spot_img
spot_img
Homeយុទ្ធសាស្ត្រទីផ្សារតើយើងគួរធ្វើតាមយុទ្ធសាស្រ្តទីផ្សាររបស់គូប្រជែងដែរឬទេ?

តើយើងគួរធ្វើតាមយុទ្ធសាស្រ្តទីផ្សាររបស់គូប្រជែងដែរឬទេ?

-

ការធ្វើទីផ្សារមានច្រើនណាស់ ដើម្បីឱ្យអ្នកជ្រើសរើសក្នុងការយកមកអនុវត្តន៍នៅក្នុងអាជីវកម្មរបស់អ្នកទៅតាមគោលដៅដែលអ្នកចង់សម្រេចបាន។ ម្យ៉ាងវិញទៀត មុននឹងអ្នកអាចធ្វើទីផ្សារឱ្យបានល្អ អ្នកត្រូវតែរៀបចំយុទ្ធសាស្រ្តទីផ្សារឱ្យស្របជាមួយនឹងគោលដៅដែលអ្នកចង់បាន។ លើសពីនេះ អ្នកក៏ត្រូវចងចាំដែរថា ចូរកុំព្យាយាមមើលពីរបៀបដៃគូប្រកួតប្រជែងធ្វើយុទ្ធសាស្រ្តទីផ្សារនៅក្នុងអាជីវកម្មរបស់គេ មកអនុវត្តន៍តាមឱ្យសោះ ពីព្រោះអ្នកមិនដឹងទេថា យុទ្ធសាស្រ្តដែលពួកគេអនុវត្តន៍នោះធ្វើក្នុងគោលបំណងអ្វីជាក់លាក់ឡើយ ដូចជាមិនដឹងជំរុញការលក់ ឬជំរុញឱ្យមនុស្សកាន់តែស្គាល់អំពីម៉ាកយីហោរបស់ពួកគេ។ បន្ថែមពីនេះ អ្នកក៏មិនដឹងថា ពួកគេរៀបចំក្រុមប្រតិបត្តិការយុទ្ធសាស្រ្តរបស់ពួកគេបែបណា មានផែនការបែបណា និងត្រៀមថវិកាដើម្បីចំណាយកម្រិតណាឡើយ។

ហេតុដូចនេះ ចូរកុំឃើញដៃគូប្រកួតប្រជែងរបស់អ្នកធ្វើយុទ្ធសាស្រ្តទីផ្សារទទួលបានលទ្ធផលល្អ ហើយអ្នកព្យាយាមយកមកអនុវត្តន៍តាមឱ្យសោះ ប៉ុន្តែអ្នកអាចសិក្សារៀនសូត្រពីការធ្វើទីផ្សាររបស់ពួកគេ។ បន្ទាប់មក អ្នកអាចច្នៃបន្ថែម និងប្រជុំក្រុមអ្នកទីផ្សារ ដើម្បីរៀបចំយុទ្ធសាស្រ្ត រៀបចំផែនការ ហើយត្រៀមក្រុម និងថវិកា ដើម្បីចាប់ផ្ដើមអនុវត្តន៍យុទ្ធសាស្រ្តនោះ។ ត្រង់ចំណុចនេះ អ្នកក៏ត្រូវដឹងដែរថា តើអ្វីជាគោលបំណងដែលអ្នកចង់ធ្វើយុទ្ធសាស្រ្តនោះ? ហើយដើម្បីអាចរៀបចំយុទ្ធសាស្រ្តទីផ្សារឱ្យបានល្អ អ្នកអាចអនុវត្តន៍តាមវិធីខាងក្រោម៖

