spot_img
spot_img
Homeធុរកិច្ច១០គន្លឹះដើម្បីទទួលបានជោគជ័យតាមរយៈទូរស័ព្ទ

១០គន្លឹះដើម្បីទទួលបានជោគជ័យតាមរយៈទូរស័ព្ទ

-

ទូរស័ព្ទ​ជារឿយៗ​គឺជា​ឧបករណ៍​សម្រាប់​ទំនាក់ទំនង​មួយ​ក្នុង​ចំណោម​ឧបករណ៍​ផ្សេងទៀត​នៅក្នុង​ការិយាល័យ​។ តើ​អ្នក​ធ្លាប់​ពិចារណា​ថាតើ​អាជីវកម្ម​របស់អ្នក​នឹង​អាច​ដើរទៅមុខ​ដោយសារ​តែ​ទូរស័ព្ទ​ដែរទេ​? ប្រាកដ​ណាស់​ថា​ពិតជា​អាច!​ គន្លឹះ​ទាំង​១០​នេះ​នឹង​ជួយ​អ្នក​អភិវឌ្ឍ​ការ​បង្ហាញ​វត្តមាន​និង​ការធ្វើ​បទបង្ហាញ​របស់អ្នក​នៅតាម​ទូរស័ព្ទ៖

១.​អ្នក​គឺជា​អ្នក​គ្រប់គ្រង​នៃ​ការទាក់ទាញ​ចិត្ត​លើកដំបូង​ចំពោះ​អាជីវកម្ម​របស់អ្នក​។ គ្រប់ពេល​ដែល​អ្នក​លើក​ទូរស័ព្ទ​និយាយ អ្នក​ត្រូវ​ដាក់​ស្នាមញញឹម​នៅលើ​មុខ​របស់អ្នក​សិន។ វា​នឹង​ធ្វើឲ្យ​គុណភាព​នៃ​សម្លេង​របស់អ្នក​កាន់តែ​ប្រសើរ​និង​អាច​ឲ្យគេ​ឮ​បែបរីករាយ​និង​បន្ធូរ​អារម្មណ៍។

២.ស្ដាប់​​យ៉ាង​យកចិត្ត​ទុកដាក់​និង​យ៉ាង​សកម្ម​ចំពោះ​មនុស្ស​ដែល​អ្នក​កំពុង​និយាយ​ជាមួយ។​ ការ​ធ្វើ​ការងារ​ច្រើន​ក្នុងពេល​តែមួយ​គឺជា​សត្រូវ​នៃ​ការស្ដាប់​​ប្រកប​​ដោយ​ប្រសិទ្ធភាព។

៣.អនុញ្ញាត​ឲ្យ​គេ​និយាយ​! ត្រូវ​ប្រាកដ​ថា​អ្នក​ដែល​ទូរស័ព្ទ​មក​អ្នក​បាន​បញ្ចប់ពាក្យ​សម្តី​របស់គាត់​ហើយ​មុនពេល​អ្នក​តប​ទៅគាត់​វិញ។ ចូរចាំ​ថា ជួនកាល​ពួកគេ​មិនទាន់​បាន​បញ្ចប់​ការនិយាយនៅ​ឡើយ ពួកគេ​គ្រាន់តែ​ឈប់​បន្តិច​ប៉ុណ្ណោះ។

៤.ចូរ​​ប្រើ​សំណួរ​បើក​ដើម្បី​ធ្វើឲ្យ​គេ​និយាយ​ដោយ​សេរី។ អ្នក​គួរតែ​និយាយ​ឲ្យ​តិចជាង​អ្នក​ដែល​អ្នកហៅ​​ទូរស័ព្ទទៅ​។ វា​ធ្វើឲ្យ​អ្នកផ្សេង​មាន​អារម្មណ៍​ថា​មាន​ភាព​ប្រសើរ ជាពិសេស​នៅពេលដែល​អ្នក​សុំ​ឲ្យ​គេ​ធ្វើការ​សម្រេច​ចិត្ត។ ពួកគេ​កាន់តែ​និយាយ គេ​កាន់តែ​មាន​ភាពងាយស្រួល​ដើម្បី​ “ទិញ” នូវ​អ្វី​ដែល​អ្នក​ដាក់ស្នើ​។

៥.ដើម្បី​បង្កើត​សម្ព័ន្ធភាព​ជិតស្និទ្ធ​ជាមួយ​អ្នក​ហៅចូល​ អ្នក​ត្រូវ​ចេះ​លើកដាក់​សម្លេង​ដើម្បី​ឲ្យស៊ីគ្នា​ជាមួយ​គេ​។ ពួកគេ​នឹង​មិនមាន​ការភ័យបារម្ភ​ឡើយ។

