វិទ្យាសាស្ត្ររីករាយ៖ ពត់ឆ្អឹងដោយប្រើទឹកខ្មេះ

1075

chicken-bonesអស់រយៈពេលជាយូរមក​ហើយ​ដែល​ទំព័រ​វិទ្យាសាស្ត្រ​រីករាយបានឃ្លាត​ឆ្ងាយ​ពីមិត្ត​អ្នកអាន។ ប៉ុន្តែថ្ងៃនេះ គេហទំព័រ​​គំនិត​បាន​ពាំនាំ​អត្ថបទ​វិទ្យាសាស្ត្រ​រីករាយ​មក​កំដរ​អារម្មណ៍​មិត្ត​អ្នកអាន​វិញ​ជាមួយ​នឹង​ការពិសោធន៍ដែលងាយៗហើយអាច​ធ្វើបាន​នៅក្នុង​គេហដ្ឋាននោះគឺ “ពត់ឆ្អឹងមាន់​ដោយ​ប្រើប្រាស់ទឹកខ្មេះ”។ ដូច្នេះ​កុំបង្អង់យូរ ចាប់​ផ្តើម​បង្កើន​ចំណេះដឹង​ផ្នែកវិទ្យាសាស្ត្រទាំងអស់គ្នា!

ឧបករណ៍

– កំប៉ុង ឬ​ធុង​មួយ​ដែលអាច​ដាក់​ឆ្អឹង​មាន់​ចូលក្នុង​នោះបាន

– ឆ្អឹងមាន់មួយ​ (ប្រសើរបំផុត​គឺយកឆ្អឹងជើង ឬឆ្អឹង​ភ្លូវ)

– ទឹក​ខ្មេះ

វិធី៖

១- យកឆ្អឹងមាន់​មក​លាង​សម្អាត​ជាមួយ​នឹង​ទឹក​ដើម្បី​ជម្រះ​សាច់​ដែល​នៅជាប់​នឹង​ឆ្អឹង។

២- ចូរ​ពិនិត្យ​មើល​ថា​តើ​ឆ្អឹង​នោះ​រឹងកម្រិតណា ហើយ​សាកល្បង​ធ្វើ​ការ​ពុត​វា​តិចៗ។ ប្រៀបដូច​ទៅ​នឹង​ឆ្អឹង​របស់​មនុស្ស​យើង​ផងដែរ ឆ្អឹងមាន់មាន​ផ្ទុក​សារធាតុ​រ៉ែ​ម្យ៉ាង​ដែលមាន​ឈ្មោះ​ថាកាល់ស្យូមដែលជាសារធាតុ​ជួយ​ឲ្យ​ឆ្អឹងមាន​ភាព​រឹង​មាំ។

៣- ដាក់​ឆ្អឹងមាន់​នោះចូល​ទៅ​ក្នុង​ធុង​ឬ​កំប៉ុង បន្ទាប់​មក​ចាក់​ទឹកខ្មេះ​ចូលទៅក្នុង​កំប៉ុង​នោះ ធ្វើ​យ៉ាងណា​ឲ្យ​លិច​ឆ្អឹង។ ប្រសើរ​បំផុត​អ្នក​គួរ​តែ​រក​អ្វី​មក​គ្រប​ធុង​ឬ​កំប៉ុង​នោះ ហើយ​ទុក​ធុង​ ឬ​កំប៉ុង​នោះ​ចោល​រយៈពេល៣​ថ្ងៃ។

៤- ៣ថ្ងៃ​ក្រោយមក​ អ្នកអាច​ដក​ឆ្អឹង​មាន់​ចេញពី​ធុង​ ឬកំប៉ុងនោះ។ អ្នកប្រាកដជាមាន​អារម្មណ៍​ថា​ឆ្អឹង​នោះ​មាន​សភាព​ខុស​ប្លែកពីមុន។ សាកល្បង​ពុត​វា​តិច​ៗ ម្តង​ទៀត​! តើ​ឆ្អឹងនោះ​មាន​សភាព​ដូច​កៅស៊ូ​ដែរ​ឬទេ?

