ទំនងតើ!

នៅ កម្ពុជា បណ្តាញ សង្គម បាន ក្លាយទៅជា ច្រកផ្សព្វផ្សាយមួយ ដ៏ពេញនិយម និង មាន ប្រសិទ្ធភាពខ្ពស់បំផុត សម្រាប់ អាជីវកម្ម ដែលមាន ក្រុមអតិថិជន វ័យក្មេង ឬក្រុមអតិថិជន ដែលចូលចិត្តដើរតាមសម័យកាលឌីជីថល។ ចំនួន អ្នកប្រើប្រាស់បានកើនឡើងជាលំដាប់ និងយ៉ាងគំហុគដែលធ្វើឱ្យ ច្រកពាណិជ្ជកម្ម និង ទំនាក់ទំនងសង្គម មួយនេះកាន់តែមាន សក្តានុពល សម្រាប់ម្ចាស់អាជីវកម្ម ឬ អ្នកចង់ លេចមុខមាត់ នៅក្នុង សង្គម (Personal Branding)។ អាជីវកម្មខ្លះមាន គណនី ប្រើប្រាស់លើបណ្តាញសង្គម លើសពី១ ហើយអាចហូត ដល់ រាប់សិប ឯណោះ ដើម្បីបំពេញគោលបំណង និង បេសកកម្មផ្សព្វផ្សាយ ព្រមទាំង ច្បាមចាប់ ក្រុមអតិថិជន គោលដៅ ច្រើនជាអតិបរិមា ដោយអ្នកខ្លះអាច មាន វត្តមាន ស្ទើរគ្រប់ច្រកល្ហកទាំងអស់ដូចជា Facebook Page, Instagram, Linkedin, Twitter ។ល។ ប្រសិនបើមាន ការផ្សព្វផ្សាយ នៅ កន្លែងច្រើនផ្សេងៗគ្នា ហើយមិនមាន ឧបករណ៍ជំនួយ នោះ នឹងធ្វើឱ្យយើងចំណាយ ពេល និងកម្លាំងច្រើនធ្វើការ ដដែល សម្រាប់បង្ហោះឱ្យបានគ្រប់ច្រក។

ថ្ងៃនេះ ខ្ញុំសូម លើកយក នូវឧបករណ៍ ចំនួន៣ ដែលយើងអាចប្រើប្រាស់ឥតគិតថ្លៃ សម្រាប់ការងារ គ្រប់គ្រងការផ្សព្វផ្សាយ និងប្រើប្រាស់បណ្តាញសង្គមឱ្យកាន់តែប្រសើរ និង ងាយស្រួលជាងមុន។ ឧបករណ៍នេះ គឺអនុញ្ញាតិ ឱ្យយើងធ្វើការ បង្ហោះ សារឬ ផុស ក្នុងកន្លែងតែមួយ តែអាច ធ្វើការបញ្ចូន ទៅកាន់គណនីច្រើនជាងមួយក្នុង ពេលតែមួយ។ ឧទាហរណ៍ អ្នកមាន Facebook Page ៣នៅលើហ្វេសប៊ុក ហើយ តម្រូវ ឱ្យអ្នកចូលទៅបង្ហោះសារម្តងមួយៗនៅគ្រប់Pageដើម្បីឱ្យសារនោះមាន វត្តមាន គ្រប់ទីកន្លែងដែលយើងមាន។ ប៉ុន្តែប្រសិនបើអ្នក ប្រើប្រាស់ឧបករណ៍ដែលបង្ហាញខាងក្រោមនេះ អ្នកគ្រាន់តែចូលទៅ គេហទំព័រ ឧបករណ៍នោះ អ្នកអាច បង្ហោះ សារនោះទៅ Facebook Pageទាំងបីក្នុង ពេលដំណាលគ្នាដោយមិនចាំបាច់បើកចូល Page នីមួយៗដូចមុននោះទេ។

Buffer (បាហ្វើ)

គឺជា ឧបករណ៍ជំនួយ ការគ្រប់គ្រង និងប្រើប្រាស់ច្រកផ្សព្វផ្សាយលើបណ្តាញសង្គម ដូចជា Facebook, Linkedin, Instagram, Twitter ជាដើម។ បាហ្វើ ផ្តល់ការ ប្រើប្រាស់ ដោយឥតគិតថ្លៃ សម្រាប់ការប្រើប្រាស់៣បណ្តាញសង្គមភ្ជាប់ជាមួយឧបករណ៍នេះ (មានន័យថាយើងអាច ធ្វើការភ្ជាប់ និងបង្ហោះសារទៅ៣គណនីបណ្តាញសង្គម)។ ប្រសិនបើអ្នកចង់បានច្រើនជាងនេះ អ្នកអាចធ្វើការជ្រើសរើស គម្រោងផ្សេងៗស្របតាមតម្រូវការ ដែលមានតម្លៃចាប់ពី១៥ដុល្លារ/ខែ។

buffer-for-business-influencers

Hootsuit (ហ៊ូតស៊ូត)

ហ៊ូតស៊ូតគឺជា ឧបករណ៍គ្រប់គ្រងបណ្តាញសង្គមមួយទៀតដែលមានផ្តល់ការប្រើប្រាស់ដោយឥតថ្លៃផងដែរ ស្រដៀង នឹង បាហ្វើដែលបានប្រើប្រាស់ដោយ មនុស្ស ជាង ១៥លាននាក់។ ជាអ្នកផ្តល់សេវាកម្មនេះដ៏ចាស់វស្សាមួយ ហ៊ូតស៊ូត បានអនុញ្ញាតិ ឱ្យយើង ភ្ជាប់គណនីបណ្តាញសង្គម ចំនួន ៣ ដោយឥតគិតថ្លៃ និងធ្វើការ រៀបចំកាលវិភាគ បង្ហោះ សារ ស្វ័យប្រវត្តិទៅតាមម៉ោងនិង កាលបរិច្ឆេទដែលយើងចង់កំណត់។ សម្រាប់អ្នកដែលចង់មានតម្រូវការច្រើនជាង ការផ្តល់ឱ្យដោយឥតគិតថ្លៃ ហ៊ូតស៊ូតមានគម្រោង នានាដែលមានតម្លៃ ចាប់ពី២៩ដុល្លារ/ខែ។

Hoot-Suite

Postfity (ផូសហ្វ៊ីធី)

វាក៏ជា ឧបករណ៍ជំនួយ ការមួយទៀតផងដែរ តែអ្វីដែលពិសេស នោះគឺវាអាចឱ្យយើងធ្វើការភ្ជាប់ គណនីបណ្តាញ សង្គម រហូតដល់៥ដោយឥតគិតថ្លៃ។ ហើយប្រសិនបើអ្នកគិតថា ៥នៅតែមិនគ្រប់ អ្នកអាច ទិញគម្រោងណាមួយ ដែលអ្នកគិតថា សាកសម នឹង តម្រូវការដែលមាន តម្លៃចាប់ពី ៩.៩៩ដុល្លារ/ខែ។

Image result for postfity reviews

លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។