spot_img
spot_img
Homeធុរកិច្ចចំណុចបីយ៉ាងសម្រាប់បរិយាកាសការងារជោគជ័យ

ចំណុចបីយ៉ាងសម្រាប់បរិយាកាសការងារជោគជ័យ

-

នៅពេលបុគ្គលិកសប្បាយចិត្តនឹងការងារ ពួកគេយកចិត្តទុកដាក់ជាមួយអតិថិជន ហើយនៅពេលអតិថិជនពេញចិត្ត វាធ្វើឲ្យក្រុមហ៊ុនមានការរីកចម្រើន។ អាជីវកម្មគ្រប់ធុនតែងប្រាថ្នាឲ្យមានបុគ្គលិកដែលប្រើប្រាស់ជំនាញរបស់ខ្លួនយ៉ាងពេញទំហឹង មានការចុះសម្រុងគ្នា និងបង្កើតបរិយាការល្អៗជាមួយគ្នា ប៉ុន្តែសំណួរសួរថា តើអ្នកធ្វើយ៉ាងណាដើម្បីឲ្យមានបរិយាកាសការងារជោគជ័យ?ខាង​ក្រោម​នេះ​គឺជា​ចំណុច​មួយ​ចំនួនដែលអាច​បង្កើត​បរិយាកាស​ល្អ​នៅក្នុង​ក្រុមការងារ​បាន៖

  • ទទួលស្គាល់សារៈសំខាន់នៃភាពរីករាយ៖ ភាពសប្បាយរីករាយផ្តល់ភាពវិជ្ជមានដល់អាជីវកម្ម អតិថិជន និងបុគ្គលិក ព្រោះសប្បាយមានន័យថា មានថាមពល កម្លាំងចិត្តក្នុងការបំពេញការងារនៅក្នុងដៃ។ នៅពេលអ្នកមានការទទួលសមិទ្ធផលអ្វីមួយជាមួយក្រុម អ្នកអាចធ្វើការសាទរបន្តិចបន្តួច ដូចជាការជប់លៀង ឬដំណើរកំសាន្តជាដើម ថ្វីត្បិតតែវាគ្រាន់តែជារឿងតិចតួច ប៉ុន្តែវាធ្វើឲ្យមានភាពខុសប្លែកបាន។
  • ផ្តល់តម្លៃឲ្យបុគ្គលិកអ្នក៖ ជាទូទៅ ក្នុងក្រុមមួយតែងតែមានអ្នកដែលអៀនច្រើន និងលាក់ខ្លួនឯងពីចំណោមមនុស្ស។ ដូចនេះអ្នកគួរតែចាត់ទុកពួកគេស្មើៗគ្នា ដោយធ្វើការទំនាក់ទំនងជាមួយពួកគេជាលក្ខណៈបើកទូលាយនិងស្មោះត្រង់។ លើសពីនេះ អ្នកអាចបង្ហាញពួកគេពីចំណុចល្អ និងអាក្រក់របស់ពួកគេ និងឲ្យពួកគេដឹងថា អ្នករង់ចាំភាពជោគជ័យរបស់គេ និងតែងតែលើកទឹកចិត្តគេឲ្យមានជំនឿចិត្ត ទំនុកចិត្ត ព្រោះវាអាចឲ្យពួកគេប្រឹងប្រែងបំពេញការងាររឹតតែសកម្ម។
  • ផ្តល់ចំណេះដឹងបន្ថែម៖ អ្នកដឹកនាំត្រូវការការលើកទឹកចិត្តបុគ្គលិកឲ្យដើរផ្លូវដែលជាលក្ខណៈផ្ទាល់ខ្លួន និងមានការរីកចម្រើនជាវិជ្ជាជីវៈ។ អ្នកគួរចំណាយលុយខ្លះឲ្យសមាជិកក្រុមចូលរូមកម្មវិធីដូចជា វគ្គបណ្តុះបណ្តាល សិក្ខាសាលា ព្រឹត្តិការណ៍នានាជាដើម។
ហេង មុយ​លី
ហេង មុយ​លី
ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។

រៀនពីអ្វីថ្មីៗ

spot_img

អត្ថបទថ្មិៗ