វិធីទាំង៥យ៉ាងដើម្បីផ្សព្វផ្សាយលក្ខណៈប្លែកពីគេនៃអាជីវកម្មរបស់អ្នក

1026

គុណភាព​ប្លែកគេ​នឹង​ធ្វើឲ្យ​អ្នក​ខុស​ពី​ម៉ាកសញ្ញា​ដទៃ​ទៀត។ វា​នឹង​ធ្វើឲ្យ​អ្នកដទៃ​ស្គាល់​ពី​ធម្មជាតិ​នៃផលិតផល​ឬ​សេវាកម្ម កិត្តិនាម ការតាំងចិត្ត និង​ភាពតែមួយ​របស់អ្នក។

នៅពេលដែល​អ្នក​ចង់​ឲ្យគេ​ស្គាល់​អ្នក អ្នក​ត្រូវតែ​អាច​ពន្យល់​ប្រាប់​ពី​ម៉ាកសញ្ញា​របស់អ្នក​បាន​យ៉ាងច្បាស់​ទៅកាន់​អតិថិជន ដោយ​​ប្រាប់​ពីអ្វី​ដែល​ធ្វើឲ្យ​គេ​ងាយ​ចងចាំ​ដូចជា និមិត្តសញ្ញា និង​ស្លាកតម្លៃ​របស់អ្នក​ជាដើម​។ អាជីវកម្ម​ល្បីៗ​គឺ​មាន​ម៉ាកសញ្ញា​​ដែល​ងាយចងចាំ។

និមិត្តសញ្ញា​និងគុណតម្លៃ​ម៉ាកសញ្ញាគឺជា​ទ្រព្យ​ដ៏​មានតម្លៃ។ ចូរ​បង្កើត​វា​ឲ្យ​ងាយស្រួល​ក្នុងការមើល​និង​មាន​នៅលើ​ការ​ផ្សព្វផ្សាយ​របស់អ្នក​គ្រប់ពេល។

ខាងក្រោមនេះ​ជា​វិធី​ទាំង៥​ដើម្បី​ផ្សព្វផ្សាយ​ពី​អត្តសញ្ញាណ​ប្លែកគេ​ទាំង៥​របស់អ្នក ៖

១. ឲ្យរបស់​ដែល​មនុស្ស​ងាយ​នឹង​បង្ហាញ​វា​ទៅកាន់​អ្នក​ឯទៀត

អ្នក​អាច​ឲ្យ​ជា​ក្រដាស​ឬ​គូប៉ុង​បញ្ចុះថ្លៃ​ទៅកាន់​អតិថិជន ហើយ​គេ​អាច​ផ្ត​ល់​វា​ឲ្យ​អ្នកដទៃ​ទៀត​បាន ព្រមទាំង​ដាក់និមិត្ត​សញ្ញា​ឬ​ឈ្មោះ​​របស់អ្នក​​នៅក្រោមនោះ​។ នៅពេល​ដែល​គេ​ហុច​វា​បន្ត​ទៅកាន់​អ្នកផ្សេង​នោះគេ​នឹង​ស្គាល់​ពី​អ្នក​បាន​កាន់តែ​ច្រើន។

២. លើក​ទឹកចិត្ត​ឲ្យ​មាន​ការប្រាស្រ័យ​ទាក់ទង​គ្នា​ទៅវិញ​ទៅមក

លើក​ទឹកចិត្ត​ឲ្យ​មនុស្ស​មាន​ការពាក់ព័ន្ធ​ជាមួយ​នឹង​អាជីវកម្ម​របស់អ្នក​ដូចជា សួរសំណួរ សួរ​រកមតិ​កែតម្រូវ ​ដំណើរ​ការ​ប្រឡង​ប្រជែង ឬ​ការពិភាក្សា​ផ្សេងៗ។ ចំពោះ​មនុស្ស​គ្រប់គ្នា​ដែល​អ្នក​បាន​បង្កើត​ទំនាក់​ទំនង​ជាមួយ អ្នក​បាន​បង្កើត​ឱកាស​ដើម្បី​ជម្រុញ​ឲ្យ​មានការ​និយាយ​តពី​មាត់មួយ​ទៅ​មាត់មួយ​នូវ​អាជីវកម្ម​របស់​អ្នក​ដែល​ពួកគេ​បានដឹង។

