ជំហាន​៥យ៉ាងក្នុងការសម្ភាសន៍ការងារសម្រាប់ម្ចាស់​អាជីវកម្ម

1989

ក្នុងនាម​ជា​ម្ចាស់អាជីវកម្ម​ម្នាក់​ ការ​សម្ភាសន៍​មិនមែន​គ្រាន់តែ​ចង់​វាយតម្លៃ​លើ​បេក្ខជន​ថាតើ​បុគ្គល​នោះ​សាកសម​នឹង​តំណែង​នោះឬក៏អត់​ទេ ​ប៉ុន្តែ​​វា​ជា​ឱកាស​ដ៏​ល្អ​ក្នុង​ការបង្ហាញ​អារម្មណ៍​ដំបូង​ទៅកាន់​បេក្ខជន​។ ទោះបីនេះ​ជា​លើកដំបូង​ក្នុង​ការ​រើស​ឬ​សម្ភាសន៍ អ្នកអាចធ្វើតាមជំហ៊ានខាងក្រោមនេះ៖

១. ជ្រើសរើស​អ្នក​សម្ភាសន៍៖ ការ​សម្ភាស៍​អាច​មាន​មនុស្សតែ​២នាក់​គឺ​អ្នក​សម្ភាសន៍​និង​បេក្ខជន។ ប៉ុន្តែ​​​គេ​ក៏​អាច​​ធ្វើលើស​ពី​២នាក់​ដែរ​ហើយ​​ជាទូទៅគឺ​មិន​លើស​ពី​៥​នាក់ឡើយ។ ចំនួន​ដែល​ល្អ​បំផុត​គឺ​៣នាក់រួមមាន​អ្នក​គ្រប់គ្រងនិង​សមាជិក​ឬ​បុគ្គលិក​ជាដើម​ដែល​ពួកគេ​ត្រូវ​ធ្វើការ​ជាមួយ​គ្នា។ ការធ្វើបេបនេះ​អាចធ្វើឲ្យបេក្ខជនកាត់បន្ថយភាពភ័យខ្លាច​របស់គេបាន។

២.​ កំណត់​រយៈពេល៖ បន្ទាប់ពី​ជ្រើសរើស​អ្នកសម្ភាសន៍​រួច អ្នក​ត្រូវ​កំណត់រយៈពេល​ក្នុង​ការសម្ភាសន៍​។ ពេលវេលា​គឺ​អាស្រ័យ​លើ​មុខតំណែង​ដែល​គេ​ជ្រើសរើស។

៣. រៀបចំ​ដំណើរការ​សម្ភាសន៍​តាមលំដាប់​៖ ការរៀបចំ​ឲ្យ​មានការ​សម្ភាសន៍​តាម​​លំដាប់​លំដោយ​គឺជួយ​ឲ្យ​​ដំណើរកា​រ​មាន​ភាពរលូន​ទៅមុខ​​បាន​។ ជាក់ស្តែង​​អ្នក​​អាចរៀបចំ​កន្លែងសម្ភាសន៍ជាមុនហើយ​ត្រូវ​ធ្វើឲ្យ​ប្រាកដថា​មាន​លក្ខណៈ​ផ្ទាល់ខ្លួន​​និង​កាត់បន្ថយ​ការរំខាន​ពីខាង​ក្រៅ​។ អ្នក​ក៏​អាច​រៀបចំ​កាលវិភាគ​និង​ប្រាប់​ដល់​អ្នក​ដែល​នឹង​មក​ចូលរួម​ក្នុង​សម្ភាសន៍ដទៃទៀត​ដើម្បី​ធ្វើឲ្យ​ប្រាកដ​​​ថា​​ពួកគេ​មាន​ពេល​ចូលរួមក្នុង​ករណី​ដែល​​មាន​អ្នក​សម្ភាសន៍​លើស​ពី​ម្នាក់​។ ជា​ចុងក្រោយអ្នក​ត្រូវ​​​ប្រាប់​ជា​ព័ត៌មាន​ទៅ​បេក្ខជន​នូវ​ទីតាំង​និង​ម៉ោង​ឲ្យ​បានច្បាស់លាស់។

៤. ការរៀបចំ​ការសម្ភាសន៍​និង​សំណួរ​៖ សំណួរ​សម្រាប់​សម្ភាសន៍​ជារឿង​មិនអាច​ខ្វះបាន​​ហើយ​វា​អាស្រ័យ​ទៅលើ​មុខតំណែង​នីមួយៗ។ ​ប៉ុន្តែគេ​ត្រូវ​ការ​សម្ភារៈ​មួយចំនួន​ទៀត​ដែលគេ​ត្រូវ​មាន​មុនពេលទៅ​សម្ភាស​​បេក្ខជន​​ដូចជា ក្រដាសពណ៌នា​ពី​ការងារ លក្ខខណ្ឌ័​ក្នុង​ការជ្រើសរើស និង​ជីវ​ប្រវត្តិ​របស់​បេក្ខជន​​ទុកជាមុន​។

៥. កាត់បន្ថយ​ស្រ្តេស​បេក្ខជន​និង​បញ្ហា​នានា៖ ការដាក់សម្ពាធ​លើ​បេក្ខជន​បង្ហាញ​ពី​រូបភាព​មិនល្អ​ដល់ពួកគេ​និង​មិន​អាច​ឲ្យ​អ្នកជ្រើស​បាន​បេក្ខជន​ដែល​សាកសម​នឹង​តំណែង​នោះទៀត​ផង​។ ផ្ទុយទៅវិញ​អ្នក​អាច​បញ្ជាក់​ប្រាប់​ពី​រយៈ​ពេល​សម្ភាសន៍ នរណា​ជា​អ្នកសម្ភាសន៍ និង​លេខទូរស័ព្ទ​ទំនាក់ទំនង​ទៅ​បេក្ខជន​​ដើម្បី​កុំឲ្យ​គេ​មាន​អារម្មណ៍ភ័យខ្លាច​។​

Previous articleគន្លឹះងាយៗក្នុងការចាប់ផ្តើមអាជីវកម្មនៅផ្ទះ
Next articleចំណុច៣យ៉ាងសម្រាប់បរិយាកាសការងារជោគជ័យ
ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។