ហេតុ​អ្វី​បាន​ជា​ឆ្អឹង​ប្រែទៅជាទន់?

តើមានអ្វីកើត​ឡើង? តើមានអ្វីពិសេស​សម្រាប់ទឹកខ្មេះ​ដែលអាច​ធ្វើ​ឲ្យ​ឆ្អឹង​មាន​សភាពទន់​បាន? ទឹកខ្មេះ​ត្រូវ​បាន​គេចាត់​ទុក​ ជា​ប្រភេទ​អាស៊ី​ខ្សោយ ប៉ុន្តែ​វា​មាន​លទ្ធភាព​គ្រប់គ្រាន់​ក្នុងការ​រំលាយ​នូវ​សារធាតុ​កាល់ស្យូម​នៅក្នុងឆ្អឹង។ នៅពេលដែល​សារធាតុ​កាល់ស្យូម​រលាយ​អស់ទៅ ឆ្អឹងមាន់​មិនមាន​សារធាតុ​អ្វី​ផ្សេងទៀត​ដែលអាច​ជួយ​ឲ្យ​វា​រឹង​មាំ​បាននោះទេ ហើយអ្វី​ដែល​នៅសេសសល់នៅ គឺគ្រាន់​តែ​ជា​ស្រទាប់​ឆ្អឹង​ដែលទន់​ប៉ុណ្ណោះ។ មូលហេតុនេះ​ហើយ​បាន​ជា​មាន​ការ​នែណាំ​ឲ្យ​យើង​ទាំងអស់គ្នា​ញ៉ាំ​ទឹកដោះគោ​ជា​ប្រចាំ ដោយសារ​តែ​ទឹកដោះ​គឺ​ជា​អាហារ​ដែលសម្បូរ​ទៅដោយ​សាធាតុ​កាល់ស្យូមដែល​អាច​ជួយ​ឲ្យ​ឆ្អឹង​មានភាព​រឹង​មាំ​ជាង​មុន។​

ចង់ក្លាយ​ជា​អ្នក​ពិសោធន៍​ពិត​ប្រាកដ​ទេ?

ការបកស្រាយខាង​លើ​គឺគ្រាន់​តែ​ជា​វិធី​ពិសោធ​តែប៉ុណ្ណោះ។ ដើម្បី​ឲ្យការ​ពិសោធន៍នេះ​ក្លាយ​ជា​ការ​ពិសោធន៍ពិត​ប្រាកដនោះ អ្នក​អាច​សាកល្បង​ឆ្លើយ​នូវសំណួរ​ខាង​ក្រោមនេះ៖

១- តើ​រយៈពេលដែលឆ្អឹង​មាន់ត្រាំនៅក្នុងទឹកខ្មេះ​មាន​ឥទ្ធិពល​លើ​ភាពទន់​របស់ឆ្អឹងដែរទេ?

២- តើ​ឆ្អឹងដែរ​តូចជាង​ប្រែទៅជា​ទន់​ឆាប់​រហ័សជាង​ឬ?

៣- តើ​ប្រភេទ​ទឹកខ្មេះ​ផ្សេងគ្នា អាច​មាន​ឥទ្ធិពល​ធ្វើ​ឲ្យ​ឆ្អឹងមាន​សភាព​ទន់​ខុសគ្នា​ដែរទេ?

 

ប្រភព៖ http://www.sciencebob.com

រូបភាព៖ http://blogs.roanoke.com/aaronmcfarling/files/2011/10/chicken-bones.jpg

Previous articleមីមួយចានពីអ្នកដ៏ទៃ!
Next articleការពិតផ្សេងៗដែលកើតមានលើលំនៅដ្ឋានរបស់យើង
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។