៣. ធ្វើឲ្យ​ម៉ាកយីហោ​របស់អ្នក​មាន​កេរ្តិ៍ឈ្មោះ​តាមរយៈ​ការផ្សព្វផ្សាយ

ទុកជា​ភស្តុតាង​ផ្សេងៗ​នៃ​អាជីវកម្ម​ដែលមាន​លក្ខណៈប្លែកពី​គេ​របស់អ្នក​នៅគ្រប់ទីកន្លែង​​តាមដែល​អាច​ធ្វើបាន​ជាពិសេស​គឺការ​ផ្សព្វផ្សាយ​នៅទី​សាធារណៈ។ អ្នក​គួរតែ​បញ្ចូល​ឈ្មោះ​ឬ​និមិត្តសញ្ញា​អាជីវកម្ម​របស់អ្នក​ទៅក្នុង​គេហទំព័រ អ៊ីមែល ស្លាកតម្លៃ និង​កាតសម្គាល់​អាជីវកម្ម​របស់អ្នក។

 ៤. ផ្តល់​ចំណេះដឹង

សរសេរ​អត្ថបទ​ទាក់ទង​នឹង​ចំណេះដឹង​ពាណិជ្ជកម្ម​របស់អ្នក​ដែល​វា​អាចជា​ជំនួយ​ដល់​អាជីវករ​ផ្សេង​ទៀត ​ឬ​អ្នក​ដែលស្វែងរក​ចំណេះដឹង​ទាក់ទង​នឹង​អាជីវកម្ម ជាពិសេស​ប្រាប់ពី​គន្លឹះ​សំខាន់ៗ​ដើម្បី​ជួយ​ឲ្យ​អាជីវកម្ម​ទទួលបាន​ភាព​ជោគជ័យ។  អ្នក​អាច​បោះពុម្ពផ្សាយ​អត្ថបទ​ព្រមទាំង​ភ្ជាប់ជាមួយ​និមិត្តសញ្ញា​អាជីវកម្មរបស់អ្នក​។ ម្យ៉ាងទៀត​ការ​បញ្ចូល​វាទៅក្នុង​គេហទំព័រគឺ​រឹតតែ​ប្រសើរ។

៥. ធ្វើឲ្យ​មាន​ភាពងាយស្រួល​ចំពោះ​អ្នកដទៃ​ក្នុង​ការនិយាយ​ពី​កេរ្តិ៍ឈ្មោះ​របស់អ្នក

គ្មាន​អ្វី​ដែលមាន​អានុភាព​ខ្លាំង​ជាងពាក្យ​ដែល​តពី​មាត់មួយ​ទៅមាត់​មួយ​របស់អតិថិជន​ដែល​មាន​ការ​ពេញចិត្ត​ចំពោះ​ផលិតផល​ឬ​សេវាកម្ម​របស់អ្នក​នោះទេ។ ធ្វើយ៉ាងណា​ឲ្យ​អតិថិជន​មាន​ភាពងាយស្រួល​ក្នុង​ការប្រាប់​ក្រុមគ្រួសារ​ឬ​មិត្តភក្តិ​របស់គេ​ពី​ផលិតផល​របស់អ្នក​ថា​វា​ពិតជា​មានគុណភាព ងាយស្រួល​ប្រើ ​ចំណេញ​ទាំង​ពេលវេលា​ និង​ថវិកា​ជាដើម។

ប្រភព៖ www.smallbusinessbrief.com