៣ចំណុចដែលអាចជួយឲ្យអ្នកឆ្ពោះទៅគោលដៅ

1440

ការសម្រេច​គោលដៅ​គឺ​មិន​ពិបាក​ឡើយ​បើ​អ្នក​ចាត់ទុក​វា​ដូចជា​ការដើរម្តង​មួយជំហាន​ៗដោយ​មិន​បង្ខំ។ ដើម្បី​ឲ្យ​អ្នក​អាច​សម្រេច​គោលដៅ​បាន​ដោយ​ជោគជ័យ​ ៣ចំណុច​ខាង​ក្រោមនេះ​អ្នក​អាច​យក​ទៅ​អនុវត្ត​​បាន​ជា​រៀងរាល់​ថ្ងៃ៖

ចំណុច​ទី​១​  វិន័យ

មិនមាន​ការរៀបចំ​ណា​ដែល​ល្អ​ប្រសើរ​ជាង​ការមាន​វិន័យនោះទេ ​។ នៅពេល​ដែល​អ្នក​ធ្វើអ្វី​មួយ​តែង​តម្រូវ​ឱ្យ​មាន​វិន័យ​ជានិច្ច​។​ ដើម្បី​ឲ្យ​មាន​វិន័យ​នៅក្នុ្ងង​ការធ្វើអ្វី​មួយនោះ​អ្នក​គួរតែ​​ក្រោក​​​ពី​​ព្រលឹម​​​។ អ្នក​អាច​សាកល្បង​ក្រោក​ឡើង​នៅម៉ោង​ ៥ ព្រឹកដើម្បី​ឲ្យ​​អ្នក​មាន​ពេលវេលា​ត្រឹមត្រូវ​ក្នុងការ​ធ្វើរៀបចំខ្លួន​ ហាត់ប្រាណ អានសៀវភៅ ឬ​ញ៉ាំ​អាហារពេល​ព្រឹក​ជាដើម​មុន​ពេល​អ្នក​ទៅបំពេញ​​ការងារ​ប្រចាំថ្ងៃ​របស់អ្នក​។

ចំណុច​ទី​២​  យកចិត្តទុកដាក់

អ្នក​ស្រាវជ្រាវ​បាន​លើកឡើង​ថា​មនុស្ស​ភាគច្រើន​ប្រើប្រាស់​ប្រព័ន្ធ Digital ជាង ១២ ម៉ោង​ក្នុង​មួយ​ថ្ងៃ។ នៅពេល​ដែល​ពួកគេ​ធ្វើការ​តែងតែ​ជួប​ការ​រំខាន​យ៉ាងតិច​ ១១ នាទី​ម្ដង​ដោយសារតែ​មាន​ការងារ​ជុំវិញ​ខ្លួន​ច្រើនពេក​។ ដើម្បី៎​ឲ្យ​យើង​អាច​អភិវឌ្ឍ​ខ្លួនឯង​បាន​អ្នក​គួរតែ​ចំណាយ​ពេលខ្លះ​​សម្រាក​។ ​អ្នក​អាច​នៅ​ស្ងប់ស្ងាត់​តែ​ម្នាក់ឯង​ពី​២​ទៅ​៥នាទី​​ជា​រៀងរាល់​ព្រឹក​។ ប្រសិនបើ​ការស្ងប់ស្ងាត់​នេះ​មិនមាន​ប្រសិទ្ធភាព​អ្នក​អាច​យក​ពេល​មក​អាន​សៀវភៅ រៀបចំ​គម្រោង​សម្រាប់​ធ្វើអ្វី​ផ្សេងៗ​ឬ​ក៏​ធ្វើអ្វី​ដែល​មាន​ប្រយោជន៍​ពីព្រោះកត្តា​​ទាំងអស់​នេះ​នឹង​ជួយ​ពង្រឹង​សមត្ថភាព​របស់អ្នក​ហើយ​អាច​ឈាន​ទៅរក​គោលដៅ​។

ចំណុច​ទី​៣​ ​ ថាមពល

ដើម្បី​សម្រេច​គោលដៅ​បាន​គឺ​តម្រូវ​ឲ្យ​យើង​ប្រឈម​មុខ​ជាមួយ​នឹង​ឧបសគ្គ។ ប្រសិនបើ​អ្នក​ធ្វើកិច្ចការ​បាន​សម្រេច​ជា​បន្តបន្ទាប់​​ អ្នក​នឹង​មើលឃើញ​ពី​ភាពខុសប្លែក​នៅក្នុង​ជីវិត​របស់អ្នក​និង​​ធ្វើដំណើរឆ្ពោះទៅរកគោលដៅ​បន្ត​ទៅទៀត​។ ដើម្បី​ឲ្យ​​អ្នក​អាច​មាន​ថាមពល​កាន់តែ​ខ្លាំង​នោះ​គឺ​អ្នក​ត្រូវធ្វើ​លំហាត់ប្រាណ​​ដើម្បី​បង្កើន​សមត្ថភាព​រាង​កាយ​ព្រមទាំងអាចឲ្យ​​​ខួរក្បាល​ជ្រះ​ស្រលះ​ល្អ។ ការធ្វើ​លំហាត់​ប្រាណ​គឺជា​ចំណុច​មួយ​យ៉ាងធំ​ដែល​អាច​ធ្វើឲ្យ​មនុស្ស​យើង​ផ្លាស់ប្ដូរ​បានយ៉ាង​មាន​ប្រសិទ្ធភាព​។​ ការ​ហាត់ប្រាណ​នៅពេលព្រឹក​ក៏​ទុក​ពេល​ឲ្យ​យើង​បាន​ពង្រឹង​ការគិត​ដែរដែល​វា​ប្រៀប​ដូចជា​អ្នក​បាន​​រៀបចំ​ខ្លួន​ដើម្បី​តស៊ូ​សម្រេច​នូវ​គោលដៅ​ធំ​របស់ខ្លួន​រួចរាល់។

សរុបមក​​មិនមាន​អ្វី​ដែល​អាច​​រារាំង​អ្នក​ពី​គោលដៅ​របស់​អ្នក​នោះទេ ប្រសិនបើ​អ្នក​មាន​ការរៀបចំ​ច្បាស់លាស់ ​យកចិត្ត​ទុកដាក់ និង​មាន​ថាមពលក្នុងខ្លួន។