spot_img
spot_img
Homeធុរកិច្ចនិន្នាការរចនាផលិតផលទាំង៧នេះនឹងមានច្រើននៅឆ្នាំ២០២០

និន្នាការរចនាផលិតផលទាំង៧នេះនឹងមានច្រើននៅឆ្នាំ២០២០

-

ជារៀងរាល់ឆ្នាំនៅលើទីផ្សារតែងតែមាននូវផលិតផលថ្មីៗនិងការច្នៃប្រឌិតប្លែកៗដើម្បីផ្គត់ផ្គង់តម្រូវការឲ្យអតិថិជនអ្នកប្រើប្រាស់។តួយ៉ាងដូចជាលក្ខណៈពិសេសរួមមាន ការចុចប៉ះនៅលើអេក្រង់(Touch Screen) ការភ្ជាប់ប៊្លូធូស និងភាពវៃឆ្លាតនៃបច្ចេកវិទ្យា បានរីកសាយភាយគ្រប់ទីកន្លែងក្នុងចំណោមផលិតផលថ្មីនារយៈពេលមួយទស្សវត្សរ៍ចុងក្រោយនេះ រីឯអ្នកជំនាញអាជីវកម្មក៏កំពុងតែរង់ចាំយ៉ាងអន្ទះសារដើម្បីរង់ចាំមើលនូវអ្វីដែលថ្មីដែលអស្ចារ្យចូលមក។ដើម្បីដឹងថាតើឆ្នាំ២០២០មានអ្វីខ្លះនៅក្នុងហាងយើងបានស្នើសុំឲ្យក្រុមសហគ្រិនមួយក្រុមចែករំលែកការព្យាករណ៍នៃការរចនាផលិតផលរបស់ពួកគេសម្រាប់ឆ្នាំខាងមុខ។ខាងក្រោមនេះគឺជានិន្នាការចំនួន៧ដែលពួកគេជឿជាក់ថានឹងទទួលបានលទ្ធផលធំនៅឆ្នាំ២០២០នេះ៖

១ មុខងារពិសេសដែលងាយស្រួលប្រើ

ការរួមបញ្ចូលគ្រប់ជ្រុងជ្រោយបានក្លាយទៅជានិន្នាការដ៏ធំមួយនៅទូទាំងវិស័យជាច្រើននៃអាជីវកម្មហើយការរចនាផលិតផលក៏មិនមានករណីលើកលែងដែរ។លោក Syed Balkhi នៃ WPBeginner ជឿជាក់ថាក្រុមហ៊ុនជាច្រើននឹងចាប់ផ្ដើមបញ្ចូលមុខងារពិសេសបន្ថែមទៀតដើម្បីធ្វើឲ្យផលិតផលរបស់ពួកគេអាចចូលដំណើរការបានសម្រាប់អ្នកប្រើប្រាស់ទាំងអស់ សូម្បី​តែជនពិការផងដែរ។ “ចំពោះការធ្វើបែបនេះ អាជីវកម្មអាចឈានទៅរកទីផ្សារមួយយ៉ាងអស្ចារ្យ និងរក្សាទុកនូវអតិថិជនជាច្រើន” លោកBalkhiនិយាយ។

ផលិតផលពហុមុខងារ

ពីមុន ទាំងទូរស័ព្ទ ទាំងកុំព្យូទ័រ កាម៉េរា មាស៊ីនគិតលេខ និង GPS ត្រូវបានបែងចែកជាផលិតផលផ្សេងៗគ្នា។នៅពេលមុខងារទាំងនោះបញ្ចូលគ្នាទៅក្នុងឧបករណ៍តែមួយ ផលិតផលនោះនឹងក្លាយទៅជាផលិតផលពហុមុខងារ ដែលជួយសម្រួលឲ្យអ្នក ប្រើប្រាស់វាបានកាន់តែងាយស្រួល។ លោក Andrew Scharge ម្ចាស់ក្រុមហ៊ុន Money Crashers Personal Finance មានប្រសាសន៍ថានិន្នាការនេះនឹងបន្តជូនដំណឹងដល់ការរចនាផលិតផលនៅឆ្នាំក្រោយ។នៅក្នុងស្ថានភាពជឿនលឿនផ្នែកបច្ចេកវិទ្យា បច្ចុប្បន្ននេះមនុស្សគ្រាន់តែចង់បាននូវផលិតផលដែលអាចធ្វើអ្វីៗបានច្រើនជាងពីមុន រហ័សជាងមុន និងទាន់សម័យជាងមុន។

៣ ការរចនាបែបសាមញ្ញនិងមានរូបសញ្ញាតិចបំផុត

និន្នាការមីនីម៉ល(minimalism)ដែលមិនមានសញ្ញានៃការថយចុះ ហើយអតិថិជនដែលធ្វើតាមរបៀបរស់នៅបែបនេះរំពឹងថាផលិតផលរបស់ពួកគេនឹងឆ្លុះបញ្ចាំងពីសោភ័ណភាពនោះ។សហស្ថាបនិកWPFormsនិយាយថានៅពេលដែលនិន្នាការនេះនៅតែបន្តកើនឡើងចំពោះអតិថិជន នោះរូបរាងទាន់សម័យដែលមិនរញ៉េរញ៉ៃ និងមានរូបសញ្ញាតូចនៃផលិតផលនឹងបន្តភាពទាក់ទាញដើម្បីទទួលបានការចាប់អារម្មណ៍ខ្ពស់។ម្យ៉ាងវិញទៀតមនុស្សក៏កំពុងតែរកមធ្យោបាយជៀសឆ្ងាយពីភាពរញ៉េរញ៉ៃរបស់ពួកគេ ហើយចង់ឃើញការធ្វើអាជីវកម្មនិងស្លាកយីហោមានភាពដូចគ្នា។