  1. កំណត់គោលដៅអាជីវកម្មរបស់អ្នក ដើម្បីធ្វើឱ្យអ្នកងាយស្រួលក្នុងការកំណត់គោលដៅធ្វើទីផ្សារ។ ហើយចំពោះគោលដៅអាជីវកម្ម អ្នកអាចបញ្ចូលនូវចំណុច 3 គឺ៖
  • បង្កើនការយល់ដឹងអំពីផលិតផល និងសេវាកម្មរបស់អ្នក
  • ជំរុញការលក់ផលិតផលបន្ថែមពីអ្នកផ្គត់ផ្គង់ជាក់លាក់
  • អាចឈានដល់ការទាញយកអតិថិជនថ្មីៗបន្ថែមទៀត
  1. កំណត់គោលដៅទីផ្សារឱ្យស្របជាមួយនឹងគោលដៅអាជីវកម្មរបស់អ្នក ដើម្បីរៀបចំយុទ្ធសាស្រ្តទីផ្សារក្នុងការអនុវត្តន៍ ហើយអ្នកក៏ត្រូវដឹងដែរថាបើរៀងរាល់ឆ្នាំអ្នកតែងតែផ្លាស់យុទ្ធសាស្រ្តទីផ្សារ មានន័យថា វាមិនមែនជាយុទ្ធសាស្រ្តដ៏ល្អឡើយ។
  2. សិក្សាស្រាវជ្រាវអំពីទីផ្សារ ដោយអ្នកត្រូវដឹងពីទំហំទីផ្សារ ទីផ្សារដែលអាជីវកម្មរបស់អ្នកអាចរីកលូតលាស់បាន ភាពពេញនិយមនៅក្នុងសង្គមជាក់ស្ដែង និងប្រជាសាស្រ្ត (អាយុ ភេទ ប្រាក់ចំណូល និងជីវភាព) ។
  3. កំណត់ប្រវត្តិអតិថិជនសក្ដានុពល ដូចជារបៀបដែលពួកគេសម្រេចចិត្តទិញ ទីកន្លែងណាដែលពួកគេពេញនិយមទៅទិញ និងអ្វីដែលពួកគេទិញ និងកំណត់ភាពតម្រូវការរបស់ពួកគេ បន្ទាប់មកព្យាយាមស្វែងរកអតិថិជនថ្មីៗ។
  4. សិក្សាអំពីដៃគូប្រកួតប្រជែង ដោយដឹងអំពីផលិតផលសេវាកម្ម អ្នកផ្គត់ផ្គង់ តម្លៃផលិតផលសេវាកម្ម និងយុទ្ធសាស្រ្តទីផ្សាររបស់ពួកគេ បន្ទាប់មកអ្នកអាចទាញយកប្រយោជន៍ដែលអ្នកនឹងអាចបង្កើតអ្វីថ្មីដែលល្អជាដៃគូប្រកួតប្រជែង និងកំណត់ភាពខ្លាំង ភាពខ្សោយនៅផ្ទៃក្នុងនៃការដឹកនាំគ្រប់គ្រងចាត់ចែងក្នុងអាជីវកម្មរបស់អ្នក។ ធ្វើបែបនេះ ក្នុងគោលបំណងជួយកែលម្អដំណើរការរបស់អ្នកឱ្យបានល្អជាងមុន បើប្រៀបធៀបជាមួយនឹងដៃគូប្រកួតប្រជែងរបស់អ្នក។
  5. ពង្រឹងយុទ្ធសាស្រ្តដើម្បីគាំទ្រដល់គោលដៅទីផ្សារ ដោយធ្វើជាបញ្ជីនៃគោលដៅទីផ្សាររបស់អ្នក និងកំណត់យុទ្ធសាស្រ្តដែលទាក់ទាញ ហើយពាក់ព័ន្ធគោលដៅទីផ្សារ។
  6. អ្នកអាចតេស្តសាកល្បងនូវយុទ្ធសាស្រ្តដែលអ្នកបានកំណត់ ដើម្បីមើលលទ្ធផល ហើយបើល្អ ត្រូវពង្រឹងឬសម្រុកឱ្យខ្លាំង ប៉ុន្តែបើគ្មានលទ្ធផល ត្រូវកែលម្អឡើងវិញ។
Sann Thaven
Sann Thavenhttp://www.kumnit.com
គឺជាអ្នកបង្កើតគំនិត និងសរសេរមាតិកា ពាក់ព័ន្ធនឹងការធ្វើអាជីវកម្ម ភាពជាអ្នកដឹកនាំ សេវាកម្មអតិថិជន ទីផ្សារ ការលក់ និងអាជីពការងារ។ កញ្ញាគឺជានិស្សិតថ្នាក់បរិញ្ញាបត្រគ្រប់គ្រងពាណិជ្ជកម្មអន្តជាតិ។ ចំណង់ចំណូលចិត្ត គឺរៀនអ្វីថ្មីៗ និងចូលរួមកិច្ចការងារសង្គម។

រៀនពីអ្វីថ្មីៗ

spot_img

អត្ថបទថ្មិៗ