នៅពេលដែលអ្នកចង់ទិញអចលនទ្រព្យ តើគួរសម្រេចចិត្តក្នុងការទិញដី ឬផ្ទះ?

ការសម្រេចចិត្តថាតើត្រូវទិញផ្ទះ ឬដី គឺអាស្រ័យលើគោលដៅ និងស្ថានភាពហិរញ្ញវត្ថុរបស់អ្នក។ ជម្រើសទាំងពីរមានគុណសម្បត្តិ និងបញ្ហាប្រឈមរៀងៗខ្លួន ដូច្នេះអ្នកចាំបាច់ស្វែងយល់នូវតម្រូវការនៃភាពចាំបាច់របស់អ្នកជាមុនសិន។

ការទិញផ្ទះ

ការទិញផ្ទះផ្តល់នូវភាពងាយស្រួលដែលអាចឱ្យអ្នកចូលស្នាក់នៅបានភ្លាមៗ ព្រោះអចលនទ្រព្យត្រូវបានសាងសង់រួចរាល់ ព្រមទាំងមានផ្លូវ និងហេដ្ឋារចនាសម្ព័ន្ធមានរួចជាស្រាច់។ ការទិញផ្ទះដែលធ្វើហើយរួចរាល់នឹងមានលក្ខណៈជាសហគមន៍ដែលធ្វើឱ្យមានភាពងាយស្រួលក្នុងការរស់នៅ។ លើសពីនេះទៀត ការទិញផ្ទះអាចឱ្យអ្នកចាប់ផ្តើមបង្កើតប្រាក់ចំណូលពីការជួលភ្លាមៗ ប្រសិនបើអ្នកកំពុងពិចារណាលើការបង្កើនប្រាក់ចំណូលបន្ថែម។

ទោះជាយ៉ាងណាក៏ដោយ ផ្ទះជាធម្មតាមានតម្លៃខ្ពស់ ហើយជម្រើសនៃការតុបតែងនឹងមិនស្របទៅតាមអ្វីដែលអ្នកចង់បាននោះទេ លុះត្រាតែអ្នកសុខចិត្តចំណាយថវិកាផ្ទាល់ខ្លួនបន្ថែមក្នុងការជួសជុលតុបតែងជាថ្មី។

ការទិញដី

ការទិញដីគឺជាជម្រើសដ៏ល្អសម្រាប់អ្នកដែលចង់សាងសង់ផ្ទះដែលមានម៉ូត និងការតុបតែងក្នុងក្តីស្រមៃរបស់ខ្លួន ឬទុកសម្រាប់វិនិយោគនាពេលអនាគត។ ថែមពីនេះដីមានតម្លៃសមរម្យជាងផ្ទះនៅក្នុងទីតាំងតែមួយ ជាពិសេសនៅតំបន់កំពុងអភិវឌ្ឍន៍។

ផ្ទុយទៅវិញ ការទិញដីទាមទារអោយមានលិខិតអនុញ្ញាតនៅពេលដែលអ្នកចង់ធ្វើការសាងសងផ្ទះដែលធ្វើឱ្យអ្នកមានលក្ខណៈស្មុគស្មាញ ហើយអ្នកក៏ត្រូវចំណាយពេលវេលា និងចំណាយថវិកាទៅលើគ្រឿងសំណងផងដែរ។

ជារួមមក ប្រសិនបើអ្នកត្រូវការកន្លែងរស់នៅភ្លាមៗ ការទិញផ្ទះគឺជាជម្រើសល្អបំផុត ។ ម្យ៉ាងវិញទៀត ប្រសិនបើអ្នកកំពុងស្វែងរកការវិនិយោគរយៈពេលវែង ឬអចលនទ្រព្យដែលអ្នកមិនត្រូវការចូលស្នាក់នៅភ្លាមៗទេនោះ ដីគឺជាជម្រើសល្អជាង។ បែបនេះហើយអ្នកត្រូវពិនិត្យមើលនូវកញ្ចប់ថវិកា និងគោលដៅនៃតម្រូវការរបស់អ្នកដើម្បីធ្វើការសម្រេចចិត្តឱ្យបានត្រឹមត្រូវ។

ពាណិជ្ជកម្ម

តើវិជ្ជាជីវៈមេធាវី និងសាការីមានតួនាទីដូចគ្នាដែរ ឬទេ?

Sophorn Rithy

គ្រប់គ្នាច្បាស់ជាធ្លាប់បានឮជារឿយៗហើយអំពីពាក្យថា មេធាវីព្រោះថាឱ្យតែគេនិយាយអំពីវិស័យតុលាការដែលទាក់ទងនឹងច្បាប់គឺគេនឹកឃើញមេធាវីមុនគេហើយ។ វិជ្ជាជីវៈមេធាវីអ្នកអាចនឹងយល់បានខ្លះថាតើមេធាវីជាអ្វី? ហើយមានតួនាទីដូចម្តេចខ្លះ? ទទឹងនឹងពាក្យមេធាវីនេះដែរ មានអ្នកមួយចំនួនក៏បានធ្លាប់ឮអំពីវិជ្ជាជីវៈសាការីផងដែរ។ ប៉ុន្តែមានអ្នកមួយចំនួនមានភាពស្រពិចស្រពិលថាតើមេធាវី និងសាការីមានភាពខុសគ្នាដូចម្តេច?

ឥឡូវនេះខ្ញុំសូមបង្ហាញអំពីភាពខុសគ្នារវាងវិជ្ជាជីវៈទាំងពីរនេះ៖

មេធាវី

មេធាវីគឺជា អ្នកវិជ្ជាជីវៈច្បាប់ដែលមានលក្ខណៈឯករាជ្យ និងសេរី មេធាវីបង្កើតឡើយក្នុងការបម្រើវិស័យយុត្តិធម៍ និងអាចប្រព្រឹត្តទៅបានតែក្នុងក្របខ័ណ្ឌគណៈមេធាវីតែប៉ុណ្ណោះ។ មេធាវីមិនមែនជាមន្រ្តីដែលនៅក្របខ័ណ្ឌតុលាការ ឬក្រសួងយុត្តិធម៍ និងថែមទាំងមិនមែនជាមន្រ្តីរាជការនោះទេ ។ ដូចនេះមេធាវីមិនមានប្រាប់បៀវត្សនោះទេ ដោយមេធាវីបានប្រាក់តាមរយៈកូនក្តី ឬអតិថជនដែលមករកខ្លួនក្នុងការពឹងពាក់ជួយឱ្យដោះស្រាយរឿងក្តី និងការពាររឿងក្តីបទល្មើសផ្សេងៗ។ មិនត្រឹមតែប៉ុណ្ណោះមេធាវីមានតួនាទីជាអ្នកជួយផ្តល់យោបល់ព្រឹក្សាផ្នែកច្បាប់ ជាអ្នកជួយធ្វើការផ្សះផ្សារវិវាទក្រៅប្រព័ន្ធតុលាការ ជាអ្នកតំណាង និងការពាររឿងក្តីជូនកូនក្តីរបស់ខ្លួន។ល។

សាការី

សាការីជា អ្នកវិជ្ជាជីវៈច្បាប់ជាមន្រ្តីសាធារណៈដែលត្រូវបានតែងតាំងឡើងដោយរាជរដ្ឋាភិបាល និងស្ថិតនៅក្រោមការគ្រប់គ្រងការរបស់ក្រសួងយុត្តិធម៍។ រីឯតួនាទីរបស់សាការីជាអ្នកតាក់តែងលិខិតយថាភូត ឬកិច្ចព្រមព្រៀង មានដូចជាកិច្ចសន្យាទិញលក់ កិច្ចសន្យាជួល កិច្ចសន្យាពាណិជ្ជកម្ម បណ្តំាមត៍ក កិច្ចសន្យាបង្កើតហុីប៉ូតែក ការចាត់ចែងហុីប៉ូតែក និងមានលិខិតយថាភូតផ្សែងៗទៀត។

ពាណិជ្ជកម្ម

អត្ថប្រយោជន៍ដែលអ្នកទទួលបានពីការសន្សំលុយ

Sophorn Rithy

លុយគឺជាផ្នែកមួយយ៉ាងសំខាន់ក្នុងជីវភាពរបស់បុគ្គលម្នាក់ៗ ដូចនេះហើយទើបអ្នកគួរយល់ដឹងអំពីការទុកដាក់លុយក្នុងការចំណាយ និងធ្វើការបែងចែកមួយផ្នែកសម្រាប់ការសន្សំ។ ការសន្សំលុយបានផ្តល់នូវអត្ថប្រយោជន៍ជាច្រើនដែលអាចធ្វើអោយអ្នកមានស្ថេរភាព និងសុវត្តិភាពផ្នែកហិរញ្ញវត្តុ។

ខាងក្រោមនេះគឺជាអត្ថប្រយោជន៍សំខាន់ៗមួយចំនួនដែលអ្នកទទួលបានពីការសន្សំលុយ៖

1. អាចធ្វើការដោះស្រាយបានភ្លាមៗនៅពេលមានអាសន្ន

នៅក្នុងកាលៈទេសៈខ្លះគឺមិនអាចទាយទុកមុនបានទេ ហើយស្ថានកាលដែលមិននឹកស្មានដល់ក៏អាចកើតឡើងបានគ្រប់ពេលវេលា។ ដូចនេះហើយការមានប្រាក់សន្សំអាចធ្វើឱ្យអ្នកដោះស្រាយភាពអាសន្នដោយមិនចាំបាច់ពឹងផ្អែកលើប័ណ្ណឥណទាន ឬប្រាក់កម្ចី ដែលអាចនាំឱ្យមានបំណុលកកកុញ។

