spot_img
spot_img
Homeធុរកិច្ចគ្រប់គ្រងអនុវត្តតាមវិធី៥យ៉ាងដើម្បីបណ្តុះសម្ថតភាពខ្លួនឯងឲ្យក្លាយជាអ្នកដឹកនាំមួយយ៉ាងមានប្រសិទ្ធភាព

អនុវត្តតាមវិធី៥យ៉ាងដើម្បីបណ្តុះសម្ថតភាពខ្លួនឯងឲ្យក្លាយជាអ្នកដឹកនាំមួយយ៉ាងមានប្រសិទ្ធភាព

-

តើអ្នកដឹងទេថាដើម្បីឲ្យខ្លួនឯងក្លាយទៅជាមនុស្សម្នាក់ដែលអស្ចារ្យ ដែលឆ្លាត និងពូកែខាងដឹកនាំ តើយើងគួរធ្វើដូចម្តេច? ជាទូទៅមុននឹងក្លាយទៅជាអ្នកពូកែខាងដឹកនាំ អ្នកពូកែខាងរកស៊ី ពូកែខាងការតាក់តែងនិពន្ធ និងពូកែខាងជំនាញផ្សេងៗទៀត ពូកគេត្រូវតែហ៊ានលះបង់កម្លាំងញើសឈាមរបស់ខ្លួន ហ៊ានលះប​ង់នូវភាពខ្ជិលច្រអូស ភាពស្រណុកសុខស្រួលដើម្បីអភិវឌ្ឍខ្លួនឯងឲ្យក្លាយទៅជាមនុស្សម្នាក់ដែលខ្លាំង ពូកែ​ អស្ចារ្យនិង ជាមនុស្សដែលមានកិត្តិនាមល្អក្នុងសង្គមរស់នៅ ជាពិសេសនោះគឺការសម្រេចគោលដៅ ក្តីស្រមៃ ដែលខ្លួនមានតាំងតែពីក្មេង ជាកត្តាដែលជំរុញឲ្យពួកគេហ៊ានលះបង់ និងផ្លាស់ខ្លួនឯងបែបនេះ។ដូចនេះហើយទើបការផ្លាស់ប្តូរខ្លួនឯងពិតជាសំខាន់ណាស់នៅក្នុងជីវិត​ ពោលគឺផ្លាស់ខ្លួនពីមនុស្សកម្ជិលម្នាក់ ទៅជាមនុស្សដែលឧស្សាហ៍ព្យាយាម ផ្លាស់ពីមនុស្សឥតបានការម្នាក់ឲ្យក្លាយទៅជាមនុស្សម្នាក់ដែលសង្គមត្រូវការ។ទាំងនេះគឺជាលំនាំមួយនៃការបណ្តុះខ្លួនឯងឲ្យក្លាយជាអ្នកដឹកនាំយ៉ាងមានប្រសិទ្ធភាពម្នាក់។ វិធីទាំង៥ខាងក្រោមនេះនឹងជួយឲ្យអ្នកផ្លាស់ប្តូរខ្លួនឯងបានយ៉ាងឆាប់រហ័សព្រមទាំងក្លាយជាមេដឹកនាំម្នាក់ដ៏ពូកែ។

១ វាស់ស្ទង់នូវសមត្ថភាពរបស់ខ្លួនឯង

អ្នកដឹកនាំពិតប្រាកដ ពួកគេមិនដែលពេញចិត្តនូវអ្វីដែលពួកគេបានដឹងអំពីភាពជាអ្នកដឹកនាំឡើយហើយក៏មិនសម្ងំនៅតែក្នុងការិយាល័យរបស់គេដែរ។អ្នកដឹកនាំដែលខ្លាំងគឹជាអ្នកដឹកនាំដែលចូលចិត្តរៀនសូត្រនូវអ្វីៗដែលថ្មីៗ ប្លែកៗ និងអាចជួយឲ្យក្រុមហ៊ុនឬការធ្វើអាជីវកម្មមានដំណើរការទៅយ៉ាងរលូន។លើសពីនេះទៅទៀតពួកគេតែងតែចំណាយពេលឬក៏ឆ្លៀតពេលរប​ស់ខ្លួនដើម្បីចូលរួមសិក្ខាសិលា ឬក៏ការប្រជុំ ដើម្បីស្វែងយល់ឲ្យបានកាន់តែច្បាស់ពីដំណើរការរបស់ក្រុមហ៊ុនឬក៏អាជីវកម្ម ហើយក៏ដើម្បីបង្កើននូវភាពស្និទ្ធស្នាលជាមួយនឹងកូនក្រុមរបស់ខ្លួនផងដែរ។

អ្នកដឹកនាំដែលខ្លាំងគឹជាអ្នកដឹកនាំដែលចូលចិត្តរៀនសូត្រនូវអ្វីៗដែលថ្មីៗ ប្លែកៗ និងអាចជួយឲ្យក្រុមហ៊ុនឬការធ្វើអាជីវកម្មមានដំណើរការទៅយ៉ាងរលូន។

