Homeយុទ្ធសាស្ត្រទីផ្សារតើ Chatbot មានអត្ថប្រយោជន៍ដូចម្តេចខ្លះសម្រាប់អាជីវកម្មនិងការធ្វើទីផ្សារឌីជីថល?

តើ Chatbot មានអត្ថប្រយោជន៍ដូចម្តេចខ្លះសម្រាប់អាជីវកម្មនិងការធ្វើទីផ្សារឌីជីថល?

 

Chatbot គឺជា Software​ ដែលត្រូវបានបង្កើតទ្បើងក្នុងគោលបំណងឆ្លើយតបសារដោយស្វ័យប្រវត្តិតាមរយៈបញ្ញាសប្បនិម្មិត(​AI) ។ នៅក្នុងឆ្នាំ២០១៦ Facebook បានបន្ថែមនូវមុខងារដ៏ពិសេសមួយនេះដែលធ្វើឲ្យកម្មវិធី(Application) របស់ខ្លួនកាន់តែមានភាពប្រសើរទ្បើងមួយកម្រិតទៀត។ រហូតមកដល់ពេលបច្ចុប្បន្ននេះ Chatbot ក៏បានប្រែក្លាយទៅជាបច្ចេកវិទ្យាដ៏មានប្រយោជន៍សម្រាប់ការធ្វើទៅផ្សារឌីជីថលដែលត្រូវបានស្គាល់ថាជា​ Chatbot Marketing។
តើ Chatbot មានអត្ថប្រយោជន៍ដូចម្តេចខ្លះសម្រាប់អាជីវកម្មនិងការធ្វើទីផ្សារឌីជីថល?

១ .ចំនេញថវិកានិងពេលវេលា

 

Chatbot អាចជួយអ្នកក្នុងការឆ្លើយតបសារជាមួយអតិថិជនជាច្រើនអ្នកក្នុងពេលតែមួយដែលអាចជួយកាត់បន្ថយនូវការចំណាយទៅលើបុគ្គលិកផ្នែកសេវាកម្ម។ ផ្ទុយស្រទ្បះពីមនុស្ស Chatbot អាចធ្វើការឲ្យអ្នក ២៤ ម៉ោងក្នុងមួយថ្ងៃនិង៧ថ្ងៃក្នុងមួយសប្តាហន៍ដោយពុំចាំបាច់ចំណាយប្រាក់ជារៀងរាល់ខែដូចបុគ្គលិកទ្បើយមានន័យថាអ្នកគ្រាន់តែចំណាយទៅលើការបង្កើតឬតម្លើង(Set up) នូវ Chatbot នេះតែម្តងរួចជាការស្រាច់។ លើសពីនេះទៅទៀតវាអាចធ្វើការឆ្លើយតបជាមួយអតិថិជនបានគ្រប់ពេលមិនថាពេលយប់ឬក៏ថ្ងៃដែលអ្នកសម្រាកនោះទេដែលធ្វើឲ្យអ្នកចំនេញនូវពេលវេលា។

២. បង្កើននូវគុណភាពនៃការបម្រើសេវាកម្មអតិថិជន

តាមរយៈមុខងារឆ្លើយតបសារដោយស្វ័យប្រវត្តិរបស់ Chatbot ដែលអាចធានាបានថាអតិថិជនរបស់អ្នកនឹងទទួលបាននូវការឆ្លើយតបភ្លាមៗចំពោះសំនួររបស់ពួកគេដែលជាបទពិសោធន៍នៃការបម្រើសេវាកម្មដ៏ល្អមួយសម្រាប់អតិថិជនផងដែរ។ ការបម្រើសេវាកម្មអតិថិជនឲ្យបានល្អគឺជារឿងដែលចាំបាច់ណាស់សម្រាប់អាជីវកម្មពីព្រោះវាក៏ជាវិធីសាស្ត្រមួយដែលធ្វើឲ្យអ្នកមានប្រៀបជាងដៃគូរប្រកួតប្រជែងរបស់អ្នកផងដែរ។ យ៉ាងណាមិញអ្វីដែលចាំបាច់បំផុតសម្រាប់ការបង្កើត Chatbot នោះគឺអ្នកត្រូវតែកំណត់ឲ្យបាននូវសំនួរទាំងទ្បាយណាដែលអតិថិជនភាគច្រើនតែងតែសួរអំពីអាជីវកម្មអ្នកហើយរៀបចំនូវចម្លើយនៃសំនួរទាំង​នោះឲ្យបានល្អិតល្អន់ដែលព្យាយាមធ្វើយ៉ាងណាឲ្យពាក្យពេចន៍ទាំងនោះមានលក្ខណៈដូចជាមនុស្សពិតៗជៀសវាងដូចជាម៉ាស៊ីនពេកដែលអាចធ្វើឲ្យអតិថិជនងាយនឹងធុញ។ តាមរយៈចម្លើយដែលផ្តល់ជូនអតិថិជនភ្លាមៗនោះ អាចជួយក្នុងការកាត់បន្ថយនូវឱកាសដែលអតិថិជនរបស់ទៅទិញពីដៃគូរប្រកួតប្រជែងរបស់អ្នកដែលឆ្លើយតបជាមួយពួកគេបានរហ័សជាង។

