តើពិជគណិតជាអ្វី?

2464

បើ​និយាយ​ឲ្យ​ចំ​ទៅ ពិជគណិត​គឺជាការ​ស្វែង​រក​ចំនួន​ដែល​យើង​មិនដឹង ឬ​ក៏គឺជា​ការ​​​បម្លែង​បញ្ហា​ដែល​មាន​នៅក្នុង​ជីវិត​ ប្រចាំ​ថ្ងៃ​ទៅ​ជា​សមីការ​ដើម្បី​ធ្វើការ​ដោះស្រាយ។ សៀវ​ភៅ​ជាច្រើនដែលបាន​បោះ​ពុម្ភអំពី​មុខវិជ្ជា​នេះ មិនបាន​ធ្វើ​ការ​ពន្យល់​បកស្រាយ​ថា​ ពិជគណិត​គឺជា​មុខវិជ្ជា​ សម្រាប់​ធ្វើការ​ដោះស្រាយ​បញ្ហា​ក្នុង​ជីវិត​ពិត​នោះទេ ប៉ុន្តែ​សៀវ​ភៅទាំង​នេះបែរ​ជា​ចាប់​ផ្តើម​ឡើង​ដោយ​ការ​ពន្យល់​ពី​ច្បាប់ ទម្រង់​ការ​ និង​រូបមន្តទៅវិញ។

ពិជគណិត​គឺជា​មែក​ធាង​មួយ​របស់​គណិតវិទ្យាដោយ​ធ្វើការ​ជំនួសលេខ​ដោយអក្សរ។ សមីការ​ពិជគណិត​គឺជា​ការ​តំណាង​ឲ្យ​រង្វាស់​មួយ ហើយ​ប្រសិន​បើ​ផ្នែក​ម្ខាង​នៃ​រង្វាស់​នោះ​មាន​ការ​ប្រែប្រួល វានឹង​ធ្វើឲ្យ​ផ្នែក​ម្ខាង​ទៀត​មាន​ការ​ប្រែ​ប្រួល​ផងដែរ។ ពិជគណិត​អាចរួម​បញ្ចូល ចំនួន​ពិត ចំនួន​កំផ្លេច(Complex numbers), ម៉ាទ្រីស វ៉ិចទ័រ​ ជាដើម ។ល។

ឧទាហរណ៍៖ សុខ​បាន​កាន់​ប៉េង​ប៉ោង​ជាច្រើន​ជាប់​នឹង​ដៃ​របស់​គេ។ ប៉ុន្តែ​មួយ​រំពិចនោះ​មាន​ខ្យល់​មួយយ៉ាងធំបាន​បក់​មក ធ្វើ​ឲ្យ​ប៉េងប៉ោងចំនួន​៨​បាន​ហោះទៅបាត់ ដែលធ្វើ​ឲ្យ​សុខ​នៅ​សល់​តែ​ប៉េង​ប៉ោង​ចំនួន​៩​ប៉ុណ្ណោះ​នៅ​ក្នុង​ដៃ។ តើ​សុខ​មាន​ប៉េងប៉ោង​សម្រុប​ប៉ុន្មាន​មុន​នឹង​ខ្យល់​បក់​យក​ទៅ?

នៅ​ក្នុង​ពិជគណិត លំហាត់​មួយ​នេះ​អាច​បម្លែង​ទៅ​ជា​ទម្រង់​សមីការ​មួយគឺ:

x – 8 = 9

អញ្ញត្តិ​ x គឺ​ជា​អក្សរ​សម្រាប់​តំណាង​ឲ្យ​ចំនួន​ប៉េង​ប៉ោងសម្រុប​​ដែល​យើង​ចង់​រក។ យើង​ដឹង​ថា ខ្យល់​បាន​បក់​ផាត់​ប៉េងប៉ោង​ចំនួន​៨​ទៅបាត់ ហើយ​យើង​ដឹង​ទៀត​ថា ចំនួន​ប៉េងប៉ោង​ដែល​សល់​នៅ​ក្នុង​ដៃ​សុខ​មាន​ចំនួន​៩។ (ចូរ​ចាំ​ថា x គឺជា​អក្សរ​ដែល​គេនិយម​ប្រើ​ច្រើនជាងគេ​ដើម្បី​តាង​ឲ្យ​ចំនួន​ដែល​យើង​ ​ចង់រក។ បើយើង​ធ្វើ​ការដោះស្រាយ​សមីការ​នេះ x – 8 = 9 នោះ​គឺយើងគ្រាន់​តែ​ធ្វើការ​បោះ​៨ ទៅ​ខាងស្តាំ​ដៃ នោះសមីការ​នឹង​ក្លាយទៅជា x= 8 + 9។ ដូច្នេះ​យើង​ឃើញ​ហើយ​ថា ចំនួន​ប៉េងប៉ោងសម្រុប x=17។

ហេតុអ្វី​បានជាយើង​ត្រូវការ​ពិជគណិត?

គឺ​មាន​តែ​អ្នក​ប៉ុណ្ណោះដែល​អាច​ឆ្លើយ​នឹងសំនួរ​នេះ​បាន។ ប៉ុន្តែ​អ្នក​ត្រូវចាំ​ថា ពិជគណិតគឺជា​ស្ពាន​មួយ​សម្រាប់​ឈាន​ឆ្ពោះ​ទៅ​ចាប់​នូវ​មុខ​វិជ្ជា​គណិត​កម្រិត​ខ្ពស់​ដ៏ទៃ​ទៀត។ ប្រសិន​បើអ្នក​មិន​មាន​មូលដ្ឋាន​គ្រឹះ​ផ្នែក​ពិជគណិត​នេះទេ អ្នក​នឹងមិនអាចឈាន​ដល់គោល​ដៅ​របស់​អ្នកឡើយ។ ពិជគណិត​គឺជា​វិជ្ជា​ដែល​បង្កើន​សមត្ថភាពរបស់​អ្នក​ដូចជា​ការ​ ការគិត តក្កវិជ្ជា លំអាន ការដោះស្រាយ​បញ្ហា ការគិត​ពិចារណា​បាន​ល្អ ។ល។ កម្រិត​ចំណេះដឹងផ្នែក​គណិតវិទ្យា​កាន់តែ​ខ្ពស់ ឱកាសការងារ​​របស់អ្នក​នៅ​ក្នុងផ្នែក វិស្វកម្ម រូបវិទ្យា សរសេរកូដកុំព្យូទ័រ ។ល។ ក៏កាន់​តែ​សម្បូរបែប​ផងដែរ។ គណិត​វិទ្យា​កម្រិត​ខ្ពស់​ក៏ជា​តម្រូវការមួយ​ដ៏ចាំបាច់​សម្រាប់​បន្ត​ការ​សិក្សារ​នៅ​ក្នុង​ថ្នាក់​ឧត្តមសិក្សាផងដែរ។

 

ប្រភព៖http://math.about.com/od/algebra/a/WhyAlgebra.htm

Previous articleទ្រឹស្តី​នៃ​ស្នេហា
Next articleគណិតវិទ្យារីករាយ៖ គណនាចំនួនលេខស្វ័យគុណ២(ចំនួនខិតជិត១០០) ដោយប្រើរយៈពេលតិចជាង៥វិនាទី
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។