​ហ្គូហ្គល​និង​ហ្វេសប៊ុក​បិទការ​ផ្សាយ​​ម៉ាស​ ខណៈវីរុស​កូរ៉ូណា​​រីក​រាល​ដាល​

826

ទោះបី​ជា​ស្ថានភាព​វីរុស​កូរ៉ូណាឬកូវីត​១៩​នៅ​​​​ក្នុង​ប្រទេស​ចិនកំពុង​ត្រលប់​មករក​​ភាព​ល្អ​ប្រសើរ​វិញ​ ប៉ុន្តែ​​វីរុស​នេះនៅ​តែ​​កំពុងបន្ត​​វាយ​លុក​ប្រទេស​នៅ​ក្នុង​ទ្វីប​​អឺរ៉ុប​និង​សហរដ្ឋអាមេរិក​យ៉ាង​ខ្លាំង​ដែល​ធ្វើ​​ឲ្យគេ​មាន​ការ​​ព្រួយ​បារម្ភ​។​ ជុំ​វិញការ​បារម្មណ៍ចំពោះ​​ជំងឺ​បង្ក​ដោយ​វីរុស​​នេះ​ យើង​ឃើញ​ថា​ មាន​ការ​កើន​ឡើង​ ចំនួន​អ្នក​លក់​ម៉ាស​ពេទ្យ ​តាម​ហ្វេសប៊ុក​ ហ្គូហ្គល​ និង​អាម៉ាហ្សូន​ជាដើម​ ហើយ​អ្វី​ដែលចោទ​ជាបញ្ហា​​សំខាន់​បំផុត​នោះ​គឺ​ តម្លៃ​នៃ​ម៉ាស​ពេទ្យ​ មាន​ការ​កើន​ឡើង​ ខ្ពស់​ហួសប្រមាណ។​ ​ ជាលទ្ធផល​​ក្រុមហ៊ុន​ហ្គូហ្គល ​និង​ហ្វេសប៊ុក​បាន​ចាត់​​វិធា​ន​ការណ៍​ដើម្បី​គ្រប់​គ្រង​ស្ថានការណ៍​ដោយ​ បិទរាល់​ការ​ផ្សព្វ​ផ្សាយ​​ម៉ាសពេទ្យ​។​

អ្នក​នាំ​ពាក្យ​ ក្រុមហ៊ុន​ហ្គូហ្គល​ បាន​ប្រាប់​ CNBC ឲ្យ​ដឹង​ថា៖

“ ដើម្បី​គ្រប់​គ្រង​ស្ថានការណ៍នេះ​ យើង​សម្រេច​ចិត្ត​បិ​ទ​រាល់ការ​ផ្សាយ​ពាក់​ព័ន្ធម៉ាស​ពេទ្យ​។​ យើង​កំពុង​ពិនិត្យ​មើល​ស្ថានការណ៍នេះ​ដោយ​លំអិត​និង​សកម្ម​​បំផុត​ ដើម្បី​ការពារ​​អ្នក​ប្រើ​ប្រាស់​ទាំង​ឡាយ​។​ ហើយ​យើង​ត្រៀម​ខ្លួនរួច​​ជានិច្ច​ក្នុង​ការ​ធ្វើ​សកម្ម​ភាព ប្រសិន​បើ​ចាំបាច់​។ “​​

គិត​មក​ដល់​ពេល​នេះ​ ក្រុមហ៊ុន​ហ្គូហ្គល​ បាន​បិទ ​ការ​ផ្សាយ​តែ​លើ​ម៉ាស​ពេទ្យ​ប៉ុណ្ណោះ​។​ ទោះ​បី​ជា​យ៉ាង​ណា​ក៏​ដោយ​ ក្រុមហ៊ុន​នេះ​​ បាន​បញ្ជាក់​ថា​នឹង​​​បន្ត​ធ្វើ​ សកម្មភាពនៅពេល​​ស្ថានភាព​តម្រូវ​ ។

ក្រុមហ៊ុន​ហ្គូហ្គល​ ​​សម្រេច​ចិត្ត​បិទការ​ផ្សាយ​ម៉ាស​ពេទ្យ​បន្ទាប់​ពី​ក្រុមហ៊ុន​ហ្វេស​ប៊ុក​បាន​បិត​ការ​ផ្សាយ​នេះ​ដែរ។​

នៅ​ដើម​ខែ​មីនា​នេះ ក្រុមហ៊ុន​ហ្វេស​ប៊ុក​ បាន​ប្រកាស​បិទ ​ការ​ផ្សាយ​ម៉ាស​ពេទ្យ​ជា​បណ្ណោះ​អាសន្ន​។ លោក​ Rob Leathern ដែល​ជា​ប្រធាន​ផ្នែក​តម្លា​ភាព ​នៃ​ការ​ផ្សព្វ​ផ្សាយ​និង​ផលិតផល ​លើ​ហ្វេសប៊ុក​ បាន​ប្រាប់​ឲ្យ​ដឹង​ថា៖

“ យើង​សម្រេច​បិទ ​ការ​ផ្សាយ​រួម​ជាមួយ​ការ​ដាក់​លក់​ម៉ាស​ពេទ្យ នៅ​លើ​ហ្វេសប៊ុក​​។​ យើង​កំពុង​ត្រួត​ពិ​និត្យ ​ស្ថានភាព​វីវុស​កូវីត​១៩​នេះ ​ដោយ​យក​ចិត្ត​ទុក​ដាក់​បំផុត​ ហើយ​នឹង​ធ្វើ​បច្ចុ​ប្បន្ន​ភាព​ច្បាប់​របស់​យើង​​ឡើង​វិញ​​ ប្រសិន​បើ​យើង​ឃើញមាន​​ការ​កេង​ប្រវ័ញ្ច​ និង​ការ​ស្វែង​រក​ប្រយោជន៍​ កើត​មាន​ឡើង​ក្នុង​កំឡុង​ពេលមាន​គ្រោះ​​អាសន្ន​លើ​​សុខភាព​សាធារណៈ។ “

លោក​ Adam Mosseri នាយក​ប្រតិបត្តិ​​ក្រុមហ៊ុន​អ៊ិន​ស្តា​ក្រាម​ បាន​មាន​លើក​ឡើង​ថា​​៖

“ចំនួនអ្នក​ផ្គត់​ផ្គង​មាន​​តិច​ ធ្វើ​ឲ្យ​តម្លៃ​មា​នការ​កើន​ឡើង​ខ្លាំង​ ហើយ​ពួក​យើង​ប្រឆាំង​ជានិច្ច​នឹង​ការ​ទាញ​ផល​ប្រយោជន៍​ក្នុង​ខណៈ​មាន​គ្រោះ​អាសន្ន​លើ​សុខភាព​សាធារណៈ។​…”

ប្រភព​ CNBC