2. ជៀសផុតពីការជំពាក់បំណុល

នៅពេលអ្នកសន្សំប្រាក់ អ្នកនឹងមិនសូវពឹងផ្អែកលើប្រាក់កម្ចី ប័ណ្ណឥណទាននោះទេ។ ការជៀសផុតពីបំណុលមានន័យថា អ្នកមិនចាំបាច់ព្រួយបារម្ភអំពីការបង់ប្រាក់ដែលមានការប្រាក់ខ្ពស់ ដែលអាចធ្វើឲ្យហិរញ្ញវត្ថុរបស់អ្នកកាន់ខ្សត់ខ្សោយនោះឡើយ។

3. សេរីភាពហិរញ្ញវត្ថុ

កាលណាអ្នកសន្សំបានកាន់តែច្រើន នោះអ្នកមានជម្រើសកាន់តែច្រើន។ ដូចជាអ្នកចង់យកប្រាក់សន្សំទៅបង្កើតទ្រព្យបន្ថែមដោយការទិញអចលនទ្រព្យ ឬអ្នកគិតចង់បើកអាជីវកម្មដោយមានចំណេះដឹងខ្លះអំពីវា នោះអ្នកនឹងមានជម្រើសភ្លាមៗក្នុងការបើកអាជីវកម្មដោយប្រើនូវប្រាក់សន្សំរបស់អ្នកផ្ទាល់ មិនចាំពឹងទៅលើប្រាក់កម្ចីនោះទេ។ល។

4. ការចាត់ចែងហិរញ្ញវត្ថុមានភាពកាន់តែល្អប្រសើរ

ទម្លាប់នៃការសន្សំជាប្រចាំ បានធ្វើឱ្យអ្នកគ្រប់គ្រងលុយកាន់តែមានប្រសិទ្ធភាព ដូចជាការរៀបចំថវិកា ការមានតារាងត្រឹមត្រូវក្នុងការតាមដានលើការចំណាយ ដោយធ្វើការកំណត់ថារបស់ណាដែលគួរចំណាយ និងរបស់ណាមិនគួរចំណាយលើ។ ទម្លាប់នេះហើយអាចជួយអ្នករស់នៅប្រកបដោយភាពងាយស្រួល និងមិនមានភាពខ្វះមុខខ្វះក្រោយក្នុងជីវភាពប្រចាំថ្ងៃ។

សរុបមក ការសន្សំប្រាក់បានផ្តល់នូវស្ថេរភាពផ្នែកហិរញ្ញវត្ថុ និងអាចឱ្យអ្នកធ្វើការដោះស្រាយបានភ្លាមៗក្នុងការចំណាយដែលមិនបានរំពឹងទុកនូវបញ្ហាណាដែលកើតមានឡើង។ មិនតែប៉ុណ្ណោះបានជួយអ្នកក្នុងការកាត់បន្ថយបំណុល ឬពេលខ្លះអាចឱ្យអ្នកជៀសផុតពីការជំពាក់បំណុលថែមទៀតផង ហើយអ្នកក៏មិនសូវមានភាពតានតឹងផ្នែកហិរញ្ញវត្តុនោះដែរ។

ពាណិជ្ជកម្ម

ហេតុអ្វីការធ្វើកិច្ចសន្យាទិញ ឬជួលអចលនទ្រព្យមានសារៈសំខាន់?

Sophorn Rithy

ការធ្វើកិច្ចសន្យានៅពេលទិញ ឬជួលអចលនទ្រព្យគឺធានាបាននូវការការពារតាមផ្លូវច្បាប់ ដោយនៅក្នុងកិច្ចសន្យាបានបញ្ជាក់នូវលក្ខខណ្ឌមួយចំនួនដូចជាការបង់ប្រាក់ រយៈពេល និងទំនួលខុសត្រូវ។ល។ កិច្ចព្រមព្រៀងនេះធានាបាននូវការអនុវត្ត ការពារផលប្រយោជន៍របស់ភាគីទាំងសងខាង ព្រមទាំងផ្តល់នូវភាពច្បាស់លាស់ក្នុងការទិញ ឬជួលអចលនទ្រព្យ។

តោះមកដឹងអំពីសារៈសំខាន់ពីការធ្វើកិច្ចសន្យានៅពេលទិញ ឬជួលអចលនទ្រព្យ ៖

ការការពារផ្នែកច្បាប់៖ ធានាថាភាគីទាំងសងខាងមានកាតព្វកិច្ចស្របច្បាប់ និងបាននូវការការពារពីការក្លែងបន្លំ ឬបំពានលក្ខខណ្ឌ។

មានលក្ខខណ្ឌច្បាស់លាស់៖ នៅក្នុងកិច្ចសន្យាបានបញ្ជាក់ពីតម្លៃនៃអចលនទ្រព្យ ការទូទាត់ប្រាក់ រយៈពេលនៃការជួល ឬលក់ និងលក្ខខណ្ឌសំខាន់ៗផ្សេងទៀត។

ការបញ្ជាក់អំពីសិទ្ធិ និងទំនួលខុសត្រូវ៖ បានកំណត់អំពីភារកិច្ចរបស់ភាគីទាំងសងខាង ដូចជាកាតព្វកិច្ចរក្សាថែទាំ ការស្នាក់នៅ ការគ្រប់គ្រង និងការទូទាត់ប្រាក់ ចំពោះអចលនទ្រព្យនោះ។

ការពារការកើតមាននូវបញ្ហាវិវាទ៖ កិច្ចសន្យាអាចជួយជៀសវាងពីការមានជម្លោះ ពីព្រោះនៅក្នុងលក្ខខណ្ឌបានបញ្ជាក់យ៉ាងច្បាស់អំពីសិទ្ធិ ភារកច្ច និងទំនួលខុសត្រូវរបស់ភាគីទាំងសងខាង។ ជាមួយនឹងលក្ខខណ្ឌជាក់លាក់នេះ កិច្ចសន្យាក៏អាចជួយកាត់បន្ថយពីការយល់ច្រលំ និងផ្តល់នូវភាពងាយស្រួលក្នុងការដោះស្រាយបើសិនជាវិវាទកើតមានឡើង។

ធានាបាននូវយុត្តិធម៌៖ តាមរយៈការបង្កើតកិច្ចសន្យាព្រមព្រៀងនេះបានច្បាស់លាស់ ក្នុងការបង្កើតកាតព្វកិច្ចទៅវិញទៅមក ការពារសិទ្ធិ និងការពារពីការយល់ច្រឡំ។ កិច្ចសន្យាដែលមានលក្ខខណ្ខកំណត់ត្រឹមត្រូវ ធានាបាននូវទំនួលខុសត្រូវ និងការជឿទុកចិត្តគ្នារវាងភាគីទាំងសងខាងក្នុងការរក្សាបាននូវសមធម៌ និងយុត្តិធម៌។

ពាណិជ្ជកម្ម

“គុក” ផ្លូវចិត្តទូទៅមាន 3 ដែលអាចរារាំងការលូតលាស់ និងភាពជោគជ័យផ្ទាល់ខ្លួន

Hoeun Sokchenda

“គុក” ផ្លូវចិត្តទូទៅមាន 3 ដែលអាចរារាំងការលូតលាស់ និងភាពជោគជ័យផ្ទាល់ខ្លួន៖

ការខ្វល់ខ្វាយអំពីអ្វីដែលអ្នកដទៃគិត៖ នេះសំដៅទៅលើការភ័យខ្លាចនៃការវិនិច្ឆ័យខាងក្រៅ។ ខ្លាចគេនិយាយ គិតពីសំដីគេ។
ការរស់នៅក្នុងអតីតកាល៖ ការរស់នៅលើកំហុស ឬការសោកស្ដាយក្នុងអតីតកាល អាចរារាំងការរីកចម្រើន។
ការភ័យខ្លាចនៃការផ្លាស់ប្តូរ៖ ការតស៊ូនឹងការផ្លាស់ប្តូរអាចរារាំងការបង្កើតថ្មី និងរារាំងការអភិវឌ្ឍន៍ផ្ទាល់ខ្លួន។

អ្នកគួរតែលើកទឹកចិត្តខ្លួនឯងឱ្យរួចផុតពីដែនកំណត់ផ្លូវចិត្តទាំងនេះដោយការផ្លាស់ប្តូរផ្នត់គំនិត។ ត្រូវគិតថាផ្នត់គំនិតវិជ្ជមាន និងឆ្ពោះទៅរកការរីកចម្រើន គឺជាកត្តាចាំបាច់សម្រាប់ការសម្រេចបាននូវភាពជោគជ័យ និងការបំពេញ។

ពាណិជ្ជកម្ម

ការសម្រេចចិត្តទាំង4 យ៉ាងនឹងធ្វើឱ្យជីវិតអ្នកមានភាពរីកចម្រើននៅក្នុងឆ្នាំ2025

Sophorn Rithy

ក្នុងមួយឆ្នាំអ្នកខ្លះបានធ្វើការកែប្រែទំម្លាប់មិនល្អរបស់ខ្លួន ដោយផ្លាស់នៅសកម្មភាពដែលធ្វើអោយគេមានភាពរីកចម្រើនថែមមួយកម្រិតទៀត។ ស្របនឹងបញ្ហានៃការកែប្រែទម្លាប់ និងសកម្មភាពមិនល្អ ក៏មានមនុស្សមួយចំនួនមិនដឹងការគួរកែ ឬផ្លាស់ប្តូរដោយរបៀបណាឡើយ។ ដូចច្នេះយោងទៅតាមប្រសាសន៍របស់ លោក ហាក់ គីមថុង បានលើកយកនូវចំណុចទាំង4 ដែលធ្វើឱ្យអ្នកមានភាពរីកចម្រើនក្នុងឆ្នាំ2025នេះ៖

