អានសៀវភៅThe One minute managerជាង១ម៉ោង ដើម្បីស្វែងយល់ពីការដឹកនាំក្រុម

By

-

សៀវភៅគឺជាមិត្តដែលវិសេសសម្រាប់ណែនាំ ផ្តល់ចំណេះ និងពង្រីកវិសាលភាពនៃការគិតរបស់យើង។ ការអានសៀវភៅឱ្យបានខ្ជាប់ខ្ជួនគឺជាការបង្កើតទម្លាប់ដ៏ល្អមួយ ដែលរួមចំណែកជួយជម្រុញឱ្យយើងទទួលបានជោគជ័យឆាប់រហ័ស និងមានការគិត និងវិភាគបានស៊ីជម្រៅ។ សម្រាប់អ្នកដឹកនាំល្បីៗ អ្នកជំនួញ និងអ្នកគ្រប់គ្រងល្បីៗភាគច្រើនតែងមានទម្លាប់អានជាទៀងទាត់ ដើម្បីពង្រឹងសមត្ថភាពគិត និងគំនិតរបស់ពួកគេ។

សម្រាប់ខ្ញុំ ការអានគឺជាផ្នែកមួយនៃជីវភាពប្រចាំថ្ងៃផងដែរ។ ហើយកាលពីថ្ងៃចូលឆ្នាំចិន ដែលជាថ្ងៃដ៏ស្ងប់ស្ងាត់ ខ្ញុំបានចំណាយពេលប្រមាណជាង១ម៉ោងដើម្បីអានសៀវភៅដ៏តូចមួយដែលមានព័ត៌មានដែលមានប្រយោជន៍ជាច្រើនដើម្បីយកមកពិចារណា និងឆ្លុះបញ្ចាំងជាមួយនឹងការងារប្រចាំថ្ងៃ នោះគឺ The One Minute Manager, builds high performing teams (អ្នកគ្រប់គ្រង១នាទី-កសាងក្រុមការងារដែលមានប្រសិទ្ធភាពការងារខ្ពស់)។

នៅក្នុងសៀវភៅដ៏តូចតែមានអត្ថន័យមួយនេះ អ្នកនិពន្ធបានធ្វើការសរសេរណែនាំជាលក្ខណៈសាច់រឿង ឆ្លុះបញ្ចាំងពីការដឹកនាំក្រុម និងដំណាក់កាលនីមួយៗដែលយើងជួបប្រទះមុននឹងក្រុមការងាររបស់យើងអាចឈានទៅដល់ចំណុចកំពូលមួយ ឬដល់ដំណាក់កាលដែលទទួលបានលទ្ធផលការងារខ្ពស់។

គាត់បានពន្យល់ថា ដើម្បីឱ្យក្រុមការងារមួយដល់កម្រិតកំពូលបាន ការធ្វើការងារជាក្រុម និងការដឹកនាំសមាជិកក្រុមគឺជាកត្តាចាំបាច់បំផុតសម្រាប់ភាពជោគជ័យ។ តើនៅពេលណាទើបយើងបានដឹងថា ក្រុមការងារយើងបានឈានទៅដល់ចំណុចកំពូលបាន?

នៅពេលដែលក្រុមមានលក្ខណៈសម្បត្តិដូចជា៖ មានគោលបំណង និងគុណតម្លៃ ការផ្តល់សិទ្ធឱ្យសមាជិក ការរាប់អាន និងប្រាស័យទាក់ទងគ្នា ភាពបត់បែន លទ្ធផលការងារល្អ ការទទួលស្គាល់និងឱ្យតម្លៃ និងសុជីវធម៌ជាដើម។

នៅពេលដែលក្រុមរបស់អ្នកមានលក្ខណៈសម្បត្តិទាំងនេះ ឬក៏មានភាគច្រើន អ្នកនឹងមានអារម្មណ៍ថា រាល់កិច្ចការ គោលដៅ និងគម្រោងផ្សេងៗអាចធ្វើបានសម្រេចជាមួយនឹងប្រសិទ្ធផលខ្ពស់និងឆាប់រហ័សដោយមិនបាច់ប្រឹងប្រែងខ្លាំង។

នៅក្នុងសៀវភៅ The One Minute Manager Builds High Performing Teams អ្នកនិពន្ធបានបង្ហាញពីដំណើរការនៃការបង្កើតក្រុមការងារដែលមានលទ្ធផលការងារខ្ពស់ដោយមាន៣ជំនាញសំខាន់ៗនៃអ្នកដឹកនាំក្រុម និងសមាជិកក្រុមគឺ៖ ធ្វើការវិនិច្ឆ័យសញ្ញា ការសម្រប និងការផ្ទេរសិទ្ធអំណាច។