៦.ចេះ​ប្រើ​ពាក្យ​ឲ្យ​ទទួល​បាន​លទ្ធផល​ល្អ​បំផុត។ ចូរចាំ​ទុក​ក្នុងចិត្ត​ថា​អ្នក​អាច​និយាយ​អ្វីមួយ​ប្រកប​ដោយ​ភាពវិជ្ជមាន អវិជ្ជមាន ឬ​អព្យាក្រឹត្យ។ ការនិយាយ​ពាក្យ​ដែល​មានលក្ខណៈ​វិជ្ជមាន​នឹង​អាច​ជួយឲ្យ​អ្នក​ទទួល​បាន​លទ្ធផល​ល្អ​ប្រសើរ​និង​កាន់តែ​ងាយស្រួល។

៧.សារ​ជា​សម្លេង​អាច​ជា​ជំនួយ​ដល់អ្នក​បាន​ប៉ុន្តែ​បើសិន​ជា​អាច​ចៀស​បាន​អ្នក​គួរតែ​ចៀស​។ អ្នក​ត្រូវ​ប្រាកដ​ថា​អ្នក​បាន​ប្រើ​កម្មវិធី​ដែល​មាន​កម្រិត​សម្លេង​ល្អ។ យល់ល្អ​អ្នក​គួរតែ​និយាយ​ផ្ទាល់​តែម្តង​ជាមួយ​អតិថិជន​។

៨.អ្នកត្រូវរៀបចំ​ការធ្វើ​បទបង្ហាញ​របស់អ្នក​ជាមុន។ គិត​​ពី​​វគ្គ​​ផ្សេងៗ​​ទាំងអស់​ដែល​អ្នក​នឹង​អាច​ជួប​ហើយ​សរសេរ​វា​ទុក។​ នេះ​ហៅថា​គម្រោង​មុន​តេ​ទូរស័ព្ទ​។

៩.ភ្ជាប់ខ្លួន​អ្នក​ជាមួយ​នឹង​ការ​អភិវឌ្ឍន៍​។ ចូរ​ស្ដាប់​គំនិត​របស់ខ្លួន​ដោយ​យកចិត្ត​ទុកដាក់​និង​សម្រេច​ថា​អ្វី​ដែល​អ្នក​ចង់​វិវត្ត​។

១០.​បង្កើត​គម្រោង​អនុវត្ត។ អ្នក​ត្រូវផ្តោត​អារម្មណ៍​ទៅ​លើ​អ្វី​តែមួយ​ក្នុង​ពេល​តែមួយ។ នៅពេល​ដែល​មាន​អារម្មណ៍ថា​ប្រសើរ​សឹម​តទៅមុខ។

យើង​ប្រើ​ទូរស័ព្ទ​ជា​ជំហាន​បឋម​នៃ​ទំនាក់ទំនង​ផ្ទាល់។ មនុស្ស​ដែល​អាច​ធ្វើបាន​ល្អ​ចំពោះ​វិធីសាស្ត្រ​នេះ​អាច​បង្កើន​ឱកាស​នៃ​ភាពជោគជ័យ​បានច្រើន​។

ប្រភព៖ www.smallbusinessbrief.com

Pisey So
Pisey So
សូ ពិសី​មាន​តួនាទី​ផ្នែក Business Creative នៅក្នុងគំនិត​​ដែល​ផ្តោតលើ​ការបង្កើត​មាតិកា​ធុរកិច្ច សហគ្រិន យុទ្ធសាស្ត្រ​​អាជីវកម្ម​សម័យ​ទំនើប​ព្រមទាំង​ធ្វើករណី​សិក្សា​ទៅលើ​អាជីវកម្ម​​ក្នុងស្រុក។គាត់​ក៏​​ជា​និស្សិត​នៅ​សាកលវិទ្យាល័យ​មេគង្គកម្ពុជា​សិក្សា​ផ្នែក​​​គ្រប់គ្រង​ធុរកិច្ច​អន្តរជាតិ​។ គាត់​​ធ្លាប់​ចូលរួម​សិក្ខា​សាលា​និង​វគ្គ​បណ្តុះបណ្តាល​ដូចជា ​ភាពជា​អ្នកដឹកនាំ ជំនាញទន់ និង​ជំនាញ​នៃ​ការលក់​ជាច្រើន ​​ព្រមទាំង​សកម្មភាព​ក្នុង​ការងារ​ស្ម័គ្រចិត្ត​ផងដែរ។

រៀនពីអ្វីថ្មីៗ

spot_img

អត្ថបទថ្មិៗ