spot_img
spot_img
Homeយុទ្ធសាស្ត្រទីផ្សារឌីជីថលម៉ាឃិធីងសហគ្រិនចំនួន៨នាក់បានចែករំលែកពីការផ្សព្វផ្សាយពីបណ្ដាញសង្គមដ៏កំពូលនៅក្នុងឆ្នាំ២០២០

សហគ្រិនចំនួន៨នាក់បានចែករំលែកពីការផ្សព្វផ្សាយពីបណ្ដាញសង្គមដ៏កំពូលនៅក្នុងឆ្នាំ២០២០

-

នៅក្នុងពិភពទីផ្សារទំនើបមិនមានលក្ខណៈស្មុគស្មាញដូចជាបណ្ដាញសង្គមទេ​ វេទិកាថ្មីៗតែងតែលេចឡើងជានិច្ចជាកាល ដែលធ្វើឲ្យមនុស្សមួយចំនួនមិនដឹងថាត្រូវធ្វើយ៉ាងណាដើម្បីពង្រឹងនូវការផ្សព្វផ្សាយរបស់ខ្លួន។ហើយទាំងនេះគឺជាវិធីសាស្រ្តដែលនៅតែមានភាពទាន់សម័យ ទោះបីជាវាមានយូរហើយក៏ដោយ។ នេះហើយគំនិត​សូម​លើក​យកការចែករំលែក​របស់ក្រុមសហគ្រិនជោគជ័យមកចែករំលែកនូវគន្លឹះសំខាន់ៗនៃការផ្សព្វផ្សាយបណ្ដាញសង្គមឲ្យកាន់តែមានប្រសិទ្ធភាព។ដូចនេះអ្នកអាចសាកល្បងធ្វើនូវអ្វីដែលពួកគេបានផ្ដល់ឲ្យជាគំនិត ដើម្បីសម្រេចនូវការផ្សព្វផ្សាយតាមបណ្ដាញសង្គមមួយឲ្យបានកាន់តែប្រសើរឡើង និងជោគជ័យ។

១ ធ្វើឲ្យមានការសន្ទនានិងការចូលរួម

ប្រសិនបើយុទ្ធសាស្ត្រនៃការផ្សព្វផ្សាយបណ្ដាញសង្គមរបស់អ្នកផ្ដោតសំខាន់ទៅលើការចែករំលែកនូវមាតិកា នោះអ្នកនឹងបាត់បង់នូវឱកាសដ៏ធំធេងក្នុងការបង្កើតនូវការតភ្ជាប់ ឬ ទំនាក់ទំនងដ៏ល្អ។ អ្នកដែលមានឥទ្ធិពលមួយចំនួនគឺផ្ដោតទៅលើការបង្កើតមាតិកាផ្សព្វផ្សាយដោយខ្លួនឯងជំនួសឲ្យការប្រើប្រាស់បណ្ដាញសង្គម។មនុស្សដែលធ្វើឲ្យគេចាប់អារម្មណ៍ និង ទទួលបាននូវភាពទាក់ទាញបំផុតគឺនៅពេលដែល ពួកគេមានសកម្មភាពយ៉ាងសកម្ម និងមានការចូលរួមជាញឹកញាប់នៅលើវេទិកាសង្គម។

២ ផ្ដោតសំខាន់ទៅលើការកសាងបណ្ដាញនិងការកសាងទំនាក់ទំនង

ពេលណាដែលយើងនិយាយពីបណ្ដាញសង្គមគឺយើងចាប់ផ្ដើមនឹកឃើញដល់ការធ្វើទំនាក់ទំនងរវាងគ្នានិងគ្នាដោយមានភាពរហ័ស ហើយនេះគឺជាអ្វីដែលអ្នកត្រូវចងចាំនៅក្នុងចិត្ត នៅពេលដែលពួកគេចាប់ផ្ដើមបង្ហោះឬប្រកាសអ្វីមួយ គឺដើម្បីឲ្យមានអ្នកតាមដាន ចាប់អាម្មណ៍និងធ្វើតាមនេះឯង។ កាលណាដែលនៅក្នុងក្រុម ឬ ក៏សហគមន៍មួយមានការចូលរួម ការពិភាក្សា គ្នាច្រើន នោះបង្ហាញថាការកសាងនូវបណ្ដាញរបស់អ្នកឲ្យកាន់តែរីកធំឡើង។

៣ សរសេរឡើងវិញនូវមាតិកាដែលធ្លាប់ទទួលបាននូវការចាប់អារម្មណ៍ខ្លាំង

រាល់ការបង្ហោះនូវអ្វីមួយនៅក្នុងបណ្ដាញសង្គមដែលអ្នកធ្លាប់បានចែករំលែក គឺវាមិនចាំបាច់មានការបង្កើតពីដំបូងឡើយ។ចាប់ផ្ដើមយកនូវមាតិកាចាស់ៗណាដែលមានការចាប់អារម្មណ៍ច្រើនជាងគេ និងមានប្រយោជន៍ដើម្បីយកវាមកបង្ហោះសារជាថ្មីនៅក្នុងវេទិកាសង្គមផ្សេងៗគ្នា។ វានឹងមានភាពងាយស្រួលបើសិនជាយើងចាប់ផ្ដើមជាមួយនឹងធ្វើវីដេអូឲ្យក្លាយទៅជា ប្លុក ផតខេស និងក្រាហ្វិក និងដកស្រង់នូវឃ្លាខ្លីៗមួយចំនួនដែលមានន័យគ្រប់គ្រាន់ចេញពីវេទិកាផ្សេងៗគ្នា។

