យុទ្ធសាស្រ្តទាំង៣យ៉ាងដែលជួយឲ្យអ្នកក្លាយជាអ្នកដឹកនាំជោគជ័យម្នាក់

1883

មិត្តភក្តិ​របស់ខ្ញុំ​បាន​ចែក​រំលែក​បទពិសោធន៍​របស់គាត់​ជាមួយ​ខ្ញុំ​អំពី​ការដឹកនាំ​​បុគ្គលិក​របស់​គាត់។ កំឡុង​ពេល​ពិភាក្សា​គាត់​បាន​លើក​ឡើង​​ថាប្រសិនបើ​​​យើង​ជា​អ្នកដឹកនាំ​ម្នាក់​ដែល​អសមត្ថភាព​ក្នុងការ​ដោះស្រាយ​បញ្ហាហើយ​បុគ្គលិក​បង្ក​បញ្ហា ​យើង​ក៏បណ្តេញ​ពួកគាត់​ចេញពី​ក្រុមហ៊ុន​​មែនទេ​? ​ក្នុងនាមជា​អ្នកដឹកនាំ អ្នក​គួរតែ​ចេះ​យោគយល់​​បុគ្គលិក​​ជាជាង​​បណ្តេញគាត់ចេញ​ដោយគ្មាន​ការរិះគិត​ឲ្យ​បាន​​ល្អិតល្អន់​។ ខាងក្រោម​នេះ​ជា​គន្លឹះ​សម្រាប់​អ្នក​ដឹកនាំ​​ដើម្បី​កសាង​ខ្លួន​ឲ្យ​ក្លាយ​ជា​អ្នកដឹកនាំ​ដ៏​ជោគជ័យ​ម្នាក់៖

ទី១​ ​ចេះ​យោគយល់​​​អ្នក​​ដទៃ

​​អ្នកដឹកនាំ​គឺ​ត្រូវ​ចេះ​ស្វែងយល់​ពី​អារម្មណ៍​បុគ្គលិក​។ ឧទាហរណ៍ បើ​បុគ្គលិក​​សុំ​ច្បាប់​ភ្លាមៗ​និង​ច្រើន​ថ្ងៃ​មកពី​កូន​គាត់​ឈឺ អ្នក​គួរ​យកចិត្ត​អ្នក​ដាក់ក្នុង​ចិត្ត​គាត់​​។ ដូចនេះ​អ្នកដឹកនាំ​ល្អ​គួរ​ចេះ​ស្វែងរក​ផ្លូវ​ណា​ដែល​មាន​ភាព​មិនស្មោះត្រង់ មិនមាន​​ភាព​ស្មុគស្មាញ និង​​មាន​ក្រម​សីលធម៌​ជាដើម។ ម្យ៉ាងវិញទៀត​ការផ្តល់​តាម​​​តម្រូវការ​របស់​សមាជិក​ក្រុម​របស់​អ្នក​ អ្នក​ត្រូវ​ចេះ​រក្សា​​តុល្យភាព​ក្នុង​ការ​ធ្វើ​ផងដែរ​។

ទី២ សុខភាព​​រឹងមាំ​គឺ​សំខាន់

ខ្ញុំ​តែងតែ​លឺ​មិត្ត​រួមការងារ​ជាមួយខ្ញុំ​និយាយ​ថាភាព​ស្វាហាប់​និង​កម្លាំង​បរិបូរណ៍គឺ​​អ្នក​ត្រូវ​ចាំបាច់​មាន​ដើម្បី​ចាប់យក​ឱកាស​នៅពេល​ក្រុមហ៊ុន​របស់អ្នក​ជ្រើសរើស​បុគ្គលិក​ដើម្បី​ឲ្យ​ឡើង​ដំណែង។ នៅពេល​វេលា​មកដល់​នៃ​ការឡើង​ដំណែង ​គម្លាត​នៃ​ជំនាន់​ការងារ​​គឺជា​បញ្ហា​​មួយ។​ ដូចនេះ​បើសិនជា​អ្នក​មាន​សុខភាព​ល្អ​និង​មាន​សមត្ថភាព​គ្រប់គ្រាន់​ អ្នក​នឹង​មាន​ឱកាស​ដែល​គេ​នឹង​ជ្រើសរើស​ច្រើន​។ ​ចំណុច​ដែល​​សំខាន់​​គឺ​រាល់​សហគ្រិន​និង​អ្នកដឹកនាំ​អាចធ្វើ​បាន​គឺ​ទាញយក​ប្រយោជន៍​​ពី​វ័យ​​របស់អ្នក​​​​និង​​រក្សា​​សុខភាព​​​​​ឲ្យ​​បាន​​រឹងមាំ​។