1. ការកាត់បន្ថយ

រយៈពេលកន្លងមកនេះអ្នកគួរ រំលឹកឡើងវិញនូវទម្លាប់នឹងសកម្មភាពណាខ្លះដែលដែលអ្នកគួរកាត់បន្ថយ។ ដោយអ្នកចង់អោយខ្លួនមានភាពប្រសើជាងមុន ដូចជាការកាត់បន្ថយក្នុងការចំណាយពេលនៅក្នុងបណ្តាញសង្គមយូរដែលធ្វើឱ្យខ្ចះខ្ចាយពេល ឬធ្វើការកាត់បន្ថយក្នុងការចំណាចពេលវេលាច្រើនក្នុងការមើលរឿងដែលមិនបានធ្វើអោយអ្នកមានពេលវេលាគ្រប់គ្រាន់ក្នុងការដុះខាត់ខ្លួនឱ្យមានភាពរីកចម្រើន។

2.ការបន្ថែមសកម្មភាព

អ្នកគួរតែបន្ថែមនូវសកម្មភាពដែលធ្វើឱ្យអ្នកជីវិតអ្នកមានភាពប្រសើជាងមុន ដូចជាការអានសៀវភាពឱ្យបានច្រើនជាងមុន ចំណាយពេលរៀនស្វែងយល់នូវចំណេះដឹងថ្មីៗដែលធ្វីឱ្យអ្នកមានការអភិវឌ្ឍន៍ខ្លួនបានល្អជាងមុន។ បន្ថែមជាងនេះទៅទៀតគឺគួរឆ្លៀតពេលក្នុងការចេញទៅខាងក្រៅក្នុងគោលដៅជួបអ្នកខាងក្រៅដើម្បីបង្កើតឱកាសឱ្យខ្លួនឯងឱ្យបានច្រើនជាងមុន។

3. ការបញ្ឈប់សកម្មភាព

នៅក្នុងន័យនេះគឺសំដៅដល់ការបញ្ឈប់នូវសម្មភាពណាដែលអ្នកគិតថាមិនបានជួយឱ្យអ្នកឱ្យរីកចម្រើនសោះហើយថែមទាំងធ្វើឱ្យអ្នកដើរថយក្រោយទៀតផង។ អញ្ចឹងហើយអ្នកគួរបញ្ឈប់នូវសកម្មភាពមិនល្អដែលធ្វើប៉ះពាល់ទៅដល់ បញ្ញា ស្មារតី ដូចជាការសេធគ្រឿងស្រវឹង ឬការបរិភេាគអាហារណាដែលមិនមានគុណភាព និងជីវជាតិមិនគ្រប់គ្រាន់។ល។ ដូចនេះអ្នកគួរតែត្រឡប់ក្រោយគិតឡើងវិញថាតើសកម្មភាពណាដែលមិនបានជួយអ្នកលើការអភិវឌ្ឍអាជីពការងារ និងជីវិតរបស់អ្នក។ ដូចនេះអ្នកអាចគិតមើលថាតើសកម្មភាពណាមិនល្អដែលអ្នកគួរបញ្ឈប់ចោលតែម្តង។

4. ការបង្កើតសកម្មភាព

ចូរបង្កើតសកម្មភាពណាថ្មីដែលអ្នកមិនធ្លាប់ធ្វើពីមុនមក ប៉ុន្តែអាចជួយអោយជីវិតអ្នក ឬអាជីព មានភាពកាន់តែល្អប្រសើរ ដូចជាទម្លាប់នៃការអានសៀភៅអញ្ចឹងគឺពិតជាជួយអ្នកបានច្រើនដោយជួយឱ្យអ្នកមានគំនិតថ្មី ចំណះដឹង ដែលធ្វើឱ្យអ្នកមានភាពវ័យឆ្លាត ក្នុងការដោះស្រាយបញ្ហាបានឆាប់រហ័សជាងមុន។ បន្ថែមពីនេះទៀតគឺអ្នកគួរចូលរូមវគ្គបណ្តះបណ្ដាលដែលធ្វើឱ្យអ្នករៀនស្វែងយល់ពីគំនិតល្អៗ និងចំណះដឹងថ្មីៗ ក៏ដូចជាបានបង្កើតឱកាសឱ្យខ្លួនឯងក្នុងការស្គាល់មនុស្សថ្មីៗ។ ហើយគួរស្វែងរកបន្ថែមនូវសកម្មភាពណាផ្សេងទៀតដែលអ្នកគិតថាអាចជួយអ្នកក្នុងការអភិវឌ្ឈន៍ជីវិត និងអាជីពការងារកាន់តែប្រសើរជាងមុនថែមទៀត។

សរុបមកការសម្រេចចិត្តក្នុងសកម្មភាពទាំង4នេះ បើសិនជាអ្នកអាចធ្វើបាននោះជីវិត និងអាជីពរបស់អ្នកកាន់តែប្រសើរជាងឆ្នាំ2024ជាក់ជាមិនខាន។

ពាណិជ្ជកម្ម

ប្រទេសទាំង 5 ដែលអ្នកមិនគួររំលងនៅរដូវត្រជាក់នេះ

Sophorn Rithy

រដូវត្រជាក់បានចូលមកដល់ មានប្រទេសខ្លះកំពុងត្រជាក់ និងមានប្រទេសខ្លះទៀតកំពុងតែធ្លាក់ព្រិល។ ក្នុងរដូវនេះជារដូវដែលល្អសម្រាប់ការដើរលេងជាមួយបរិយាកាសដ៏ត្រជាក់។

ខាងក្រោមនេះជាប្រទេសទាំង 5 សម្រាប់អ្នកដែលមានគម្រោងទៅក្រៅប្រទេសហើយកំពុងតែរកកន្លែងត្រជាក់ ហើយទេសភាពស្អាតដែលអ្នកមិនគួររំលង៖

1.ប្រទេសស្វីស

នៅក្នុងរដូវរងារជាមួយនឹងភ្នំអាល់ស្វីសដ៏គួរឱ្យភ្ញាក់ផ្អើល រមណីយដ្ឋានជិះស្គី និងទីក្រុងដ៏ស្រស់ស្អាតដូចជា Zermatt និង Lucerne ដែលមានទេសភាពស្អាតដែលគួរអោយគយគន់ជាមួយនឹងអាកាសធាតុត្រជាក់ និងអ្នកស្វែងរកការផ្សងព្រេង។

2.ប្រទេសជប៉ុន

បរិយាកាសត្រជាក់នៅរដូវរងាដោយភ្ជាប់ជាមួយនឹងប្រាសាទដែលមានទេសភាពស្អាតនិងពេញនិយមចំពោះមនុស្សគ្រប់វ័យដោយក្នុងទីក្រុងក្យូតូ ដែលជារដ្ឋធានីដ៏មមាញឹករបស់ប្រទេសជប៉ុន គឺជាទីក្រុងដ៏រស់រវើក ។ ទីក្រុងតូក្យូដែលល្បីល្បាញដោយសារទេសភាពដ៏លេចធ្លោ ប្រាសាទប្រវត្តិសាស្ត្រ បច្ចេកវិទ្យាទំនើប និងមុខម្ហូបលំដាប់ពិភពលោក ទីក្រុងតូក្យូផ្តល់នូវបទពិសោធន៍ថ្មីប្លែកៗ។

3.ប្រទេសចិន

ទីក្រុង Harbin គឺជាឋានសួគ៌មួយនៅរដូវរងាដែលជាទីតាំងដ៏ល្បីល្បាញសម្រាប់ពិធីបុណ្យ Ice and Snow Sculpture Festival ដែលមានរូបចម្លាក់ទឹកកកដ៏ប្រណិត។ ទីក្រុងនេះផ្តល់នូវសកម្មភាពដ៏រីករាយ និងបរិយាកាសយ៉ាងត្រជាក់ហើយសម្បូរទៅដោយស្ថាបត្យកម្មយ៉ាងប្រណិត វាជាទិសដៅដ៏ល្អឥតខ្ចោះសម្រាប់បទពិសោធន៍នៃរដូវរងាសម្រាប់ភ្ញៀវទេសចរណ៍។

4.ប្រទេសកាណាដា

ប្រទេសកាណាដាមានរដូវរងាចាប់ពីខែធ្នូដល់ខែកុម្ភៈ ។ ប្រទេសកាណាមានភាពសម្បូរបែប ត្រូវបានគេស្គាល់ថាមានទេសភាពដែលជាទីចាប់អារម្មណ៍ ហើយនៅទីនោះប្រជាជនមានភាពរួសរាយរាក់ទាក់ ព្រមទាំងមានទេសភាពស្រស់ស្អាត។ នៅតាមតំបន់ខ្លះទេសភាពព័ទ្ធទៅដោយព្រៃភ្នំធម្មជាតិ គួបផ្សំនឹងបរិយាកាសត្រជាក់ទៀតនោះបានធ្វើអោយអារម្មណ៍របស់អ្នកដូចនៅទីកន្លែងដ៏អស្ចារ្យមួយអញ្ចឹង។

