ស្វែងយល់ពីគុណសម្បត្តិ និង គុណវិបត្តិនៃថាមពលនុយក្លេអ៊ែរ

2110

 

នេះជាប៉ម​បន្ថយកំដៅ​របស់​ថាមពលនុយក្លេអ៊ែរ

នៅសតវត្ស​ទី ២១ អ្វី​ដែលមនុស្សមិន​អាចខ្វះ​បានគឺថាមពល ។ បច្ចុប្បន្ន​មនុស្ស​ពឹងផ្អែក​ស្ទើរតែ​ទាំងស្រុង​ទៅលើ​ប្រេងឥន្ធនៈ​ដើម្បីបង្កើត​ថាមពល ។

ប៉ុន្តែ​ដោយសារ​តែប្រេងឥន្ធនៈ​ជា​ធនធានធម្មជាតិ​ដែលមិន​អាច​កកើតឡើងវិញបាននិង​មានកំរិត ដូចនេះ​មនុស្ស​ត្រូវស្វែងរក​ជម្រើស​ផ្សេងៗ​ក្នុងការ​បង្កើតថាមពល ។ ក្នុងនោះ​ថាមពលនុយក្លេអ៊ែរ​ជាជម្រើសមួយ​ក្នុងចំណោម​ជម្រើសជាច្រើនតែទាស់ត្រង់ថា​ថាមពលនុយក្លេអ៊ែរ

​ផ្តល់ឲ្យយើង​ទាំង​គុណសម្បត្តិ និង គុណវិបត្តិ ។

ដូចនេះ​ថ្ងៃនេះ​ “គំនិត” នឹងលើកយក​គុណសម្បត្តិ និង គុណវិបត្តិខ្លះៗ​របស់​ថាមពលនុយក្លេអ៊ែរមក​ប្រាប់ប្រិយមិត្តិឲ្យបានដឹងដែល​មានដូចតទៅ ៖

គុណសម្បត្តិ :

–         ថាមពលនុយក្លេអ៊ែរ​បញ្ចេញ​ឧស្ម័នកាបូនឌីអុកស៊ីត​តិចតួច​បំផុត​បើប្រៀបធៀប​ទៅនឹង​ការបញ្ចេញឧស្ម័នកាបូនឌីអុកស៊ីត​របស់ប្រេងឥន្ធនៈ ដូចនេះ​វាអាច​ជួយដល់​ការកាត់​បន្ថយ​នៃការឡើងកំដៅ​របស់​ផែនដី ។

–         ក្នុង​រោងចក្រ​ថាមពលនុយក្លេអ៊ែរមួយ​ប្រើប្រាស់​ធនធានធម្មជាតិ​តិចតួច​បំផុត​តែអាច​បង្កើត​បាន​ថាមពលយ៉ាង​ច្រើនមហិមា ។

–         គ្រប់ប្រទេស​ទាំងអស់លើ​ពិភពលោក​អាច​បង្កើតថាមពលនុយក្លេអ៊ែរបានដែល​វាមិនដូច​ប្រេងឥន្ធនៈទេ​ដែលមានតែ​ប្រទេសមួយ​ចំនួន​ប៉ុណ្ណោះ​អាច​បង្កើតបាន ។

–         បច្ចេកវិទ្យា​នុយក្លេអ៊ែរ​មានស្រាប់​ដោយគេមិន​ចាំបាច់​ចំណាយ​ថវិកាក្នុងការ​ស្រាវជ្រាវ​អ្វីទៀត​ឡើយ ។

គុណវិបត្តិ :

–         ថាមពលនុយក្លេអ៊ែរ​អាចយកទៅ​បង្កើត​ជាអាវុធ​ប្រល័យលោកបាន ហើយ​បើសិនជាវា​ធ្លាក់ទៅក្នុងដៃ​មនុស្ស​អាក្រក់ នោះ​ផែនដីនឹង​ត្រូវ​វិនាសជាមិនខាន ។

–         បញ្ហាវិទ្យុសកម្មគឺជា​ក្តីបារម្ភ​ធំមួយ​ព្រោះថា​គេមិនទាន់រកឃើញ​វិធីក្នុងការ​បំបាត់​វានូវឡើយ ។ ដោយសារ​តែ​កាកសំណល់​របស់ថាមពលនុយក្លេអ៊ែរ​មានសារធាតុ​វិទ្យុសកម្មខ្ពស់ ដូចនេះគេ​ត្រូវគ្រប់គ្រង​វាឲ្យបាន​ល្អបើមិន​ដូច្នោះទេ​វានឹងផ្តល់ផល​ប៉ះពាល់យ៉ាងធ្ងន់ធ្ងរ​ដល់ផែនដី ។

–         ក្នុងការ​បង្កើត​រោងចក្រ​ថាមពលនុយក្លេអ៊ែរមួយ​គេត្រូវការ​ចំណាយ​ថវិកា និង ធនធានមនុស្ស​យ៉ាងច្រើន​សន្ធឹកសន្ធាប់​ដែលវា​ជាឧបសគ្គ​មួយ​សម្រាប់​ប្រទេស​ក្រីក្រ ។

–         ថាមពលនុយក្លេអ៊ែរ​មិនមែនជាធនធាន​កកើតឡើងវិញ​ឡើយ ។ អុយរ៉ាយ៉ូមដែលជាប្រភព​ក្នុងការ​បង្កើតថាមពលនុយក្លេអ៊ែរ​អាចផ្គត់ផ្គង់​បាន​ត្រឹមរយៈពេល​ប្រមាណពី ៣០ ទៅ ៦០ឆ្នាំប៉ុណ្ណោះ ព្រោះថាអុយរ៉ាយ៉ូមជា​សារធាតុ​ដ៏កម្រ​មួយ ។​

ទន្ទឹមនឹង​គុណសម្បត្តិ និង គុណវិបត្តិទាំងនេះ​ ក៏នូវមានបញ្ហាដ៏សំខាន់មួយ​ដែលគេកំពុងយកពិភាក្សាគឺបញ្ហាសុវត្តិភាព ។ បើទោះបី​រោងចក្រថាមពលនុយក្លេអ៊ែរ​កម្រនឹងកើតមាន​ឧបទ្ទវហេតុអ្វីមួយ ប៉ុន្តែ​បើវា​កើតមានឡើង​នោះ វាផ្តល់ផល​ប៉ះពាល់​យ៉ាងធ្ងន់ធ្ងរដល់​ផែនដីក្នុងរយៈពេល​រាប់រយ​ឆ្នាំទៅមុខ ។​ ឧទាហរណ៍ដូចជាគ្រោះថ្នាក់នៅឈឺណូប៊ីល (Chernobyl) អតីតសហភាពសូវៀតក្នុងឆ្នាំ ១៩៨៦ ដែលប្រហែល​ជាគ្រោះថ្នាក់របស់ថាមពលនុយក្លេអ៊ែរធំបំផុតក្នុងប្រវត្តិសាស្រ្ត​ពិភពលោកដែលគេមិនអាច​បំផ្លិចបាន ៕

ដកស្រង់ និង កែសម្រួលពី :

http://timeforchange.org/pros-and-cons-of-nuclear-power-and-sustainability

http://wiki.answers.com/Q/What_are_advantages_and_disadvantages_of_nuclear_power

Previous articleអុកស៊ីសែនលើសលុបពេកក៏មិនល្អដែរ !
Next articleវិទ្យាសាស្ត្ររីករាយ៖ តើធ្វើយ៉ាងម៉េចទើបស៊ុតអណ្តែតក្នុងទឹក?
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។