៤ បង្កើតនូវវីដេអូបន្តផ្ទាល់

ការធ្វើវីដេអូបន្តផ្ទាល់គឺពិតជាមានការពេញនិយមខ្លាំងមែនទែននៅលើបណ្ដាញផ្សព្វផ្សាយសង្គម។ ការធ្វើវីដេអូបន្តផ្ទាល់គឺជាសកម្មភាពមួយដែលល្អ ដោយសារតែ វាគឺជាពេលដែលអ្នកនិងអ្នកដទៃធ្វើការទំនាក់ទំនងគ្នា និង សួរដេញដោលនូវបញ្ហាអ្វីមួយ ព្រមទាំងដោះស្រាយនូវបញ្ហាភ្លាមៗតែម្ដង។

៥ បង្រួមការផ្ដោតអារម្មណ៍របស់អ្នក

ជំនួសឲ្យការផ្លាស់ប្ដូរនិន្នាការ និងការខ្ជះខ្ជាយធនធានទៅលើការសាកល្បងបណ្ដាញផ្សព្វផ្សាយ ប្រព័ន្ធផ្សព្វផ្សាយសង្គមតែមួយនៅក្នុងពេលតែមួយ សូមអ្នកជ្រើសរើសនូវបណ្ដាញពីរឬបី ដែលអតិថិជន​គោលដៅ​អ្នកប្រើប្រាស់ ព្រោះថាពួកគេនឹងបានដឹងឮកាន់តែច្រើន ហើយផលិតផលរបស់អ្នកក៏រីកសាយភាយទៅតាមនឹងដែរ។

៦ ធ្វើ​ឱ្យPage របស់អ្នកកាន់តែប្រសើរ

ប្រសិនបើ​អ្នកមិនបានបំពេញ​ព័ត៌មាន​Pageរបស់អ្នកឱ្យបានពេញលេញ ហើយ​រៀបចំមិនបានល្អទេ អ្នកកំពុងតែ​បង្ហាញ​ពីភាព​ទន់ខ្សោយបស់អ្នកទៅដល់អ្នកតាមដាន និងអតិថិជនគោលដៅ។ ចូរអ្នកចូលទៅមើលនូវ Profile របស់អ្នកម្ដងទៀតហើយលុបចោលនូវព័ត៌មានណាដែលមិនចាំបាច់ និងគ្នានប្រយោជន៍ចេញ ដើម្បីឲ្យប្រវត្តិរូបរបស់អ្នកនៅក្នុងបណ្ដាញសង្គមមានភាពស្តង់ដា។

៧ ព្យាយាមបន្ថែមគុណតម្លៃសម្រាប់ទស្សនិកជនរបស់អ្នក

អ្វីដែលល្អបំផុត ដែលអ្នកអាចធ្វើនៅលើបណ្ដាញសង្គមគឺត្រូវបន្ថែមនូវគុណតម្លៃទៅដល់ទស្សនិករបស់អ្នក។ វិធីដែលអាចទាក់ទាញអតិថិជនដ៏ល្អរបស់អ្នកគឺ អ្នកត្រូវបម្រើគុណតម្លៃដើម្បីបង្ហាញថាសេវាកម្មរបស់អ្នកឬផលិតផលរបស់អ្នកគឺជាអ្វីដែលពួកគេត្រូវការ។ អ្នកមិនត្រូវបង្ហោះអ្វីឲ្យតែបានបាន ឬក៏ឲ្យរួចតែពីដៃនោះទេ ហើយក៏មិនត្រូវចម្លងពីគំនិត យុទ្ធសាស្ត្ររបស់អ្នកដទៃដែរ ពោលគឺអ្នកត្រូវប្រាប់ពួកគេថា​ តើអតិថិជនដ៏ល្អរបស់ខ្ញុំ ត្រូវការអ្វីពីខ្ញុំនៅថ្ងៃនេះ។

៨ ត្រូវតែមានភាពត្រឹមត្រូវនិងពិតប្រាកដ

នៅក្នុងឆ្នាំ២០២០ អ្វីដែលត្រឹមត្រូវ អ្វីដែលពិត ដែលជាក់លាក់ ពិតជាមានសារៈសំខាន់នៅលើបណ្ដាញសង្គម ដែលមនុស្សគ្រប់គ្នាកំពុងស្វែងរកមើល។ ត្រូវតែមានភាពពិតប្រាកដជាមួយច្រកផ្សព្វផ្សាយដែលអ្នកបានជ្រើសរើសក្នុងការធ្វើទំនាក់ទំនង និងផ្សព្វផ្សាយ។អ្នកត្រូវតែបង្កើននូវស្តង់ដារបស់អ្នក ដើម្បីទទួលបាននូវការចាប់អារម្មណ៍ខ្ពស់ពីអតិថិជនគោលដៅរបស់អ្នក។

 

Rin Hanavy
Rin Hanavyhttp://www.kumnit.com
គឺជាអ្នកបង្កើត និងសរសេរមាតិកានៅក្នុងគេហទំព័រគំនិត គេហទំព័រពន្លក ផ្នែកយុទ្ធសាស្ត្រទីផ្សារ ភាពជាអ្នកដឹកនាំ យុទ្ធសាស្ត្រអាជីវកម្ម ការងារ និងការអភិវឌ្ឍខ្លួនឯង។ ជានិស្សិតថ្នាក់បរិញ្ញាបត្រ ជំនាញទីផ្សារ នៅសាកលវិទ្យាល័យជាតិគ្រប់គ្រង។

រៀនពីអ្វីថ្មីៗ

spot_img

អត្ថបទថ្មិៗ