Homeបច្ចេកវិទ្យាStartUp រឿងភាគកូរ៉េ​ដែល​អ្នកចង់ផ្តើមអាជីវកម្ម​គួរ​មើល

StartUp រឿងភាគកូរ៉េ​ដែល​អ្នកចង់ផ្តើមអាជីវកម្ម​គួរ​មើល

StartUp គឺជារឿង​ភាគ​កូរ៉េ​ដែលទើបតែចេញថ្មី និងកំពុងបានដាក់ឱ្យមើលនៅ​លើវេទិការមើលរឿង Netflix។ វាជា​សាច់រឿង​ដែលនិយាយ​អំពី​ការ​ចាប់ផ្តើមអាជីវកម្មជាលក្ខណៈStartUp ដែលប្រើប្រាស់បច្ចេកវិទ្យា​បញ្ញានិម្មិត (Artificial Intelligent) ដែលជាបច្ចេកវិទ្យា​កុំពុងតែរះឡើងនាសម័យបច្ចេកវិទ្យានេះ។

នៅក្នុង រឿងStart Upនេះ វាមិនត្រឹមតែមានតួរសម្តែង​ដ៏គួរឱ្យទាក់ទាញដូចជា Bae Suzy, Nam Joo-hyuk, Kim Seon-ho និង Kang Han-na និងសាច់រឿងជក់ចិត្តប៉ុណ្ណោះទេ អ្នកនឹងទទួលបានចំណេះដឹងជាច្រើន​អំពីអាជីវកម្ម​ក្នុងពិភព​បច្ចេកវិទ្យាជាច្រើន ដែលពិតជា​មានប្រយោជន៍បំផុត​សម្រាប់អ្នកដែលចង់បង្កើតអាជីវកម្ម​បច្ចេកវិទ្យា ដូចជា​ការ​ធ្វើបទបង្ហាញ ការកំណត់​ម៉ូដែល​អាជីវកម្ម ការបែងចែកភាគហ៊ុន ការគ្រប់គ្រង ការជម្រុញទឹកចិត្ត ការត្រៀមខ្លួន​ប្រឈមមុខនឹងហានិភ័យជាដើម។

សម្រាប់អ្នកទូទៅវិញ វាគឺជាររឿង​មនោសញ្ចេតនាមួយដែលធ្វើឱ្យអ្នកមើល​ទឹងទ្រូង និងជក់ចិត្តមិនស្ទើរនោះទេ។ ហើយអ្វីដែលពិសេសនោះ អ្នកទស្សនានឹងបានស្វែងយល់កាន់តែច្រើនអំពីបច្ចេកវិទ្យាដែលអ្នក​នឹងជួបប្រទះ​នៅថ្ងៃខាងមុខ​ដូចជា​បច្ចេកវិទ្យាបញ្ញានិម្មិត(AI) បច្ចេកវិទ្យាសម្លេងវៃឆ្លាត Machine Learning និងចំណេះដឹងផ្សេងៗទៀតដែល​អ្នកអាច​នឹង​មានភាពងាយស្រួលយល់ដោយសារតែសារតែការពន្យល់ជាលក្ខណៈ​សាមញ្ញ។

សម្រាប់ខ្ញុំវិញ ខ្ញុំពិតជា​លើកទឹកចិត្តឱ្យអ្នកដែលប្រឡូក​ក្នុងវិស័យ​StartUpចំណាយពេលមើលរឿង​នេះដើម្បីបង្កើនចំណេះ និងកម្សាន្តអាម្មណ៍ ហើយខ្ញុំជឿជាក់ថាអ្នក​នឹង​មិនខ​ក​បំណងឡើយ។ មិនមែនតែរឿងនេះទេ​ដែលអ្នកគួរមើល អ្នកគួរចំណាយពេលខ្លះ​មើលសាច់រឿងណា​ដែលផ្តល់ផលប្រយោជន៍​សម្រាប់ការងារ និងជីវិត​ប្រចាំថ្ងៃ ហើយខ្ញុំនឹងធ្វើការ​ចែករំលែក​ជាបន្តបន្ទាប់ទៀតនៅលើគេហទំព័រគំនិតនេះ។

ហាក់ គីមថុងhttp://www.hak-kimthong.com
លោក ហាក់គីមថុង គឺជា ស្ថាបនិក និងនាយក KUMNIT CREATIVE ដែលជា ស្ថាប័ន ផ្តល់សេវាកម្ម និងវគ្គសិក្សាយុទ្ធសាស្ត្រអាជីវកម្មសម័យទំនើប (Digital Marketing) ជាសហស្ថាបនិកគេហទំព័រគំនិត និង​ជា​ប្រធាន​ទីផ្សារ​របសក្រុមហ៊ុនអចលនទ្រព្យ​Century 21 Dream Property។ គាត់ មាន បទពិសោធន៍ការងារជាច្រើន ទាំង​ក្នុង​និង​ក្រៅប្រទេស​ទាក់ទង​ នឹង​វិស័យ​អចលនទ្រព្យ សិក្សា​​ស្រាវជ្រាវ​​ទីផ្សារ​ អាហារ​និង​ភោជនីយដ្ឋាន គ្រឿង​សម្អាង​ និង​ Retail ព្រមទាំង​​ជា​​អ្នក​ប្រឹក្សា​យុទ្ធសាស្ត្រ​អាជីវកម្ម​សម្រាប់​ក្រុមហ៊ុន​មួយចំនួន​ផងដែរ។  គាត់បានចុះកម្មសិក្សា នៅតាមបណ្តាក្រុមហ៊ុនផ្សេងៗ ទាំងក្នុង និងក្រៅប្រទេស ធ្លាប់ចូលរួមកម្មវិធីផ្លាស់ប្តូរវប្បធម៌ សិក្ខាសាលាធុរកិច្ច និង ធ្វើដំណើរ កម្សាន្ដ ទៅប្រទេស​ក្រៅជាច្រើន ដែលនេះសុទ្ធតែជាបទពិសោធ មួយដ៏ល្អសម្រាប់ចែករំលែក និងធ្វើការផ្សព្វផ្សាយបន្ត។

Most Popular