ទី៣ រៀបចំ​ខ្លួន​អ្នក

អ្នក​ដឹកនាំ​មាន​ទស្សនវិស័យ​វែង​ឆ្ងាយ​និង​មិន​ដែល​មាន​ភាព​ភ័យខ្លាច​ទេ​នៅពេល​ដែល​មាន​បញ្ហា​កើតឡើង​ព្រោះ​គាត់​បាន​ត្រៀម​ខ្លួន​រួចជា​ស្រេច។ ម្យ៉ាង​ទៀត​អ្នកដឹកនាំ​ល្អ​ក្រៅពី​ម៉ោង​ធ្វើការ គាត់​តែងតែធ្វើ​​ស្វ័យសិក្សា​បន្ថែម​ដើម្បី​សន្សំ​ចំណេះ​បន្ថែម​ក្នុង​ការដោះស្រាយ​បញ្ហា​គ្រប់​ស្ថានភាព​ដែល​គាត់​ជួប​ប្រទះ​។ ​គាត់​តែងតែ​​ធ្វើជា​​ចំណុច​កណ្តាល​​ដើម្បី​ទទួល​គំនិត​ពី​អ្នកដទៃ​​។ ម្យ៉ាងវិញ​ទៀត​អ្នកដឹកនាំ​​តែងតែ​ចំណាយពេល​ជាយូរ​ហ្វឹកហាត់​ខ្លួនឯង​ដូចជា​ចំណាយ​ពេល​ហាត់ប្រាណ សិក្សា​ស្រាវជ្រាវ​បន្ថែម​​លើ​ចំណុច​ខ្វះខាត អភិវឌ្ឍ​ទម្លាប់​ល្អ​សម្រាប់​ជា​គម្រូ​ដល់​បុគ្គលិក​ជាដើម​ដើម្បី​ក្លាយជា​អ្នកដឹកនាំ​ដែល​មាន​ប្រសិទ្ធភាព​។

Previous articleគុណសម្បត្តិ៧យ៉ាងនៃអ្នកដឹកនាំដែលធ្វើឲ្យបុគ្គលិក​ចូលចិត្ត
Next articleចំណុចសំខាន់ទាំង៤សម្រាប់អ្នកដែលចង់ក្លាយជាសហគ្រិនជោគជ័យ
ហេង ប៊ុននាថ មានតំណែងជា Business Creative នៅគំនិត ដែលមានតួនាទីដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតថ្នាក់បរិញ្ញាប័ត្រ នៅ វិទ្យាស្ថានជាតិបរទេស(IFL) ផ្នែកអក្សរសាស្រ្តអង់គ្លេស និង សាកលវិទ្យាល័យ បញ្ញាសាស្រ្ត( PUC) ជំនាញ គ្រប់គ្រងអាជីវកម្ម ដែលសុទ្ធសឹងជាសាកលវិទ្យាល័យល្បីៗនៅប្រទេសកម្ពុជា។ ក្រៅពីការសិក្សានឹងការងារ គាត់បានលះបង់ពេលវេលាផ្ទាល់ខ្លួនរបស់គាត់ ក្នុងការចូលរួមសកម្មភាពសង្គម ដើម្បីចែករំលែកបទពិសោធន៌ និងចំណេះដឹងដែលគាត់មានទៅកាន់សហគមន៌ ព្រោះការអភិវឌ្ឍន៌សង្គមគឺជាកិច្ចការ ដែលគាត់គិតថាគួរចូលរួមចំនែក។ បន្ថែមពីនេះ នៅពេលទំនេរ គាត់បានធ្វើការស្មគ្រ័ចិត្ត ក្នុងសិក្សាស្រាជ្រាវ ទៅលើអាជីវកម្មផ្សេងៗ ដើម្បីស្វែងយល់ឱ្យកាន់តែច្បាស់ ពីតថភាពសង្គមខ្មែរ នាពេលបច្ចុប្បន្ន។