ទំនងតើ!

(សូម​ចុច​ទីនេះដើម្បី​អាន​ភាគ​មុ​ន)

៣ ការ​បង្កើត​​មាតិកា​ (មាតិកា​រួម​បញ្ចូល​មាន​ ​អត្ថបទ រូបភាព​ និង​ វីដេអូ)

ការ​រៀប​រាប់​រឿង​រ៉ាវ​ គឺ​ជា​មាតិកា​ដែល​ល្អ​បំផុត​ សម្រាប់​ចែក​រំលែក​ពត៌មាន ​​ដោយ​បង្ហាញ​អំពី​បទពិសោធន៍​ ​អារម្មណ៍​ និង​​​ការយល់​​ឃើញ​ ទៅ​លើដំណោះ​ស្រាយ​​គោល​ណា​មួយ​។​ ការ​ចែក​រំលែក​មាតិកា ​ដែល​មាន​អត្ថន័យ​ជារឿយៗ​ នឹង​ធ្វើ​ឲ្យអតិថិជន​​ជឿជាក់​​និង​ស្មោះ​ត្រង់​ជាមួយ​លោក​អ្នក​។​ ក្នុង​ការ​បង្កើត​មាតិកា​ អ្នក​ត្រូវ​ដឹង​ឲ្យ​បាន​ច្បាស់​អំពី​២​ចំណុច៖

  • តើ​ដំណោះ​ស្រាយ​គោល​(ឬសារ​គោល)​ ដែល​លោក​អ្នក​ចង់​ទំនាក់​ទំនង​ទៅ​អតិថិជន​នោះ​គឺ​ជា​អ្វី?
  • តើ​លោក​អ្នក​ចង់​ឲ្យ​ពួក​គេ​ចង​ចាំ​អ្វី​ខ្លះ?

ហើយ​លោក​អ្នក​ក៏ត្រូវ​ជ្រើស​រើស​ប្រភេទ​នៃ​មាតិកា ។​ តើ​គួរ​បង្កើត​ជា​ប្រភេទ​មាតិកា​អប់​រំ? ឬ​ជា​ប្រភេទ​ការ​កម្សាន្ត?

មាតិកា​មានទម្រង់​​ច្រើន​ដូច​ជា សំណេរ​អត្ថបទ សំណេររបាយការណ៍​​ សំណេរបទបង្ហាញ​ ​ រូប​ភាព​​លើ​​ហ្វេសប៊ុក​ ផ្ទាំង​បដា ទស្សនាវដ្តី និង​ វីដេអូលើ​យូធូប​។​ ដូច្នេះ​លោក​អ្នក​ត្រូវ​ជ្រើស​រើស​​ទម្រង់​​​មាតិកាណា​ ដែល​សាកសម​ជាមួយ​​ជំនាញ​របស់​អ្នក​ និង​ត្រូវ​ជាមួយ​​ចំណាប់​អារម្មណ៍​របស់​អ្នក​តាម​ដាន។​

មាតិកា​សំដៅលើ​សំណេរ ផ្ទាំង​រូបភាព ឬ​ វីដេអូ។

ឯទម្រង់​​មាតិកា​ មាន​ដូច​ជា​​សំណេររបាយការណ៍​​ សំណេរបទបង្ហាញ​ ​ រូប​ភាព​​លើ​​ហ្វេសប៊ុក​ ផ្ទាំង​បដា ទស្សនាវដ្តី…។

៤ បង្កើន​ប្រសិទ្ធភាព​នៃ​មាតិកា​ (optimize content) 

