spot_img
spot_img
Homeទូទៅតើ IOS version 14.5 របស់ Apple ប៉ះពាល់ទៅលើអ្នកលក់តាមអនឡាញឬទេ?

តើ IOS version 14.5 របស់ Apple ប៉ះពាល់ទៅលើអ្នកលក់តាមអនឡាញឬទេ?

-

កាលពីថ្ងៃទី២៦ ខែមេសា ឆ្នាំ២០២១ កន្លងទៅនេះ ក្រុមហ៊ុនទូរស័ព្ទឆ្លាតវៃ និងជាក្រុមហ៊ុនដែលឈានមុខគេមួយលើផ្នែកបច្ចេកវិទ្យានៅក្នុងពិភពលោក Apple បានប្រកាសដាក់ឲ្យប្រើប្រាស់ជាផ្លូវការនូវប្រព័ន្ធ Software ISO 14.5 ដែលជាប្រព័ន្ធ Software ជំនាន់ក្រោយបំផុតរបស់ខ្លួនជាសាធារណៈ ដែលធ្វើឲ្យមានការប្រែប្រួលគួរឲ្យកត់សម្គាល់ទៅលើប្រព័ន្ធផ្សព្វផ្សាយ (Advertising) នៅលើគេហទំព័រនានា ពិសេសនោះគឺគេហទំព័របណ្តាញសង្គម ហ្វ៊េសប៊ុក (Facebook) និងក្រុមហ៊ុនជាដៃគូររចនាសម័្ពន្ធរបស់ខ្លួនមួយចំនួនទៀត។ ការប្រែប្រួលនេះក៏ព្រោះថាក្រុមហ៊ុនទូរស័ព្ទ Apple បានធ្វើការរឹតបន្តឹងទៅលើឯកជនភាព (Users Privacy) របស់អ្នកប្រើប្រាស់ផលិតផលរបស់ខ្លួន ដែលមានដូចជា iPhone iPad និងផលិតផលដទៃជាច្រើនទៀត។

គួរបញ្ជាក់ផងដែរថា ប្រព័ន្ធ Software ដែលរឹតបន្តឹងលើឯកជនភាពរបស់អ្នកប្រើប្រាស់នេះ ត្រូវបានគេស្គាល់ជាផ្លូវការថា App Tracking Transparency ដែលអនុញ្ញាតឲ្យអ្នកប្រើប្រាស់ផលិតផលរបស់ក្រុមហ៊ុន Apple នេះអាចមានជម្រើសក្នុងការកំណត់ទិន្នន័យរបស់ខ្លួន។ តួយ៉ាងទិន្នន័យដូចជា អាយុ ទីតាំង ចំនង់ចំនូលចិត្ត ព័ត៌មានពីសុខភាពរបស់អ្នក ត្រូវបានក្រុមហ៊ុនប្រព័ន្ធផ្សព្វផ្សាយ ជាច្រើនអាចទាញយកមកប្រើប្រាស់ ដោយពុំបានឲ្យអ្នកដឹងឡើង។ ឧទាហរណ៍៖ តើលោកអ្នកធ្លាប់ជួបបទពិសោធរបៀបនេះដែរឬទេ? នៅពេលដែលអ្នកបានស្វែងរកផលិតផលណាមួយនៅលើវេបសាយមួយ ហើយបន្ទាប់ពីចេញពីវេបសាយនោះមក អ្នកចាប់អារម្មណ៍ឃើញមានការផ្សព្វផ្សាយជាច្រើនទាក់ទងទៅនឹងផលិតផលស្រដៀងគ្នានោះ នៅលើបណ្តាញសង្គមនានា។ នេះហើយគឺជាការទាញយកទិន្នន័យរបស់អ្នកប្រើប្រាស់ដោយអ្នកពុំបានដឹងខ្លួន។ មិនត្រឹមតែប៉ុណ្ណោះ បញ្ហានេះបាននឹងកំពុងក្លាយជាប្រធានបទដ៏ក្តៅមួយនៅលើពិភពលោក ពិសេសគឺនៅតំបន់អ៊ឺរ៉ុប និងអាមេរិក ក៏ព្រោះតែប្រជាជននៅតំបន់ទាំងនោះយល់ថាក្រុមហ៊ុនផ្សព្វផ្សាយបានរំលោភបំពានលើសិទ្ធិសេរីភាព និងឯកជនភាពរបស់ពួកគេ។

