តើ Page Facebook ដែលត្រូវតាមស្តង់ដារ ចាំបាច់ត្រូវមានអ្វីខ្លះ?

232

ការរៀបចំ Page ឲ្យត្រឹមត្រូវតាមស្តង់ដារដែលក្រុមហ៊ុន Facebook បានកំណត់គឺពិតជាសំខាន់ណាស់ ព្រោះវាជាចំណែកមួយដែលអាចជួយឲ្យ Page របស់លោកអ្នកមានព័ត៌មានគ្រប់គ្រាន់ និងពេញលេញសម្រាប់អ្នកទស្សនា និងអតិថិជនងាយស្រួលក្នុងការស្វែងរក ក៏ដូចជាបង្កើនទំនុកចិត្តទៅដល់អតិថិជនផងដែរ។ ខាងក្រោមនេះជាចំណុចមួយចំនួនដែល Page Facebook របស់បងប្អូនចាំបាច់ត្រូវមានដើម្បីក្លាយជា Page មួយដែលមានស្តង់ដារ។

១. រូបភាព Profileរូបសញ្ញាតំណាង

ការមានរូបភាព Profile ឬរូបសញ្ញាជាតំណាង (logo) ជួយឲ្យ Page លោកអ្នកមានភាពខុសប្លែកពី Page ដទៃនិងមិនធ្វើឲ្យអតិថិជនមានការភ័ន្តច្រលំដោយប្រការណាមួយឡើយ។ គំនិត សូមណែនាំឲ្យលោកអ្នកគួរតែមាននូវ រូបសញ្ញាជាតំណាង (logo) ដែលជារបស់ខ្លួន និងមិនចម្លងពីអ្នកដទៃដើម្បីបង្កើតជាម៉ាកសញ្ញាផ្ទាល់ខ្លួនសម្រាប់លោកអ្នក ប៉ុន្តែការបង្កើតរូបសញ្ញាជាតំណាង (logo) នេះតម្រូវឲ្យលោកអ្នកចំណាយថវិការមួយចំនួនក្នុងការបង្កើតវា ដូច្នេះសម្រាប់លោកអ្នកដែលមានលទ្ធភាពតិច លោកអ្នកក៏អាចប្រើរូបភាពជំនួសបណ្តោះអាសន្នក៏បានដែរ។

២. ផ្ទាំង Cover

ចំពោះផ្ទាំង Cover នេះផងដែរ លោកអ្នកអាចប្រើប្រាស់ជារូបភាពដែលបង្ហាញពីព័ត៌មានហាង ព័ត៌មានផលិតផល ឬសេវាកម្មរបស់លោកអ្នក ដើម្បីងាយស្រួលដល់ការស្វែងយល់របស់អតិថិជន។ ផ្ទាំង cover ប្រៀបបីដូចជាស្លាកយីហោ របស់អាជីវកម្មអ្នកអ៊ីចឹង ដូច្នេះអ្នកគួរតែរំលេចតែព័ត៌មានណាដែលសំខាន់ និងចាំបាច់ប៉ុណ្ណោះ ហើយអ្នកក៏គួរជៀសវាងការដាក់នូវព័ត៌មានដែលពុំសូវមានប្រយោជន៍ ព្រោះវាអាចធ្វើឲ្យអតិថិជនរបស់អ្នកពិបាកក្នុងការចាប់យកព័ត៌មានទាំងនោះ។

៣. Page Username

Page Username នេះប្រៀបដូចជាលេខកូដសម្គាល់ខ្លួនអ៊ីចឹង មានន័យថា Page នីមួយៗគឺមានលេខសម្គាល់ខ្លួនផ្សេងៗគ្នា និងមិនអាចដាក់ឲ្យដូចគ្នា ១០០% បាននោះទេ។ Page Username ជួយអតិថិជនឲ្យមានភាពងាយស្រួល និងរហ័សក្នុងការស្វែងរក Page របស់លោកអ្នកដោយគ្រាន់តែធ្វើការវាយ @ បូកជាមួយ Page Username នៅកន្លែងស្វែងរកជាការស្រេច។ ឧទាហរណ៍ លោកអ្នកគ្រាន់តែធ្វើការវាយ @kumnitdotcom នៅក្នុងកន្លែងស្វែងរក នោះលោកអ្នកនឹងឃើញ Page របស់ គំនិត នៅខាងលើគេជាក់ជាពុំខាន។

