មូលហេតុ ៥ យ៉ាងដែលនាំឲ្យកម្មវិធី Zoom ក្លាយជាកម្មវិធីដ៏សំខាន់បំផុតនៅក្នុងពិភពជំនួញ

1560

កាលពីប៉ុន្មានឆ្នាំមុន ការជជែកកំសាន្ត ឬធ្វើកិច្ចប្រជុំនានាតាមប្រព័ន្ធអេឡិចត្រូនិកគឺមិនត្រូវបានទទូលស្គាល់ និងពេញនិយមប្រើពីសំណាក់មហាជនទូទៅឡើយ ដោយភាគច្រើនគេប្រើវាតែក្នុងករណីក្រុមហ៊ុនត្រូវធ្វើកិច្ចប្រជុំសំខាន់ជាមួយអតិថិជន ឬសមាជិកដែលនៅក្រៅប្រទេសតែ​ប៉ុណ្ណោះ។ យ៉ាងណាមិញ នៅរយៈពេលប្រមាណ ០៤ ឆ្នាំចុងក្រោយនេះ យើងសង្កេតឃើញថាការប្រជុំ ឬធ្វើសន្និសិទ្ធតាមអនឡាញគឺមានសន្ទុះកើនឡើងគួរឲ្យកត់សម្គាល់ ពិសេសកម្មវិធីជជែកតាមអនឡាញនានាបាននឹងកំពុងរីករាលដាលដូចផ្សិត នៅទូទាំងពិភពលោក។ ក្នុងនោះកម្មវិធី Zoom ត្រូវបានគេសង្កេតឃើញថាមានភាពលេចធ្លោជាងគេក្នុងចំណោមកម្មវិធីស្រដៀងគ្នាដទៃទៀត ដូចនេះគឺ​បណ្តាល​មកពីមូលហេតុចម្បងៗ ០៥ ដូចខាងក្រោម៖

១. ភាពងាយស្រួលរបស់ Zoom

អស់រយៈពេលជាយូរមកហើយ ការធ្វើកិច្ចប្រជុំតាមប្រព័ន្ធអនឡាញគឺជារឿងដែលពិបាក និងស្មុគស្មាញបំផុត ដោយវាតម្រូវឲ្យធ្វើការទាញយកប្រព័ន្ធ Software រួចលោកអ្នកត្រូវដឹងពីរបៀបក្នុងការតម្លើងដែលមានលក្ខណៈស្មុគស្មាញជាខ្លាំង។ ក៏ប៉ុន្តែចំពោះកម្មវិធី Zoom វិញលោកអ្នកគ្រាន់តែ Click ទៅលើ link តំណភ្ជាប់ដើម្បីធ្វើការអញ្ជើញ (invite) សមាជិកដែលត្រូវចូលរួម នោះលោកអ្នកនឹងអាចចាប់ផ្តើមការប្រជុំរបស់លោកអ្នកជាការស្រេច។ ហើយប្រសិនបើលោកអ្នកមិនទាន់មានកម្មវិធី Zoom នោះវានឹងនាំលោកអ្នកទៅកាន់កន្លែងដែលលោកអ្នកអាចទាញយកកម្មវិធីបានដោយឥតគិតថ្លៃ ដោយចំណាយពេលខ្លី និងងាយស្រួលមែនទែន។

២. មនុស្សគ្រប់រូបសុទ្ធតែអាចប្រើប្រាស់ Zoom បាន

ចំពោះកម្មវិធី Zoom នេះ លោកអ្នកអាចប្រើប្រាស់វានៅលើគ្រប់ឧបករណ៍ទាំងអស់ដូចជា កុំព្យូទ័រ iPad iPhone រួមទាំងឧបករណ៍ដែលដំណើរការដោយប្រព័ន្ធ Android ផងដែរ។ ហើយនេះគឺជាមូលហេតុសំខាន់មួយដែលក្រុមហ៊ុន និងម្ចាស់អាជីវកម្មគួរចាប់យកឳកាសនេះ ដោយមូលហេតុអតិថិជនគ្រប់រូបសុទ្ធតែអាចប្រើប្រាស់កម្មវិធីនេះបានផងដែរ។

