ទំនងតើ!

ដោយសង្កេតឃើញថា បញ្ហាវីរុស កូរូណា ឬ ខូវីត-១៩ នេះបានជះឥទ្ធិពលអវិជ្ជមានយ៉ាងខ្លាំងទៅដល់សាលារៀន និង​ក្រុមហ៊ុន​ ព្រមទាំងស្ថាប័ននានាជាច្រើនជុំវិញពិភពលោក កាលពីពេលថ្មីៗនេះ ក្រុមហ៊ុនយក្ស Google បានដាក់ចេញនូវវិធានការថ្មី ដោយការអនុញ្ញាតឲ្យមនុស្សគ្រប់រូប ជាពិសេសសិស្សនិស្សិត និងបុគ្គលិកបម្រើការនៅតាមស្ថាប័ននានា អាចប្រើប្រាស់កម្មវិធីជជែកតាមOnline កម្រិតខ្ពស់បំផុតរបស់ខ្លួនបានដោយសេរី និងឥតគិតថ្លៃរហូតដល់ដើមខែកក្កដា ឆ្នាំ២០២០ នេះ។

មេរោគ កូរូណា ឬខូវីដ-១៩
មេរោគ កូរូណា ឬខូវីដ-១៩

គួរបញ្ជាក់ផងដែរថា កម្មវិធីជជែកតាមវីដេអូនោះមានឈ្មោះថា Hangouts Meet គឺជាកម្មវិធីមួយដែលផលិតឡើងដោយក្រុមហ៊ុន Google ផ្ទាល់ជាមួយ​មុខងារពិសេសៗជាច្រើន ដែលអាចជួយជំរុញដល់ប្រសិទ្ធភាពការងារទៅដល់សិស្សនិស្សិត ព្រមបុគ្គលិកបម្រើការនៅគ្រប់ស្ថាប័នទាំងអស់។ ចំពោះលក្ខណៈពិសេសរបស់មុខងារកម្រិតខ្ពស់របស់វាផងនោះ គឺសមត្ថភាពដែលអាចឲ្យអ្នកចូលរួមបានចំនួន ២៥០ នាក់សម្រាប់ការតេមួយលើក និងរហូតដល់ ០១សែនសម្រាប់អ្នកទស្សនាការផ្សាយបន្តផ្ទាល់ក្នុងមួយលើក។ មិនត្រឹមតែប៉ុណ្ណោះវាក៏មានសមត្ថភាពពិសេសក្នុងការរក្សាទុកវីដេអូដែលបានថតទុកដោយស្វ័យប្រវត្តិនៅក្នុង Google Drive ផងដែរ​៕

កម្មវិធី Hangouts Meet របស់ Google
លោក ខៀក វិទ្យារតនៈ គឺជាអ្នកបង្កើត និងសរសេរមាតិការនៅក្នុងគេហទំព័រ គំនិត ផ្នែកបច្ចេកវិទ្យា ផ្នែកយុទ្ធសាស្ត្រទីផ្សារឌីជីថល ផ្នែកធុរកិច្ច និងផ្នែកចំណេះដឹងទូទៅ។ សព្វថ្ងៃនេះ លោកមានតួនាទីជា Business Development Manager ដែលកំពុងតែបម្រើការងារនៅក្នុងហាងសៀវភៅអនឡាញ Naek Arn ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន គំនិត។ ចំពោះប្រវត្តិសិក្សាវិញ លោកគឺជានិស្សិតដែលបញ្ចប់ការសិក្សាផ្នែក វិទ្យាសាស្ត្រពាណិជ្ជកម្មអេឡិចត្រូនិក និងភស្តុភារកម្ម (Science of eCommerece & Logistics) ពីវិទ្យាស្ថានជាតិ និបតិក (NIPTICT) ក៏ដូចជានិស្សិតដែលបញ្ចប់ការសិក្សាថ្នាក់បរិញ្ញាប័ត្រ ផ្នែក Professional Communication នៅសកលវិទ្យាល័យភូមិន្ទភ្នំពេញផងដែរ (RUPP)។ មិនត្រឹមតែប៉ុណ្ណោះ លោកក៏ជាអ្នកជំនាញខាងផ្នែក Digital Marketing Associate ដែលមានវិញ្ញាបនប័ត្រទទួលស្គាល់ដោយក្រុមហ៊ុន Facebook ផ្ទាល់ផងដែរ។ លោកក៏ជាមនុស្សដែលចូលចិត្តវិភាគវែកញែកនៅលើប្រធានបទផ្សេងៗ ស្វែងយល់ពីអ្វីថ្មីៗ ចូលចិត្តការធ្វើដំណើរកម្សាន្តដើម្បីរៀនពីបរិបទសង្គម និងតាមដានគ្រប់ព័ត៌មានទូទៅទាំងក្នុង និងក្រៅប្រទេស៕