ដូច្នេះដើម្បីឆ្លើយតប ទៅនិងសំណួរនៃប្រធានបទរបស់យើងខាងលើ

ការផ្លាស់ប្តូរ និងរឹតបន្តឹងនេះមិនបានធ្វើឲ្យប៉ះពាល់ដល់ការផ្សព្វផ្សារ (Boosting) របស់បងប្អូនអាជីវករ ឬអ្នកលក់អនឡាញ នោះទេ ដោយបងប្អូននៅតែអាចកំណត់អតិថិជនគោលដៅ (Ad Targeting) បានដូចពីមុនដដែល និងពុំមានបញ្ហាអ្វីកើតឡើងនោះទេ ប្រសិនបើបងប្អូនធ្វើការកំណត់ និងផ្សព្វផ្សាយវានៅក្នុងរង្វង់បណ្តាញសង្គម ហ៊្វេសប៊ុក នោះ។ ក៏ប៉ុន្តែការផ្លាស់ប្តូរនេះ បានធ្វើឲ្យប៉ះពាល់ដល់ទីផ្សារអាជីវកម្មរបស់ក្រុមហ៊ុនផ្នែកផ្សព្វផ្សាយមួយចំនួនធំ ពិសេសគឺទៅលើក្រុមហ៊ុនដែលចង់ធ្វើការផ្សព្វផ្សាយទាញយកអតិថិជនពីបណ្តាញសង្គមណាមួយ ជាក់ស្តែងដូចជាបណ្តាញសង្គម ហ៊េ្វសប៊ុក (Facebook) ទៅកាន់កម្មវិធីទូរស័ព្ទ ឬវេបសាយរបស់ខ្លួន ព្រោះថាការទាញទិន្នន័យរបស់អតិថិជនគឺលែងងាយដូចមុនទៀតហើយ៕

ខៀក វិទ្យារតនៈ
ខៀក វិទ្យារតនៈhttp://www.kumnit.com%20
លោក ខៀក វិទ្យារតនៈ គឺជាអ្នកបង្កើត និងសរសេរមាតិការនៅក្នុងគេហទំព័រ គំនិត ផ្នែកបច្ចេកវិទ្យា ផ្នែកយុទ្ធសាស្ត្រទីផ្សារឌីជីថល ផ្នែកធុរកិច្ច និងផ្នែកចំណេះដឹងទូទៅ។ សព្វថ្ងៃនេះ លោកមានតួនាទីជា Business Development Manager ដែលកំពុងតែបម្រើការងារនៅក្នុងហាងសៀវភៅអនឡាញ Naek Arn ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន គំនិត។ ចំពោះប្រវត្តិសិក្សាវិញ លោកគឺជានិស្សិតដែលបញ្ចប់ការសិក្សាផ្នែក វិទ្យាសាស្ត្រពាណិជ្ជកម្មអេឡិចត្រូនិក និងភស្តុភារកម្ម (Science of eCommerece & Logistics) ពីវិទ្យាស្ថានជាតិ និបតិក (NIPTICT) ក៏ដូចជានិស្សិតដែលបញ្ចប់ការសិក្សាថ្នាក់បរិញ្ញាប័ត្រ ផ្នែក Professional Communication នៅសកលវិទ្យាល័យភូមិន្ទភ្នំពេញផងដែរ (RUPP)។ មិនត្រឹមតែប៉ុណ្ណោះ លោកក៏ជាអ្នកជំនាញខាងផ្នែក Digital Marketing Associate ដែលមានវិញ្ញាបនប័ត្រទទួលស្គាល់ដោយក្រុមហ៊ុន Facebook ផ្ទាល់ផងដែរ។ លោកក៏ជាមនុស្សដែលចូលចិត្តវិភាគវែកញែកនៅលើប្រធានបទផ្សេងៗ ស្វែងយល់ពីអ្វីថ្មីៗ ចូលចិត្តការធ្វើដំណើរកម្សាន្តដើម្បីរៀនពីបរិបទសង្គម និងតាមដានគ្រប់ព័ត៌មានទូទៅទាំងក្នុង និងក្រៅប្រទេស៕

រៀនពីអ្វីថ្មីៗ

spot_img

អត្ថបទថ្មិៗ