spot_img
spot_img
Homeអភិវឌ្ឍន៍ខ្លួនឯងដើម្បីបញ្ជាក់ថា អ្នកពិតជាមានសមត្ថភាពគួរឱ្យជឿជាក់បាន តើត្រូវធ្វើដូចម្ដេច?

ដើម្បីបញ្ជាក់ថា អ្នកពិតជាមានសមត្ថភាពគួរឱ្យជឿជាក់បាន តើត្រូវធ្វើដូចម្ដេច?

-

ខណៈពេលដែលអ្នករវល់ធ្វើការងារឱ្យបានល្អ រីឯអ្នកផ្សេងទៀតហាក់ដូចជាឈានទៅមុខយ៉ាងលឿនក្នុងអាជីពរបស់ពួកគេ។ តើ​មាន​រឿង​អ្វី​កើតឡើង?

ចម្លើយ

ទី1. អ្នកមិនត្រូវបានគេមើលឃើញនិងទទួលស្គាល់

ទី2. ថ្នាក់ដឹកនាំឬអ្នកគ្រប់គ្រងមិនពូកែវាយតម្លៃសមត្ថភាព

ត្រង់ចំណុចនេះ ចូរចងចាំថា លក្ខណៈសំខាន់នៃជោគជ័យក្នុងការងារ និងការយល់ឃើញអំពីសមត្ថភាព​ គឺមានសារៈសំខាន់ណាស់ចំពោះភាពជោគជ័យដូចជាការមានសមត្ថភាពពិតប្រាកដ។

ដើមហេតុនៃការបង្កើតគុណភាពលើសមត្ថភាពផ្ទាល់ខ្លួន

លទ្ធផលការងារមួយចំនួន កើតឡើងពីការខិតខំប្រឹងប្រែង និងប្រើសមត្ថភាពទេពកោសល្យ ប៉ុន្តែលទ្ធផលការងារខ្លះ គ្មានការខិតខំខ្លាំងក៏ទទួលបានលទ្ធផលដែរ តាមរយៈអតិថិជនជឿជាក់ និងផលិតផលសេវាកម្មមានគុណភាពស្រាប់ជាដើម។ ឧទាហរណ៍ការលក់៖ ការលក់របស់មនុស្សម្នាក់អាចកើនឡើងបានជារៀងរហូត ទោះបីជាគេម្នាក់នោះគ្មានការខិតខំប្រឹងប្រែងខ្លាំងក៏ដោយ នោះសារតែគុណភាពផលិតផលឬកិច្ចខិតខំប្រឹងប្រែងនៃការធ្វើទីផ្សារ ដែលជាចុងក្រោយក៏ទទួលបានផល។ ប្រសិនបើការលក់ធ្លាក់ចុះ វាអាចជាលទ្ធផលនៃការប្រកួតប្រជែងកើនឡើងជាដើម។

កត្តានេះហើយទើបជារឿយៗមានការពិបាកក្នុងការបែងចែកថា អ្នកណាធ្វើសកម្មភាពជាក់ស្តែងលើកិច្ចការងារ រួមទាំងកម្រិតសំណាងនិងកម្រិតលំបាកដែលបានបំពេញកិច្ចការងារទាំងនោះ។ អាស្រ័យហេតុនេះហើយ បានជាមនុស្សមាននិន្នាការវាយតម្លៃសមត្ថភាពដោយផ្អែកលើកត្តាផ្សេងៗ មានន័យថា អ្នកត្រូវធ្វើច្រើនជាងបង្កើតលទ្ធផលដើម្បីបញ្ចុះបញ្ចូលឱ្យថ្នាក់ដឹកនាំ ឬប្រធានគ្រប់គ្រងបានឃើញពីជំនាញរបស់អ្នក។ វិធីមួយដើម្បីធ្វើដូចនេះ គឺ “បង្ហាញទំនុកចិត្តលើសមត្ថភាពរបស់អ្នក” ។

ការសិក្សាស្រាវពីទំនុកចិត្ត និងសមត្ថភាព

ការសិក្សាស្រាវជ្រាវពីឆ្នាំ 1982 បានឈ្វេងយល់ពីទំនាក់ទំនងនេះ រវាងទំនុកចិត្តនិងការយល់ឃើញអំពីសមត្ថភាព។ អ្នកចិត្តសាស្រ្ត Barry Schlenker និង Mark Leary បានសួរមុខវិជ្ជាចំនួន 48 ដើម្បីវាយតម្លៃសមត្ថភាព (ក្នុងចំណោមលក្ខណៈផ្សេងទៀត) ទៅកាន់មនុស្សចំនួន 60នាក់ដែលកំពុងប្រឈមមុខនឹងការប្រកួតកីឡាវាយកូនបាល់ឬការប្រលងចុងក្រោយ។