5.ប្រទេសបារាំង

ប្រទេសបារាំងជាគោលដៅទេសចរណ៍របស់មនុស្សជាច្រើនដែលភាគច្រើនអោយតែនិយាយអំពីប្រទេសបារាំង គេតែងនឹងឃើញទីក្រុងប៉ារីសមុនគេ។ដោយទីក្រុងនេះជាទីក្រុងមួយដែលមានប្រវត្តិសាស្រ្ត វប្បធម៌ និងសិល្បៈដ៏សម្បូរបែបក្នុងការដែលទាក់ទាញអ្នកទស្សនាមកពីជុំវិញពិភពលោក។

ពាណិជ្ជកម្ម

វិធីទាក់ទាញអតិថិជនឱ្យបានច្រើននៅពេលចាប់ផ្តើមបើកអាជីវិកម្មដំបូង

Sophorn Rithy

ការទាក់ទាញអតិថិជននៅពេលចាប់ផ្តើមអាជីវកម្មដំបូងរបស់អ្នកអាចជាបញ្ហាប្រឈម ប៉ុន្តែជាមួយនឹងការខិតខំប្រឹងប្រែងជាយុទ្ធសាស្រ្ត អ្នកអាចបង្កើនអតិថិជនថ្មីៗប្រកបដោយប្រសិទ្ធភាព។ ដូចនេះខ្ញុំមានជំហានមួយចំនួន ដើម្បីជួយអ្នកទទួលបានអតិថិជនកាន់តែច្រើន៖

1. ស្វែងយល់ពីទីផ្សារគោលដៅរបស់អ្នក

កំណត់ថាតើផលិតផលឬសេវាកម្មរបស់អ្នកសំដៅទៅលើអ្នកណា (អាយុ ទីតាំង ចំណាប់អារម្មណ៍ និងធ្វើការស្រាវជ្រាវអំពីតម្រូវការចំបងររបស់អតិថិជន។ ស្វែងយល់ពីចំណូលចិត្ត និងតម្រូវការរបស់អតិថិជនគោលដៅរបស់អ្នក។ រៀបចំផលិតផល សេវាកម្ម និងសារទីផ្សាររបស់អ្នកដើម្បីបំពេញតម្រូវការអតិថិជន។

2. ប្រើប្រាស់ប្រព័ន្ធផ្សព្វផ្សាយសង្គម

ការប្រើប្រាស់ប្រព័ន្ធផ្សព្វផ្សាយសង្គម ដោយប្រើវេទិកាដូចជា Instagram, Facebook, LinkedIn ឬ TikTok ដើម្បីបង្ហាញម៉ាកយីហោរបស់អ្នក និងភ្ជាប់ទំនាក់ទំនងជាមួយអតិថិជនរួមទាំងធ្វើកាតឆ្លើយតបទៅកានើអតិថិជនឱ្យបានឆាប់រហ័សតាមដែកអាចធ្វើទៅបាន។

3. ត្រូវមានភាពស៊ីសង្វាក់គ្នាជាមួយនឹងម៉ាកយីហោ

បង្កើតអត្តសញ្ញាណម៉ាកដែលមានស្តង់ដារត្រឹមត្រូវ និងជាប់លាប់ រួមទាំងឡូហ្គោ ពណ៌ និងសារដែលអាចបំភ្លេចបាន។ ជ្រើសរើសពណ៌ម៉ាក និងពុម្ពអក្សរដែលឆ្លុះបញ្ចាំងពីតម្លៃនៃផលិតផលរបស់អ្នក ដោយភាពស៊ីសង្វាក់គ្នាជាមួយនឹងម៉ាកយីហោគឺមានសារៈសំខាន់សម្រាប់អោយអតិថិជនមានទំនុកចិត្ត ការទទួលស្គាល់។

4. បង្កើនបណ្តាញ និងការសហការ

ចូលរួមការពិព័រណ៍ពាណិជ្ជកម្ម ឬព្រឹត្តិការណ៍សហគមន៍ ដើម្បីភ្ជាប់ទំនាក់ទំនងជាមួយអតិថិជនឬមនុស្សផ្សេងៗទៀតដើម្បីអោយគេបានស្គាល់មុខទំនិញនៃផលិតផលអ្នកកាន់តែច្រើន។ ហើយត្រូវធ្វើការសហការជាមួយអាជីវកម្មផ្សេងទៀតដើម្បីចាប់ដៃគូជាមួយអាជីវកម្មបំពេញបន្ថែមដើម្បីផ្សព្វផ្សាយផលិតផល។

ពាណិជ្ជកម្ម

ទីកន្លែងទាំង៥ សម្រាប់ឆ្លងឆ្នាំ ដើម្បីស្វាគមន៍ឆ្នាំថ្មីជាមួយនឹងទេសភាពដ៏អស្ចារ្យ

Sophorn Rithy

ខាងក្រោមនេះគឺជាកន្លែងដ៏អស្ចារ្យទាំង៥ដែលត្រូវទៅលេងជាសម្រាប់ការរាប់ថយក្រោយថ្ងៃចូលឆ្នាំដែលមិនអាចបំភ្លេចបាន៖

1. សៀមរាប

នៅជិតប្រាសាទអង្គរវត្តដ៏គួរឱ្យភ្ញាក់ផ្អើលមានសកម្មភាពជាច្រើនជាមួយនឹងវប្បធម៌ និងការប្រារព្ធពិធី។ រីករាយជាមួយពិធីជប់លៀងដ៏រស់រវើក កាំជ្រួច និងការសម្តែងវប្បធម៌នៅក្នុងទីក្រុងប្រវត្តិសាស្ត្រនេះ។

រីឯពេលយប់គេតែងនិយមទៅផាប់ស្ទ្រីត( Pub Street )

ក្នុងខេត្តសៀមរាបពេលយប់គឺជាកន្លែងដ៏រស់រវើកដែលពោរពេញទៅដោយបារ ភោជនីយដ្ឋាន និងតូបលក់អាហារតាមចិញ្ចើមផ្លូវដ៏រស់រវើក។ តំបន់នេះមានពន្លឺចម្រុះពណ៌ តន្ត្រីបន្តផ្ទាល់ និងបរិយាកាសពិធីបុណ្យ ដែលផ្តល់ឱ្យអ្នកទស្សនានូវឱកាសដើម្បីរីករាយជាមួយម្ហូបខ្មែរ ស្រាក្រឡុក និងជីវិតពេលរាត្រីដ៏ស្វាហាប់បន្ទាប់ពីការទស្សនាមួយថ្ងៃ។

2. ព្រះសីហនុ

ឆ្ពោះទៅឆ្នេរនៃក្រុងព្រះសីហនុដើម្បីរាប់ថយក្រោយនៅឆ្នេរសមុទ្រជាមួយពិធីជប់លៀងតាមឆ្នេរ និងការកម្សាន្តពេលរាត្រីដ៏រស់រវើក។ បរិយាកាសនៅឆ្នេរដ៏ស្ងប់ស្ងាត់ធ្វើឱ្យវាក្លាយជាគោលដៅដែលពេញចិត្តសម្រាប់ការប្រារព្ធពិធីចូលឆ្នាំថ្មី។

3. កោះរ៉ុង

ប្រសិនបើអ្នកចូលចិត្តការរាប់ថយក្រោយមិនសូវមានភាពអ៊ូអរខ្លាំង នោះកោះរ៉ុងជាជម្រើសដល់ល្អដែលផ្តល់នូវសំលេងទឹកសមុទ្រដែលបក់មកលើឆ្នេរគួបផ្សំបរិយាកាសដ៏ស្រស់ស្រាយជាមួយនឹងកម្មវិធីជប់លៀង ការរាំលេងជាលក្ខណៈគ្រួសារ មិត្តភក្តិ សម្រាប់អបអរឆ្នាំថ្មីនៅមាត់សមុទ្រ។

4. កែប

សម្រាប់អបអរឆ្នាំថ្មីជាមួយនឹងទេសភាពដ៏ស្រស់ត្រកាល សូមធ្វើដំណើរទៅកាន់ខេត្តកែប ដែលល្បីល្បាញដោយសារឆ្នេរសន្តិភាព អាហារសមុទ្រឆ្ងាញ់ៗ និងធម្មជាតិដ៏អស្ចារ្យ។ វាល្អឥតខ្ចោះសម្រាប់ការសម្រាកលំហែកាយនៅមាត់សមុទ្រ។

5. ឧទ្យានជាតិភ្នំគូលែន

សម្រាប់អ្នកស្រលាញ់ធម្មជាតិ ភ្នំគូលែនគឺជាកន្លែងធម្មជាតិដែលព័ទ្ធទៅដោយព្រៃព្រឹក្សា និងទេសភាពដែលផ្តល់នូវទឹកជ្រោះ ទេសភាពខៀវស្រងាត់ និងកន្លែងប្រវត្តិសាស្ត្រ។ អបអរឆ្នាំថ្មីជាមួយនឹងបទពិសោធន៍ពោរពេញដោយធម្មជាតិ។