មិន​ថា​លោក​អ្នក​កំពុង​បង្កើត​មាតិកា​ជា​សំណេរក្នុង​ទម្រង់​ជា​អត្ថបទ​លើ​វ៉េប​សាយ​ ឬ​ផ្ទាំង​រូប​ភាព​លើ​ហ្វេសប៊ុន​ក្រុមហ៊ុន​ ឬវីដេអូ​លើ​យូធូបនិង​ហ្វេសប៊ុក​ក៏​ដោយ​​ ចូរ​​​លោក​អ្នក​ មើល​លំអិត ​ទៅលើ​​មាតិកាទាំង​នោះ​ ​។​ ការ​មើល​លំអិត​បាន​ន័យ​ថា​ ការ​ពិនិត្យ​ដោយ​ចិត្ត​ទុក​ដាក់​ ដើម្បី​ឲ្យ​ប្រាកដ​ថា​ សំណេរ រូបភាព​ ឬ​វីដេអូ ដែល​អ្នក​បង្កើត​សម្រាប់​អ្នក​តាម​ដាន​ មាន​គុណ​ភាព​ និងទទួល​បាន​ការ​ចាប់​អារម្មណ៍​ច្រើន​។​ ឧទាហរណ៍ តើ​គុណភាព​វីដេអូ​មើល​ឃើញ​ ច្បាស់​ត្រជាក់​ភ្នែក​ដែរឬ​ទេ​​ ឬព្រិលៗពិបាក​មើល​?​ តើ​អក្សរ​លើ​រូបភាព​ច្បាស់​ដែរ​ឬ​អត់​ ? ឬតូច​ពេក?

លោក​អ្នក​អាច​មាន ​គំនិត​វីដេអូ​ដ៏​អស្ចារ្យ ​ប៉ុន្តែ​បើ​គុណ​ភាព​វីដេអូ​ ព្រិល​ខ្លាំងពេក​ វា​នឹង​នាំ​ឲ្យ ​មនុស្ស​មើល​រំលង​​​។​

៥​ ​ការ​ចែក​ចាយ​មាតិកា ( distributing your content)

នៅ​ក្នុង​ការ​ចែក​ចា​យ​មាតិកា​ យើងមាន​៤​ច្រក​៤ធំៗ​៖

    1. ច្រក​ផ្ទាល់​ខ្លួន​ (Owned media)៖ មាន​ដូច​ជា​វ៉េបសាយ​ក្រុមហ៊ុន​ ហ្វេសប៊ុន​ផេក​ក្រុមហ៊ុន​ជាដើម។​
    2. ច្រក​​អ្នកតាម​ដាន ( Shared media)៖ អ្នក​តាម​ដាន​ធ្វើ​​ការ​ចែក​បន្ត​នូវ​មាតិកា​(សំណេរ រូបភាព​ ឬ​វីដេអូ) ទៅ​កាន់​រង្វង់​មិត្តភក្រ្ត​និង​ក្រុមគ្រួសារ​របស់​ពួក​គេ
    3. ច្រកបុគ្គល​ឬស្ថាប័ន​​ល្បី​ឈ្មោះ​ ( Earned media)៖ បុគ្គល​ល្បី​ឈ្មោះ​ឬ​ការសែត​ បាន​និយាយ​អំពី​អាជីវកម្ម​លោក​អ្នក(ដោយ​មិន​ចំណាយ​ថវិកា)​ ​នៅក្នុង​កម្មវិធីរបស់​គេ​។ ឧទាហរណ៍
        • តារាល្បីក្នុង​យូធូប​បាន​រៀវរាប់​អំពី​ហាង​សៀវភៅ​ដេល​គាត់​ចូល​ចិត្ត​ទៅ​ទាំង​១០ ទៅ​កាន់​អ្នក​តាម​ដាន​របស់​គាត់​។​
        • សារព័ត៌មាន​ កោះ​សន្តិភាព​ ​​ចុះ​ថត​​ហាង​អាហារ​ចំនួន​៥ ​សម្រាប់​ដាក់​នៅ​ក្នុង​កម្មវិធី​ អាហារ​ឆ្ងាញ់​។​
    1. ច្រក​ផ្សព្វផ្សាយ​ថវិកា​ ( Paid media )៖ លោក​អ្នក​ត្រូវ​ការ​ ​ចំណាយ​ថវិកា ​ដើម្បីអាច​​ឲ្យ​មនុស្ស​ជាច្រើន​បាន​មើល​ឃើញ​អំពី​មាតិកា( សំណេរ​ រូប​ភាព ឬ​វីដេអូ) ​របស់​លោក​អ្នក។​