៣​​. បង្កើននូវការយល់ដឹងអំពីអាជីវកម្មរបស់អ្នក

តាមរយៈ Chatbot ​អតិថិជនអាចស្គាល់អំពីអាជីវកម្មរបស់អ្នកកាន់តែច្បាស់ជាងមុន។នៅពេលខ្លះទៀត អតិថិជនគ្រាន់តែចង់ដឹងនូវព័ត៌មាន បន្ថែមអំពីអាជីវកម្មរបស់អ្នកតែប៉ុណ្ណោះ។ ជាមួយនឹង​ Chatbot អតិថិជនអាចទទួលបាននូវចម្លើយយ៉ាងលម្អិតនូវអ្វីដែលពួកគេចង់ដឹង។ ​​​​​​​​​​​​​​​​​ ម្យ៉ាងវិញទៀតនៅពេលដែលអតិថិជនទើបតែផ្ញើរសារ( Chat)ចូលមកក្នុងគេហទំព័រអាជីវកម្ម (Page) របស់​អ្នកលើកដំបូងពួកគេនឹងទទួលបាននូវសារដែលស្វាគមន៍និងអរគុណពួកគេចំពោះការចាប់អារម្មណ៍លើអាជីវកម្មរបស់អ្នកជាដើម។ បន្ទាប់មកទៀតពួកគេអាចស្វែងយល់បន្ថែមអំពីអាជីវកម្មរបស់អ្នកតាមរយៈសំនួរមួយចំនួននិងចម្លើយដែលផ្តល់ជូនទៅកាន់ពួកគេដើម្បីជ្រើសរើស។

៤ បញ្ជូនសារ(broadcasts)ទៅកាន់អតិថិជនដែលជា Subscribers

អ្នកអាចប្រើប្រាស់ Chatbot ដើម្បីបញ្ជូនសារដែលជាព័ត៌មានដ៏សំខាន់និងគួរឲ្យចាប់អារម្មណ៍អំពីអាជីវកម្មរបស់អ្នកដូចជាការណែនាំនូវផលិតផលឬសេវាកម្មថ្មីៗ ការប្រម៉ូសិន​ ការបញ្ចុះតម្លៃឬក៏ការផ្តល់ជូនពិសេសផ្សេងៗទៅកាន់អតិថិជនជាច្រើននាក់ក្នុងពេលតែមួយ។ ជាជាងការដែលអ្នកផ្ញើរសារទៅកាន់អតិថិជនម្តងម្នាក់ៗអ្នកអាចប្រើប្រាស់ Chatbot ដើម្បីជួយសម្រួលដល់ការងារនេះវិញ។​​​​

 

Sreylin Earnghttp://www.kumnit.com
គឺជាអ្នកបង្កើត និងសរសេរមាតិកានៅក្នុងគេហទំព័រគំនិត ផ្នែកយុទ្ធសាស្ត្រទីផ្សារឌីជីថល ។ កញ្ញាគឺជានិស្សិតនៃជំនាញពាណិជ្ជកម្មអេទ្បិចត្រូនិច( E-Commerce) នៅវិទ្យាស្ថានជាតិ NIPTICT ។ កញ្ញាគឺជាមនុស្សដែលចូលចិត្ត យកឈ្នះលើខ្លួនឯង តាមរយៈការចូលរួមនៅ ការប្រកួតប្រជែងនានាក៏ដូចជាកម្មវិធីសង្គមផ្សេងៗដូចជាការបង្រៀនភាសាអង់គ្លេសដល់ ក្មេងៗនៅតាមសហគមន៍ជនបទជាដើម។លើសពីនេះទៅទៀតកញ្ញាតែងតែអភិវឌ្ឍន៍ខ្លួនតាមរយៈការអានសៀវភៅផ្សេងៗទាក់ទងទៅនឹងអាជីវកម្ម យុទ្ធសាស្ត្រទីផ្សារ និង សៀវភៅលើកទឹកចិត្ត។

Most Popular