សំលៀង​ខួរក្បាល៖ មួក​ក្រហម មួកខៀវ!

545

ត្រៀម​ខ្លួន​គិត​ហើយ​ឬនៅ? ថ្ងៃ​នេះ «គំនិត»​សូមលើក​យក​សំណួរ​ជា​ពាក្យ​បណ្តៅ​មក​ជូន​ប្រិយមិត្ត​ទុក​ជាការ​គិត​កម្សាន្ត​ដើម្បី​ដុះ​ខាត់​សមត្ថភាព​ខួរក្បាល​។ ហើយ​ប្រិយមិត្ត​ក៏អាច​យក​សំណួរ​នេះ ទៅ​សាកសួរ​មិត្តភក្តិ​និង​ក្រុមគ្រួសារបាន​ផង​ដែរ គ្រាន់ទុក​ជា​ការ​កែ​អផ្សុក។ ឥឡូវ​នៅចាំអីទៀត ទៅ​ឆ្លើយ​សំណួរ​ជាមួយ​គំនិត​ទាំងអស់គ្នា!

មានបេក្ខជន​៤នាក់​អង្គុយ​ជា​ជួរ ដើម្បី​ចូលរួម​ប្រកួតប្រជែង​ឆ្លើយ​ពាក្យ​បណ្តៅ​យក​រង្វាន់។

-អ្នកអង្គុយ​នៅខាងមុខ​គេ​គឺ​ពាក់​មួក​ពណ៌​ក្រហម

-អ្នក​ទីពីរ​បន្ទាប់​ពី​អ្នកអង្គុយ​ខាងមុខ​គឺ​ពាក់​មួក​ពណ៌​ខៀវ

-អ្នក​ទី​បី​រាប់​ពី​មុខមក​គឺ​ពាក់​មួកពណ៌​ក្រហម

-អ្នក​ដែលអង្គុយ​ក្រោយ​គេ​បង្អស់​គឺពាក់​មួកពណ៌ខៀវ​ហើយ​ត្រូវ​បាន​គេ​ចង​បិទ​ភ្នែក​មិន​ឲ្យ​មើល​ឃើញ

អ្នកចូលរួម​ម្នាក់ៗត្រូវបាន​គេប្រាប់ឲ្យដឹង​ថា​ ពួកគេ​ទាំង​អស់​សុទ្ធ​តែ​កំពុង​តែ​ពាក់​មួក​ម្នាក់​មួយ ហើយ​អ្នកចុង​ក្រោយ​ត្រូវ​បាន​គេ​បិទ​ភ្នែកជិត។ គេ​ក៏បាន​ប្រាប់​ទៅ​បេក្ខជន​ចូលរួម​បន្ថែម​ទៀត​ថា មួក​ទាំង​អស់​មាន​ចំនួន​៤​ ដែល​ក្នុង​នោះ​មាន​ក្រហម​២ និង​ខៀវ​២។ ប្រសិន​បើ​នរណា​ម្នាក់​អាច​ទស្សន៍ទាយ​ពណ៌​មួក​ដែលខ្លួន​ឯង​កំពុង​តែ​ពាក់​ត្រូវ អ្នក​នោះ​គឺជា​អ្នក​ឈ្នះ។

សភាព​ស្ងប់​ស្ងាត់​បាន​ប្រព្រឺត្ត​ទៅអស់​រយៈពេល​យ៉ាង​យូរ ប៉ុន្តែ​ក្រោយមក​មាន​បេក្ខជន​ម្នាក់​បាន​ទស្សន៍ទាយ​ពណ៌​មួក​ដែលខ្លួន​កំពុង​តែពាក់​ត្រូវ។ តើ​បេក្ខ​ជន​នោះជា​បេក្ខជន​មួយណា?

បញ្ចាក់៖ បេក្ខជន​ទាំងអស់​អាច​មើលឃើញ​តែ​មនុស្ស​ដែល​អង្គុយ​នៅ​ពី​មុខ​គេ​តែ​ប៉ុណ្ណោះ ហើយ​ពួកគេ​មិន​អាច​បែរក្រោយដើម្បី​ពិនិត្យ​មើល​បេក្ខជន​ដែលនៅ​ពី​ក្រោយ​គេ​ឡើយ។

សាក​ល្បង​ឆ្លើយទៅមើល! តើ​បេក្ខជន​មួណា​ជា​អ្នកឆ្លើយ​ត្រូវ? ប្រសិន​បើ​អស់​ចិត្ត​ហើយ អ្នក​អាច​ចុច​ទៅ​ទំព័រ​ទី២​ដើម្បី​មើល​នូវ​ចម្លើយ។ តែ​កុំប្រញាប់​មើល​ចម្លើយ​អី សូម​គិត​ឲ្យ​បាន​យូរ​បន្តិច​សិន! 

1
2
Previous articleហេតុអ្វីបានជាទឹកនៅជិតកន្លែងយករ៉ែខ្លះមានជាតិជូរ?
Next articleការពិត ១០​ យ៉ាង​ដែលអ្នក​នឹក​ស្មាន​មិនដល់!!!​ (ភាគ ៩)
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។