៥វិធីក្នុងការកែប្រែពីគំនិតឲ្យក្លាយទៅជាអាជីវកម្ម

1019

នៅពីក្រោយ​អាជីវកម្ម​ជោគជ័យ​អ្នក​នឹង​ស្វែងរក​ឃើញ​យ៉ាងហោចណាស់​ក៏​មានគំនិត​មួយ​ដែល​អស្ចារ្យ​។ មនុស្ស​ភាគច្រើន​គិតថា និយមន័យ​នៃ​អាជីវកម្ម​ដែល​មាន​ភាពជោគជ័យ​គឺជា​អាជីវកម្ម​មួយ​ដែល​ទទួលបាន​ផល​ចំណេញ ហើយ​អាជីវកម្ម​ដែល​មាន​ផល​ចំណេញ​គឺជា​ការច្នៃគំនិត​ដែល​ត្រូវបានគេ​សិក្សា​ស្រាវជ្រាវ​យ៉ាងត្រឹមត្រូវ។​

ខាងក្រោមនេះ​គឺជា​ជំហាន​មួយចំនួន​ដែល​អ្នក​អាច​យក​ទៅស្រាវជ្រាវ​និង​កែប្រែ​វា​ទៅជា​អាជីវកម្ម​ដែល​អាចទទួលបាន​ផលចំណេញ៖

១.ធ្វើ​បញ្ជី​នៃ​ហេតុផល​ទាំងឡាយ​ដែល​ធ្វើឲ្យ​អ្នក​ចង់​បើក​អាជីវកម្ម​ដោយ​ខ្លួនឯង ៖ មើល​បញ្ជី​នោះ​ដោយ​យកចិត្ត​ទុកដាក់។ តើ​ការ​ចាប់ផ្តើម​អាជីវកម្ម​ផ្ទាល់ខ្លួន​របស់អ្នក​ជួយ​ឲ្យ​អ្នក​ជឿជាក់​ទៅលើ​ហេតុផល​ទាំងនេះ​ទេ?​ បើ​អ្នក​ចង់ឲ្យ​កាន់តែច្បាស់ អ្នក​អាចស្វែងរក​សៀវភៅ “The Science of Getting Rich” ​នៅលើ ​Google​ បន្ថែម​ទៀតបាន។

២.​ធ្វើ​បញ្ជី​នៃ​កិច្ចការ​ដែល​អ្នក​ចូលចិត្ត​ធ្វើ​ជាមួយ​នឹង​ពេលវេលា​កំណត់​មួយ ៖ ភាពជោគជ័យ​អាច​មិន​ច្បាស់លាស់​បើ​អ្នក​មិនសូវ​សប្បាយចិត្ត​ចំពោះ​អាជីវកម្ម​របស់អ្នក។ តើ​អ្វី​ជា​ចំណាប់​អារម្មណ៍​និង​ជា​ការ​កម្សាន្ត​របស់អ្នក? តើ​អ្នក​ពូកែ​​ខាង​អ្វី? តើ​អ្វី​ដែល​អ្នកដទៃ​និយាយថា​អ្នក​ពូកែ? បញ្ជី​នេះ​​ដែរ​តំណាង​ឲ្យ​គម្រូ​ត្រួសៗ​ដែល​ផ្តល់​ឲ្យ​អ្នក​នូវ​ភាពរីករាយ​គ្រប់ពេល។ ចូរ​សម្រេចចិត្ត​ថាតើ​ប្រការ​អ្វីខ្លះ​នៅលើ​បញ្ជី​របស់អ្នក​ដែល​អ្នក​ចូលចិត្ត​បំផុត​ដើម្បី​ឲ្យ​អ្នក​អាច​យកទៅ​អភិវឌ្ឍ​អាជីវកម្ម​​របស់អ្នក។ ប្រសិនបើ​អ្នក​ត្រូវការ​ជំនួយ​ក្នុង​ការ​ស្វែងរក​គំនិត​បន្ថែម​អ្នក​អាច​រក​នៅក្នុង​សៀវភៅ​របស់​ Wayne Yeager ​គឺ​​ “1000​ Ways To Make Money” ។

