spot_img
spot_img
Homeធុរកិច្ច៧គន្លឹះខ្លីៗដើម្បីកសាងទំនុកចិត្តចំពោះអតិថិជន

៧គន្លឹះខ្លីៗដើម្បីកសាងទំនុកចិត្តចំពោះអតិថិជន

-

៧​គន្លឹះ​ខ្លីៗ​ដើម្បី​កសាង​​ទំនុកចិត្ត​ចំពោះ​អតិថិជន

ការ​កសាងទំនុកចិត្តរវាងអ្នក​និង​អតិថិជនដែលមានសក្តានុពល​​គឺជា​ជំហាន​ដ៏​សំខាន់​មួយ​ដែល​អ្នក​ត្រូវ​តែ​ខិតខំ​អភិវឌ្ឍ​ចាប់​តាំង​ពី​ថ្ងៃដំបូង​បើមិន​ដូចច្នោះ​ទេ​គេ​នឹង​មិន​ទិញ​អ្វី​ពី​អ្នក​ឡើយ។ សព្វ​ថ្ងៃ​នេះ​​​អ្នក​ផ្គត់​ផ្គង់​ផលិតផល​​និង​​សេវាកម្ម​​មាន​ច្រើន​​ជា​ហេតុ​ធ្វើ​ឲ្យ​​ជម្រើស​​របស់​​​អតិថិជន​មាន​ការ​កើន​ឡើង​ ដូច្នេះ​ហើយ​​ទើប​​អ្នក​លក់​ទាំង​ឡាយ​ត្រូវ​​បង្កើត​​និង​​បង្កើន​​ទំនុក​ចិត្ត​​របស់​អតិថិជន​​មក​លើ​​ពួក​គេ។​ ​ការកសាង​​ទំនុកចិត្តគឺជា​​​រឿងដែលចាំបាច់។ ប៉ុន្តែ​តើ​អ្នក​ត្រូវធ្វើ​បែបណា​ដើម្បី​កសាង​នូវ​ទំនុកចិត្តបាន? ទាំងនេះ​ជា​គន្លឹះ​ទាំង៧​ដែលយើង​នឹង​លើកយកមកនិយាយ៖

គន្លឹះទី១ ៖ ក្នុង​ការសន្ទនា​ពី​ការលក់ រកឲ្យ​ឃើញ​ថាតើ​អ្នក​អាច​ជួយ​ពួកគេ​​​​ពី​អ្វី​​ដែល​ពួកគេ​​ចង់​បាន​ឬ​ក៏អត់

ចូរ​​បំភ្លេច​ពាក្យ​ “លក់” ចោល។ តាមធម្មជាតិ​របស់​មនុស្ស​នៅពេល​ដែលគេ​មាន​អារម្មណ៍​ថា​អ្នក​កំពុងតែ​ចង់​លក់​អ្វីមួយ​នោះគេ​នឹង​មិនទុកចិត្ត​អ្នកទេ។ ប៉ុន្តែ​​​បើអ្នក​កំពុងតែ​ជួយគេវិញ គេ​ប្រាកដជា​ទុកចិត្តអ្នក​និង​ចង់​ទិញ​ផលិតផល​ពីអ្នក។​

គន្លឹះទី២ ៖ ប្រឹក្សាយោបល់

​​ជា​ការ​ធ្វើ​ខ្លួន​​អ្នក​​​ឲ្យ​ទៅ​ជា​​ទី​ប្រឹក្សា​ជំនាញ​​មួយ​រូប​​​សម្រាប់​​អតិថិជន។ នៅពេល​​ដែលអ្នក​សន្ទនា​​ជាមួយ​​អតិថិជន​ អ្នក​​ត្រូវ​សួរ​សំណួរ​ទៅកាន់​​​គាត់​ដោយភាពស្មោះត្រង់ និង​​​មិន​​ផ្តោត​​ទៅ​លើ​​ផលិតផល​ឬ​សេវាកម្ម​​របស់​អ្នក​​ទេ។ ការ​ផ្តល់​ប្រឹក្សា​​យោបល់​​​របស់​អ្នក​​ទៅ​លើ​​បញ្ហា​​ដែល​​អតិថិជន​​កំពុង​​ប្រឈម​​​នឹង​​ធ្វើ​ឲ្យ​​ពួក​គាត់​មាន​ទស្សនៈ​វិជ្ជមាន​​ដោយ​​ពួក​គាត់​អ្ន​ក​​​ពិត​ជា​​ចង់​ដឹង​​​ឲ្យកាន់តែច្បាស់​ថាតើអ្នក​អាចជួយ​ពួក​គាត់​​​បាន​អ្វីខ្លះ ​ជាជាង​​ការ​ខិត​ខំ​ប្រឹង​​​លក់​ផលិតផល​ឲ្យ​តែ​​​បានៗ​​​!

