ជំហានទាំង៧ដើម្បីសម្រេចជោគជ័យនៅក្នុងអាជីវកម្ម

2940

ដើម្បី​សម្រេច​បំណង​ប្រាថ្នា​គឺ​ត្រូវកា​រ​ការខិតខំ​ប្រឹងប្រែង​ដើម្បី​ឈាន​ទៅរក​ភាពជោគជ័យ​។​ ចំពោះ​អាជីវកម្ម​ដែល​ទើប​នឹង​ចាប់ផ្តើម​ក៏​អាច​មាន​ឱកាស​ជោគជ័យ​បាន​ដូចគ្នា​។ ទាំង​នេះ​ជា​គន្លឹះ​៧​យ៉ាងដែល​អាច​ជួយ​ឲ្យ​អ្នក​អាច​​សម្រេច​​​​ជោគជ័យ​របស់អ្នកបាន​៖

ជំហាន​ទី១ គោលដៅ​និង​ទស្សនវិស័យ

មិនថា​ជា​​ផលិតផល​​ឬ​​សេវាកម្ម​នោះទេ​ អ្នក​​គួរតែ​មាន​ទស្សន​វិស័យនិង​គោលដៅ​​ជាក់លាក់​ទៅលើ​វា​​ព្រោះ​ការ​បង្កើត​គំនិត​គ្រោង​ទុក​ទៅ​អនាគត​​មុន​ជា​គន្លឹះ​ធ្វើឲ្យ​គម្រោង​អាជីវកម្ម​អ្នក​មាន​ដំណើរការ​ល្អតាម​អ្វី​ដែល​​អ្នក​បាន​ដៅទុក​។ ម្យ៉ាងវិញទៀត អ្នក​គួរ​ពិចារណា​ទៅលើ​កាតព្វកិច្ច​ផ្លូវ​ច្បាប់​ឲ្យ​បាន​ច្បាស់ថាតើ​អ្នក​ត្រូវ​ធ្វើ​អ្វី​ទើប​អាច​​បើក​ដំណើរ​ការ​អាជីវកម្ម​មួយ​ទៅរលូន។

ជំហាន​ទី២ ផែនការ​អាជីវកម្ម

​​ការមាន​គម្រោង​អាជីវកម្ម​ពិត​ជា​ប្រសើរ​ណាស់។ ​បើសិនជា​អាជីវកម្ម​របស់អ្នក​ទទួលបាន​កម្រៃ​មួយលាន​រៀល​ក្នុងការលក់ប៉ុន្តែ​ថ្លៃ​ចំណាយ​ទៅលើ​ប្រតិបត្តិការ​បែរ​ជា​អស់​ពី​រ​លានរៀល​វិញ​ អាជីវកម្ម​របស់អ្នល​នឹង​ត្រូវ​ដួលរលំ។ នេះ​សបញ្ជាក់​ឲ្យ​ឃើញ​ថា​គម្រោង​អាជីវកម្ម​អាចឲ្យ​អ្នក​ដឹង​ពី​ភាពជោគជ័យ​ទៅ​ថ្ងៃ​អនាគត​។

ជំហាន​ទី៣ ក្រុម

ការបង្កើត​អាជីវកម្ម​ក្នុងក្តី​ស្រមៃ​គឺជា​ការអនុវត្ត​ន៍​តាម​ទស្សនវិស័យ​និង​ការប្រើប្រាស់​គំនិត។ ប៉ុន្តែ​កិច្ចការ​ទាំងអស់​មិនអាច​ដំណើរ​ការ​ទៅមុខបាន​ដោយ​ការ​រ៉ាប់រងតែ​​ម្នាក់ឯង​បានទេ អ្នក​ត្រូវការ​ក្រុម​សហការ​ដែល​មាន​ជំនាញ​និង​ដើមទុន​។ នេះ​​ជា​រឿង​ដែល​អ្នក​គួរតែ​គិត​​ដោយ​ខាន​មិនបាន​។ ជាការពិតណាស់ ការមាន​ក្រុម​​ដែល​ខ្លាំង​និង​អាច​ធ្វើការ​ចុះ​សម្រុង​ជាមួយ​គ្នា​បាន​គឺ​ស្មើ​នឹង​អ្នកទទួលបាន​ភាព​ជោគជ័យ​​​ពាក់​កណ្តាល​​ទៅហើយ​ទាំង​មិនទាន់​បាន​ធ្វើ​អ្វីសោះ។ ជាពិសេស​អ្នក​ត្រូវ​ប្រាកដ​ថា​សមាជិក​ក្រុម​មាន​ជំនឿចិត្ត​ទៅលើ​អ្នក​និង​អាជីវកម្ម​របស់​អ្នក​​ពិត​ប្រាកដ​មែន។