មុខវិជ្ជាទទួលបានព័ត៌មានសំខាន់ពីរយ៉ាង៖ ពួកគេបានរៀនពីអ្វីដែលមនុស្សស្រមើស្រមៃព្យាករណ៍ពីការសម្តែងរបស់ពួកគេពីអន់រហូតដល់ល្អ។ បន្ទាប់មកពួកគេបានរៀនពីការធ្វើសកម្មភាពជាក់ស្តែងរបស់ពួកគេរៀងខ្លួន បន្ទាប់ពីនោះ អ្នកចិត្តសាស្រ្តទាំង2 រូប ចាប់ផ្ដើមវាយតម្លៃសមត្ថភាពរបស់ពួកគេដែលបានស្រមៃម្នាក់ៗ។

លទ្ធផលវាយតម្លៃ

  • អ្នកសង្កេតការណ៍Barry SchlenkerនិងMark Leary បានវាយតម្លៃលើអ្នកដែលធ្វើការព្យាករណ៍សុទិដ្ឋិនិយមថា មានសមត្ថភាពច្រើនជាងមនុស្សសម័យបច្ចុប្បន្នរបស់ពួកគេ ដោយមិនបានគិតថាការទស្សទាយទាំងនោះត្រឹមត្រូវនិងល្អប៉ុណ្ណាទេ។ ទោះបីជាមានការព្យាករណ៍សុទិដ្ឋិនិយមនិងលទ្ធផលគួរឱ្យរន្ធត់ក៏ដោយ ក៏ពួកគេនៅតែត្រូវបានវាយតម្លៃថា មានសមត្ថភាពស្ទើរតែទ្វេដងដូចអ្នកដែលព្យាករណ៍បានត្រឹមត្រូវអំពីលទ្ធផលមិនល្អរបស់ពួកគេ។ នេះហាក់ដូចជាបង្ហាញថា ប្រសិនបើនរណាម្នាក់សួរពីរបៀបដែលអ្នករំពឹងថានឹងធ្វើសកម្មភាពបំពេញអ្វីមួយ អ្នកគួរតែផ្តល់នូវការឆ្លើយតបប្រកបដោយទំនុកចិត្តនិងវិជ្ជមាន។ ការព្យាករណ៍អវិជ្ជមានអាចនាំឱ្យអ្នកត្រូវបានគេយល់ថា អ្នកមានសមត្ថភាពមិនសូវច្បាស់ ទោះបីអ្នកអនុវត្តបានល្អប៉ុណ្ណាក៏ដោយ។

សរុបមក តាមរយៈការសិក្សាស្រាវជ្រាវរបស់ Schlenker &Leary បានរកឃើញថា ការបង្ហាញចេញដោយទំនុកចិត្តនឹងនាំឱ្យមានផលវិជ្ជមាននៅពេលដែលវាគ្មានការប្រៀបធៀប មានន័យថា ការលើកសរសើរលើសមត្ថភាពផ្ទាល់ខ្លួនបានល្អ លុះត្រាតែអ្នកមិនអះអាងថាអ្នកដទៃគ្មានសមត្ថភាព។

កុំបង្ហាញពីទំនុកចិត្តក្លែងក្លាយ

ប្រសិនបើអ្នកបង្ហាញពីទំនុកចិត្តក្លែងក្លាយ នៅពេលអ្នកដឹងថាអ្នកនឹងធ្វើមិនបានល្អ នោះវានឹងមិនផ្តល់ផលល្អដល់អ្នកឡើយ ដូច្នេះចូរប្រកាន់ភ្ជាប់នូវការធ្វើឱ្យសមត្ថភាពរបស់ខ្លួនឯងកាន់តែខ្លាំង ព្រមទាំងជឿជាក់លើសមត្ថភាពខ្លួនឯងឱ្យបានខ្លាំងដូចគ្នាទើបជាការប្រសើរបំផុត ដើម្បីបន្តបង្កើតនូវផលិតភាពការងារខ្ពស់ និងផ្ដល់ទំនុកចិត្តខ្ពស់ដល់មនុស្សជុំវិញ។