អ្នកនិពន្ធក៏បានធ្វើការណែនាំពីដំណាក់កាលនីមួយៗដែលក្រុមការងារតែងជួប្រទះមុននឹងទទួលបានលទ្ធផលល្អនោះគឺ៖

១- ការណែនាំពីទិសដៅ៖ គឺជាដំណាក់កាលដែលលទ្ធផលការងារទាប តែមានសុជីវធម៌ខ្ពស់។ នេះជាពេលវេលាដែលក្រុមការងារបានដឹងពីតួរនាទី និងទំនួលខុសត្រូវរបស់ខ្លួន។ សម្រាប់ដំណាក់កាលនេះ របៀបដឹកនាំដែលល្អបំផុតគឺចង្អុរបង្ហាញ។

២- ភាពមិនពេញចិត្ត៖ នេះគឺជាដំណាក់កាលដែលមានភាពក្តៅគគុក ដោយសារមិនចុះសម្រុងគ្នា។ ភាពក្លៀវក្លាពីដំណាក់កាលដំបូងបានធ្លាក់ចុះ ហើយការធ្វើការងារអ្វីៗចាប់ផ្តើមមានអារម្មណ៍ថាកាន់តែលំបាក។ដំណាក់កាលនេះ របៀបដឹកនាំដែលល្អបំផុតគឺបង្វឹក។

៣- សមាហរណកម្ម´៖ វាគឺជាពេលវេលាដែលសមាជិកក្រុមចាប់ផ្តើមយល់ចិត្តគ្នា ហើយចាប់ផ្តើមមានអារម្មណ៍ធូរស្បើយជាងមុន អាចធ្វើការជាមួយគ្នាបាន និងដោះស្រាយភាពខុសប្លែកគ្នា។ ក្នុងដំណាក់កាលនេះ សមាជិកចាប់ផ្តើមបង្កើតទំនុកចិត្តឱ្យគ្នាទៅវិញទៅមក និងចាប់ផ្តើមផ្សារភ្ជាប់គ្នាឡើងវិញ។ ហើយនៅក្នុងដំណាក់នេះ របៀបដឹកនាំគឺបែបគាំទ្រ។

៤- លទ្ធផលការងារ៖ នៅពេលនេះសមាជិកចាប់ផ្តើមមានចំណេះដឹងច្រើននិងយល់ពីគុណតម្លៃ គោលដៅ ទំនួលខុសត្រូវ ព្រមទាំងការផ្តល់ឱ្យ។ ក្នុងដំណាក់កាលនេះការដឹកនាំដែលសាកសមបំផុតគឺផ្ទេរការងារ និងអំណាច។

តើអ្នកជាអ្នកគ្រប់គ្រង/ដឹកនាំមែនទេ? តើអ្នកមានពេលទំនេរប្រហែល២ម៉ោងសម្រាប់បំប៉នចំណេះដឹងដែរឬទេ? ខ្ញុំសូមណែនាំសៀវភៅមួយក្បាលនេះដល់អ្នកទាំងអស់គ្នា ព្រោះវាងាយស្រួលអាន និងតូចស្តើងដែលអាចអានចប់ក្នុងរយៈពេលដ៏ខ្លី តែទទួលបាននូវចំណែះដឹងវិញជាច្រើន។

ពាណិជ្ជកម្ម

អ្នកសៀមរាបកុំភ្លេចចូលរួមកម្មវិធីបារខែមអង្គរថ្ងៃ ២៣-២៤ នេះណា!