គន្លឹះទី៣ ៖ ស្តាប់​ដោយយកចិត្តទុកដាក់

នៅពេល​ដែលអ្នក​សួរ​សំណួរ​ប្រកប​ដោយភាពស្វាហាប់​​ហើយនិង​មានភាពស្មោះត្រង់​ហើយ​​អ្នក​ក៏គួរតែស្តាប់គេ​ដោយយកចិត្តទុកដាក់​ដូចគ្នាដែរ។ ចូរយកចិត្ត​គេមកដាក់​ចិត្តខ្លួនឯង​និង​រៀន​ស្ដាប់​ពី​ទស្សនៈ​របស់គេ។ បើអ្នកកាន់តែ​ស្ដាប់​គេ​ប្រកប​ដោយភាពស្មោះត្រង់ នោះអ្នក​ក៏កាន់តែ​ធ្វើឲ្យ​គេទុកចិត្ត​ផងដែរ។

គន្លឹះទី៤ ៖ ចាប់យក​អ្វី​ដែល​អ្នក​កំពុងគិត

អ្នក​ប្រហែលជា​​មិនជឿ​លើរឿង​បែបនេះ ប៉ុន្តែ​នៅពេល​ដែល​អ្នក​កំពុង​ជជែក​ទៅកាន់​អតិថិជន​ដែលមាន​សក្តានុពល​ពួកគេ​​នឹង​អាចចាប់យក​បានថា​អ្នក​​កំពុងតែគិត​និង​​មានអារម្មណ៏​ពីអ្វី។ អ្នក​មិនអាច​​​លាក់បាំង​បានឡើយ​ថា​អ្វី​ដែល​អ្នក​កំពុង​អធិប្បាយ​ប្រាប់​អតិថិជន​ជា​ការពិត​ឬ​គ្រាន់​តែ​ជា​ការ​បំភ្លៃ​របស់អ្នក​។​ ​ដូច្នេះហើយ​មុនពេល​​អ្នក​ជជែកគ្នា​ពី​ការលក់​អ្នកត្រូវ​សម្រួល​អារម្មណ៍ទើប​អាចធ្វើឲ្យ«អតិថិជន​ទុកចិត្តអ្នកបាន។

គន្លឹះ​ទី៥ ៖ ធ្វើអ្វីមួយ​ដែល​អាចឲ្យ​អ្នកមាន​ទំនុកចិត្ត

បើអ្នក​មិនមាន​ទំនុកចិត្ត​កំឡុងពេល​និយាយ​សន្ទនា​ទេ ដៃគូ​សន្ទនា​​នឹង​អាចដឹងបានភ្លាមៗ​។ ម្យ៉ាងទៀត​ឱកាស​ដែល​គេ​​ទុកចិត្ត​លើ​​អ្ន​ក​ក៏​ទាប​ដូចគ្នា។ អ្នក​អាច​ធ្វើ​កំណត់សម្គាល់​ពីវិធីសាស្រ្ត​ដែល​អាចបង្កើន​ទំនុកចិត្ត​នៅកំឡុងពេល​មាន​ការសន្ទនា​បាន​ដោយ​ចូល​រួម​​រៀនវគ្គសិក្សា​ខ្លីៗ និង​អាន​​សៀវភៅ​ជាដើម។