របៀបឱ្យអ្នកដទៃជឿជាក់លើសមត្ថភាពរបស់អ្នក

ដើម្បីបញ្ចុះបញ្ចូលអ្នកដទៃឱ្យបានឃើញ ជឿជាក់ និងទទួលស្គាល់ពីសមត្ថភាពរបស់អ្នក អ្នកត្រូវ៖

  • បង្កើតទម្លាប់ក្នុងការទំនាក់ទំនងថា អ្នកពូកែអ្វីដែលអ្នកធ្វើ ដោយគ្មានការបន្ទាបបន្ថោកខ្លួនឯងទាក់ទងនឹងសមត្ថភាពស្នូលរបស់អ្នកឡើយ មានន័យថា ខ្លាំងពូកែអ្វីតែបង្ហាញ និងលើកសរសើរខ្លួនឯងដោយភាពជឿជាក់ ចូរកុំរិះគន់ខ្លួនឯង ថាខ្លួនគ្មានមិនចេះ និងគ្មានសមត្ថភាពខ្លាំងជាដើម
  • ព្យាយាមបង្ហាញពីភាពជឿជាក់មុនដំបូងគេ ហើយដើម្បីបង្កើតភាពជឿជាក់បែបនេះបាន ជំហានដំបូងអ្នកត្រូវសួរខ្លួនឯងថា តើខ្ញុំពូកែអ្វី? តើអ្វីជាជោគជ័យធំបំផុតរបស់ខ្ញុំរហូតមកដល់ពេលនេះ? ហេតុអ្វីបានជាអ្នកដទៃគួរដឹកនាំដោយខ្ញុំ? អ្វីដែលខ្ញុំដឹងថាពួកគេមិនធ្វើ? ប្រសិនបើអ្នកពិបាកឆ្លើយសំណួរទាំងនេះ គឺអ្នកកំពុងមានបញ្ហា មានន័យថា តើអ្នកគួរបញ្ចុះបញ្ចូលអ្នកដទៃពីជំនាញរបស់អ្នកយ៉ាងដូចម្តេច បើអ្នកមិនជឿជាក់លើខ្លួនឯងផង?

ទស្សនវិទូ Francis Bacon បាននិយាយថា “សរសើរខ្លួនឯងដោយភាពក្លាហាន ពីព្រោះដូចដែលគាត់បានបន្តថា “អ្វីមួយតែងតែនៅជាប់ជានិច្ច” ប្រសិនបើអ្នកចង់ធានាថាសមិទ្ធផលរបស់អ្នកត្រូវបានគេទទួលស្គាល់ សូមគិតអំពីរបៀបដែលអ្នកគ្រប់គ្រងនិងសហការីរបស់អ្នកមើលឃើញអ្នកនិងសមត្ថភាពរបស់អ្នក។ តើអ្នកគិតថាពួកគេមានអារម្មណ៍ល្អចំពោះសមត្ថភាពនិងជំនាញរបស់អ្នកទេ? បើមិនដូច្នោះទេតើអ្នកអាចបង្ហាញពីទំនុកចិត្តបន្ថែមលើកិច្ចការរបស់អ្នកទេ? នេះមិនមានន័យថា កោតសរសើរខ្លួនឯងគ្រប់ឱកាសនោះទេ។ ផ្ទុយទៅវិញវាមានន័យថា បង្ហាញពីអាកប្បកិរិយាសុទិដ្ឋិនិយម តាមរយៈការបង្ហាញទំនុកចិត្តបន្ថែមលើសមត្ថភាពរបស់អ្នក នោះអ្នកកំណត់ខ្លួនអ្នកឱ្យមានការទទួលស្គាល់ចំពោះសមត្ថភាពនិងការរួមចំណែករបស់អ្នក។

Sann Thaven
Sann Thavenhttp://www.kumnit.com
គឺជាអ្នកបង្កើតគំនិត និងសរសេរមាតិកា ពាក់ព័ន្ធនឹងការធ្វើអាជីវកម្ម ភាពជាអ្នកដឹកនាំ សេវាកម្មអតិថិជន ទីផ្សារ ការលក់ និងអាជីពការងារ។ កញ្ញាគឺជានិស្សិតថ្នាក់បរិញ្ញាបត្រគ្រប់គ្រងពាណិជ្ជកម្មអន្តជាតិ។ ចំណង់ចំណូលចិត្ត គឺរៀនអ្វីថ្មីៗ និងចូលរួមកិច្ចការងារសង្គម។

រៀនពីអ្វីថ្មីៗ

spot_img

អត្ថបទថ្មិៗ