចិត្ត​ទិញសិទ្ធិធ្វើអាជីវកម្ម(Franchise)

1464

អាជីវកម្ម​ Franchise​ ត្រូវបាន​គេ​ទទួលស្គាល់​ថា​ជា​អាជីវកម្ម​ដែលមាន​ឈ្មោះ​​ឬ​​ម៉ាក​យីហោ​​​រួច​ជា​ស្រេច​​ ព្រមទាំង​​​មាន​​ឈ្មោះ​ល្បីល្បាញ​​និង​​អាច​រក​​ប្រាក់ចំណេញ​​បានច្រើន​។ អ្នកប្រឹក្សា​ពី​អាជីវកម្ម​ Franchise​ ​អាច​ណែនាំ​​និង​​ជា​​ជំនួយ​ដល់​​ម្ចាស់អាជីវកម្ម​ដែលមាន​បំណង​ចង់​បង្កើត​អាជីវកម្ម​​Franchise​ថ្មី​។

ការទិញ ​Franchise​ គឺ​មិនមែន​សម្រាប់​មនុស្ស​គ្រប់គ្នា​ទេ។ ការណែនាំ​ពី​ Franchise នឹង​អាច​ជួយ​អ្នក​ឲ្យ​វាយតម្លៃ​បានថា​ការទិញ​Franchise​គឺ​ត្រឹមត្រូវ​ឬ​អត់។ វា​ថែមទាំង​អាច​ឲ្យ​អ្នក​ដឹងថា​អ្នក​មាន​កាតព្វកិច្ច​អ្វីខ្លះ​ក្នុង​នាម​ជាម្ចាស់​Franchise​ម្នាក់។ ចំណុច​សំខាន់​ខាងក្រោម​គឺជា​អ្វី​ដែល​អ្នកត្រូវ​គិត​មុនពេល​អ្នក​ទិញ​Franchise ៖

  • ថ្លៃ​ទិញ​ Franchise ថ្លៃទិញ​Franchise​លើកដំបូង​គឺ​មិនអាច​ដកមក​វិញបានទេ ហើយ​វា​ត្រូវការ​ចំណាយ​លុយ​​យ៉ាង​ច្រើន​សន្ធឹក​សន្ធាប់។
  • ការចំណាយ​​ទៅឲ្យ​​ម្ចាស់ដើម ៖ អ្នក​ត្រូវ​ចំណាយ​ប្រាក់​មួយចំនួន​ទៅ​ឲ្យ​ម្ចាស់ដើម​ផ្អែក​​ទៅលើ​ចំណូល​សរុប​ប្រចាំ​សប្តាហ៍​ឬ​ប្រចាំខែ​។​ មួយវិញទៀត​វា​ត្រូវការ​បង់ឲ្យ​គេ​ចំពោះ​សិទ្ធិ​នៃ​ការប្រើប្រាស់​ឈ្មោះ​របស់​ម្ចាស់ដើម​នោះ។
  • ការចំណាយ​ទៅលើ​ការផ្សព្វផ្សាយ ៖ អ្នក​​ត្រូវចំណាយ​ទៅលើ​ការផ្សព្វផ្សាយ​មិនថាជា​ការផ្សព្វផ្សាយ​ទៅកាន់​អ្នក​នៅក្នុង​ប្រទេស​ឬ​ម្ចាស់អាជីវកម្ម​Franchise​ថ្មី​ដទៃ​ទៀត។
  • ការគ្រប់គ្រង ៖ ដើម្បី​​ធ្វើឲ្យ​មាន​ភាព​​​ដូចគ្នា ជាទូទៅ​អ្នកលក់​​Franchise​តែងតែ​គ្រប់គ្រង​អ្នកទិញ​Franchise​ចំពោះ​ការដំណើរការ​អាជីវកម្ម​របស់​ពួកអ្នក។​ ការគ្រប់គ្រង​ទាំងអស់នេះ​គឺ​រឹត​បន្តឹងសមត្ថភាព​របស់អ្នក​ដើម្បី​ឲ្យ​អ្នក​អាចទទួលបាន​ការវិនិច្ឆ័យ​​ចំពោះ​ការអនុវត្តន៍​អាជីវកម្ម​របស់អ្នក​ផ្ទាល់។
  • ការបញ្ចប់​និង​ការបន្ត​ធ្វើ​ជាថ្មី ៖ អ្នក​នឹង​អាច​បាត់បង់​សិទ្ធិ​ធ្វើជា​ម្ចាស់របស់​អ្នក​បើ​អ្នក​ល្មើស​ជាមួយនឹង​កុងត្រា​របស់អ្នក។ លើសពីនេះទៅទៀត បើ​កិច្ចសន្យា​Franchise​របស់អ្នក​ស្ថិត​នៅក្នុង​កាល​កំណត់​មួយ គ្មាន​​អ្វី​មក​ធានា​បានទេ​ថា​អ្នក​នឹង​អាច​ធ្វើវា​សារជា​ថ្មីបាន។ បើ​សិទ្ធិ​ធ្វើ​អាជីវកម្ម​ (Franchise) របស់អ្នក​ត្រូវ​បាន​បញ្ចប់ អ្នក​នឹង​បាត់បង់​ការវិនិយោគ​របស់អ្នក។ កិច្ចសន្យា​ទិញ​Franchise​មានរយៈពេល​ប្រហែល​១០​ទៅ​២០​ឆ្នាំ​ប៉ុណ្ណោះ ឬខ្លីជាងនេះ​ក៏មាន បន្ទាប់ពី​នោះ​អ្នក​ត្រូវ​ធ្វើ​ថ្មី​បន្តទៀត។

មុនពេល​​អ្នក​សម្រេចចិត្ត​វិនិយោគ​ទៅលើ​Franchise អ្នក​ត្រូវ​ប្រុងប្រយ័ត្ន​និង​ពិចារណា​ចំពោះ​បរិមាណ​លុយ​ដែល​អ្នក​ត្រូវ​វិនិយោគ សមត្ថភាព និង​គោលដៅ​របស់អ្នក។

ប្រភព ៖ www.smallbusinessbrief.com

Previous articleវិធីសាស្ត្រនៃការកំណត់ថ្លៃចំពោះផលិតផលថ្មី
Next articleការវេចខ្ចប់និងការដាក់តម្លៃប្រកបដោយភាពច្នៃប្រឌិត
សូ ពិសី​មាន​តួនាទី​ផ្នែក Business Creative នៅក្នុងគំនិត​​ដែល​ផ្តោតលើ​ការបង្កើត​មាតិកា​ធុរកិច្ច សហគ្រិន យុទ្ធសាស្ត្រ​​អាជីវកម្ម​សម័យ​ទំនើប​ព្រមទាំង​ធ្វើករណី​សិក្សា​ទៅលើ​អាជីវកម្ម​​ក្នុងស្រុក។គាត់​ក៏​​ជា​និស្សិត​នៅ​សាកលវិទ្យាល័យ​មេគង្គកម្ពុជា​សិក្សា​ផ្នែក​​​គ្រប់គ្រង​ធុរកិច្ច​អន្តរជាតិ​។ គាត់​​ធ្លាប់​ចូលរួម​សិក្ខា​សាលា​និង​វគ្គ​បណ្តុះបណ្តាល​ដូចជា ​ភាពជា​អ្នកដឹកនាំ ជំនាញទន់ និង​ជំនាញ​នៃ​ការលក់​ជាច្រើន ​​ព្រមទាំង​សកម្មភាព​ក្នុង​ការងារ​ស្ម័គ្រចិត្ត​ផងដែរ។