ពាណិជ្ជកម្ម

សម្តេចតេជោ ហ៊ុន សែនបានបំពេញទស្សនកិច្ចមិត្តភាពផ្លូវការនៅប្រទេសចិន

Sophorn Rithy

នៅព្រឹក ថ្ងៃទី២ ខែធ្នូ ឆ្នាំ២០២៤នេះ សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា នៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់កម្ពុជា អញ្ជើញបំពេញទស្សនកិច្ចមិត្តភាពផ្លូវការនៅសាធារណរដ្ឋប្រជាមានិតចិន ចាប់ពីថ្ងៃ ទី២ ដល់ថ្ងៃទី៤ ខែធ្នូ ឆ្នាំ២០២៤។

សមាសភាពគណៈប្រតិភូអមដំណើរ សម្តេចតេជោ ហ៊ុន សែន ក្នុងទស្សនកិច្ចរួមមាន សម្តេចពិជ័យ- សេនា ទៀ បាញ់ ឧត្តមក្រុមប្រឹក្សាផ្ទាល់ព្រះមហាក្សត្រ និងជាអនុប្រធានគណបក្សប្រជាជនកម្ពុជា លោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រធាន គណៈទាក់ទងការបរទេសនៃគណបក្សប្រជាជនកម្ពុជា លោកបណ្ឌិត ធន់ វឌ្ឍនា អនុប្រធានទី២ នៃ ព្រឹទ្ធសភា ព្រមទាំងឧបនាយករដ្ឋមន្ត្រី រដ្ឋមន្ត្រីនៃក្រសួង/ស្ថាប័ន និងថ្នាក់ដឹកនាំសំខាន់ៗរបស់ស្ថាប័ននីតិ- ប្បញ្ញត្តិ និងរាជរដ្ឋាភិបាល។

នៅក្នុងឱកាសទស្សនកិច្ចនេះ សម្តេចតេជោ ហ៊ុន សែន នឹងមានជំនួបទ្វេភាគី ជាមួយ លោក ស៊ី ជីនពីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន និងជាប្រធានាធិបតីនៃសាធារណរដ្ឋ ប្រជាមានិតចិន ព្រមទាំងមានជំនួបពិភាក្សាការងារដាច់ដោយឡែកជាមួយ ឯកឧត្តម វ៉ាង ហ៊ូនឹង ប្រធាន គណៈកម្មាធិការជាតិនៃសភាប្រឹក្សានយោបាយនៃប្រជាជនចិន និងឯកឧត្តម ចាវ ឡីជី ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន៕

ពាណិជ្ជកម្ម

ការគេចចេញពីអារម្មណ៏ដែលភ័យខ្លាចនៅពេលទទួលបានការបដិសេធ

Sophorn Rithy

ការខ្លាចក្នុងការទទួលបានការបដិសេធជារឿងធម្មតាដែលមនុស្សម្នាក់ៗតែងតែជួបវាជាផ្នែកមួយសំខាន់នៃបទពិសោធន៍មនុស្សដែលបានឆ្លងកាត់ ដើម្បីយកការបដិសេធនោះមករៀនសូត្រនឹងពង្រឹងនូវអ្វីដែលគេខ្វះខាត។

ខាងក្រោមនេះជាមូលហេតុ និងរបៀបដោះស្រាយភាពភ័យខ្លាចពីការបដិសេធ៖

មូលហេតុនៃភាពភ័យខ្លាចពីការបដិសេធ

ការព្រួយនិងភ័យខ្លាចពីការបដិសេធរបស់យើងអាចមានមូលដ្ឋានមកពីបទពិសោធន៍ក្នុងអតីតកាល។ នៅពេលដែលយើងរំលឹកការចង់ចំានៃអារម្មណ៍ដែលធ្លាប់ទទួលបានការបដិសេធនូវអ្វីដែលយើងបានរំពឹងទុកយើងអាចមានអារម្មណ៍សោកស្តាយ និងឈឺចាប់ដែលបានដក់ជាប់នៅក្នុងចិត្តរបស់យើង។ ដោយហេតុថាការរំពឹងទុកនេះខ្លាំងពេក ដែលធ្វើអោយយើងភ្លេចថា ការធ្វើអ្វីមួយ ឬការមានបំណងប៉ងគឺមិនមែនសុទ្ធតែដូចចិត្តយើងទាំងអស់នោះទេ។

– ការប្រឈមមុខនឹងការបដិសេធ៖ ដើម្បីយកឈ្នះលើការភ័យខ្លាចនៃការបដិសេធ ចូរចាប់ផ្តើមដោយទទួលយកថាវាជាផ្នែកធម្មជាតិនៃជីវិត។ ផ្លាស់ប្តូរទស្សនៈរបស់អ្នក ដោយមើលឃើញការបដិសេធជាឱកាសសម្រាប់ការរីកចម្រើន ជាជាងការបរាជ័យ។ ហើយប្រកួតប្រជែងគំនិតអវិជ្ជមាន ទទួលយកភាពមិនល្អឥតខ្ចោះ និងបោះជំហានទៅមុខដោយក្លាហាន។

– ការយកឈ្នះលើការភ័យខ្លាចនៃការបដិសេធ៖ ត្រូវផ្លាស់ប្តូរផ្នត់គំនិតរបស់អ្នក ដោយយល់ថាការបដិសេធគឺជារឿងទូទៅនៃជីវិត ដែលនាក់រាល់គ្នាតែងតែជួបប្រទះ។ ដូចនេះត្រូវចាប់យកវាជាឱកាសសិក្សា កសាងទំនុកចិត្តលើខ្លួនឯង។ ប្រឈមមុខនឹងស្ថានភាពបន្តិចម្តងៗ ដែលការបដិសេធគឺអាចធ្វើទៅបានដើម្បីកាត់បន្ថយ និងកាត់បន្ថយការភ័យខ្លាច។

– ទទួលយកភាពមិនល្អឥតខ្ចោះ៖ យល់ថាគ្មាននរណាម្នាក់ល្អឥតខ្ចោះនោះទេ។ ទោះបីជាអ្នកត្រូវបានគេបដិសេធក៏ដោយ វាមិនមែនបានន័យថាអ្នកបរាជ័យនោះទេ តែវាគឺជាផ្នែកមួយដែលជួយអ្នកអោយយល់ និងស្គាល់ខ្លួនឯងកាន់តែច្បាស់ដោយយកនូវចំណុចដែលខ្លួនខ្វះខាតមកកែតម្រូវ។

– ហ៊ុំព័ទ្ធខ្លួនអ្នកដោយការគាំទ្រ៖ បង្កើតបណ្តាញមនុស្សដែលលើកទឹកចិត្ត និងគាំទ្រអ្នក។ ភាពវិជ្ជមានរបស់ពួកគេអាចជួយទប់ទល់នឹងការភ័យខ្លាចនៃការបដិសេធ ហើយពួកគេអាចផ្តល់នូវការធានាឡើងវិញនៅពេលដែលអ្នកមានអារម្មណ៍មិនច្បាស់លាស់។

ពាណិជ្ជកម្ម

សារលិខិតលើកកម្ពស់ទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២

Sophorn Rithy

សារលិខិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ ក្នុងឱកាសទិវាជនមានពិការភាពកម្ពុជាលើកទី២៦និងអន្តរជាតិលើកទី៤២។

ក្រោមប្រធានបទ «បរិយាបន្នពិការភាពលើគ្រប់វិស័យក្នុងយុគសម័យបរិវត្តកម្មឌីជីថល» និងពិធីប្រកាសដាក់ឱ្យអនុវត្តផែនការយុទ្ធសាស្ត្រជាតិស្តីពីពិការភាព ឆ្នាំ២០២៤-២០២៨ ថ្ងៃទី៣ ខែធ្នូ ឆ្នាំ២០២៤។

ខាងក្រោមនេះជាសារលិខិត សម្តេចមហាបវរធិបតី ហ៊ុន ម៉ាណែត ៖

ពាណិជ្ជកម្ម

KFC ចាប់ដៃគូសហការជាមួយ Burger King បង្កើតម៉ឺនុយថ្មី BFF Burger

Hoeun Sokchenda

នៅក្នុងការផ្លាស់ប្តូរដ៏គួរឱ្យភ្ញាក់ផ្អើលមួយ គូប្រជែងអាហាររហ័ស KFC និង Burger King បានសហការគ្នាបង្កើត “BFF Burger” ។

យុទ្ធនាការនេះគឺសម្រាប់ KFC និង Burger King ប្រទេសបារាំងតែប៉ុណ្ណោះ។ យីហោទាំងពីរបានសហការគ្នាបង្កើត BFF Burger ដែលចំនួនមានកំណត់។ ហើយនឹងចេញនៅប្រទេសបារាំងចាប់ពីថ្ងៃទី 27 ខែវិច្ឆិកា ដល់ថ្ងៃទី 16 ខែធ្នូ ឆ្នាំ 2024។

KFC និង Burger King ជាធម្មតាត្រូវបានគេចាត់ទុកថាជាដៃគូប្រកួតប្រជែងតិចតួចនៅក្នុងទីផ្សារអាហាររហ័ស។ ប៉ុន្តែលើកនេះអ្នកទាំងពីរបានសម្រេចចិត្តអង្គុយនៅតុតែមួយ។ ដើម្បីធ្វើការរួមគ្នាបង្កើតមុខម្ហូបសម្រាប់អ្នកស្រឡាញ់អាហាររហ័ស។

អ្វីដែលលេចធ្លោគឺពួកគេទាំងពីរបានរក្សាអត្តសញ្ញាណស្នូលរបស់ពួកគេ នោះគឺជាសាច់មាន់បំពងរបស់ KFC និងសាច់គោដុតរបស់ Burger King ខណៈពេលដែលបង្កើតគំនិតផលិតផលបង្រួបបង្រួមជាមួយនឹង BFF Burger ចុងក្រោយបង្អស់របស់វា។

