Homeយុទ្ធសាស្ត្រទីផ្សារតើ Branding និង Marketing ជាអ្វី ?​ ហើយមានលក្ខណៈខុសគ្នាដូចម្តេចខ្លះ?

តើ Branding និង Marketing ជាអ្វី ?​ ហើយមានលក្ខណៈខុសគ្នាដូចម្តេចខ្លះ?

ប្រហែលជាអ្នកធ្លាប់បានលឺរួចមកហើយនូវពាក្យថា Branding និង Marketing។ ជាក់ស្តែងមានមនុស្សជាច្រើនតែងយល់ច្រទ្បំថាតែពាក្យទាំងពីរនេះមានអត្ថន័យដូចគ្នា។ ថ្វីត្បិតថាពាក្យទាំងពីរសុទ្ធតែជាធាតុដ៏សំខាន់នៅក្នុងការធ្វើទីផ្សារហើយក៏មានទំនាក់ទំនងជាមួយគ្នាយ៉ាងស្អិតរមួតក៏ពិតមែនប៉ុន្តែក៏នៅតែមានលក្ខណៈខុសគ្នាដែរ។ យ៉ាងណាមិញក្នុងនាមជាម្ចាស់អាជីវកម្មវាពិតជាចាំបាច់ណាស់ដែលអ្នកត្រូវតែស្វែងយល់ក៏ដូចជាសិក្សាឲ្យបានលម្អិតនិងច្បាស់លាស់ដើម្បីឲ្យអ្នកអាចអនុវត្តន៍នូវយុទ្ធសាស្ត្រទាំងពីរនេះបានត្រឹមត្រូវនិងប្រកបដោយប្រសិទ្ធភាព។
តើ Branding និង Marketing ជាអ្វី ?​ ហើយមានលក្ខណៈខុសគ្នាដូចម្តេចខ្លះ?

១. Branding

 Branding គឺជាយុទ្ធសាស្ត្រដើម្បីបង្ហាញទៅកាន់អតិថិជនរបស់អ្នកថាអាជីវកម្មរបស់អ្នកជាអាជីវកម្មប្រភេទអ្វីហើយផ្តល់ជូននូវផលិតផលឬសេវាកម្មអ្វីសម្រាប់អតិថិជន។ វាគឺជាជំហានដំបូងដែលអ្នកត្រូវតែធ្វើយ៉ាងណាដើម្បីឲ្យអតិថិជនស្គាល់និងទុកចិត្តលើអាជីវកម្មរបស់អ្នកជាមុនសិនមុននឹងពួកគេសម្រេចចិត្តក្នុងការទិញពីអ្នក។ ដើម្បីជួយអ្នកក្នុងការកំណត់នូវអត្តសញ្ញាណនៃអាជីវកម្មរបស់អ្នកឲ្យបានកាត់តែច្បាស់លាស់អ្នកអាចពិចារណាទៅលើសំណួរមួយចំនួនខាងក្រោមដូចជា
-តើអ្វីជាគោលការណ៍និងគុណតម្លៃនៃអាជីវកម្មរបស់អ្នក?
-តើអ្វីជាគោលដៅនៃអាជីវកម្មរបស់អ្នក?
-តើអ្វីដែលជាកត្តាជម្រុញឲ្យអ្នកចាប់ផ្តើមនូវអាជីវកម្មរបស់អ្នក?
-តើផលិតផលឬសេវាកម្មអ្វីខ្លះដែលអ្នកចង់ផ្តល់ជូនទៅកាន់អតិថិជនគោលដៅរបស់អ្នក?
-តើអ្វីដែលធ្វើឲ្យអាជីវកម្មរបស់អ្នកខុសប្លែកពីដែគូប្រកួតប្រជែងរបស់អ្នក?
-តើអ្វីដែលអ្នកចង់ឲ្យអតិថិជននឹកឃើញមុនគេនៅពេលដែលពួកគេពួកគេលឺនូវឈ្មោះនៃអាជីវកម្មរបស់អ្នក?
-តើអ្នកចង់ឲ្យអតិថិជនរបស់អ្នកមានអារម្មណ៍ដូចម្តេចនៅពេលដែលពួកគេគិតអំពីអាជីវកម្មរបស់អ្នក?
ក្រោយពេលដែលអ្នកឆ្លើយសំណួរទាំងនេះហើយអ្នកនឹងអាចស្វែងយល់ដោយខ្លួនឯងនូវភាពខុសគ្នារវាង Branding និង Marketing។ អ្នកគួរតែចំណាយពេលមួយចំនួនដើម្បីឆ្លើយសំនួរទាំងនេះឲ្យបានល្អិតល្អន់។ បន្ទាប់មកអ្នកអាចចែករំលែកនូវចម្លើយទាំងនោះទៅកាន់ក្រុមការងារនិងបុគ្គលិករបស់អ្នកដើម្បីឲ្យពួកគេបានដឹងផងដែរ។ វាគឺជាកត្តាដ៏ចាំបាច់ខ្លាំងណាស់ដែលក្រុមការងារនិងបុគ្គលិករបស់អ្នកគួរតែដឹងឲ្យបានច្បាស់ពីទស្សនៈវិស្ស័យនៃអាជីវកម្មហើយស្វែងរកវីធីសាស្ត្រនិងសហការគ្នាដើម្បីដើរទៅរកគោលដៅរួមនោះព្រមគ្នា។ នៅពេលនោះអាជីវកម្មរបស់អ្នកប្រាកដជាអាចទទួលបាននូវភាពជោគជ័យជាក់ជាមិនខាន។

