៤សំណួរ​ដែល​សហគ្រិន​គួរ​តែ​សួរ​ខ្លួនឯង​ដើម្បី​ជោគជ័យ

1188

ពួកយើង​គ្រប់គ្នា​សុទ្ធតែ​ប្រាថ្នា​ចង់ទទួលបាន​អ្វី​អស្ចារ្យមុន​ដំណាច់​ឆ្នាំ​២០១៧​នេះ។ អ្នក​​ខ្លះ​ចង់​ទទួលបាន​ការរីកចម្រើន រីឯអ្នក​ខ្លះ​ទៀត​ចង់​ពង្រីក​អាជីវកម្ម​បន្ថែមទៀត​។ បំណង​ប្រាថ្នា​មិន​អាច​កើតឡើង​ជា​ការពិត​ដោយ​ឯកឯង​ទេលុះត្រា​តែ​អ្នក​ធ្វើ​វា​ឲ្យ​កើតឡើង។ អ្នក​ត្រូវ​មាន​ក្តី​សុបិន​និង​គោលដៅ​ឲ្យ​បាន​ច្បាស់លាស់​ជា​មុនសិន។ ជាការពិត​ក្នុង​នាម​ជា​សហគ្រិន​ម្នាក់​គឺ​ពិត​ជា​ចង់​ទទួលបាន​ភាព​ជោគជ័យ​ខ្លាំងណាស់។ ដើម្បី​អាច​សម្រេចបាន​ គេ​គួរ​សួរ​សំណួរ​ទាំង​៤ខាងក្រោមនេះ​ទៅកាន់​ខ្លួនឯង​ជាមុន​សិន៖​

#សំណួរទី១ តើ​ខ្ញុំ​ត្រូវ​ធ្វើយ៉ាងណា​ដើម្បី​ទទួលបាន​ភាព​ជោគជ័យ?

ដំបូង​អ្នក​ត្រូវ​ដឹងឲ្យ​ច្បាស់​ថា​អ្នក​ចង់​សម្រេច​អ្វី​នៅក្នុង​ឆ្នាំ​នេះ។ អ្នក​អាច​ស្រមៃ​ថា​អ្នក​ស្ថិត​នៅក្នុង​បំណាច់​ឆ្នាំ​២០១៧។ អ្នក​កំពុង​អង្គុយ​នៅក្នុង​ការិយាល័យ​ហើយ​អ្នក​មាន​អារម្មណ៍​ថា​ឆ្នាំនេះ​គឺ​ពិត​ជា​អស្ចារ្យ​​​ណាស់ព្រោះ​អ្នក​បាន​សម្រេចគោលដៅដែល​អ្នក​បាន​គ្រោង​ទុក​រួច​ហើយ។ ​បន្ទាប់​ពី​ស្រមៃ​រួច​អ្នក​ត្រូវ​កត់ត្រា​អារម្មណ៍ ភាព​អស្ចារ្យ និង​គោលដៅ​ទាំង​នោះទុកហើយ​ចាប់​ផ្តើម​រៀបចំ​ផែនការណ៍​ឲ្យបាន​ច្បាស់លាស់​ដើម្បី​អាច​សម្រេច​គោលដៅ​នេះបាន។

#សំណួរទី២ តើខ្ញុំគួរ​ធ្វើ​យ៉ាងណា​ដើម្បី​ទទួលបាន​ភាព​រីក​ចម្រើន?

អ្នកគួរ​ស្វែងយល់​ពី​អតិថិជន​របស់អ្នក​ឲ្យ​បាន​ច្បាស់។ តើ​អ្វី​ទៅជា​យុទ្ធសាស្ត្រចម្បង​របស់​អ្នក​ក្នុង​ការ​ទាក់ទាញ​អតិថិជន​ឲ្យ​បាន​កាន់តែ​ច្រើន​សម្រាប់​ឆ្នាំនេះ? អ្នក​ត្រូវ​ដឹង​ថា​អតិថិជន​ចង់បាន​អ្វី​ពី​អាជីវកម្ម​របស់អ្នក?បន្ទាប់ពី​នោះ​អ្នក​ត្រូវ​ប្តេជ្ញា​ចិត្ត​ធ្វើឲ្យបាន​ដើម្បី​សម្រេចក្តី​ប្រាថ្នា​របស់អ្នក។

#សំណួរទី៣ តើអ្នកគួរ​បម្រើ​អតិថិជន​របស់អ្នក​ដោយ​របៀបណា?