ពាណិជ្ជកម្ម

អ្នកប្រើប្រាស់ 50 លាននាក់ បានកាត់បន្ថយការចំណាយរបស់ពួកគេទៅលើម៉ាកយីហោល្បីៗ

Hoeun Sokchenda

ព័ត៌មាន Fortune បានបង្ហាញថា អ្នកប្រើប្រាស់មួយចំនួនធំដែលប៉ាន់ស្មានថាមានប្រហែល 50 លាននាក់ បានកាត់បន្ថយការចំណាយរបស់ពួកគេទៅលើម៉ាកយីហោប្រណីតដូចជា Dior និង Burberry។ ការផ្លាស់ប្តូរឥរិយាបទអ្នកប្រើប្រាស់នេះអាចត្រូវបានកំណត់គុណលក្ខណៈកត្តាជាច្រើន៖

ភាពមិនប្រាកដប្រជាសេដ្ឋកិច្ច៖

អតិផរណា៖ ការកើនឡើងអត្រាអតិផរណា ធ្វើឱ្យទំនិញប្រណីតៗមានតម្លៃសមរម្យសម្រាប់អ្នកប្រើប្រាស់ជាច្រើន។
វិបត្តិសេដ្ឋកិច្ច៖ ភាពមិនប្រាកដប្រជានៃសេដ្ឋកិច្ចសកលបានធ្វើឱ្យអ្នកប្រើប្រាស់មានការប្រុងប្រយ័ត្នបន្ថែមទៀតអំពីទម្លាប់នៃការចំណាយរបស់ពួកគេ។

ការផ្លាស់ប្តូរអាទិភាពអ្នកប្រើប្រាស់៖

បទពិសោធន៍លើការកាន់កាប់៖ អ្នកប្រើប្រាស់ជាច្រើនកំពុងផ្តល់អាទិភាពលើបទពិសោធន៍ដូចជាការធ្វើដំណើរ និងការទទួលទានអាហារលើទំនិញសម្ភារៈ។
ការប្រើប្រាស់ប្រកបដោយក្រមសីលធម៌៖ ការបង្កើនការយល់ដឹងអំពីការអនុវត្តប្រកបដោយក្រមសីលធម៌ និងនិរន្តរភាពបាននាំឱ្យអ្នកប្រើប្រាស់ស្វែងរកម៉ាកយីហោដែលស្របតាមតម្លៃរបស់ពួកគេ។

ការជឿទុកចិត្តម៉ាកយីហោ និងកេរ្តិ៍ឈ្មោះ៖

ការសន្យាដែលខូច៖ ម៉ាកយីហោប្រណីតមួយចំនួនបានប្រឈមមុខនឹងការរិះគន់ចំពោះការសន្យា ដូចជាបញ្ហាគុណភាពផលិតផល ឬយុទ្ធនាការទីផ្សារបំភាន់។
កង្វះការច្នៃប្រឌិត៖ ការធ្លាក់ចុះនៃការច្នៃប្រឌិតអាចនាំឱ្យបាត់បង់ចំណាប់អារម្មណ៍របស់អ្នកប្រើប្រាស់។

ពាណិជ្ជកម្ម

របៀបបង្កើតកម្លាំងផ្លូវចិត្ត

Hoeun Sokchenda

កម្លាំងផ្លូវចិត្ត គឺជាសមត្ថភាពក្នុងការជម្នះឧបសគ្គ តស៊ូឆ្លងកាត់ការលំបាក និងរក្សាផ្នត់គំនិតវិជ្ជមាន។ នេះគឺជាយុទ្ធសាស្ត្រមួយចំនួនដើម្បីបណ្តុះគុណលក្ខណៈដ៏មានឥទ្ធិពលនេះ៖

ចាប់យកបញ្ហាប្រឈម៖

ដើរចេញពីតំបន់សុខស្រួលរបស់អ្នក៖ សាកល្បងខ្លួនឯងជាទៀងទាត់ជាមួយនឹងបទពិសោធន៍ថ្មីៗ។
រៀនពីភាពបរាជ័យ៖ មើលការថយក្រោយជាឱកាសសម្រាប់ការលូតលាស់។
ការអនុវត្តភាពធន់៖ អភិវឌ្ឍសមត្ថភាពដើម្បីត្រលប់មកវិញ។

សមាធិចិត្តៈ

កាត់បន្ថយភាពតានតឹង៖ អនុវត្តបច្ចេកទេសសតិអារម្មណ៍ដូចជាការធ្វើសមាធិ ឬការដកដង្ហើមវែងៗដើម្បីធ្វើឲ្យចិត្តស្ងប់។
បង្កើនការផ្តោតអារម្មណ៍៖ ធ្វើអោយប្រសើរឡើងនូវការផ្តោតអារម្មណ៍ និងការយកចិត្តទុកដាក់តាមរយៈការធ្វើសមាធិជាប្រចាំ។
បង្កើនភាពវៃឆ្លាតខាងអារម្មណ៍៖ អភិវឌ្ឍការយល់ដឹងកាន់តែស៊ីជម្រៅអំពីអារម្មណ៍របស់អ្នក និងរបៀបគ្រប់គ្រងពួកគេ។

កាយសម្បទាមាំមួន៖

បង្កើនកម្រិតថាមពល៖ ការធ្វើលំហាត់ប្រាណទៀងទាត់អាចបង្កើនកម្រិតថាមពល និងកាត់បន្ថយភាពអស់កម្លាំង។
ធ្វើអោយប្រសើរឡើងនូវភាពច្បាស់លាស់ផ្លូវចិត្ត៖ សកម្មភាពរាងកាយអាចបង្កើនមុខងារនៃការយល់ដឹង និងកាត់បន្ថយភាពតានតឹង។
ពង្រឹងវិន័យខ្លួនឯង៖ លំហាត់ប្រាណជាប់លាប់ បង្កើតវិន័យ និងឆន្ទៈ។

៤. របៀបរស់នៅដែលមានសុខភាពល្អ៖

អាហារូបត្ថម្ភ៖ របបអាហារដែលមានតុល្យភាពអាចធ្វើអោយប្រសើរឡើងនូវភាពច្បាស់លាស់ផ្លូវចិត្ត និងការផ្តោតអារម្មណ៍។
ជាតិទឹក៖ រក្សាជាតិទឹក ដើម្បីបង្កើនប្រសិទ្ធភាពមុខងារនៃការយល់ដឹង។
ការគេងឱ្យបានគ្រប់គ្រាន់៖ ផ្តល់អាទិភាពដល់ការគេងប្រកបដោយគុណភាព ដើម្បីសម្រាក និងធ្វើឱ្យចិត្ត និងរាងកាយរបស់អ្នកមានថាមពលឡើងវិញ។

ផ្នត់គំនិតវិជ្ជមាន៖

អនុវត្តការដឹងគុណ៖ ផ្តោតលើទិដ្ឋភាពវិជ្ជមាននៃជីវិតរបស់អ្នក។
ស្រមៃមើលភាពជោគជ័យ៖ ស្រមៃថាខ្លួនអ្នកសម្រេចបានគោលដៅរបស់អ្នក។
ការបញ្ជាក់៖ ប្រើការអះអាងវិជ្ជមានដើម្បីបង្កើនទំនុកចិត្តលើខ្លួនឯង។

ការរៀនសូត្របន្ត៖

អានសៀវភៅ៖ ពង្រីកចំណេះដឹងរបស់អ្នក និងទទួលបានទស្សនៈថ្មីៗ។
យកវគ្គសិក្សា៖ វិនិយោគលើការអប់រំ និងការអភិវឌ្ឍន៍ជំនាញរបស់អ្នក។
ស្វែងរកការណែនាំ៖ រៀនពីបុគ្គលដែលមានបទពិសោធន៍ និងស្វែងរកការណែនាំរបស់ពួកគេ។

សូមចាំថា ការកសាងកម្លាំងផ្លូវចិត្តខ គឺជាដំណើរមួយ មិនមែនជាគោលដៅនោះទេ។ តាមរយៈការអនុវត្តបច្ចេកទេសទាំងនេះជាប់លាប់ អ្នកអាចដោះសោរសម្រេចបាននូវគោលដៅរបស់អ្នក។

ពាណិជ្ជកម្ម

ការយកឈ្នះលើភាពលំបាក និងការសម្រេចបានជោគជ័យរបស់លោក David Goggins

Hoeun Sokchenda

វីដេអូ “The Most Eye Opening 10 Minutes Of Your Life | David Goggins” គឺជាការនិយាយលើកទឹកចិត្តដោយអតីត Navy SEAL David Goggins ។ នៅក្នុងវីដេអូនេះ David Goggins ចែករំលែករឿងរ៉ាវជីវិតមិនគួរឱ្យជឿរបស់គាត់ និងផ្តល់នូវការយល់ដឹងដ៏មានអានុភាពក្នុងការយកឈ្នះលើភាពលំបាក និងការសម្រេចបានជោគជ័យ។

