spot_img
spot_img
Homeធុរកិច្ចវិធីសាស្រ្ត​៥​យ៉ាង​ក្នុងការ​សង្គ្រោះ​អាជីវកម្ម​ខ្នាតតូច​ពីការក្ស័យ​ធុន

វិធីសាស្រ្ត​៥​យ៉ាង​ក្នុងការ​សង្គ្រោះ​អាជីវកម្ម​ខ្នាតតូច​ពីការក្ស័យ​ធុន

-

បើសិនជា​អាជីវកម្ម​របស់​អ្នក​​រៀប​នឹង​ដួល​រលំ អ្នក​មិនមែន​ជា​មនុស្ស​ទីមួយ​ឡើយ​ព្រោះថា​មាន​​មួយ​ភាគបី​​នៃ​​អាជីវកម្ម​​ខ្នាត​តូច​​តែង​ជួប​ប្រទះ​ភាពបរាជ័យ​​នៅ​កំឡុង​ពេល​​២​ឆ្នាំ​​ដំបូង។​ តើ​អ្នក​ត្រូវ​ដោះស្រាយ​បញ្ហា​នេះ​បាន​យ៉ាង​ដូចម្តេច?

១. អាជីវកម្ម​អ្នក​អាច​មាន​បញ្ហា​បណ្តាល​មកពី​ដៃគូ​​ប្រកួត​ប្រជែង​វាយលុក​ទីផ្សារ​និង​ដណ្តើម​អតិថិជន​របស់អ្នក។​​ ដូចនេះ​អ្នក​ត្រូវ​ចាប់ផ្តើម​គិត​ពី​ពេលវេលា​ដែល​បរិមាណ​នៃការ​លក់​របស់អ្នក​កើនឡើង​ហើយ​កំណត់​ពីពេលវេលា​ដែល​វា​ចាប់​ធ្លាក់ចុះ​ថា​បណ្តាល​មក​ពី​មូលហេតុ​អ្វី។ តើ​វា​អាច​មក​ពី​ដៃគូ​ប្រជែង សេដ្ឋកិច្ច ឬ​ការធ្លាក់ចុះ​​នៃគុណភាព​ផលិតផល​​? បើ​អ្នក​អាច​រក​ហេតុផល​ជាក់លាក់​បាន​ អ្នក​នឹង​អាច​ផ្តោត​ទៅលើ​ដំណោះស្រាយ​បាន​ងាយ។

២. ការ​ចាត់ទុក​អតិថិជន​ជាអទិភាព​ជានិច្ច​​​ជា​វិថី​ឆ្ពោះទៅ​រក​ភាព​ជោគជ័យ​។​ បើសិន​អ្នក​អាច​បំពេញ​តម្រូវការ​របស់​អតិថិជន​បាន ពួកគេ​នឹង​មិនងាយ​ទៅរក​កន្លែង​ផ្សេង​ឡើយ​។ អ្នក​ត្រូវ​ធ្វើឲ្យ​ប្រាកដថា​អ្នក​ជា​ជម្រើស​ដ៏​ល្អបំផុត​នៅក្នុង​ចិត្ត​អតិថិជន​។ ក្រៅពីនេះអ្នក​គួរព្យាយាម​ផ្តល់​ព័ត៌មាន​ឲ្យ​អតិថិជន​ជានិច្ច​តាម​រយៈអ៊ីមែល​ សារទូរស័ព្ទ​ ឬ​ហ្វេសប៊ុក​ឆាត​ជាដើម។

. ​​ដឹងពី​តម្រូវការ​របស់​អតិថិជនដើម្បីឲ្យ​អ្នក​អាច​ផ្លាស់ប្តូរ​ផលិតផល​ឬ​សេវាកម្ម​ដើម្បី​បំពេញ​ចិត្ត​របស់​ពួកគេ​។ ដោយឡែក​ការ​ទទួលយក​មតិ​រិះគន់​ក៏​សំខាន់ណាស់​ដែរព្រោះ​វា​​ដូច​ជា​អ្នក​នាំ​ផ្លូវ​​ទៅរក​ការ​បំពេញ​ចិត្ត​របស់​អតិថិជន​បាន​ត្រឹមត្រូវ​​។ អ្នក​ក៏​អាច​​ស្ទង់មតិ​អតិថិជន​តាម​បណ្តាញ​សង្គម​ឬ​ចែកជាក្រដាស​វាយ​តម្លៃ​ជាដើម។ ក្នុង​ករណី​ចាំបាច់ អ្នក​អាច​រក​ដំបូន្មាន​ពី​អ្នកជំនាញ​លើ​វិស័យ​នេះ​តែម្តង​។

៤. ​ផ្លាស់ប្តូរ​ផែនការ​ធុរកិច្ច​របស់​អ្នក​ឲ្យ​ទាន់សម័យកាល​​បច្ចុប្បន្ន​និង​បំពាក់​បច្ចេក​វិទ្យា​តាម​សង្គម​សព្វថ្ងៃ​ព្រោះ​ថា​ការផ្លាស់ប្តូរ​គឺ​សំខាន់​ណាស់​សម្រាប់​ភាពជោគជ័យ​លើ​ទីផ្សារ​។ ជួនកាល​អាច​ថា​មក​ពី​ផែនការ​ធុរកិច្ច​របស់​អ្នក​សរសេរ​មិនបាន​ល្អ​និង​មិនបាន​វិភាគ​ឲ្យ​បាន​ល្អិតល្អន់​ឬមក​ពី​ផែនការបម្រុង​មិន​ទាន់​អាច​ការពារ​បាន​គ្រប់​ជ្រុង​ជ្រោយ​បណ្តាល​ឲ្យ​​ផ្លូវ​នៃ​ការ​ធ្វើធុរកិច្ច​របស់អ្នក​ងាក​ទៅរក​គ្រោះថ្នាក់បែបនេះ។

៥. បញ្ចុះតម្លៃ​ឬ​ដាក់​ឲ្យ​ប្រើសាក​ដោយ​មិន​គិត​ប្រាក់។ ការ​ធ្វើ​បែប​នេះ​គឺ​ដើម្បី​ស្តារ​មុខមាត់​ក្រុមហ៊ុន​អ្នក​និង​ទាក់ទាញ​ចិត្ត​អតិថិជន​របស់​អ្នកឲ្យ​មក​ទិញ​ទំនិញ​ឬ​សេវាកម្ម​របស់អ្នកឡើង​វិញ។ ជាការពិតណាស់​គ្មាន​នរណា​​​ម្នាក់​​ចង់​​បន្ទាប​​តម្លៃ​​អាជីវកម្ម​​របស់​ខ្លួនទេ​បើសិន​ជា​វា​មិន​ចាំបាច់​នោះ​។ ជាក់ស្តែង​អ្នក​អាច​បញ្ចុះ​តម្លៃ​ទៅលើ​ផលិតផល​ឬ​អាច​បិទ​សាខា​ណា​មួយ​បណ្តោះ​អាសន្ន​សិន​ក្នុង​ករណី​ដែល​អ្នក​មិន​អាច​រក​អ្វី​មក​ទប់​បានទៀត​។ ប្រសិន​បើ​តម្លៃ​ពលកម្ម​ជា​ការ​ចំណាយ​ដ៏​ធំ អ្នក​អាច​កាត់បន្ថយ​បុគ្គលិក​ខ្លះ​ដើម្បី​ទប់ទល់​នឹង​ការ​ចំណាយ​​។

ហេង មុយ​លី
ហេង មុយ​លី
ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។

រៀនពីអ្វីថ្មីៗ

spot_img

អត្ថបទថ្មិៗ