By

ហាក់ គីមថុង

-

0

បារខែមអង្គរ ជាព្រឹត្តិការណ៍បច្ចេកវិទ្យា និងអាជីវកម្ម ប្រចាំឆ្នាំដែលនឹងប្រារព្ធឡើង នៅថ្ងៃទី ២៣ និង ២៤ ខែមីនា ឆ្នាំ២០១៨ នៅក្នុង បរិវេណសាកល វិទ្យាល័យសៅស៍អ៊ីសថ៍អេយសៀ ចាប់ពីម៉ោង៨ព្រឹក ដល់ម៉ោង៥ល្ងាច ។
បារខែមអង្គរ ២០១៨ មានគោលបំណងផ្ដល់ការចែករំលែកចំណេះដឹង និងកសាងទំនាក់ទំនង រវាងអ្នកចូលរួម ទាំងអស់ក្នុងប្រទេសកម្ពុជាក៏ដូចជាក្នុងតំបន់ អំពីបច្ចេកវិទ្យាព័ត៌មានការចាប់ផ្ដើមជំនួញ សហគ្រិនភាព អាជីពការងារ រចនាច្នៃប្រឌិត និងទេសចរណ៍ បដិសណ្ឋារកិច្ច សម្រាប់ការសិក្សា ការងារ និងទំនាក់ទំនង ព្រមទាំងចំណេះដឹងផ្សេងៗ ដូចជា ជ្រើសគំនិតអាជីវកម្ម ការស្វែងយល់ពីការបង្កើតគំរូអាជីវកម្ម ស្វែងយល់អំពីអតិថិជនការផលិតផលិតផលនិងសេវាកម្ម ផ្សព្វផ្សាយនិម្មិតសញ្ញាអាជីវកម្ម ទីផ្សារ និងការរៀបចំគម្រោង ចំណាយចាប់ផ្ដើមអាជីវកម្ម ជាដើម ។ ក្រៅពីនេះ នៅមាន ការតាំងពិព័រណ៍របស់ម្ចាស់អាជីវកម្មខ្នាតតូច និងផលិតផល ឬសេវាកម្មបច្ចេកវិទ្យាថ្មីៗ ដែលមានការចូលរួម ប្រមាណ ១៥ស្តង់។ អ្នកចូលរួមនឹងទទួលបានគំនិត និងការស្វែងយល់បន្ថែមនៅក្នុងការបើកមុខជំនួញ អាជីវកម្ម ការច្នៃប្រឌិត បច្ចេកវិទ្យា សម្រាប់ការងារប្រចាំថ្ងៃ ក៏ដូចជាការសិក្សានិងមុខជំនួញផងដែរ។
កម្មវិធីនេះបានប្រមូលផ្ដុំទៅដោយបុគ្គលដែលមានបទពិសោធន៍ក្នុងវិស័យបច្ចេកវិទ្យា និងអាជីវកម្ម អ្នកច្នៃប្រឌិត សាស្ត្រាចារ្យ សិស្សនិស្សិត នៅក្នុងខេត្តសៀមរាប មកធ្វើការផ្លាស់ប្ដូរចំណេះដឹង ជំនាញ និងបទពិសោធន៍ ។ កម្មវិធីនេះដំណើរការទៅបានដោយមានការចូលរួមគាំទ្រពីក្រសួងអប់រំយុវជននិងកីឡា សាកលវិទ្យាល័យ USEA និងក្រុមហ៊ុនទាំងក្នុងស្រុកព្រមទាំងរៀបចំដោយអ្នកស្ម័គ្រចិត្តមិនស្វែងរកប្រាក់ចំណេញមួយក្រុមដែលមានទស្សនៈវិស័យរួមគ្នាក្នុងការធ្វើឲ្យកើតឡើងនៅ។

ប្រធានបទនីមួយៗនឹងត្រូវធ្វើឡើងក្នុង៥បន្ទប់ផ្សេងគ្នា ប្រធានបទនីមួយៗមានរយៈពេល ១ម៉ោង។

អ្នកចូលរួមត្រូវពិនិត្យមើល និងស្វែងរកប្រធានបទដែលខ្លួនពេញចិត្តដើម្បីចូលរួមស្ដាប់តាមបន្ទប់ តាមម៉ោង និងប្រធានបទនីមួយៗ។ ដើម្បីស្វែងរកព័ត៌មានប្រធានបទ អ្នកចូលរួមអាចមើលនៅលើផ្ទាំង តារាងប្រធានបទ ដែលអ្នករៀបចំកម្មវិធីបានបិត ក្នុងបរិវេណកម្មវិធី ឬអាចចូលទៅវេបសាយ បារខែមកម្ពុជា ដើម្បីមើលប្រធានបទទាំងអស់ www.barcampcambodia.org

តើអ្នកនឹងទទួលបានអ្វី?

ទទួលបានចំណេះដឹង គំនិតថ្មីៗ និងបានជួបជាមួយអ្នកនិយមបច្ចេកវិទ្យា អ្នកទីផ្សារ អ្នកធ្វើអាជីវកម្ម អ្នកប្រើប្រាស់អ៊ីនធឺណិតធ្វើអាជីវកម្ម ។
អាវយឺត (មានកំណត់) និងវត្ថុអនុស្សាវរីយជាច្រើនទៀតពីអ្នកឧបត្ថម្ភកម្មវិធីផ្សេងៗទៀត
ភ្ជាប់ទំនាក់ទំនងជាមួយវាគ្មិន និងអ្នកចូលរួមដទៃ សម្រាប់អាជីវកម្ម និងបណ្ដាញរបស់អ្នកទៅថ្ងៃមុខ
អ្នកអាចសិក្សារៀនសូត្រ យកបទពិសោធន៍ជីវិតពីវាគ្មិននីមួយៗដែលអញ្ជើញមកក្នុងរាជធានីភ្នំពេញ
អ្នកមានឱកាសជួបជាមួយក្រុមអ្នកមានបទពិសោធន៍ធ្វើជំនួញ និងអ្នកបច្ចេកវិទ្យា
បានរៀនសូត្រពីអ្នកស្ម័គ្រចិត្ត និងអ្នករៀបចំព្រឹត្តិការណ៍បារខែម ក្នុងការរៀបចំព្រឹត្តិការណ៍បច្ចេកវិទ្យាថ្មី