នេះជាចំណុចសំខាន់មួយចំនួនពីវីដេអូ៖

ឱបក្រសោបរងទុក្ខ៖ | David Goggins លើកទឹកចិត្តអ្នកមើលឱ្យទទួលយកការរងទុក្ខជាកត្តាជំរុញដល់ការលូតលាស់។ លោកអះអាងថា ការជំរុញឱ្យឆ្លងកាត់ឧបសគ្គលំបាកអាចនាំឱ្យមានការអភិវឌ្ឍផ្ទាល់ខ្លួន និងវិជ្ជាជីវៈយ៉ាងសំខាន់។
ភាពស្វិតស្វាញផ្លូវចិត្ត៖ គាត់សង្កត់ធ្ងន់លើសារៈសំខាន់នៃភាពតឹងតែងផ្លូវចិត្ត និងសមត្ថភាពក្នុងការយកឈ្នះលើការសង្ស័យខ្លួនឯង និងដែនកំណត់។
ច្បាប់ 40%៖ David Goggins ណែនាំពីគោលគំនិតនៃច្បាប់ 40% ដែលបង្ហាញថាមនុស្សភាគច្រើនឈប់នៅពេលពួកគេឈានដល់ 40% នៃសមត្ថភាពរាងកាយ និងផ្លូវចិត្តរបស់ពួកគេ។ គាត់លើកទឹកចិត្តអ្នកស្តាប់ឱ្យរុញច្រានឱ្យហួសពីចំណុចនេះ ហើយចូលទៅក្នុងទុនបំរុងរបស់ពួកគេ។
អំណាចនៃវិន័យ៖ វិន័យគឺជាកត្តាសំខាន់ក្នុងការឈានទៅរកភាពជោគជ័យ។ David Goggins សង្កត់ធ្ងន់លើសារៈសំខាន់នៃការអភិវឌ្ឍវិន័យដ៏រឹងមាំដើម្បីយកឈ្នះលើឧបសគ្គ និងសម្រេចបាននូវគោលដៅ។
សារៈសំខាន់នៃសកម្មភាព៖ ការធ្វើសកម្មភាពមានសារៈសំខាន់ណាស់ក្នុងការសម្រេចគោលដៅ។ David Goggins លើកទឹកចិត្តអ្នកមើលឱ្យឈប់រកលេស ហើយចាប់ផ្តើមបោះជំហានឆ្ពោះទៅរកក្តីសុបិនរបស់ពួកគេ។

សរុបមក វីដេអូនេះគឺជាសារដ៏មានឥទ្ធិពល និងបំផុសគំនិតអំពីសក្ដានុពលរបស់មនុស្សក្នុងការជម្នះ និងសម្រេចបាននូវភាពអស្ចារ្យ។ រឿង និងដំបូន្មានរបស់ David Goggins អាចជំរុញទឹកចិត្តអ្នកមើលឱ្យរុញដែនកំណត់របស់ពួកគេ និងខិតខំដើម្បីភាពល្អឥតខ្ចោះ។

ពាណិជ្ជកម្ម

ហេតុអ្វីបានជាការបញ្ចុះតម្លៃមិនមែនជាយុទ្ធសាស្ត្រទីផ្សារដ៏ល្អ?

Hoeun Sokchenda

ហេតុអ្វីបានជាការបញ្ចុះតម្លៃមិនមែនជាយុទ្ធសាស្ត្រទីផ្សារដ៏ល្អ?

ការបញ្ចុះតម្លៃអាចទាក់ទាញអ្នកប្រើប្រាស់ពីរប្រភេទសំខាន់ៗ៖

អ្នកប្រើប្រាស់ដែលពិតជាមិនបានឃើញតម្លៃនៃផលិតផល
អ្នកប្រើប្រាស់ដែលចង់ទិញ ប៉ុន្តែមានឧបសគ្គផ្នែកហិរញ្ញវត្ថុ

នៅក្នុងគំនិតរបស់អ្នកទីផ្សារភាគច្រើន អតិថិជនរបស់ពួកគេធ្លាក់ចូលទៅក្នុងប្រភេទទីពីរ។ ប៉ុន្តែតាមពិតទៅពេលខ្លះមិនមែនមកពីខ្វះថវិកាទាំងអស់ទេ មានអ្នកប្រើប្រាស់ ឬក្រុមគោលដៅដែលមិនមកទិញផលិតផល ទោះជាតម្លៃត្រូវកាត់បន្ថយប៉ុន្មានក៏ដោយក៏មិនមកទិញដែរ ព្រោះក្រុមនេះមើលមិនឃើញនូវតម្លៃផលិតផល ផលិតផលមិនបំពេញតម្រូវការគាត់ នេះធ្វើឱ្យវាបង្ហាញថា ការកាត់បន្ថយតម្លៃមិនមែនជាកត្តាចម្បងក្នុងការជំរុញការទិញផលិតផលនោះទេ។

ដូច្នេះហើយ អ្វីដែលអ្នកទីផ្សារត្រូវធ្វើគឺមិនត្រូវបញ្ចុះតម្លៃផលិតផលដើម្បីបង្កើតការលក់នោះទេ។ ប៉ុន្តែត្រូវបង្កើតចំណេះដឹង អត្ថប្រយោជន៍ បទពិសោធន៍ពីផលិតផលឲ្យអតិថិជនស្គាល់វិញ ដើម្បីបង្កើតចំណង់នៃការចង់ទិញផលិតផលពីអតិថិជន។

ពាណិជ្ជកម្ម

5 កម្រិតនៃ Influencer យោងទៅតាមចំនួនអ្នកតាមដាន

Hoeun Sokchenda

អ្នកដែលមានឥទ្ធិពល (Influencer) មកពីពាក្យ Influence ដែលមានន័យថាឥទ្ធិពល។ ដូច្នេះពាក្យថា “Influencer” មានន័យថាបុគ្គលដែលមានឥទ្ធិពល ឬអាចមានឥទ្ធិពលលើអ្នកដទៃ។ អ្នកមានឥទ្ធិពលត្រូវបានគេចាត់ទុកជាបុគ្គលសំខាន់ម្នាក់ក្នុងវិស័យទីផ្សារ និងការផ្សាយពាណិជ្ជកម្ម។

ហើយគេបែងចែកឥទ្ធិពលទៅតាមចំនួនអ្នកតាមដាន អាចបែងចែកជា 5 កម្រិតដូចខាងក្រោម៖

Nano Influencer

គឺជាអ្នកមានឥទ្ធិពលដែលមានអ្នកតាមដាន 1,000 – 10,000។

ភាគច្រើនអ្នកមានឥទ្ធិពលនៅកម្រិតនេះ មិនមែនជាមនុស្សល្បីល្បាញទេ។ ប៉ុន្តែពួកគេជាធម្មតាជាមនុស្សដែលស្គាល់ច្បាស់ពីមនុស្សមួយក្រុម ពីសមត្ថភាពពិសេស ឬធ្វើសកម្មភាពជាមួយអ្នកដទៃជាច្រើន។

ដូច្នេះ Nano Influencer គឺស័ក្តិសមសម្រាប់ម៉ាកធំៗ ដែលចង់ធ្វើទីផ្សារទៅកាន់ក្រុមជាក់លាក់ ឬទីផ្សារ Niche ដែលជាទីផ្សាររបស់មនុស្សជិតស្និទ្ធនឹងអ្នកមានឥទ្ធិពល ឬម៉ាកដែលចង់ចាប់ផ្តើមពិសោធន៍ជាមួយ Influencer Marketing និងម៉ាកតូចៗដែលមានថវិកាកំណត់ដើម្បីជួលអ្នកមានឥទ្ធិពល។

Micro Influencers

គឺជាអ្នកមានឥទ្ធិពលដែលមានអ្នកតាមដាន 10,001 – 50,000 ។

អ្នកមានឥទ្ធិពលនៅកម្រិតនេះ ជាញឹកញាប់មានការណែនាំច្បាស់លាស់សម្រាប់ការបង្កើតមាតិកា តាមវិធីផ្ទាល់ខ្លួន។ជាឧទាហរណ៍ មនុស្សខ្លះពូកែនិយាយបញ្ចុះបញ្ចូល អ្នកអាចស្វែងរកផលិតផលល្អ និងមានគុណភាព ដើម្បីបង្កើតមាតិកា ឬអ្នកខ្លះពូកែខាងបច្ចេកវិទ្យា ពួកគេអាចបង្កើតខ្លឹមសារអំពីចំណេះដឹងផ្នែកបច្ចេកវិទ្យា។

អាចនិយាយបានថា ឥទិ្ធពលនៃក្រុមនេះ គឺជាមនុស្សដែលមានចំណេះដឹងជ្រៅជ្រះ និងចំណេះដឹងពិតនៅក្នុងផ្នែកនៃរឿងដែលពួកគេពូកែ និងមានចំណេះដឹង។

Mid-Tier Influencer

គឺជាអ្នកមានឥទ្ធិពលដែលមានអ្នកតាមដាន 50,001 – 500,000 ។

ក្រុមអ្នកមានឥទ្ធិពលនេះផ្អែមល្ហែមជាពិសេស នេះគឺដោយសារតែចំនួនអ្នកតាមដានកាន់តែច្រើនជាងក្រុមមុន។ ធ្វើឱ្យវាអាចធ្វើទៅបានដើម្បីបង្កើតការយល់ដឹងអំពីម៉ាកយីហោ (Brand Awareness) ហើយវាក៏ជាអ្នកមានឥទ្ធិពលបំផុតផងដែរ។ ដែលនៅតែរក្សាទំនាក់ទំនងជិតស្និទ្ធជាមួយអ្នកតាមដានរបស់ពួកគេ ។