ក្នុង​ចំនោម​ច្រក​ទាំង​៤​នេះ​ “ច្រក​​អ្នកតាម​ដាន” គឺ​ជា​ច្រក ​ដែលយើង​អាច​ ​ជម្រុញ​បាន ​ដោយ​មិន​ចាំបាច់​ ចំណាយ​ថវិកា​។ លោក​អ្នក​អាច​បង្កើតសំនួរ​សួរ​អំពី​ការ​យល់​ឃើញ​ ទៅ​កាន់​អ្នក​តាមដាន ​អំពី​មតិយោបល់​​ បង្កើត​ការ​ប្រកួត​ និង​និយាយ​អំពី​ពួក​គេជាដើម​។​

៦ បញ្ចូល​ មាតិកា​ ទៅ​គ្រប់​ផ្នែក​នៅ​ក្នុង​ក្រុមហ៊ុន​

​ការ​បញ្ចូល​ មាតិកា​ (សំណេរ រូប​ភាព​ និង​វីដេអូ) ជួយ​ក្រុម​នីមួយៗ ទំនាក់​ទំនង​គ្នា​ជាមួយ​អតិថិជន​បាន​ផ្ទាល់​និងល្អ​​ប្រសើរ​។ ឧទាហរណ៍​

  • ផ្នែក​សេវាអតិថិជន​ អាច​បាន​អត្ថប្រយោជន៍​អំពី​ សៀវភៅណែនាំ​ផលិតផល​ដែល​បាន​បញ្ចូល​សំនួរ​ចម្លើយ​ពេញនិយម។​
  • ​ផ្នែក​ធនធានមនុស្ស​ ត្រូវ​ការ​មាតិកា​ដូច​ជា សៀរភៅ​បង្ហាញអំពី​វប្បធម៌​ក្រុមហ៊ុន​ ​ វីដេអូប្រវត្តរូបរបស់​បុគ្គលិក​គំរូ​ប្រចាំ​ឆ្នាំ​ និង វីដេអូ​សិក្សា​សម្រាប់​បុគ្គលិក​ថ្មីជាដើម។​
  • ផ្នែក​ PR ត្រូវការ​ឯកសារ​ប្រវត្តិក្រុមហ៊ុន​ បញ្ជី​ផលិតផល​ និងខិតប័ណ្ណផ្សេងៗ សម្រាប់​បង្ហាញ​ដល់​សាធារណៈជន​។

៧ ផ្លាស់​ប្តូរ​ទម្រង់​មាតិកា​​ ( repurposing content)

ការ​ផ្លាស់​ប្តូរ​ទម្រង់​មាតិកា​សំដៅ​លើ​ការ​ យក​មាតិកា​ចាស់ៗ​ដែល​មាន​ការ​ចាប់​អារម្មណ៍​ពី​សំណាក់​អ្នក​តាម​ដាន​ច្រើន​​ មក​ផ្លាស់​ប្តូរ​​ជា​ទម្រង់​ថ្មី​។ បើ​លោក​អ្នក​បាន​សរសេរ​​អត្ថបទ​មួយ​ដែល​មនុស្ស​ជាច្រើន​ចែក​រំលែក​ ដូច្នេះ​លោកអ្នក​អាច​ពិចារណ​បំលែង​វា​ជា​ទម្រង់​វីដេអូ​ និង​រូបភាព​ផង​ដែរ ​។​

តើ​ហេតុអ្វី​ យើង​ត្រូវ​ប្តូរ​ទម្រង់​មាតិកា?

ពី​ព្រោះ​មាតិកា​ដែល​មាន​ស្រាប់​គឺ​ជា​ធនធាន​ និង​ដើម្បី​កាត់​បន្ថយ ការ​វិនិយោគ​​​ ​ក្នុង​ការ​​បង្កើត​ឡើង​ថ្មី​ ​។ បន្ថែម​ពីលើ​នេះ​គឺ​ការ​ចែក​រំលែក​ក្នុង​ទម្រង់​ថ្មី​នឹង​អាច​ឲ្យ​មនុស្ស​កាន់​តែ​ច្រើន​បាន​មើល​ឃើញ​និង​ទទួល​អត្ថប្រយោជន៍ ។​

តើ​មាតិកា​ប្រភេទ​ណា​ ដែល​អាច​ផ្លាស់​ប្តូរ​ទម្រង់​បាន?