គន្លឹះ​ទី៦ ៖ ធ្វើឲ្យ​ដូចពាក្យ​ដែល​អ្នកនិយាយ

នៅក្នុង​កិច្ចសន្ទនា​របស់អ្នក អ្នកត្រូវ​ប្រាកដថា​ពាក្យ​ដែលអ្នក​និយាយ​ពិត ហើយ​​អ្នក​ជូន​ដូ​ច​ការ​​សន្យា​​បាន ១០០%។ បើអ្នក​​មិនគោរព​សម្តី​​របស់​ខ្លួនឯង​​​ទេ នោះអ្នក​នឹងមិនអាច​ទទួល​បាន​​​ជោគជ័យ​​ក្នុង​​ការ​លក់​​យូរអង្វែង​ឡើយ។ ការ​ធ្វើឲ្យ​ដូចពាក្យ​​ដែលអ្នក​និយាយ​នឹង​អាច​ធ្វើឲ្យ​​អតិថិជន​ទុកចិត្ត​អ្នក​បាន។

គន្លឹះទី៧ ៖ ធ្វើឲ្យ​ខ្លួនឯង​ក្លាយជា​អ្នកជំនាញ​នៅក្នុង​​តំបន់​ទីផ្សារ​របស់អ្នក

ជាទូទៅ​មនុស្ស​យើង​ទុកចិត្ត​លើ​អ្នកជំនាញ។ គ្មាន​មនុស្ស​ណានឹងមក​​ខ្វល់​​ឬ​ជឿអ្នក​ទេ ប្រសិន​បើ​​គេ​មាន​អារម្មណ៍​​ថា​​អ្នក​​គ្មាន​ភាព​ច្បាស់​លាស់​​លើ​​ជំនាញ​របស់​ខ្លួន​ឯង ហើយ​អ្នក​ចង់​​កសាង​អាជីវកម្ម​អ្នក​​ត្រូវ​​ចាប់​ផ្តើម​​រៀន​​កសាង​​ទំនុកចិត្ត​ដោយ​ត្រូវ​ធ្វើខ្លួនឲ្យ​មាន​ជំនាញ​ច្បាស់​លាស់​​ជាមុន​សិន។

ជាទូទៅ​មនុស្ស​យើង​ទុកចិត្ត​លើ​អ្នកជំនាញ

ការអនុវត្តន៍​នូវ​វិធី​ទាំង៧​យ៉ាងនេះ​នឹងអាច​ធ្វើឲ្យ​អ្នកភ្ញាក់ផ្អើល​ពី​ការបង្កើន​ទំនុកចិត្ត​របស់អ្នកដទៃទៅកាន់​អតិថិជន។ គំនិតសង្ឃឹម​ថា​គន្លឹះ​ទាំង​៧​ខាងលើ​អាចជួយដល់អាជីវកម្មរបស់អ្នកបាន។

ប្រភព ៖ www.smallbusinessbrief.com

 

Pisey So
Pisey So
សូ ពិសី​មាន​តួនាទី​ផ្នែក Business Creative នៅក្នុងគំនិត​​ដែល​ផ្តោតលើ​ការបង្កើត​មាតិកា​ធុរកិច្ច សហគ្រិន យុទ្ធសាស្ត្រ​​អាជីវកម្ម​សម័យ​ទំនើប​ព្រមទាំង​ធ្វើករណី​សិក្សា​ទៅលើ​អាជីវកម្ម​​ក្នុងស្រុក។គាត់​ក៏​​ជា​និស្សិត​នៅ​សាកលវិទ្យាល័យ​មេគង្គកម្ពុជា​សិក្សា​ផ្នែក​​​គ្រប់គ្រង​ធុរកិច្ច​អន្តរជាតិ​។ គាត់​​ធ្លាប់​ចូលរួម​សិក្ខា​សាលា​និង​វគ្គ​បណ្តុះបណ្តាល​ដូចជា ​ភាពជា​អ្នកដឹកនាំ ជំនាញទន់ និង​ជំនាញ​នៃ​ការលក់​ជាច្រើន ​​ព្រមទាំង​សកម្មភាព​ក្នុង​ការងារ​ស្ម័គ្រចិត្ត​ផងដែរ។

រៀនពីអ្វីថ្មីៗ

spot_img

អត្ថបទថ្មិៗ