 អ្នក​ត្រូវ​រៀបចំ​គម្រោង​សម្រាប់​កិច្ចការ​ដែល​អ្នក​នឹងធ្វើ​ដើម្បី​បម្រើ​អតិថិជន​របស់អ្នក​ឲ្យ​កាន់តែ​ប្រសើរ​ជា​ឆ្នាំ​២០១៦ទៀត។ គិត​ពី​ចំណុច​វិជ្ជមាន​ទាំងឡាយ​ដែល​អ្នក​អាច​ផ្តល់ឲ្យ​អតិថិជន​ដើម្បី​បង្កើន​ការ​ពេញ​ចិត្ត​របស់ពួកគេ។ អ្នក​ត្រូវ​គិត​ពី​វិធី​ដេល​អាចយក​ទំនុកចិត្ត​របស់អតិថិជន​បាន​ដូច​ជា​បង្កើន​អនាម័យ​ជាដើម​។

#សំណួរទី៤ តើធ្វើយ៉ាងណា​ដើម្បី​បញ្ឈប់ភាព​ស្ទាក់ស្ទើររបស់ខ្ញុំបាន?

ផ្លូវ​នៃ​ការ​ធ្វើអាជីវកម្ម​របស់​សហគ្រិន​តែងតែ​មាន​ឧបសគ្គ។ ជួនកាល​ពេលដែល​ជួបការ​លំបាក​ច្រើនពេក​ឬធ្ងន់ធ្ងរពេក​នាំឲ្យ​មាន​ការអស់សង្ឃឹម។ ដោយសារតែ​ភាព​ភ័យខ្លាច​ឬការសង្ស័យ​នាំឲ្យ​ពួកគេ​បោះបង់ចោល។ ដោយឡែក​ចំពោះ​សហគ្រិន​ អ្នក​គឺបាន​ព្យាយាម​ជាយូរ​មកហើយ អ្នក​មិន​ត្រូវ​ស្ទាក់ស្ទើរ​ក្នុង​ការ​សម្រេចគោលដៅ​ក្នុង​ឆ្នាំនេះទេ។ អ្នក​ត្រូវ​ផ្តោត​ទៅលើការងារណា​ដែលនាំ​អ្នក​ទៅរកភាព​ជោគជ័យ​ពិតប្រាកដ​និងរៀនលះបង់ការងារ​ដែល​មិនចាំបាច់។ ចាប់ផ្តើម​ផ្តោតឲ្យ​កាន់តែ​ខ្លាំងពីការងារ​បែបណា​ដែល​អ្នក​ចង់​បាននិង​បន្ត​ប្រឹងប្រែង​ធ្វើវា​តទៅទៀត។ លើសពីនេះ​ទៅទៀត​ អ្នក​ក៏អាច​សិក្សា​ពី​ទម្លាប់​ល្អៗរបស់បុគ្គល​ជោគជ័យ បុគ្គល​គម្រូ​ ឬមនុស្សណា​ម្នាក់​ដែលអ្នក​តែងតែ​កោតសរសើរហើយ​រៀនអនុវត្តតាមពួកគេ​។

Previous articleធុរកិច្ច៦ប្រភេទ​ដែលអ្នកអាចចាប់ផ្តើមដោយមិនត្រូវការទុនច្រើន
Next articleលក្ខខណ្ឌ​ដូចម្តេច​ទើបអាចដាក់តម្លៃខ្ពស់បាន?
ហេង ប៊ុននាថ មានតំណែងជា Business Creative នៅគំនិត ដែលមានតួនាទីដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតថ្នាក់បរិញ្ញាប័ត្រ នៅ វិទ្យាស្ថានជាតិបរទេស(IFL) ផ្នែកអក្សរសាស្រ្តអង់គ្លេស និង សាកលវិទ្យាល័យ បញ្ញាសាស្រ្ត( PUC) ជំនាញ គ្រប់គ្រងអាជីវកម្ម ដែលសុទ្ធសឹងជាសាកលវិទ្យាល័យល្បីៗនៅប្រទេសកម្ពុជា។ ក្រៅពីការសិក្សានឹងការងារ គាត់បានលះបង់ពេលវេលាផ្ទាល់ខ្លួនរបស់គាត់ ក្នុងការចូលរួមសកម្មភាពសង្គម ដើម្បីចែករំលែកបទពិសោធន៌ និងចំណេះដឹងដែលគាត់មានទៅកាន់សហគមន៌ ព្រោះការអភិវឌ្ឍន៌សង្គមគឺជាកិច្ចការ ដែលគាត់គិតថាគួរចូលរួមចំនែក។ បន្ថែមពីនេះ នៅពេលទំនេរ គាត់បានធ្វើការស្មគ្រ័ចិត្ត ក្នុងសិក្សាស្រាជ្រាវ ទៅលើអាជីវកម្មផ្សេងៗ ដើម្បីស្វែងយល់ឱ្យកាន់តែច្បាស់ ពីតថភាពសង្គមខ្មែរ នាពេលបច្ចុប្បន្ន។