គឺ​មាតិកា​ដែល​ទទួល​បាន​ការ​ពេញនិយម​ខ្លាំង​ មាន​អត្ថន័យ​​ស៊ី​ជម្រៅ​ និង​នៅ​តែ​មាន​ប្រយោជន៍ក្នុង​ពេល​បច្ចុប្បន្ន​​។

​៧​ វាស់​ស្ទង់​ មាតិកា​ (measuring content)

រាល់​សកម្មភាព​ដែល​លោក​អ្នក​ធ្វើ​ ត្រូវ​តែ​មាន​ការ​វាស់​ស្ទង់​ដើ​ម្បី​អាច​ដឹង​អំពី​ប្រសិទ្ធភាព​និង​លទ្ធផល​។​ ក្នុង​ការ​វាស់ស្ទង់​មាតិកា​លើ​ហ្វេសប៊ុក​ លោក​អ្នក​មាន​៣​ជំហាន៖ កំណត់​រង្វាស់​ កំណត់​ឧបករណ៍វាស់​  និង​បង្កើត​របាយការណ៍។

  • លោក​អ្នក ​ត្រូវ​មាន ​រង្វាស់ (metrics) ​។ តើ​នឹង​យក​អ្វី​ មក​ធ្វើ​ជា​រង្វាស់​ ​? ចំនួន​អ្នក​ចុច​ឡាក​ ស៊ែរ នៅលើ​ហ្វេសប៊ុក?
  • បន្ទាប់​ពី​ លោក​អ្នក​ កំណត់​​រង្វាស់​ហើយ​។ លោក​អ្នក​ត្រូវ​ជ្រើសរើសឧបករណ៍ វាស់​វែង​លើ​រង្វាស់​នៃ​មាតិកា​នីមួយៗ។​ តើ​អាច​ជា Facebook Insight​? Google Analytics? តើ ត្រូវ​​ប្រើ​ សេវាកម្ម​ជំនួញ​ដែរឬទេ​? ដូចជា SEMrush? Parse.ly ? Buzzsumo?
  • លោកអ្នក​ត្រូវ​ប្រើ​ឧបករណ៍​វាស់​ដែល​បាន​ជ្រើស​រើស​ មក​បង្កើត​របាយការណ៍​។
    • តើ​មាតិកាណា​ខ្លះ ដែល​មិន​ដើរ​?
    • តើ​មាតិកា​ណា​ខ្លះ ដែល​ដើរ​ល្អ​ដូ​ច​ការ​រំពឹង​ទុក។​
    • តើ​មាតិកា​ណា​ខ្លះ ដែល​ដើរ​ល្អជាង​ការ​រំពឹង​ទុក​?

៨​ ​ចំណុច​សំខាន់​៣​

ចំណុច​សំខាន់​៣​​ដែល​លោក​អ្នក​ត្រូវ​ធ្វើ​៖

  • លោក​អ្នក​គួរ​ចេញ​មាតិកា​ជារឿយ​ៗ ដើម្បី​ឲ្យ​អតិថិជន​ជឿជាក់​ និង​ទទួល​បាន​ផល​ប្រយោជន៍ពី​ការ​តាម​ដាន​។​
  • មាតិកា​ត្រូ​ស្ថិត​នៅ​ក្រោម​​ប្រធាន​បទពាក់​ព័ន្ធគ្នា។​
  • មាតិកា​អាច​ជាចម្លើយដ៏​ក្បោះ​ក្បាយ​​ទៅ​នឹង​សំនួរសំខាន់​របស់​អតិថិជន​ ( ស៊ីជម្រៅ​ សំណេរ​វែង​ ពិត​ក្នុង​ពេល​បច្ចុប្បន្ន​)​​។

(សូម​ចុច​ទីនេះដើម្បី​អាន​ភាគ​មុ​ន)