Macro Influencers

គឺជាអ្នកមានឥទ្ធិពលដែលមានអ្នកតាមដាន 500,001 – 1,000,000 ។

ក្រុមអ្នកមានឥទ្ធិពលនេះ គឺជាអ្នកដែលមានអ្នកតាមច្រើនក្នុងរង្វង់ធំ ក្លាយជាមនុស្សល្បី និងល្បីក្នុងសង្គម ភាគច្រើន ពួកគេមានទំនោរធ្វើការជាអ្នកមានឥទ្ធិពលពេញទំហឹង។ មានការណែនាំច្បាស់លាស់ និងប្រកបដោយវិជ្ជាជីវៈសម្រាប់ការបង្កើតមាតិកា។

ដូច្នេះ Macro Influencers គឺស័ក្តិសមសម្រាប់ម៉ាកដែលមានទំហំមធ្យមទៅធំ ជាមួយនឹងថវិកាទីផ្សារខ្ពស់គួរសម ហើយចង់បង្កើត Brand Awareness ដើម្បីធ្វើឱ្យផលិតផល ឬយុទ្ធនាការត្រូវបានគេស្គាល់យ៉ាងទូលំទូលាយ។

Mega Influencer

គឺជាអ្នកមានឥទ្ធិពលដែលមានអ្នកតាមដាន 1,000,001 ឬច្រើនជាងនេះ។

អ្នកមានឥទ្ធិពលនៅក្នុងក្រុមនេះ ជាធម្មតា ពួកគេគឺជាមនុស្សល្បីល្បាញដែលត្រូវបានគេស្គាល់យ៉ាងទូលំទូលាយនៅក្នុងសង្គម ដូចជាតារាល្បី តារាចម្រៀង អត្តពលិក ឬអ្នកមានឥទ្ធិពលល្បីៗ។ ការកំណត់គោលដៅទីផ្សារទៅកាន់ក្រុមអ្នកមានឥទ្ធិពលនេះគឺពិបាកណាស់ ព្រោះមានអ្នកមតាមដានច្រើន។ ហើយអ្នកតាមដាន់ម្នាក់ៗមានរបៀបរស់នៅ និងចំណាប់អារម្មណ៍ខុសៗគ្នា។ ប៉ុន្តែអត្ថប្រយោជន៍នៃក្រុមអ្នកមានឥទ្ធិពលនេះគឺថាពួកគេអាចបង្កើត Brand Awareness បានយ៉ាងឆាប់រហ័ស។ ជាងនេះទៅទៀត អ្នកតាមដានក៏ទំនងជាធ្វើតាមពាក្យរបស់អ្នកមានឥទ្ធិពលដែរ។

ដូច្នេះ Mega Influencers គឺសមរម្យសម្រាប់ម៉ាកធំ ៗ ដែលមានថវិកាទីផ្សារខ្ពស់ណាស់។ ហើយចង់បង្កើត Brand Awareness ដើម្បីឱ្យផលិតផល ឬយុទ្ធនាការត្រូវបានគេស្គាល់យ៉ាងទូលំទូលាយយ៉ាងឆាប់រហ័ស ហើយផ្តោតលើការប្រើប្រាស់កេរ្តិ៍ឈ្មោះ ឬភាពជឿជាក់របស់អ្នកមានអ្នកមានឥទ្ធិពលនៅកម្រិតនេះជាជំនួយ។

ទាំងអស់នេះគឺ ចំណាត់ថ្នាក់នៃឥទ្ធិពលតាមចំនួនអ្នកតាមដាន និងគោលការណ៍ណែនាំទីផ្សារមូលដ្ឋាន។

ពាណិជ្ជកម្ម

5 ឥរិយាបថដែលអាចឲ្យក្រុមបែកបាក់

Hoeun Sokchenda

ក្រុមដែលដំណើរការបានល្អ គឺចាំបាច់សម្រាប់ការទទួលបានភាពជោគជ័យនៅក្នុងស្ថាប័នណាមួយ។ ទោះជាយ៉ាងណាក៏ដោយ អាកប្បកិរិយាមួយចំនួនអាចបំផ្លាញភាពស្អិតរមួតរបស់ក្រុម និងនាំទៅរកការបែកបាក់ដែលមិននឹកស្មានដល់។ ខាងក្រោមនេះគឺជាឥរិយាបថ៥យ៉ាងដែលអ្នកគួរចៀសវាង៖

កង្វះទំនាក់ទំនង៖
- ការយល់ច្រឡំ៖ ការប្រាស្រ័យទាក់ទងគ្នាមិនល្អអាចនាំឱ្យមានការយល់ច្រឡំ ការបកស្រាយខុស និងជម្លោះ។
- សីលធម៌ធ្លាក់ចុះ៖ កង្វះការប្រាស្រ័យទាក់ទងគ្នាអាចធ្វើឱ្យសមាជិកក្រុមមានអារម្មណ៍ថាមិនមានតម្លៃ និងផ្តាច់ការ។
អាកប្បកិរិយាអវិជ្ជមាន៖
- បរិស្ថានពុល៖ អាកប្បកិរិយាអវិជ្ជមានអាចបង្កើតបរិយាកាសការងារដែលមានជាតិពុល រារាំងដល់ការសហការ និងការច្នៃប្រឌិត។
- ផលិតភាពថយចុះ៖ ការគិតអវិជ្ជមានអាចរារាំងផលិតភាព និងការច្នៃប្រឌិត។
កង្វះការងារជាក្រុម៖
- ភាពជាបុគ្គល៖ ការផ្តល់អាទិភាពដល់គោលដៅបុគ្គលលើគោលដៅក្រុមអាចបំផ្លាញភាពស្អិតរមួតរបស់ក្រុម។
- កាត់បន្ថយប្រសិទ្ធភាព៖ កង្វះការសហការគ្នាជាក្រុមអាចនាំឱ្យមានភាពគ្មានប្រសិទ្ធភាព និងការពន្យារពេល។
ការគ្រប់គ្រងពេលវេលាមិនល្អ៖
- ខកខានកាលបរិច្ឆេទកំណត់៖ ការគ្រប់គ្រងពេលវេលាគ្មានប្រសិទ្ធភាពអាចនាំឱ្យខកខានកាលបរិច្ឆេទកំណត់ និងផលិតភាព។
- បង្កើនភាពតានតឹង៖ ការគ្រប់គ្រងពេលវេលាមិនបានល្អអាចរួមចំណែកធ្វើឱ្យមានភាពតានតឹង និងអស់កម្លាំង។
ជម្លោះមិនទាន់ដោះស្រាយ៖
- ទំនាក់ទំនងដែលខូចខាត៖ ជម្លោះដែលមិនអាចដោះស្រាយបានអាចបំផ្លាញទំនាក់ទំនងរវាងសមាជិកក្រុម។
- សីលធម៌ធ្លាក់ចុះ៖ ជម្លោះដែលកំពុងបន្តអាចជះឥទ្ធិពលអវិជ្ជមានដល់សីលធម៌ក្រុម និងផលិតភាព។

តាមរយៈការទទួលស្គាល់អាកប្បកិរិយាទាំងនេះ និងចាត់វិធានការដើម្បីដោះស្រាយពួកគេ អ្នកអាចជួយជំរុញបរិយាកាសក្រុមវិជ្ជមាន និងផលិតភាព។

ពាណិជ្ជកម្ម

រូបមន្ត3+1ដើម្បីស្នេហាអស្ចារ្យ

ហាក់ គីមថុង

ដើម្បីឲ្យទំនាក់ទំនងស្នេហ៍មានភាពអស្ចារ្យ នោះយើងត្រូវមាន3+1

-ភាពឆបគ្នាខាងបញ្ញា

-ភាពឆបគ្នានៃអារម្មណ៍

-ភាពឆបគ្នាខាងផ្លូវភេទ

នេះបើតាមការលើកឡើងរបស់លោក Simon Sinek ដែលជាបណ្តុះបណ្តាលភាពជាអ្នកដឹកនាំ និងជាអ្នកនិពន្ធសៀវភៅដ៏ល្បីគឺ Start with why!

ភាពឆបគ្នាខាងបញ្ញា៖ នេះពាក់ព័ន្ធនឹងការមានចំណាប់អារម្មណ៍រួមគ្នា ចូលរួមក្នុងការសន្ទនាដែលជំរុញទឹកចិត្ត និងអាចរៀនពីគ្នាទៅវិញទៅមក។
ភាពឆបគ្នានៃអារម្មណ៍៖ នេះមានន័យថាអាចភ្ជាប់អារម្មណ៍ គាំទ្រគ្នាទៅវិញទៅមក និងដោះស្រាយបញ្ហាប្រឈមជាមួយគ្នា។
ភាពឆបគ្នាខាងផ្លូវភេទ៖ នេះរួមបញ្ចូលទាំងការទាក់ទាញខាងរូបរាងកាយ ភាពស្និទ្ធស្នាល និងតម្លៃរួមគ្នាជុំវិញបញ្ហាផ្លូវភេទ។

+1 នៅក្នុងសមីការតំណាងឱ្យ “កាលៈទេសៈ” ។ លោក Sinek ជឿជាក់ថាខណៈពេលដែលធាតុស្នូលទាំងបីគឺចាំបាច់ កាលៈទេសៈត្រឹមត្រូវ ដូចជាពេលវេលា ទីកន្លែង ស្ថានភាព អាចជួយបង្កើនទំនាក់ទំនងស្នេហាជាប់បានយូរអង្វែង និងប្រកបដោយគុណភាព!

ពាណិជ្ជកម្ម