spot_img
spot_img
Homeធុរកិច្ចធុរកិច្ច៦ប្រភេទ​ដែលអ្នកអាចចាប់ផ្តើមដោយមិនត្រូវការទុនច្រើន

ធុរកិច្ច៦ប្រភេទ​ដែលអ្នកអាចចាប់ផ្តើមដោយមិនត្រូវការទុនច្រើន

-

តើ​ធុរកិច្ច​ប្រភេទ​ណាខ្លះ​ដែល​អ្នក​អាច​ចាប់ផ្តើម​ដោយ​មិន​ត្រូវការ​ដើមទុន​ច្រើន​? ធុរកិច្ច​ទាំងនោះ​រួមមាន​៖

  • ការច្នៃ​ប្រឌិត​ដោយ​ខ្លួនឯង​៖ របស់​ទាំងនោះ​រួមមាន​វត្ថុ​សិល្បៈ​និង​វត្ថុ​ដែលជា​ទេពកោសល្យ​ជាដើម​។ បើសិន​អ្នក​ជា​ជាងគំនូរ​ អ្នក​អាច​គូរ​គំនូរទាំងនោះ​លក់​បាន។
  • សេវាកម្ម​តាម​ផ្ទះ៖ សេវាកម្ម​មិន​ត្រូវការ​ដើមទុន​ច្រើនទេ​ព្រោះ​អ្នក​ធ្វើការ​នៅក្នុ​ងផ្ទះ​និង​ជាមួយ​អ្នកជិតខាង​តែ​ប៉ុណ្ណោះ។ ឧទាហរណ៍ អ្នក​អាច​ចាប់ផ្តើម​សេវា​មើលថែទាំ​ក្មេង​ សត្វ​ចិញ្ចឹម​ជាដើម​។
  • សេវាកម្ម​ជួសជុល​៖ បើសិន​អ្នក​មាន​ជំនាញ​ពិសេស អ្នក​អាច​ប្រើប្រាស់​វា​សម្រាប់​ការ​ចាប់ផ្តើម​ដំបូង​នៃ​ធុរកិច្ច​របស់អ្នក​បាន។ ជាក់ស្តែង បើសិនជា​អ្នក​ជា​មនុស្ស​ដែល​អាច​ធ្វើការ​បាន​គ្រប់ជំពូក​ អ្នក​អាច​ធ្វើការ​ជាមួយ​ម្ចាស់​ផ្ទះ​ណា​ដែល​មិនចេះ​ច្រើន​ពី​ការជួសជុល​ផ្ទះ។ ចំណុច​នេះ​មិនសូវ​ខុស​ពី​សេវាកម្ម​តាមផ្ទះ​ប៉ុន្មាន​ទេ។​
  • ផ្នែកពិភាក្សា​ឬ​ពិគ្រោះ​យោបល់​៖ គិត​អំពី​វិស័យ​ដែល​អ្នក​ធ្លាប់​ដឹង​និង​ចូលរួម​តើ​អ្នក​ទទួល​បាន​ចំណេះដឹង​ប៉ុន្មាន​ពី​ពេលនោះ។ ដូចនេះហើយ អ្នក​អាច​យក​បទពិសោធន៍​ទាំងនោះ​មក​ប្រើប្រាស់​បាន​។ យើង​ជឿជាក់​ថា​ចំពោះ​សហគ្រាស​ដែល​ទើប​តែចាប់ផ្តើមនឹង​រីករាយ​ចំណាយ​សម្រាប់​ជំនាញ​របស់អ្នក​។ ការពិគ្រោះ​យោបល់​ជា​សេវាកម្ម​ដែល​ត្រូវការ​តែ​ពេលវេលា​ហើយ​និង​ទទួល​បាន​ការឲ្យ​តម្លៃ​ខ្ពស់។
  • ការលក់​៖ ការលក់​នេះ​សម្ដៅ​ទៅលើ​ការទិញ​ទំនិញ​និង​លក់​បន្ត​ឲ្យ​ទៅ​អ្នកដទៃ​ឬ​ហៅថា​ឈ្មួញ​​កណ្តាល​​​។ អ្នក​អាច​ប្រើ​វិធី​លក់​ដោយ​មិនចាំបាច់​មានទំនិញ​នៅក្នុង​ដៃ​ដោយ​អ្នក​អាច​កម្មង់​ទិញ​ទំនិញ​នោះ​នៅពេល​ដែល​មាន​អតិថិជន​ចង់​ជាវ​តែ​ប៉ុណ្ណោះ​។​ ការធ្វើ​បែប​នេះគឺ​អ្នក​មិន​ចាំបាច់​ត្រូវការ​ដើមទុននោះ​ទេ។
  • ការរក​ចំណូល​បន្ថែម​៖​ ន័យ​នេះ​សម្ដៅ​ដល់ការ​រកចំណូល​តាមរយៈ​អ្វីដែល​យើងមាន​។ ឧទាហរណ៍​ អ្នក​មាន​រថយន្ត​ផ្ទាល់ខ្លួន​មួយ អ្នក​អាច​ប្រើ​វា​ដើម្បី​រត់​តាក់ស៊ី​នៅពេល​ទំនេរ​ជាមួយ​នឹង​Uber ដែលទើបតែ​មកដល់​ប្រទេស​កម្ពុជា​ថ្មីៗ។

សរុបមក​ធុរកិច្ច​ទាំងនេះ​បង្ហាញ​ថា​អ្នក​មិនចាំបាច់​មាន​ដើមទុន​ច្រើននោះ​ទេ​ដើម្បី​ចាប់ផ្តើម​។ អ្នក​គ្រាន់តែ​ដឹងថា​ធុរកិច្ច​មួយណា​ដែល​សក្តិសម​នឹង​អ្នក​បំផុត​ទៅបាន​ហើយ។

ហេង មុយ​លី
ហេង មុយ​លី
ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។

រៀនពីអ្វីថ្មីៗ

spot_img

អត្ថបទថ្មិៗ