ជំហាន​ទី៤ ទុន​និង​ពេល​វេលា

គន្លឹះ​ក្នុង​ភាពជោគជ័យ​គឺ​ការធ្វើឲ្យ​ប្រាកដ​ថា​ផលិតផល​របស់អ្នក​ត្រូវបានបង្កើត​ចេញ​មក​ដោយ​​ចំណាយ​ទុន​និង​ពេលវេលាតិច​ហើយ​វា​អាស្រ័យ​ទៅលើ​ប្រភេទ​ផលិតផល​ដែល​អ្នក​ផលិត​ផង​ដែរ។ អ្នក​អាច​រកដៃគូ​សហការ​ដើម្បី​ចូលហ៊ុន​គ្នា​​បង្កើត​អាជីវកម្ម​ឡើងព្រោះ​វា​អាច​​ជួយ​កាត់បន្ថយ​ការចំណាយ​និងហានិភ័យ​ផ្សេងៗ​។ លើសពីនេះ​ ​អ្នក​មិន​ត្រូវ​វិភាគ​ពី​ការ​ផលិត​ឲ្យបាន​ជាក់លាក់ចៀសវាង​ការ​ផលិត​ហួសប្រមាណ​ព្រោះ​វា​អាច​ទាញ​តម្លៃ​ផលិតផល​ចុះថោក​និង​ខាត​ចំណូល​។

ជំហាន​ទី៥  ធ្វើទីផ្សារ

ការធ្វើ​ទីផ្សារ​ជា​កត្តា​មិនអាច​រំលងបាននោះទេ​​ហើយ​អ្វី​ដែលសំខាន់​គឺ​ការដឹង​ពី​អតិថិជន​គោលដៅ​​ដើម្បី​អាច​ប្រកួត​ប្រជែង​ទីផ្សារ​ជាមួយ​ដៃគូ​​ប្រកួត​ប្រជែង​បាន​។ អ្នក​គួរតែ​ពិចារណា​ពី​យុទ្ធសាស្រ្ត​ទីផ្សារ ជាពិសេស​ការប្រើ​ប្រាស់​យុទ្ធសាស្ត្រ​​ទីផ្សារ​សម័យទំនើប។

ជំហាន​ទី៦  ទំនុកចិត្ត​

ការកសាង​ទំនុកចិត្ត​សម្រាប់​អតិថិជន​ក៏​ជា​វិធីសាស្រ្តល្អ​​មួយដែរ​។ បើ​គេ​មិន​ទុក​ចិត្ត​លើ​ផលិតផល​របស់​អ្នក​ទេ​ គេ​នឹង​គ្មាន​ថ្ងៃ​ជ្រើសរើស​យក​សេវាកម្ម​របស់​អ្នក​ឡើយ។ អ្នក​អាច​ធ្វើឲ្យ​អតិថិជន​មាន​អារម្មណ៍​ថា​មាន​តម្លៃ​និង​​ទំនាក់​ទំនង​ជាមួយ​ពួកគាត់​ឲ្យ​បាន​ញឹកញាប់​។

ជំហាន​ទី៧  ការ​លូតលាស់​ទៅ​ថ្ងៃ​អនាគត

ការយកចិត្ត​ទុកដាក់​ទៅលើ​ការលូតលាស់​នៅ​ថ្ងៃ​អនាគត​គឺ​សំខាន់​ណាស់​ព្រោះ​វា​អាច​កាត់បន្ថយ​ការ​ប្រឈម​មុខ​នឹង​គ្រោះថ្នាក់​ឬហានិភ័យ​បាន​។ ប្រសិន​បើ​អ្នក​មិន​យក​ចិត្ត​ទុកដាក់ទៅលើ​វាទេ អ្នក​នឹង​ងាយ​ដួល​នៅពេល​ដែល​អ្នក​ជួប​ប្រទះនូវ​បញ្ហា។

Previous articleគន្លឹះ៣យ៉ាងដែលធ្វើឲ្យយុទ្ធសាស្រ្តទីផ្សារតាមបណ្តាញសង្គមមានការរីកចម្រើន
Next articleវិធី៦យ៉ាងដើម្បីយកឈ្នះដៃគូប្រកួតប្រជែង
ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។