២ កុំខ្លាចក្នុងការបង្ហាញនូវភាពទន់ខ្សោយបស់ខ្លួនឲ្យគេដឹង

គ្មាននរណាម្នាក់ដែលអស្ចារ្យ គ្មានកំហុស គ្មានចំណុចខ្សោយ​នោះទេ ហើយក៏ពុំមាននរណាម្នាក់ដែលល្អគ្រប់ដប់ដែរ ដូចនេះក្នុងនាមជាអ្នកដឹកនាំអ្នកមិនត្រូវខ្លាចក្នុងការបង្ហាញនូវចំណុចអន់ ចំណុចខ្សោយឲ្យគេដឹងឡើយ។ ការបង្ហាញនូវចំណុចខ្សោយរបស់ខ្លួនឲ្យគេដឹងវាមិនមែនជាភាពល្ងង់ខ្លៅទេ តែវា​​អាចជួយអភិវឌ្ឍចំណុចខ្សោយរបស់អ្នកទៅជាចំណុចខ្លាំង។​ ទោះបីជាត្រូវទទួលរងនូវការរិះគន់ ការមើលងាយបន្តិចពីអ្នកដ៏ទៃក្តី ពោលគឺវាប្រសើរជាជាងយើងនៅតែមានចំណុចខ្សោយដដែល។ អ្នកមិនអាចមើលមកខ្លួនឯងបានគ្រប់ជ្រុងជ្រោយបានទេ ដូច្នេះហើយអ្នកត្រូវតែបើកចិត្តអភិវឌ្ឍសម្ថតភាព ដោយការយកការទិទៀនរបស់អ្នកដ៏ទៃមកធ្វើជាកម្លាំងចិត្តកសាងខ្លួនឲ្យខ្លាំងពូកែ។

បង្ហាញពីការយល់ចិត្ត យល់អារម្មណ៍ ទៅដល់កូនក្រុមគ្រប់ៗគ្នា

អ្នកដឹកនាំត្រូវចេះយល់ចិត្ត យោគយល់ និងត្រូវមានក្តីមេត្តាធម៌ទៅដល់កូនក្រុមខ្លួនទើបប្រសើរ។ ការធ្វើបែបនេះ​ វាអាចជួយឲ្យកូនក្រុមអ្នកមានភាពកក់ក្ដៅ មានអ្នកយល់ពីទុក្ខធុរៈ។​​ ពេលណាដែលកូនក្រុមគ្មានសម្ពាធខាងផ្លូវអារម្មណ៍ហើយ ពួកគេនឺងបំពេញការងារយ៉ាងស្វាហាប់និងមានប្រសិទ្ធភាពខ្ពស់ទៀតផង រីឯគម្រោងអាជីវកម្មរបស់អ្នកក៏ល្អប្រសើតាមនឺងដែរ។

៤ បង្កើនភាពស្និទ្ធស្នាលជាមួយនឹងសមាជិកក្រុម

រឿងមួយដែលល្អបំផុតសំរាប់អ្នកដឹកនាំអាចធ្វើបានដើម្បីបង្កើនទំនាក់ទំនងជាមួយសមាជិកក្រុមគឺត្រូវផ្ដោតលើការកសាងទំនាក់ទំនងបស់ខ្លួនឲ្យរឹងមាំ និងបង្កើតទំនាក់ទំនងជាមួយកូនក្រុម។​ម្យ៉ាងវិញទៀត អ្នកដឹកនាំគួរតែផ្ដល់នៅតួនាទី ឬ ឋានៈ ណាមួយដែលស័ក្តសមនឹងសមត្ថភាពរបស់ពួកគេ ព្រោះនេះគឺជាការលើកទឹកចិត្ត ហើយ​ក៏ជា​ការបង្ហាញពីលទ្ធផលការងាររបស់ពួកគេដែរ។

៥ ត្រូវដឹងថាអ្វីដែលអ្នកអាចរ៉ាប់រងបាន និងត្រូវទទួលស្គាល់នូវអ្វីដែលអ្នកមិនអាចរ៉ាប់រងបាន

ពុំមានមេដឹកនាំណាមានសមត្ថភាពអាចគ្រប់គ្រងនូវបញ្ហាគ្រប់កាលៈទេសៈទាំងអស់បានទេ មិនថាជានយោបាយក្តី  ជាប្រជាជនក្តី ឬសេដ្ឋកិច្ចក្តី។ដូចនេះអ្នកដឹកនាំត្រូវតែដឹងថាអ្វីដែលខ្លួនអាចធ្វើនិងមិនអាចធ្វើ ហើយព្រមទទួលយកវា។អ្នកដឹកនាំល្អម្នាក់មិនដែលត្អូញត្អែរពីអ្វីដែលខ្លួនមិនអាចគ្រប់គ្រងបានទេ ហើយក៏មិនដែលទាមទារលទ្ធផល ឬ មុខមាត់ ចាត់ទុកជារបស់ខ្លួនតែឯងដែរ។

 

Rin Hanavy
Rin Hanavyhttp://www.kumnit.com
គឺជាអ្នកបង្កើត និងសរសេរមាតិកានៅក្នុងគេហទំព័រគំនិត គេហទំព័រពន្លក ផ្នែកយុទ្ធសាស្ត្រទីផ្សារ ភាពជាអ្នកដឹកនាំ យុទ្ធសាស្ត្រអាជីវកម្ម ការងារ និងការអភិវឌ្ឍខ្លួនឯង។ ជានិស្សិតថ្នាក់បរិញ្ញាបត្រ ជំនាញទីផ្សារ នៅសាកលវិទ្យាល័យជាតិគ្រប់គ្រង។

រៀនពីអ្វីថ្មីៗ

spot_img

អត្ថបទថ្មិៗ