spot_img
spot_img
Homeបច្ចេកវិទ្យាហេតុអ្វីបានជាអ្នកត្រូវការបង្កើត ផេកហ្វ៊េសប៊ុក សម្រាប់អាជីវកម្មរបស់អ្នក?

ហេតុអ្វីបានជាអ្នកត្រូវការបង្កើត ផេកហ្វ៊េសប៊ុក សម្រាប់អាជីវកម្មរបស់អ្នក?

-

យើងបានដឹងរួចមកហើយថា នៅក្នុងសម័យកាលបច្ចេកវិទ្យាដ៏ទំនើបនេះ បណ្តាអាជីវកម្មជាច្រើនបាននឹងកំពុងតែពង្រីកវិសាលភាពរបស់ខ្លួនតាមរយៈការប្រើប្រាស់បណ្តាញសង្គមហ្វ៊េសប៊ុក ជាពិសេសនៅក្នុងសម័យកាលកូវីត១៩នេះក៏ព្រោះតែមានមនុស្សមិនច្រើននោះទេដែលហ៊ានទៅទិញទំនិញ ឬឥវ៉ាន់នៅតាមបណ្តាហាងនានាដោយផ្ទាល់ ហើយភាគច្រើនពួកគេទៅទិញទំនិញមួយចំនួនដូចជា៖ ស្បៀងអាហារ អាល់កុល ម៉ាស និងសម្ភារដែលចាំបាច់មួយចំនួនតែប៉ុណ្ណោះ។ ក្រៅពីនោះទំនិញផ្សេងទៀតហាក់មានសភាពស្ងាប់ស្ងាត់ រហូតដល់ហាង និងស្ថាប័នមួយចំនួនត្រូវក្ស័យធនបង្ខំចិត្តបិទទ្វា។ ក្រៅពីបញ្ហាកូវីត១៩នេះ ក៏មានហេតុផលសំខាន់ៗមួយចំនួនទៀតដែលអ្នកគួរតែដឹងអំពីការបង្កើត ផេកហ្វ៊េសប៊ុក សម្រាប់អាជីវកម្មរបស់អ្នក។

ថ្ងៃនេះ គំនិត សូមលើកយកហេតុផលទាំង ០៤យ៉ាងដែលម្ចាស់អាជីវកម្មសម័យថ្មីគួរតែមាន ផេកហ្វ៊េសប៊ុក សម្រាប់់​អាជីវកម្ម​ខ្លួន។

១. ហេតុផលទីមួយ៖ វិសាលភាពនៃអតិថិជន

ជាការពិតណាស់ នៅពេលដែលអ្នកមានផេកអាជីវកម្មរបស់អ្នក នោះអ្នកនឹងអាចពង្រីកវិសាលភាពអាជីវកម្មរបស់លោកអ្នកបានតាមរយៈចំនួនអ្នកប្រើប្រាស់បណ្តាញសង្គមដ៏ច្រើន និងកំពុងកើនឡើងជារៀងរាល់ថ្ងៃ។ ប្រសិនបើអ្នកប្រើប្រាស់គណនីផ្ទាល់ខ្លួន ក្នុងការផ្សព្វផ្សាយអាជីវកម្មរបស់អ្នកនោះ ចំនួនអ្នកដែលអាចឃើញការផ្សព្វផ្សាយរបស់អ្នកគឺមានកំណត់ទៅតាមនឹងដែរ។ ជាក់ស្តែងសម្រាប់គណនីផ្ទាល់ខ្លួនរបស់អ្នក អាចផ្ទុកចំនួនមិត្តភក្តិបានច្រើនបំផុត ៥០០០នាក់តែប៉ុណ្ណោះ។ ចំណែកឯផេកហ្វ៊េសប៊ុកអាជីវកម្មវិញគឺពុំមានចំនួនកំណត់អ្នកដែលអាចឃើញការផ្សព្វផ្សាយរបស់លោកអ្នកនោះទេ។

២. ហេតុផលទីពីរ៖ មានមុខងារជាច្រើនដែលអ្នកអាចប្រើប្រាស់បាន

ប្រសិនបើអ្នកប្រើប្រាស់គណនីផ្ទាល់ខ្លួនដើម្បីធ្វើការផ្សព្វផ្សាយផលិតផល ឬសេវាកម្មរបស់លោកអ្នកនោះ លោកអ្នកអាចធ្វើការផ្សព្វផ្សាយបានតែត្រឹមការផុសរូប ឬវីឌីអូតែប៉ុណ្ណោះ។ និយាយរួមគឺការផ្សព្វផ្សាយ ក៏ដូចជាមតិការដែលលោកអ្នកអាចធ្វើបានគឺនៅមានកម្រិតមែនទែន។ តែបើយើងក្រឡេកមកមើលពីអ្វីដែល ហ្វ៊េសប៊ុកផេក អាចធ្វើបាននោះគឺមានច្រើនមែនទែន។​

