Appsដែលផ្តល់ផលប្រយោជន៍សម្រាប់អ្នកធុរកិច្ច

1219

Google Calendar

ប្រសិនបើ​អ្នក​មាន​អតិថិជន​ច្រើនឬ​​ការងារ​ច្រើន​ អ្នក​​អាច​រក្សា​វា​នៅក្នុង​Google Calendarដោយ​ប្រើប្រាស់​កម្មវិធី​ Layers ឬ​ multiple calendar។ នៅក្នុង​កម្មវិធី​នេះ​អ្នក​អាច​រៀបចំ​កាលវិភាគ ការណាត់​ឬ​ប្រជុំ និង​ដាក់Remindersបាន។ លក្ខណៈ​ពិសេស​បំផុត​របស់​កម្មវិធី​នេះ​គឺ​ cross-device ​ដែល​អាច​ផ្សា​ភ្ជាប់​ទិន្នន័យ​មកពី​ឧបករណ៍​បច្ចេកវិទ្យា​ជាច្រើន​ជាមួយ​គ្នា​ដោយ​Google Account ។

Calendar ថែមទាំង​អាច​ជួយ​អ្នក​ក្នុង​ការដាក់​ពណ៌​លើ​តារាង​ពេលវេលា​ដែល​សំខាន់ កំណត់​ពេល​ចាប់ផ្តើម​និង​បញ្ចប់ ចែក​​រំលែក​ប្រតិទិន​ឬ​ព្រឹត្តការណ៍​អ្វី​មួយ​ជាមួយ​មិត្តភក្តិ​ផងដែរ​។

Asana

Asana អាច​ជួយ​ឲ្យ​អ្នក​បង្កើត​នូវ​គម្រោង​ក៏​ដូចជា​តារាង​ការងារ លើកទឹកចិត្ត​​បុគ្គលិកឲ្យ​ផ្តោត​ការយកចិត្ត​ទុកដាក់​លើ​ការងារ​ និង​ថែមទាំង​សន្សំ​ពេលវេលា​ពី​​ការ​ចំណាយ​លើ​ការផ្ញើអ៊ីមែល​ឬ​ការងារ​ទំនាក់ទំនង​។  Asana​ ​ថែមទាំង​អាច​ជួយ​គ្រប់គ្រង​ដំណើរការ​នៃ​ការអនុវត្តន៍។ សរុបមក​វា​ងាយស្រួល​ដល់​ការគ្រប់គ្រង​ការងារ​ដែល​មាន​លក្ខណៈ​ជា​ក្រុម​ហើយ​មាន​ទីតាំង​ខុសៗ​គ្នា។

Campaign Monitor

អ៊ីមែល​ដែល​អ្នក​បង្កើត​តាមរយៈ ​Campaign Monitor អាច​កំណត់​កាលវិភាគ​ហើយ​អ្នក​ក៏​អាច​បង្កើត​នូវ​កម្មវិធី​ឆ្លើយតប​ដោយ​​ស្វ័យប្រវត្តិ​ទៅកាន់​អ៊ីមែល​ដែល​គេ​ផ្ញើ​រមក​។  ជាងនេះ​ទៅទៀត​វា​អាច​ជួយឲ្យ​អ្នក​ងាយស្រួល​ក្នុង​ការ​បែងចែក​តារាងអ៊ីមែល​តាមទិន្នន័យ​និង​តាមផ្នែក​ផងដែរ​។

Drum Up

Drum Up អាច​ជួយ​អ្នក​បង្ហោះ​នូវ​ទិន្នន័យ​ទៅលើ​ប្រព័ន្ធ​បណ្តាញ​សង្គម​យ៉ាងរហ័ស​ដោយ​មិន​ចាំបាច់ log in នោះទេ​។ ​ មិន​ត្រឹមតែ​ប៉ុណ្ណោះ​វា​ងាយស្រួល​ក្នុងការ​ទាញយក GIFs ពី GIPHY ហើយ​បញ្ចូល​emojis ​ទៅកាន់​បណ្តាញ​សង្គម​ទៀតផង​។​ សរុបមក​វា​ជួយ​ក្នុងការ​គ្រប់គ្រង​បណ្តាញ​សង្គម​ឲ្យ​មាន​លក្ខណៈ​សកម្ម​។