៤ ប្រើប្រាស់វត្ថុធាតុដើមដែលមានពណ៌បៃតងប្រកបដោយនិរន្តភាព

អតិថិជនក៏កំពុងតែងាកទៅរកផលិតផលដែលត្រូវបានផលិតតាមរបៀបប្រកបដោយនិរន្តភាពនឹងបរិស្ថាន។លោកStephanie Wells ​ដែលជាស្ថាបនិកនៃWPFormsគិតថាការរចនាផលិតផលនឹងបន្ត “មានពណ៌បៃតង” នៅឆ្នាំ២០២០។នៅពេលដែលការឡើងកំដៅផែនដីនិងការផ្លាស់ប្ដូរអាកាសធាតុនៅតែបន្តជះឥទ្ធិពលដល់ភពផែនដី ក្រុមហ៊ុនជាច្រើនកំពុងចាប់ផ្ដើមងាកទៅរកការប្រើប្រាស់វត្ថុធាតុដើមនិងនិងវិធីសាស្រ្តបរិស្ថានដែលអាចកាត់បន្ថយសារធាតុកាបូន។

៥ សុវត្ថិភាពដែលអាចមើលឃើញ

យោងតាមលោកChris Maddenសហស្ថាបនិកនៃMatchnodeបានបង្ហាញថា អតិថិជនបច្ចុប្បន្នបានដឹងកាន់តែច្បាស់អំពីហានិភ័យនៃសុវត្ថិភាពក្នុងការចែករំលែកទិន្នន័យរបស់ពួកគេជាមួយអាជីវកម្ម។អ្នកប្រើប្រាស់កំពុងតែមានការព្រួយបារម្ភដោយសារតែលំហូរនៃការលេចធ្លាយទិន្នន័យដែលបានរាយការណ៍ដោយប្រព័ន្ធផ្សព្វផ្សាយនិងការផ្ដោតអារម្មណ៍ទៅលើផលប៉ះពាល់ដែលបណ្ដាលមកពីការការពារទិន្នន័យធូររលុងពេក។

៦ គោលគំនិត “រំឮកអតីតកាល” (Nostalgia)

សព្វថ្ងៃនេះមានទីផ្សារធំមួយសម្រាប់ការបញ្ចូលការរំឮកអតីតកាលបញ្ចូលក្នុងផលិតផលជំនាន់ថ្មី ហើយក្រុមហ៊ុនកំពុងប្រើវានៅក្នុងការរចនាផលិតផលរបស់ពួកគេដើម្បីធ្វើឲ្យមានអារម្មណ៍នឹករំលឹកនៅក្នុងទស្សនិកជនគោលដៅរបស់ពួកគេ។កាលពីពេលថ្មីៗនេះក្រុមហ៊ុន Nintendo បានចេញនូវប្រព័ន្ធ NES ស៊េរីថ្មីរបស់ខ្លួនដែលមាន​រូបរាងស្រដៀងនឹងសេរីចាស់ ហើយក៏មានការពិភាក្សាអំពីក្រុមហ៊ុន Nokia នាំយកទូរស័ព្ទសេរីចាស់ត្រឡប់មកវិញ។ Griffin បានបន្ថែមទៀតថា “ខ្ញុំរំពឹងថាយើងនឹងឃើញនិន្នាការ នៃរំឮកអតីតកាលនេះនៅក្នុងការរចនាផលិតផលនិងទីផ្សារនៅឆ្នាំ២០២០។

៧ ជម្រើស​ប្រើប្រាស់ប្រព័ន្ធឆ្លាតវៃដើម្បីបង្កើត​អ្វីដែលចង់បាន

Kalin Kassahov ស្ថាបនិកនិងជានាយកប្រតិបត្តិនៃក្រុមហ៊ុន Pro Textingជឿជាក់ថាយើងនឹងមានជម្រើសជាច្រើនទៀតសម្រាប់ផលិតផលផ្ទាល់ខ្លួន។លោក Kassabov​ មានប្រសាសន៍ថា​ “វាងាយស្រួលសម្រាប់ក្រុមហ៊ុនក្នុងការធ្វើបដិរូបកម្ម និងធ្វើការកែប្រែផលិតផលដូចជា ឧបករណ៍អេឡិចត្រូនិច ផលិផលឌីជីថល ផលិតផលផ្សព្វផ្សាយ និងរបស់ផ្សេងទៀតឱ្យស្របទៅនឹងការចង់បានរបស់អតិថិជន។

 

Rin Hanavy
Rin Hanavyhttp://www.kumnit.com
គឺជាអ្នកបង្កើត និងសរសេរមាតិកានៅក្នុងគេហទំព័រគំនិត គេហទំព័រពន្លក ផ្នែកយុទ្ធសាស្ត្រទីផ្សារ ភាពជាអ្នកដឹកនាំ យុទ្ធសាស្ត្រអាជីវកម្ម ការងារ និងការអភិវឌ្ឍខ្លួនឯង។ ជានិស្សិតថ្នាក់បរិញ្ញាបត្រ ជំនាញទីផ្សារ នៅសាកលវិទ្យាល័យជាតិគ្រប់គ្រង។

រៀនពីអ្វីថ្មីៗ

spot_img

អត្ថបទថ្មិៗ