ដំណើរស្វែងរកសុភមង្គល

1115

ថ្ងៃមួយ​ ​មនុស្ស​មួយក្រុម​មាន​គ្នា​៥០០នាក់​បាន​ចូលរួម​នៅក្នុង​សិក្ខាសាលាមួយ។ រំពេច​នោះ​វាគ្មិនបានឈប់​និយាយ ហើយ​ក៏​សម្រេច​បង្កើត​កម្មវិធីមួយឡើង។ គាត់​បាន​ឲ្យ​ប៉េងប៉ោង​ទៅអ្នកចូលរួមម្នាក់​មួយ ហើយ​ម្នាក់ៗត្រូវបានតម្រូវ​ឲ្យ​សរសេរ​ឈ្មោះ​រៀង​ៗខ្លួន​​ដោយប្រើប្រាស់​ប៊ិច​ហ្វឺតនៅលើប៉េងប៉ោងនោះ។ បន្ទាប់មក ប៉េងប៉ោង​ទាំងអស់​ត្រូវបាន​ប្រមូល​ឡើង​វិញ ហើយ​យក​ទៅដាក់​នៅក្នុង​បន្ទប់មួយ។

អ្នកចូលរួម​ត្រូវបាន​តម្រូវឲ្យ​ចូលទៅក្នុង​បន្ទប់​ដាក់ប៉េងប៉ោង​នោះ​ហើយ​ពួកគេ​ម្នាក់​ៗត្រូវ​បាន​ស្នើឲ្យ​រក​ប៉េងប៉ោងដែល​ឈ្មោះ​របស់​ខ្លួន​ឲ្យ​ឃើញ​ក្នុង​រយៈពេល​៥នាទី។ គ្រប់ៗគ្នា​បាន​ដុតដៃដុតជើង​ជាខ្លាំង​ក្នុងដំណើរ​ស្វែងរក​ប៉េងប៉ោង​ដែលមាន​ឈ្មោះ​របស់ពួកគេ ហើយ​ក្នុង​ខណៈនោះ ពួកគេ​ក៏បាន​ប៉ះ​ទង្គិចគ្នា រុញគ្នា​ទៅវិញទៅមក ដែលមើលទៅ​មានសភាព​រញ៉េរញ៉ៃ។

៥នាទីក្រោយមក គ្មាន​នរណាម្នាក់​ដែលអាច​រកឃើញ​ប៉េងប៉ោង​របស់ខ្លួន​នោះទេ។ ពេលនោះ វាគ្មិន​បាន​ស្នើទៅពួកគេម្តងទៀត​ដោយ​ធ្វើការ​រើស​យកប៉េងប៉ោង​ម្នាក់មួយ​ដោយ​មិនបាច់ខ្វល់​ថា​មាន​ឈ្មោះអ្នកណានោះទេ ហើយ​បន្ទាប់​មក​យក​ប៉េងប៉ោង​នោះទៅប្រគល់ឲ្យ​ម្ចាស់​ដើម​ដែលមានឈ្មោះ​លើ​ប៉េងប៉ោង​នោះ។ ក្នុងរយៈពេល​១នាទី ម្នាក់ៗទទួលបាន​ប៉េងប៉ោង​ដែលមាន​ឈ្មោះខ្លួនឯងរៀងៗខ្លួន។

វាគ្មិន​ក៏បាន​បន្តថា “អ្វីៗទាំង​នេះ​គឺតែងតែកើតមាន​ប្រចាំថ្ងៃ គឺម្នាក់ៗ​ខិតខំស្វែងរក​សុភមង្គល​នៅជុំវិញខ្លួន ដោយ​មិនដឹងថា​វានៅទីណា​ឲ្យ​ពិត​ប្រាកដ”។

សុភមង្គល​របស់យើង​គឺ​ស្ថិត​នៅលើ​សុភមង្គល​របស់អ្នកដទៃ។ នៅពេលដែលអ្នកឲ្យ​សុភមង្គល​ទៅអ្នកទាំងនោះ អ្នកនឹងទទួលបាន​សុភមង្គល​របស់អ្នកពីគេវិញ។ នេះគឺជាបំណង​នៃជីវិតរបស់​មនុស្ស…គឺការស្វែងរកសុភមង្គល។

សុភមង្គល​របស់យើង​គឺ​ស្ថិត​នៅលើ​សុភមង្គល​របស់អ្នកដទៃ

Previous articleរបៀបរៀបចំហិរញ្ញវត្ថុនៃអាជីវកម្មរបស់អ្នក
Next articleកម្ម​វិធី StartUp Party
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។