ច្បាប់ទាំង៣ដែលអាចទាក់ទាញអតិថិជនថ្មីៗបាន

1562
ច្បាប់ទាំង៣សម្រាប់ទាក់ទាញអតិថិជន

នៅក្នុងមុខជំនួញ ​ ក្រុមហ៊ុននីមួយៗតែងតែមានយុទ្ធសាស្រ្ត យុទ្ធវិធីផ្សេងៗគ្នាក្នុងការទាក់ទាញអតិថិជនថ្មីឲ្យបានច្រើនដើម្បីបង្កើននូវប្រាក់ចំណូលនៅក្នុងការធ្វើអាជីវកម្ម។មានច្បាប់ជាច្រើនដែលអាចឆក់យកដួងចិត្តរបស់អតិថិជនថ្មីៗបានយ៉ាងច្រើន ប៉ុន្តែថ្ងៃនេះយើងនឹងលើច្បាប់តែ៣ប៉ុណ្ណោះមកធ្វើការបកស្រាយ ហើយច្បាប់ទាំង៣នេះដែរពិតជាមានប្រសិទ្ទខ្ពស់ក្នុងការទាក់ទាញអតិថិជនឲ្យបានកាន់តែច្រើន។

. បង្ហាញនូវមាតិកាដែលពួកគេអាចនឹងមានចំណាប់អារម្មណ៍

តើគួរបង្ហាញមាតិកាយ៉ាងណាដើម្បីទាក់ចិត្តអតិថិជនបានច្រើនទៅ?

តើគួរធ្វើយ៉ាងណាដើម្បីឲ្យអតិថិនចងចាំនូវផលិតផលរបស់យើង?

កត្តាដែលសំខាន់បំផុតក្នុងការទាក់ទាញអតិថិជនថ្មីៗបានកាន់តែច្រើននោះគឺផ្តោតសំខាន់ទៅលើការធ្វើមាតិការទីផ្សារ (Content Marketing)​។ ប៉ុន្តែអ្វីទៅជាមាតិការទីផ្សារ? មាតិការទីផ្សារ គឺជាផ្នែកមួយនៃការធ្វើទីផ្សារ​ ដែលវាផ្តោតទៅលើការបង្កើត ផ្សាយនិងចែកចាយនូវព័ត៌មានដែលមានដូចជារូបភាព អត្ថបទខ្លីឬវែង វីដេអូ រូបភាព សម្លេង ។ល។ ទៅកាន់អតិថិជននៅលើបណ្តាញសង្គម( Facebook, YouTube, Instagram ។ល។) ឬគេហទំព័រ ឬតាមរូបភាពផ្សេងៗទៀត។ ជាធម្មតាអាជីវកម្មសម័យទំនើបតែងតែផ្តោតលើការប្រើប្រាស់ មាតិកាទីផ្សារ នេះឯងដើម្បីផ្សព្វផ្សាយនូវព័ត៌មាន ផលិតផល ក្នុងការទាមទារចំណាប់អារម្មណ៍ពីអតិថិជន។ ហើយអ្វីដែលសំខាន់បំផុតនោះគឺត្រូវផ្សព្វផ្សាយយ៉ាងណាដើម្បីឲ្យអតិថិជននៅចងចាំព្រមទាំងពេញចិត្តនូវផលិតផលរបស់ខ្លួន។ដូចនេះហើយអាជីវកម្មនីមួយៗត្រូវពូកែខាងផលិតមាតិការទីផ្សារ ព្រោះវាគឺជាកាតាលីករដ៏សំខាន់មួយក្នុងការរុញច្រានអាជីវកម្មរបស់យើងកាន់តែប្រសើរ ព្រមទាំងជួយបង្កើននូវអតិថិជនថ្មីៗទៀតផង។

. ប្រើប្រាស់បណ្តាញសង្គមក្នុងការធ្វើទំនាក់ទំនង

សព្វថ្ងៃនេះគឺជាអាយុកាលនៃការប្រើប្រាស់ប្រព័ន្ធឌីជីថល ពោលគឺយើងប្រើតែម្រាមដៃតែបុណ្ណោះក្នុងការប្រាស្រ័យទាក់ទងគ្នា ដែលយើងអាចនិយាយបានថាពិភពលោកគឺឋិតនៅក្នុងកណ្តាប់ដៃរបស់មនុស្សគ្រប់គ្នា។ជាក់ស្តែងសម័យកាលនេះហើយ ទាំងសិស្ស និស្សិត អ្នករកស៊ី កំពុងតែយកបណ្តាញសង្គមដើម្បីសិក្សារៀនសូត្រ ធ្វើអាជីវកម្ម បង្កើនទំនាក់ទំនងនិងរាប់អានមិត្តថ្មីៗ ឬ សម្រាប់កម្សាន្តដោយការមើល YouTube ជាដើម។ អាជីវករត្រូវតែចេះប្រើ​ បណ្តាញសង្គមទាំងនោះឲ្យបានត្រឹមត្រូវ ដើម្បីទំនាក់ទំនង ចៀសវាងការប្រើប្រាស់ដោយអសីលធម៌។ យ៉ាងណាមិញការរកស៊ីក៏ដូច្នោះដែរ​ ដើម្បីឲ្យអាជីវកម្មអ្នកមានវឌ្ឍនភាពល្អ អ្នកត្រូវតែចេះបង្កើនភាពស្និទ្ធស្នាលរវាងអ្នកនិងអតិថិជន ហើយផ្ដល់ការយកចិត្តទុកដាក់ទៅកាន់អតិថិជនទាំងក្នុងបណ្តាញសង្គម និងក្រៅបណ្តាញសង្គម។

.​ យកចិត្តទុកដាក់ពីអតិថិជនដ៏ល្អបំផុតរបស់អ្នក

អ្នកត្រូវតែបង្ហាញឲ្យអតិថិជនរបស់អ្នកបានដឹងថា​អ្នកពិតជាយកចិត្តទុកដាក់ បារម្ភ និង​ខ្វល់ខ្វាយទៅលើពួកគេយ៉ាងពិតប្រាកដ តាមរយៈការឆ្លើយតបភ្លាមៗនូវសំណួរឬបញ្ហាផ្សេងៗ រួមទាំងសកម្មភាពមួយចំនួនដូចជាការប្រឹក្សាយោបល់ បំរើសេវាកម្មរហ័សទាន់ចិត្ត ការគោរពដោយភាពទន់ភ្លន់ និង​ការផ្ដល់ឬណែនាំនូវផលិតផលល្អៗទៅកាន់ពួកគេ ដាច់ខាតអ្នកមិនត្រូវផ្តល់ចម្លើយទាំងកំហឹង គំហុក និង គម្រោះគម្រើយទៅកាន់ភ្ញៀវរបស់អ្នកឡើយ។ លើសពីនេះទៅទៀតភាពស្មោះត្រង់គឺជាអ្វីដែលអតិថិជនពេញចិត្តនិងត្រូវការ​ ពីក្រុមហ៊ុន។ បើសិនជាអ្នកស្មោះត្រង់និងអតិថិជន នោះអតិថិជននិងស្មោះត្រង់នឹងអ្នកវិញជាក់ជាពុំខាន ពេលខ្លះអតិថិជនអាចជួយរកអតិថិជនឬផ្សព្វផ្សាយ​ នូវផលិតផលរបស់យើងក៏ថាបាន ដែលជាហេតុធ្វើឲ្យអាជីវកម្មរបស់អ្នកកាន់តែរីកសុះសាយឡើងៗ ហើយអ្នកណាៗក៏ស្គាល់នូវស្លាកយីហោរបស់អ្នកដែរ។