spot_img
spot_img
Homeអចលនវត្ថុលោក ច្រឹក សុខនីម ត្រូវបាន​ជ្រើស​រើស​ឱ្យធ្វើជាប្រធានសមាគម​ CVEA មួយអណត្តិបន្តទៀត

លោក ច្រឹក សុខនីម ត្រូវបាន​ជ្រើស​រើស​ឱ្យធ្វើជាប្រធានសមាគម​ CVEA មួយអណត្តិបន្តទៀត

-

លោកច្រឹក សុខនីម ត្រូវបានទទួលការគាំទ្រ និងជ្រើសរើសជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) ជាថ្មីម្តងទៀត ​ដើម្បីបន្តដឹកនាំសមាគមសម្រាប់អាណត្តិទី៧ ឆ្នាំ២០២១ ដល់ឆ្នាំ២០២២។

ក្នុងអាណត្តិទី៧នេះ មានបេក្ខភាពចំនួនពីររូបដែលបានឈរឈ្មោះជាប្រធានសមាគមរួមមាន ​លោកច្រឹក សុខនីម នាយ​កប្រតិបត្តិក្រុមហ៊ុន Mekong Brokerage Co.,Ltd និងលោក វ៉ន ចាន់ថន នាយកប្រតិបត្តិក្រុមហ៊ុន Town City Real Estate Co., Ltd។

សមាជិកសមាគមចំនួន៩៦ ក្រុមហ៊ុនបានចូលរួមបោះឆ្នោតនៅថ្ងៃនេះ ក្នុងចំណោមសមាជិកដែលមានសិទ្ធិបោះឆ្នោតសរុបពីតំណាង ១០២ ក្រុមហ៊ុន ដែលជាលទ្ធផល គឺមានការប្រកៀកប្រកិតគ្នាយ៉ាងខ្លាំង។ លោក ច្រឹក សុខនីម ទទួលបានសម្លេងឆ្នោតគាំទ្រ ៤៩ សម្លេង ចំណែកឯលោក វ៉ន​ ចាន់ថន ទទួលបាន ៤៧សម្លេង។
លោកច្រឹក សុខនីម​បានថ្លែងថា៖ «សម្រាប់អាណត្តិថ្មីនេះ យើងនឹងផ្តោតលើការលើកកម្ពស់ការអប់រំ សមត្ថភាព គុណភាព និងកម្រិតជីវភាពរបស់សមាជិកឲ្យរឹតតែប្រសើរឡើង និងជាពិសេសជំរុញការធ្វើការងាររួមគ្នា ដើម្បីដឹកនាំ CVEA ឆ្ពោះទៅរកភាពរីកចម្រើនបន្ថែមទៀត ទាំងនៅក្នុងប្រទេស និងនៅលើឆាកអន្តរជាតិ»។

គិតមកទល់នឹងបច្ចុប្បន្ន សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានដំណើរការចំនួន៦អាណត្តិរួចមកហើយ ដោយក្នុងមួយអាណត្តិមានរយៈពេលពីរឆ្នាំ។ រៀងរាល់ពីរឆ្នាំម្តង សមាគមរៀបចំឱ្យមានការបោះឆ្នោតជ្រើសរើសប្រធាន​សមាគម និងក្រុមប្រឹក្សាភិបាល។ ការបោះឆ្នោតជ្រើសរើសថ្នាក់ដឹកនាំសមាគមសម្រាប់អាណត្តិថ្មីនេះ បានធ្វើឡើងនៅថ្ងៃទី ២៣ ខែធ្នូ ឆ្នាំ២០២០ បន្ទាប់ពីអាណតិ្តទី៦ (ឆ្នាំ២០១៩-២០២០) ដែលដឹកនាំដោយលោក ច្រឹក សុខនីម នឹងត្រូវបញ្ចប់នៅដំណាច់ឆ្នាំ២០២០នេះ​។

 

គំនិត
គំនិតhttp://www.kumnit.com
គំនិត គឺជាគេហទំព័រ​មួយ​ដែលជួយ​ពង្រឹងចំណេះដឹងទាក់ទង​នឹង​ធុរកិច្ច​ដល់សហគ្រិនខ្មែរ​ដែលកំពុង​តែ​គ្រប់គ្រង និង​ដឹកនាំ​អាជីវកម្មខ្នាតតូច និងមធ្យមរបស់ខ្លួន​ ជាពិសេស​នៅលើយុទ្ធសាស្ត្រទីផ្សារ​សម័យទំនើប ការគ្រប់គ្រង​អាជីវកម្ម ការអភិវឌ្ឍន៍អាជីវកម្ម និង​ការ​រក្សា​កំណើន​រីកចម្រើនអាជីវកម្ម។ ពួកយើងចង់បំផុស​គំនិតច្នៃប្រឌិត គំនិត​នវានុវត្ត និងការ​ចេះដោះស្រាយបញ្ហាអាជីវកម្មដោយខ្លួនឯង ដែលសុទ្ធសឹងតែជាជំនាញ​ចាំបាច់ខ្លាំង​នៅក្នុង​សម័យកាលឌីជីថល។ គំនិត ចង់ឃើញ​សហគ្រិនខ្មែរ អាជីវកម្មខ្មែរ​មាន​ភាព​ប្រកួតប្រជែងខ្ពស់ និង​អាចរីកលូតលាស់​ធំធាត់​យូរអង្វែង និង​អាចឈានជើង​ចូលទីផ្សារ​អន្តរជាតិ។

រៀនពីអ្វីថ្មីៗ

spot_img

អត្ថបទថ្មិៗ