ទំនងតើ!

ដើម្បី​ធ្វើឲ្យ​ការជ្រើសរើស​បេក្ខភាព​ដែល​មាន​សមត្ថភាព​ក្នុង​ការលក់ អ្នក​គប្បី​ដឹង​ពី​អ្វី​ដែល​អ្នក​កំពុង​ស្វែងរក បង្កើត​ហ្គេម​ក្នុង​ពេល​សម្ភាសន៍ និង​ពិនិត្យ​ការសម្រេចចិត្ត​ឲ្យ​បាន​ហ្មត់ចត់។ លើសពីនេះ ​ក្នុង​កំឡុង​ពេល​សម្ភាសន៍ អ្នក​អាច​សួរ​សំណួរ​ខ្លះ​ដើម្បី​ឲ្យ​ដឹង​ច្បាស់​ពី​បទពិសោធន៍​និង​ជំនាញ​របស់​អ្នក​មក​ដាក់ពាក្យ​នីមួយៗ​តាមរយៈ៖

  • ​ចោទ​ជា​សំណួរ​ទៅលើ​ការកំណត់​គោលដៅ​នៃ​ការលក់របស់​ពួកគេ៖ ​​បុគ្គលិក​ឆ្នើម​នឹង​មាន​គោលដៅ​យ៉ាង​ច្បាស់​ចំពោះ​ការលក់​ដើម្បី​អាច​វាស់ស្ទង់​ពី​ការធ្វើការ​និង​ភាពជោគជ័យ​ដែល​ជា​លទ្ធផល​បានមកពី​ការខិតខំ​ប្រឹងប្រែង​របស់​ពួកគេ​។
  • សាកសួរ​​ពី​​អារម្មណ៍​​របស់ពួកគេ​ក្នុង​ករណី​អ្នក​ទិញ​បដិសេធ​ឬ​រង​ការរិះគន់​ផ្សេងៗ​៖ ដើម្បី​អាច​ដឹង​ថាតើ​ពួកគេ​មាន​អារម្មណ៍​អន់ចិត្ត​​ឬអត់​ ជាពិសេស​កម្រិត​នៃ​ការ​រក​ដោះស្រាយ ភាពអត់ធ្មត់ និង​ការ​គ្រប់គ្រង​ស្ថានការណ៍​នៅពេល​មាន​រឿង​បែបនោះ​កើតឡើង​។ សំណួរ​ក្រៅពីនេះ​មានដូចជា​តើ​ពួកគេ​ទទួលបាន​មេរៀន​អ្វី​ពី​បទពិសោធន៍​នេះ​​ដើម្បី​បញ្ចៀស​បញ្ហា​ដែល​អាច​កើត​មាន​ឡើង​លើក​ក្រោយ​ទៀត។
  • សួរ​​ពី​វិធីសាស្រ្ត​នៃការរក្សា​ទំនាក់​ទំនង​ជាមួយ​អតិថិជន​ចាស់ៗ​៖ ថាតើ​ពួកគេ​គួរ​ធ្វើ​បែបណា​ដើម្បី​ឲ្យ​គេ​អាច​គ្រប់គ្រង​ទិន្នន័យ​​និង​ព័ត៌មាន​នៃ​អតិថិជន​ចាស់ៗបាន​និង​នៅតែ​អាច​រក្សា​ការ​ប្រាស្រ័យ​ទាក់ទង​ល្អ​ជាមួយ​ពួកគេ។ ម្យ៉ាង​ទៀត​គឺ​ការ​​មាន​​មធ្យោបាយ​​នៃ​​ការរក្សា​​ចំណូល​របស់​ក្រុមហ៊ុន​ឲ្យ​មាន​​លំនឹង​​ក៏​ជា​​ចំណុ​ច​សំខាន់​​ដែ​រ​​ក្នុងការ​​ជ្រើសរើស​​​បុគ្គលិក​​។
  • សួរ​ពី​គន្លឹះ​៖ ដែល​បេក្ខជន​មាន​ក្នុង​ការបង្កើត​និង​ស្វែងរក​វិធី​ថ្មីៗ​សម្រាប់​ឱកាស​នៃ​ការលក់​។
  • ការស្វែង​យល់ពី​បេក្ខជន​ទៅលើ​ការកសាង​ទំនុកចិត្ត៖ ​សម្រាប់​អតិថិជន​រួម​មាន​ការដឹង​ពី​ចំណង់​ចំណូលចិត្ត​របស់​អតិថិជន ការដឹកជញ្ជូន​ទំនិញ​ទាន់​ពេល​វេលា​ជាដើម​ព្រោះ​ថា​បុ​គ្គលិក​ផ្នែក​លក់​ដែល​មាន​គម្រោង​និង​ការរៀបចំ​ល្អ​មាន​ជំនឿចិត្ត​ខ្ពស់​ក្នុង​ការកសាង​ទំនុក​ចិត្ត​សម្រាប់​អតិថិជន​។
  • ​​ជ្រើសរើស​បុគ្គលិក​ណា​ដែល​មាន​ជំនឿ​ចិត្ត៖ ​ក្នុង​ការលក់​និង​មាន​ទំនួល​ខុសត្រូវ​ក្នុង​ការងារ​ក៏ដូចជា​ទៅលើ​អតិថិជន។​

ទាំងអស់នេះ​ជា​អ្វី​ដែល​អ្នក​សម្ភាសន៍​មិនគួរ​មើលរំលង​នៅពេល​សម្ភាសន៍​ព្រោះ​វា​អាច​ឲ្យ​អ្នក​ដឹង​ពី​សក្តានុពល​របស់​បេក្ខជន​ក្នុង​ការបំពេញ​ការងារ​ឲ្យបានល្អ​ក្នុង​អាជីវកម្ម​អ្នក។

ហេង មុយលី សព្វថ្ងៃធ្វើការនៅគំណិត ផ្នែកBusiness Creativeដែលផ្តោតលើការបង្កើតមាតិការធុរកិច្ច សហគ្រិន យុទ្ធសាស្ត្រអាជីវកម្មសម័យទំនើប ព្រមទាំងធ្វើករណីសិក្សាទៅលើអាជីវកម្មក្នុងស្រុក។ គាត់ក៏ជានិស្សិតនៅវិទ្យាស្ថានភាសាបរទេ (IFL) ដែលជាវិទ្យាស្ថានមួយដ៏ល្បីល្បាញផ្តល់ការអប់រំកម្រិតឧត្តមសិក្សានៅក្នុងព្រះរាជាណាចក្រកម្ពុជា ។ គាត់ធ្លាប់ចូលរួមជាអ្នកស្មគ្រ័ចិត្តនៅក្នុងសិក្ខាសាលា ក៏ដូចជាព្រឹត្តិការណ៏នានាជាច្រើន។ លើសពីនេះគាត់ក៏ជាសមាជិកនៃ Organizing Committee របស់សាលាផងដែរ។គាត់ជាមនុស្សដែលរួសរាយ ចូលចិត្តរៀននិងទទួលអ្វីដែលថ្មី និងអាចបត់បែនតាមបរិយាកាសជុំវិញ។ គាត់ជឿជាក់ថា ការចូលរួមជាមួយគំនិតដើម្បីចែករំលែកចំណេះដឹង និងធ្វើការស្រាវជ្រាវលើផ្នែកធុរកិច្ចពិតជាមានផលប្រយោជន៍ជាច្រើនទាងខ្លួនគាត់ផ្ទាល់ និងវិស័យធុរកិច្ចទាំងមូល។