២. Marketing

Marketing គឺជាយុទ្ធវិធីដែលត្រូវបានប្រើប្រាស់ក្នុងគោលបំណងធ្វើយ៉ាងណាដើម្បីឲ្យអតិថិជនមានចាប់អារម្មណ៍មកលើផលិតផលឬសេវាកម្មរបស់អ្នក។ ដូចដែលបាននិយាយពីខាងលើរួចមកហើយថា Branding គឺជាអ្វីដែលអ្នកត្រូវកំណត់ឲ្យបានច្បាស់លាស់និងជាក់លាក់ប៉ុន្តែ Marketing វិញគឺគ្មានភាពទៀងទាត់នោះទេ។ វាតែងតែមានការផ្លាស់ប្តូរទៅតាមប្រភេទនៃផលិតផលនិងបម្រែបម្រួលនៃចំណង់ចំណូលចិត្តរបស់អតិថិជនជានិច្ច។ ដូច្នេះហើយដើម្បីឲ្យការទីផ្សារទទួលបាននូវភាពជោគជ័យអ្នកត្រូវតែមានវិធីសាស្ត្រខុសប្លែកពីគ្នាជាច្រើនដែលអាចទាក់ទាញចំណាប់អារម្មណ៍របស់ពួកគេបាន។ ជាក់ស្តែងការធ្វើទីផ្សារសព្វថ្ងែនេះគឺពិតជាមានភាពទូលំទូលាយខ្លាំងណាស់ដែលមានរួមបញ្ជូលទាំងការធ្វើទីផ្សារតាមរយៈ  Online និង Offline ផងដែរដែលមានដូចជា
– SEO
– Content Marketing ( ការធ្វើមាតិកាទីផ្សារ)
– Social Media Marketing(ការធ្វើទីផ្សារតាមបណ្តាញសង្គម)
– ការផ្សព្វផ្សាយពាណិជ្ជកម្មតាមទូរទស្សន៍និងវិទ្យុ
– ការផ្សព្វផ្សាយពាណិជ្ជកម្មនៅលើផ្ទាំងបដា ជាដើម
តើរវាង Branding និង Marketing មួយណាដែលគួរតែអនុវត្តន៍មុន?
ពិតណាស់ Branding គឺជាមូលដ្ឋានគ្រឹះដ៏សំខាន់ដែលអ្នកគួរតែអនុវត្តន៍មុន។ មិនថាតែអាជីវកម្មរបស់អ្នកជាអាជីវកម្មបង្កើតថ្មី( Start Up)គឺអ្នកត្រូវតែមានគោលគំនិតនិងអត្តសញ្ញាណនៃអាជីវ-កម្មរបស់អ្នកជាមុនសិនមុនពេលដែលអ្នកសម្រេចចិត្តក្នុងការកំណត់នូវយុទ្ធសាស្ត្រទីផ្សារបែបណាដែលអ្នកគួរតែអនុវត្តន៍។ បន្ថែមពីនេះ Branding ក៏ត្រូវបានរួមបញ្ជូលទាំងការធានានូវគុណភាពនៃផលិតផល និងសេវាកម្មផងដែរ។ ប្រសិនបើអ្នកផ្តល់ជូននូវផលិតផលឬសេវាកម្មដែលមិនល្អទៅកាន់អតិថិជនពិតណាស់ពួកគេនឹងគ្មានថ្ងៃមករកអ្នកម្តងទៀតទ្បើយហើយថែមទាំងប្រាប់ទៅកាន់អ្នកដទៃពីបទពិសោធន៍មិនល្អដែលពួកគេទទួលបានពីអាជីវកម្មរបស់អ្នកថែមទៀតផង។​ នៅពេលនោះអតិថិជនភាគច្រើននឹងសន្មត់ថាអាជីវកម្មរបស់អ្នកថាមានកេរ្តិ៍ឈ្មោះមិនល្អហើយពួកគេនឹងមិនហ៊ានទិញផលិតផលពីអ្នកទេ។ ទោះបីជាការធ្វើទីផ្សាររបស់អ្នកល្អប៉ុណ្ណាក៏ដោយឲ្យតែអាជីវកម្មរបស់អ្នកខូចឈ្មោះហើយនោះអ្នកគឺនឹងត្រូវប្រឈមមុខនឹងការខាតបង់ហើយ។ ហេតុដូច្នេះហើយជំហានដំបូងអ្នកគួរតែធ្វើនោះគឺកសាងកេរ្តិ៍ឈ្មោះនៃអាជីវកម្មរបស់អ្នកឲ្យបានល្អនៅក្នុងចិត្តរបស់អតិថិជនជាមុនសិនទើបការធ្វើទីផ្សាររបស់អ្នកអាចទទួលបានជោគជ័យ៕

Sreylin Earnghttp://www.kumnit.com
គឺជាអ្នកបង្កើត និងសរសេរមាតិកានៅក្នុងគេហទំព័រគំនិត ផ្នែកយុទ្ធសាស្ត្រទីផ្សារឌីជីថល ។ កញ្ញាគឺជានិស្សិតនៃជំនាញពាណិជ្ជកម្មអេទ្បិចត្រូនិច( E-Commerce) នៅវិទ្យាស្ថានជាតិ NIPTICT ។ កញ្ញាគឺជាមនុស្សដែលចូលចិត្ត យកឈ្នះលើខ្លួនឯង តាមរយៈការចូលរួមនៅ ការប្រកួតប្រជែងនានាក៏ដូចជាកម្មវិធីសង្គមផ្សេងៗដូចជាការបង្រៀនភាសាអង់គ្លេសដល់ ក្មេងៗនៅតាមសហគមន៍ជនបទជាដើម។លើសពីនេះទៅទៀតកញ្ញាតែងតែអភិវឌ្ឍន៍ខ្លួនតាមរយៈការអានសៀវភៅផ្សេងៗទាក់ទងទៅនឹងអាជីវកម្ម យុទ្ធសាស្ត្រទីផ្សារ និង សៀវភៅលើកទឹកចិត្ត។

Most Popular