ការធ្វើអាជីវកម្ម តែងតែមានក្ដីរំពឹងចង់ទទួលបានប្រាក់ចំណេញខ្ពស់ ហើយប្រភពដែលអាចទទួលបានប្រាក់ចំណូល និងប្រាក់ចំណេញខ្ពស់ជាងគេនោះ គឺការលក់ឱ្យដាច់ ប៉ុន្តែអ្វីជាបញ្ហាចោទនោះគឺថា ម្ចាស់អាជីវកម្មបានបង្កើតនូវកំហុសឆ្គងចំនួន 4 ដែលជាហេតុធ្វើឱ្យការលក់គ្មានដំណើរការល្អ។ ហើយកំហុសទាំងនោះ រួមមាន៖
1. គុណភាពផលិតផល
សំដៅលើ ផលិតផល៖
- គ្មានការទទួលស្គាល់ច្បាស់លាស់ និងមានផលប៉ះពាល់ច្រើន
- គ្មានគុណតម្លៃជាក់លាក់ដែលអាចទុកចិត្តបាន
- គ្មានចំណុចពិសេសដែលខុសប្លែកពីដៃគូប្រកួតប្រជែង
- គ្មានប្រភពនៃការផលិតច្បាស់លាស់
2. ការផ្ដល់សេវាកម្មអន់ជូនអតិថិជន
សំដៅលើ ការផ្ដល់សេវាកម្ម ដូចជា៖
- ការឆ្លើយតបយឺតយ៉ាវជាមួយអតិថិជន
- ការដឹកជញ្ជូនមិនរហ័សទាន់ចិត្ត
- ការរៀបចំវេចខ្ចប់ផលិតផលគ្មានភាពទាក់ទាញ
- មិនចេះប្រើពាក្យសមរម្យ ឬភាសាចិត្តសាស្រ្តល្អៗជាមួយអតិថិជន
- គ្មានការផ្ដល់ដំណោះស្រាយដ៏ល្អសម្រាប់អតិថិជននៅពេលជួបបញ្ហាណាមួយ ដូចជាដឹកជញ្ជូនយឹត និងបញ្ហាផ្សេងៗដែលពាក់ព័ន្ធនឹងផលិតផលជាដើម។
3. ការផ្សព្វផ្សាយមិនចំទិសដៅ
សំដៅលើ ៖
- ជ្រើសរើសប្រព័ន្ធសង្គមដើម្បីផ្សព្វផ្សាយ មិនត្រូវជាមួយនឹងអតិថិជនគោលដៅ
- ប្រើប្រាស់ធនធានផ្សព្វផ្សាយច្រើន ប៉ុន្តែគ្មានលទ្ធផល
- មិនចេះបង្កើតវីដេអូទាក់ទាញ និងមានរូបភាពផ្សព្វផ្សាយគ្មានគុណភាពខ្ពស់
- គ្មានផែនការ និងយុទ្ធសាស្រ្តផ្សព្វផ្សាយឱ្យត្រូវនឹងសម្រុកអតិថិជនគោលដៅ
- មិនចេះពីវិធីជំរុញឱ្យមានការផ្សព្វផ្សាយប្រកបដោយផលិតភាព
4. ក្រុមអ្នកលក់ខ្សោយ
សំដៅលើ ៖
- ការមិនបណ្ដុះឱ្យក្រុមលក់មានសមត្ថភាពខ្លាំងក្នុងការលក់
- អ្នកលក់គ្មានជំនាញក្នុងការបិទការលក់
- អ្នកលក់មិនយល់ច្បាស់ពីផលិតផល