៣.​ជជែក​ជាមួយ​មិត្តភក្តិ​ឬ​គ្រួសារ​ដែល​ជា​ម្ចាស់អាជីវកម្ម​ឬ​ធ្វើការ​នៅក្នុង​អាជីវកម្ម​ស្រដៀង​គ្នា ៖ ទាញ​យក​ទិន្នផល​របស់​ពួកគេ​បញ្ចូល​ទៅក្នុង​គំនិត​របស់អ្នក។ តើ​អ្វី​ដែល​អ្នក​ចង់​វិវត្ត​បន្ត​ទៅទៀត​? ហេតុអ្វី​បាន​ជា​វា​ត្រូវការ​អភិវឌ្ឍន៍​និង​ដោយ​របៀប​ណា? អ្នក​អាច​ជជែក​ជាមួយ​ម្ចាស់​អាជីវកម្ម​ផ្សេងទៀត​ដែល​នៅជិតៗ​គ្នា ​ដូច្នេះ​អ្នក​នឹង​មិនត្រូវ​បានគេ​ចាត់ទុក​ជា​ដៃគូ​ប្រកួត​ប្រជែងទេ​និង​អាច​ទទួល​បាន​ទិន្នផល​ពី​ពួកគេ​វិញ​ចំពោះ​គំនិត​របស់អ្នក។ មនុស្ស​ទាំងនេះ​ទំនង​ជា​មាន​ប្រាជ្ញា​វៃឆ្លាត​ដែល​អ្នក​មិន​ធ្លាប់​គិត​ដល់ផង​ក៏ថាបាន។

៤.​​ចូលរួម​ក្នុង​វេទិកា​ពិភាក្សា ៖ នេះ​គឺជា​វិធី​ដ៏​អស្ចារ្យ​ដើម្បី​ឆ្ពោះទៅកាន់​សន្ទុះ​នៃ​អតិថិជន​ដែល​មាន​សក្តានុពល​។ នៅពេល​ដែល​អ្នក​បាន​ចូលរួម​ហើយ​អ្នក​នឹង​អាច​មើល​ឃើញ​និន្នាការ ទទួលបាន​មតិ​ត្រឡប់​មកវិញ  និង​អាច​មានទំនាក់ទំនង​ការងារ​ជាមួយ​មនុស្ស​ដែល​មាន​ចំណង់ចំណូល​ចិត្ត​ប្រហាក់​ប្រហែល​គ្នា។

៥.​ការវាយតម្លៃ​ពី​តម្រូវការ​ចំពោះ​ផលិតផល​ឬ​សេវាកម្ម ៖ អ្នក​ត្រូវការ​យល់ពី​ជំហាន​និង​ទិសដៅ​នៃ​ឧស្សាហកម្ម​របស់អ្នក​។ ការយល់ដឹង​នេះ​ដាស់​ឲ្យ​អ្នក​ដឹង​ពី​កង្វះខាត​ជាមួយ​គំនិត​របស់អ្នក​និង​ជួយ​អ្នក​ឲ្យ​​បញ្ចេញ​ថាមពល​របស់អ្នក​បាន​ត្រឹមត្រូវ។ វា​ថែមទាំង​ជួយ​ឲ្យ​អាជីវកម្ម​របស់​អ្នក​ខិត​ទៅរក​ការបង្កើត​ថ្មី​និង​ចក្ខុ​វិស័យ​។

ប្រភព៖ www.smallbusinessbrief.com

Previous articleរឿង៣យ៉ាងដែលបានផ្លាស់ប្តូរខ្ញុំនៅពេលធ្វើជាសហគ្រិនម្នាក់
Next articleអត្តចរិកទាំង៩នៃអ្នកដឹកនាំពិតប្រាកដ
សូ ពិសី​មាន​តួនាទី​ផ្នែក Business Creative នៅក្នុងគំនិត​​ដែល​ផ្តោតលើ​ការបង្កើត​មាតិកា​ធុរកិច្ច សហគ្រិន យុទ្ធសាស្ត្រ​​អាជីវកម្ម​សម័យ​ទំនើប​ព្រមទាំង​ធ្វើករណី​សិក្សា​ទៅលើ​អាជីវកម្ម​​ក្នុងស្រុក។គាត់​ក៏​​ជា​និស្សិត​នៅ​សាកលវិទ្យាល័យ​មេគង្គកម្ពុជា​សិក្សា​ផ្នែក​​​គ្រប់គ្រង​ធុរកិច្ច​អន្តរជាតិ​។ គាត់​​ធ្លាប់​ចូលរួម​សិក្ខា​សាលា​និង​វគ្គ​បណ្តុះបណ្តាល​ដូចជា ​ភាពជា​អ្នកដឹកនាំ ជំនាញទន់ និង​ជំនាញ​នៃ​ការលក់​ជាច្រើន ​​ព្រមទាំង​សកម្មភាព​ក្នុង​ការងារ​ស្ម័គ្រចិត្ត​ផងដែរ។