៣. ហេតុផលទីបី៖ ការផ្សព្វផ្សាយផ្ទាំងពាណិជ្ជកម្ម (Ads Boosting)

មុខងារដ៏សំខាន់មួយទៀតដែលហ្វ៊េសប៊ុកផេក អាចធ្វើបានសម្រាប់អាជីវកម្មអ្នកនោះគឺ ការផ្សព្វផ្សាយផ្ទាំងពាណិជ្ជកម្ម ឬក៏បងប្អូនយើងភាគច្រើនស្គាល់ថាជាការប៊ូស (Boost)។​ ផ្ទាំងពាណិជ្ជកម្ម និងជួយឲ្យអាជីវកម្មរបស់លោកអ្នកអាចឈានទៅដល់មនុស្សកាន់តែច្រើនលើសពីអ្នកដែលបានស្គាល់ផេក ឬអាជីវកម្មរបស់លោកអ្នក។ ក៏ប៉ុន្តែប្រសិនបើលោកអ្នកប្រើប្រាស់ត្រឹមតែគណនីផ្ទាល់ខ្លួនក្នុងការផ្សព្វផ្សាយ នោះការផ្សាយរបស់លោកអ្នកគឺអាចបានឃើញត្រឹមតែអ្នកដែលមានភាពជាមិត្តភក្តិ (Friend) ជាមួយលោកអ្នកតែប៉ុណ្ណោះ។

៤. ហេតុផលទីបួន៖ មានទិន្នន័យពីអតិថិជនគោលដៅរបស់លោកអ្នក

ចំណុចដ៏ពិសេសមួយទៀតនៅពេលដែលលោកអ្នកមានផេកហ្វ៊េសប៊ុកសម្រាប់អាជីវកម្មរបស់លោកអ្នកគឺនៅត្រង់ថាលោកអ្នកអាចតាមដានទិន្នន័យអតិថិជនគោលដៅរបស់លោកអ្នកបាន ដោយលោកអ្នកអាចស្វែងរកព័ត៌មានទាក់ទងនឹង ភេទ អាយុ ទីកន្លែង និងភាសា នៅក្នុងផេករបស់អ្នកទាំងអស់គ្នាបាន។ ដើម្បីចូលទៅមើលទិន្នន័យទាំងនោះ សូមធ្វើតាមរូបខាងក្រោម៕

ខៀក វិទ្យារតនៈ
ខៀក វិទ្យារតនៈhttp://www.kumnit.com%20
លោក ខៀក វិទ្យារតនៈ គឺជាអ្នកបង្កើត និងសរសេរមាតិការនៅក្នុងគេហទំព័រ គំនិត ផ្នែកបច្ចេកវិទ្យា ផ្នែកយុទ្ធសាស្ត្រទីផ្សារឌីជីថល ផ្នែកធុរកិច្ច និងផ្នែកចំណេះដឹងទូទៅ។ សព្វថ្ងៃនេះ លោកមានតួនាទីជា Business Development Manager ដែលកំពុងតែបម្រើការងារនៅក្នុងហាងសៀវភៅអនឡាញ Naek Arn ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន គំនិត។ ចំពោះប្រវត្តិសិក្សាវិញ លោកគឺជានិស្សិតដែលបញ្ចប់ការសិក្សាផ្នែក វិទ្យាសាស្ត្រពាណិជ្ជកម្មអេឡិចត្រូនិក និងភស្តុភារកម្ម (Science of eCommerece & Logistics) ពីវិទ្យាស្ថានជាតិ និបតិក (NIPTICT) ក៏ដូចជានិស្សិតដែលបញ្ចប់ការសិក្សាថ្នាក់បរិញ្ញាប័ត្រ ផ្នែក Professional Communication នៅសកលវិទ្យាល័យភូមិន្ទភ្នំពេញផងដែរ (RUPP)។ មិនត្រឹមតែប៉ុណ្ណោះ លោកក៏ជាអ្នកជំនាញខាងផ្នែក Digital Marketing Associate ដែលមានវិញ្ញាបនប័ត្រទទួលស្គាល់ដោយក្រុមហ៊ុន Facebook ផ្ទាល់ផងដែរ។ លោកក៏ជាមនុស្សដែលចូលចិត្តវិភាគវែកញែកនៅលើប្រធានបទផ្សេងៗ ស្វែងយល់ពីអ្វីថ្មីៗ ចូលចិត្តការធ្វើដំណើរកម្សាន្តដើម្បីរៀនពីបរិបទសង្គម និងតាមដានគ្រប់ព័ត៌មានទូទៅទាំងក្នុង និងក្រៅប្រទេស៕

រៀនពីអ្វីថ្មីៗ

spot_img

អត្ថបទថ្មិៗ