៣. ការប្រើប្រាស់កម្មវិធី Zoom ដោយឥតគិតថ្លៃ

ពិតមែនហើយ! ការប្រើប្រាស់កម្មវិធីនេះគឺមិនតម្រូវឲ្យលោកអ្នកចំណាយអ្វីទាំងអស់ អ្វីដែលលោកអ្នកត្រូវធ្វើនោះគ្រាន់តែ Download កម្មវិធី Zoom ទុកនៅលើកុំព្យូទ័រ ឬទូរស័ព្ទដៃរបស់លោកអ្នកជាការស្រេច។

៤.  សុវត្ថិភាព និងភាពជឿទុកចិត្តរបស់ Zoom

ដោយសារសុវត្ថិភាពទៅលើទិន្នន័យផ្ទាល់ខ្លួន (Data Privacy) កម្មវិធី Zoom ត្រូវបានមហាជនទូទាំងពិភពលោកដោយក្នុងនោះក្រុមហ៊ុនធំៗជាច្រើនបាននឹងកំពុងប្រើប្រាស់កម្មវិធីនេះ ដើម្បីជំរុញដល់ផលិតភាពក្រុមហ៊ុន និងបុគ្គលិករបស់ខ្លួន ពិសេសគឺក្នុងកំឡុងពេលមានវីរុស កូរូណា នេះតែម្តង!

៥. ការកំសាន្តដ៏សម្បូរបែបនៅលើកម្មវិធី Zoom

បានបន្ថែមមុខងារសំខាន់ៗ និងគួរឲ្យចាប់អារម្មណ៍ជាច្រើនដូចជា លោកអ្នកអាចប្តូរផ្ទាំងខាងក្រោយរបស់អ្នក (Background) ឲ្យទៅជាទេសភាពមាត់សមុទ្រ ឬព្រៃភ្នំ ឬសូម្បីតែនៅក្នុងលំហរអាកាស ដែលការធ្វើបែបនេះគឺដើម្បីជួយកាត់បន្ថយភាពស្មុគស្មាញរបស់លោកអ្នកក្នុងកំឡុងពេលប្រជុំបានផងដែរ៕

Previous articleវិបត្តិCovid-19 គឺជា​ឱកាសសម្រាប់ស្ថាប័នហិរញ្ញវត្ថុដើម្បីជួយ និងឆក់យកបេះដូងអតិថិជន
Next articleកសាងភាពរឹងមាំរបស់អ្នកដើម្បីប្រឈមមុខជាមួយនឹងវិបត្តិ
លោក ខៀក វិទ្យារតនៈ គឺជាអ្នកបង្កើត និងសរសេរមាតិការនៅក្នុងគេហទំព័រ គំនិត ផ្នែកបច្ចេកវិទ្យា ផ្នែកយុទ្ធសាស្ត្រទីផ្សារឌីជីថល ផ្នែកធុរកិច្ច និងផ្នែកចំណេះដឹងទូទៅ។ សព្វថ្ងៃនេះ លោកមានតួនាទីជា Business Development Manager ដែលកំពុងតែបម្រើការងារនៅក្នុងហាងសៀវភៅអនឡាញ Naek Arn ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន គំនិត។ ចំពោះប្រវត្តិសិក្សាវិញ លោកគឺជានិស្សិតដែលបញ្ចប់ការសិក្សាផ្នែក វិទ្យាសាស្ត្រពាណិជ្ជកម្មអេឡិចត្រូនិក និងភស្តុភារកម្ម (Science of eCommerece & Logistics) ពីវិទ្យាស្ថានជាតិ និបតិក (NIPTICT) ក៏ដូចជានិស្សិតដែលបញ្ចប់ការសិក្សាថ្នាក់បរិញ្ញាប័ត្រ ផ្នែក Professional Communication នៅសកលវិទ្យាល័យភូមិន្ទភ្នំពេញផងដែរ (RUPP)។ មិនត្រឹមតែប៉ុណ្ណោះ លោកក៏ជាអ្នកជំនាញខាងផ្នែក Digital Marketing Associate ដែលមានវិញ្ញាបនប័ត្រទទួលស្គាល់ដោយក្រុមហ៊ុន Facebook ផ្ទាល់ផងដែរ។ លោកក៏ជាមនុស្សដែលចូលចិត្តវិភាគវែកញែកនៅលើប្រធានបទផ្សេងៗ ស្វែងយល់ពីអ្វីថ្មីៗ ចូលចិត្តការធ្វើដំណើរកម្សាន្តដើម្បីរៀនពីបរិបទសង្គម និងតាមដានគ្រប់ព័ត៌មានទូទៅទាំងក្នុង និងក្រៅប្រទេស៕