៤. ប៊ូតុងសម្រាប់ទំនាក់ទំនង Contact Button (Action Button)

សម្រាប់ប៊ូតុងសម្រាប់ទំនាក់ទំនងនេះ លោកអ្នកអាចធ្វើការជ្រើសរើសបានទៅតាមគោលបំណង និងអាជីវកម្មរបស់លោកអ្នក ដែលវាមានជម្រើសមួយចំនួនដូចជា៖ អាចឲ្យអតិថិជនអាចធ្វើការណាត់ជួបជាមួយលោកអ្នក អាចឲ្យអតិថិជនធ្វើការទំនាក់ទំនងមកកាន់លោកអ្នកតាមរយៈការផ្ញើសារ តេទូរស័ព្ទ ផ្ញើជាអ៊ីម៉េល រួមទាំងមុខងារដទៃមួយចំនួនទៀតដូចក្នុងរូបខាងក្រោម។

៥. អាស័យដ្ឋាន និងលេខទូរស័ព្ទទំនាក់ទំនង

ប្រសិនបើលោកអ្នកមានហាង ដែលមានទីកន្លែងច្បាសលាស់ លោកអ្នកអាចបញ្ចូលអាស័យដ្ឋានទីតាំងរបស់ហាងលោកអ្នកបានសម្រាប់អតិថិជនអាចអញ្ចើញមកដល់ទីតាំងផ្ទាល់។ លើសពីនេះ លោកអ្នកក៏អាចបន្ថែមលេខទូរស័ព្ទទំនាក់ទំនង ដែលកាន់តែបន្ថែមភាពងាយស្រួលក្នុងការប្រកបអាជីវកម្មរបស់លោកអ្នកផងដែរ។

ដូច្នេះតើ ផេក របស់បងប្អូនមានព័ត៌មានគ្រប់គ្រាន់តាមស្តង់ដារហើយឬនៅ?

Previous articleម្ចាស់អាជីវកម្មត្រូវតែដឹង ពីស្ថិតិផ្សព្វផ្សាយដ៏មានប្រសិទ្ធភាពនៅអាស៊ី!
Next articleអ្នកដឹកនាំខ្លាំង ត្រូវតែមានធាតុផ្សំជាលក្ខណៈគ្រូបង្វឹក
លោក ខៀក វិទ្យារតនៈ គឺជាអ្នកបង្កើត និងសរសេរមាតិការនៅក្នុងគេហទំព័រ គំនិត ផ្នែកបច្ចេកវិទ្យា ផ្នែកយុទ្ធសាស្ត្រទីផ្សារឌីជីថល ផ្នែកធុរកិច្ច និងផ្នែកចំណេះដឹងទូទៅ។ សព្វថ្ងៃនេះ លោកមានតួនាទីជា Business Development Manager ដែលកំពុងតែបម្រើការងារនៅក្នុងហាងសៀវភៅអនឡាញ Naek Arn ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន គំនិត។ ចំពោះប្រវត្តិសិក្សាវិញ លោកគឺជានិស្សិតដែលបញ្ចប់ការសិក្សាផ្នែក វិទ្យាសាស្ត្រពាណិជ្ជកម្មអេឡិចត្រូនិក និងភស្តុភារកម្ម (Science of eCommerece & Logistics) ពីវិទ្យាស្ថានជាតិ និបតិក (NIPTICT) ក៏ដូចជានិស្សិតដែលបញ្ចប់ការសិក្សាថ្នាក់បរិញ្ញាប័ត្រ ផ្នែក Professional Communication នៅសកលវិទ្យាល័យភូមិន្ទភ្នំពេញផងដែរ (RUPP)។ មិនត្រឹមតែប៉ុណ្ណោះ លោកក៏ជាអ្នកជំនាញខាងផ្នែក Digital Marketing Associate ដែលមានវិញ្ញាបនប័ត្រទទួលស្គាល់ដោយក្រុមហ៊ុន Facebook ផ្ទាល់ផងដែរ។ លោកក៏ជាមនុស្សដែលចូលចិត្តវិភាគវែកញែកនៅលើប្រធានបទផ្សេងៗ ស្វែងយល់ពីអ្វីថ្មីៗ ចូលចិត្តការធ្វើដំណើរកម្សាន្តដើម្បីរៀនពីបរិបទសង្គម និងតាមដានគ្រប់ព័ត៌មានទូទៅទាំងក្នុង និងក្រៅប្រទេស៕