spot_img
spot_img
Homeទូទៅ៧វីធីសាស្រ្តពេលអានមិនយល់!

៧វីធីសាស្រ្តពេលអានមិនយល់!

-

តើ​អ្នក​ដឹក​ទេ​ថា​ អ្នក​អាចយល់​ពី​សៀវ​ភៅ​មួយ​បាន​ច្រើន​ប្រសិន​បើ​អ្នក​ផ្លាស់​ប្តូរ​វិធី​ក្នុង​ការ​អាន​!

  1. អ្នក​ត្រូវ​បន្ត​អាន​ នៅ​ពេល​ជួប​នឹង​ចំណុច​ដែល​អាន​មិន​យល់​

អ្នក​ត្រូវ​បន្ត​អាន។ វាគឺ​ជា​រឿង​ធម្មតា​ដែល​ ​នៅ​ពេល​អាន​ អ្នក​តែង​តែ​ជួបចំណុច​​ដែល​អាន​មិន​យល់​ ដូច្នេះ​ចូរ​អ្នក​អានកថាខណ្ឌ​​មុន​និង​ក្រោយ​ឃ្លា​ នោះសាក​មើល​​។​

ប្រសិន​បើ​អ្នក​នៅ​តែ​មាន​អារម្មណ៍​ច្របូក​ច្របល់​ ចូរ​អ្នក​អាន​ពី​រ​បី​ទំព័រ​បន្ទាប់​ទៀត​។​ ការ​បន្ត​អាន​ទៅមុខ​គឺ​ជា​ការ​ស្វែង​រក​អត្ថន័យ​នៃ​ឃ្លា​ វគ្គឬផ្នែក​​ណា​មួយ​នៅ​ក្នុងអត្ថ​​ន័យ​ធំ​ជាង​វា​​នៃ​សៀវភៅ។​

  1. អាន​​​ម្តង​ទៀត​

អានឃ្លាឬវគ្គ​នោះម្តង​ទៀត យ៉ាង​តិច​២​ដង​។​ ពេល​អាន​ម្តង​ៗ ត្រូវ​ផ្តោត​អារម្មណ៍​ព្រោះ​ការ​ធ្វើ​បែប​នេះ​គឺ​អាច​ជួយ​ឲ្យ​អ្នក​បង្កើន​កម្រិត​នៃ​ការ​ផ្តោត​អាន​ និង​អាច​យល់​អំពី​ចំណុច​ទាំង​នោះ។​

  1. បំបែកវគ្គឬផ្នែក​​នោះ​ជា​ផ្នែកៗ​ ឬ​ជា​គ្រោង​

​អ្នកអាច​បែង​ចែក​ផ្នែក​នោះដោយ​ផ្នែកៗ។​ ងាយ​បំផុត​គឺ​ជា​៣ ដែល​មាន​ដូច​ជា​ផ្នែក​ផ្តើម​ ផ្នែក​តួរ​ និង​បញ្ចប់​។​ ពេល​ខ្លះ​អ្នក​អាច​បំបែក​វា​ជា​គ្រោង។​

  1. មើល​​ឧទាហរណ៍

ប្រសិន​បើជួប​នឹងគំនិត​ដែល​មាន​ភាព​ស្មុគ​ស្មាញ​ច្រើន​។​ ចូល​អ្នកកុំ​ទាន់​អល់​អែក្នុង​ការ​បន្ត​អាន​ ព្រោះ​ជា​ធម្មតា​នៅ​ពេល​អ្នក​និពន្ធ​គោល​គំនិត​ថ្មី​អ្វី​មួយ​ គាត់​តែង​តែ​មាន​លើ​ក​ជា​ឧទាហរណ៍​មក​ពន្យល់​បន្ថែម​។​ ដូចនេះ​ចូរ​​អ្នក​​អាន​​ឧទាហរណ៍។​

  1. ធ្វើ​ការ​ស្រាវ​ជ្រាវ​បន្តិច​ទៅ​លើ​ប្រធាន​បទ​ដែល​អ្នក​មិន​យល់​

នៅ​ពេល​អាន​ អ្នក​ត្រូវ​មាន​វិចនានុក្រម​នៅ​ជិតខ្លួន​ ព្រោះ​អ្នក​នឹង​ជួប​ពាក្យ​ពិបាក​ជានិច្ច។ ហើយ​ប្រសិន​ជា​មាន​ពត៌មាន​ណា​ដែល​អ្នក​មិន​ច្បាស់​លាស់​ ហើយ​ចង់​ស្វែង​យល់​បន្ថែម​ ចូរ​អ្នក​ឆែក​វា​មើល​នៅ​លើ​វ៉េប​សាយនានាដែល​គួរ​ជា​ទី​ទុក​ចិត្ត​បាន​។​

  1. ពេល​បញ្ចប់​សៀវភៅទាំង​មូល​​ហើយ​ ចូរ​អ្នក​ត្រលប់​មក​អាន​កន្លែង​ដែល​មិន​យល់​នោះ​ឡើង​វិញ

ចូរ​កុំ​បណ្តោយ​អោយ​ចំណុច​ដែល​អ្នក​មិន​យល់​មក​រារាំ​អ្នក​ពី​ការ​បញ្ចប់​ការ​អាន​សៀវភៅឲ្យ​សោះ​។​ ពេល​ខ្លះ​ប្រសិន​បើ​ព្យាយា​ម​គ្រប់​វិធី​សាស្រ្ត​ហើយ ប៉ុន្តែ​នៅ​តែ​មិន​យល់​ អ្នក​អាច​ទាយ​អំពី​ន័យ​វា​ហើយ​បន្ត​អាន​ទៀត​។​

កត់ត្រា​ទុកលេខ​​ទំព័រ​ដែលមិន​យល់​​នោះ​ទុក​។​ នៅ​ពេល​ដែល​បញ្ចប់​សៀវភៅ​ទាំង​មូល​ អ្នក​អាច​ត្រលប់​មក​អានចំណុច​នោះ​​វិញ​ហើយ​អ្នក​អាច​ដឹង​ថា​តើ​ពេល​នេះ​អ្នក​អាច​យល់​ន័យ​វា​ឬ​នៅ។​

  1. សុំ​ជំនួយ​នៅ​ពេល​អាន​ចប់​

ប្រសិន​បើ​អ្នក​មាន​បញ្ហា​ជាមួយចំណុច​ដែល​ស្មុគស្មាញ​ អ្នក​អាច​ស្វែង​រក​ជំនួយពី​មិត្ត​ ក្រុម​គ្រួសារ​ ឬ​លោកគ្រូអ្នក​គ្រូ​​ដែល​ធ្លាប់​បាន​អានវា​។​ ប្រសិន​បើ​ពួក​គេ​ក៏​មិន​យល់​ដែរ​ដូច្នេះ​អ្នក​អាច​សហការ​គ្នា​និង​ជួយ​គ្នា​ទៅ​វិញ​ទៅ​មក​ដើ​ម្បី​យល់​អំពី​អត្ថ​ន័យ​នោះ។​

 

Suos Sovanna
Suos Sovannahttp://www.kumnitcreative.com
អំពី អ្នកនិពន្ធៈ សុវណ្ណា​ គឺជាសហស្ថាបនិកនៃហាងសៀវភៅអញឡាញអ្នកអាន និងជាអ្នកគ្រប់គ្រងផ្នែកទីផ្សារទំនើបនៅស្ថាប័នដដែលនេះ។

រៀនពីអ្វីថ្មីៗ

spot_img

អត្ថបទថ្មិៗ