Dropbox

វា​ជា​App​ មួយ​ដែល​ជួយ​ឲ្យ​យើង​ងាយស្រួល​ក្នុង​ការ​គ្រប់គ្រង​ទិន្នន័យ​មកពី​ឧបករណ៍​ជាច្រើន​ផ្សេងគ្នា ​ដូចជា​ចែក​រំលែក​ឯកសារ​ដល់​មិត្តភក្តិ ធ្វើ​គម្រោង​ឲ្យ​មាន​ភាព​ប្រសើរ​ឡើង​ និង​ទុក​ឯកសារ​សម្រាប់​ប្រើ​នៅពេល​អនាគត។

Lastpass

​Appនេះដែល​ងាយស្រួល​សម្រាប់​អ្នក​ដែល​មាន​គេហទំព័រ​ច្រើន​ដោយ​ជួយ​បញ្ចូល​លេខកូដ​ដោយ​ស្វ័យប្រវត្តិ​ហើយ​អនុញ្ញាត​​ឲ្យ​មិត្ត​រួមក្រុម​ចូលទៅ​គេហទំព័រ​ដោយ​មិនបាច់​បង្ហាញ​ពី​អត្តសញ្ញាណ ​ជាពិសេស​យើង​អាច​ប្រើប្រាស់​វា​នៅ​គ្រប់ឧបករណ៍ទាំងអស់​ដោយ​គ្រាន់តែ​មាន​ account Last pass។

Slack

Slack គឺជា​app មួយ​ដែល​ងាយស្រួល​ក្នុង​ទំនាក់​ទំនង​ផ្ទៃក្នងនិង​ចែក​រំលែក​ព័ត៌មាន​ក្នុង​​ការ​ធ្វើការ។ តាមរយៈ​កម្មវិធី​នេះអ្នក​អាច​ធ្វើការ​ទំនាក់​ទំនង​ជា​លក្ខណៈ​ឯកជនឬក៏​បង្កើត​ការ​ទំនាក់​ទំនង​ជាក្រុម​​។ វា​មិន​សូវ​មាន​ភាព​រញ៉េរញ៉ៃ​ក្នុង​ការ​ប្រើប្រាស់​និង​អាច​រកមើលឯកសារ​ឬ​ការ​ចរចារ​ផ្សេងៗ​តាម​កាល​បរិច្ឆេទបាន​ងាយស្រួល។ Slack​ ថែមទាំង​មាន​ទំនាក់ទំនង​ជាមួយ​apps​ទីផ្សារ​និង​​ការលក់ផងដែរ៕

Previous articleលក្ខខណ្ឌ​ដូចម្តេច​ទើបអាចដាក់តម្លៃខ្ពស់បាន?
Next article៣ចំណុចដែលអាចជួយឲ្យអ្នកឆ្ពោះទៅគោលដៅ
សូ ពិសី​មាន​តួនាទី​ផ្នែក Business Creative នៅក្នុងគំនិត​​ដែល​ផ្តោតលើ​ការបង្កើត​មាតិកា​ធុរកិច្ច សហគ្រិន យុទ្ធសាស្ត្រ​​អាជីវកម្ម​សម័យ​ទំនើប​ព្រមទាំង​ធ្វើករណី​សិក្សា​ទៅលើ​អាជីវកម្ម​​ក្នុងស្រុក។គាត់​ក៏​​ជា​និស្សិត​នៅ​សាកលវិទ្យាល័យ​មេគង្គកម្ពុជា​សិក្សា​ផ្នែក​​​គ្រប់គ្រង​ធុរកិច្ច​អន្តរជាតិ​។ គាត់​​ធ្លាប់​ចូលរួម​សិក្ខា​សាលា​និង​វគ្គ​បណ្តុះបណ្តាល​ដូចជា ​ភាពជា​អ្នកដឹកនាំ ជំនាញទន់ និង​ជំនាញ​នៃ​ការលក់​ជាច្រើន ​​ព្រមទាំង​សកម្មភាព​ក្នុង​ការងារ​ស្ម័គ្រចិត្ត​ផងដែរ។