សូមចូលរួមដោយសេរី និងចុះឈ្មោះ នៅទីនេះ: https://www.eventbrite.com/e/43588574600

ពាណិជ្ជកម្ម

តើនរណាខ្លះជាអតិថិជនគោលដៅរបស់អ្នកនៅលើFacebook?

By

ហាក់ គីមថុង

-

0

ប្រសិនបើខ្ញុំសំណួរនេះទៅកាន់ម្ចាស់អាជីវកម្ម ឬអ្នកទីផ្សារ មានមនុស្សមិនតិចទេដែលនឹងឆ្លើយថា អ្នកណាក៏អាចក្លាយជាអតិថិជនរបស់ពួកគាត់ដែរ។ ចម្លើយនេះមិនមែនខុសទាំងស្រុងនោះទេ ប៉ុន្តែភាពពិតជាក់ស្តែងនៅក្នុងពិភពអាជីវកម្ម គឺមិនអាចទៅរួចនោះទេដែលគ្រប់ៗគ្នាសុទ្ធជាអតិថិជននោះ ព្រោះថា យើងមិនអាចចាប់យកចំណែកទីផ្សារបានគ្រប់ស្រទាប់វណ្ណៈ គ្រប់ប្រភេទក្រុមមនុស្សនោះទេ គឺមានករណីតិចតួចបំផុត។

ម្ចាស់អាជីវកម្មឆ្លាតវៃ និងអ្នកទីផ្សារដែលវាងវៃ គឺជាអ្នកដែលចេះស្វែងយល់ និងកំណត់ក្រុមអតិថិជនរបស់ខ្លួនឱ្យបានត្រឹមត្រូវដើម្បីចំណេញពេលវេលា ចំណេញកម្លាំង និងប្រាក់កាសសម្រាប់ការផ្សព្វផ្សាយអំពីផលិតផលឬសេវាកម្ម។ ហើយបច្ចុប្បន្នពួកគេបានចាប់ផ្តើមដឹងថា ការចំណាយលុយទៅលើការផ្សព្វលើទំព័រកាសែត ទស្សនាវដ្តី ឬទូរទស្សន៍គឺជាការចំណាយដែលមានតម្លៃថ្លៃ និងមិនមានប្រសិទ្ធផលខ្ពស់បើប្រៀបធៀបនឹងការចំណាយនៅលើFacebook។ ហេតុដូចនេះហើយ បច្ចុប្បន្ន យើងឃើញមានការប្រែប្រួលយ៉ាងខ្លាំងទៅលើការធ្វើយុទ្ធសាស្ត្រទីផ្សារ ដោយម្ចាស់អាជីវកម្ម និងអ្នកទីផ្សារកាន់តែច្រើនឡើងងាកមកផ្តោតទៅលើការផ្សព្វផ្សាយនៅលើបណ្តាញសង្គមយក្សFacebookមួយនេះ។

ប៉ុន្តែ មានម្ចាស់អាជីវកម្ម ឬអ្នកទីផ្សារមួយចំនួន ជាពិសេសអ្នកចំណូលថ្មី បានយកចិត្តទុកដាក់តិចតួចប៉ុណ្ណោះទៅលើការកំណត់គោលដៅអតិថិជនទិញ និងអ្នកប្រើប្រាស់របស់ខ្លួន។ ភាគច្រើននៅពេលដែលពួកគាត់ធ្វើការចំណាយលុយផ្សព្វផ្សាយ គាត់មិនបានចាប់អារម្មណ៍ទៅលើការសម្រួចការកំណត់របស់ក្រុមអតិថិជននោះទេ ហើយភាគច្រើនគឺគ្រាន់តែចុច Button Boost តែប៉ុណ្ណោះ។ ហើយខ្លះទៀតថែមទាំងមិនបានរៀបចំយុទ្ធសាស្ត្រការផ្សព្វផ្សាយ ឬក៏មាតិការ ឱ្យស៊ីទៅនឹងអតិថិជនដែលជាអ្នកទិញ ឬអ្នកប្រើប្រាស់របស់ពួកគាត់ឡើយ។ មិនតែប៉ុណ្ណោះ មានម្ចាស់អាជីវកម្មជាច្រើនបានចំណាយលុយទិញ Page ឬLike ដោយមិនបានត្រួតពិនិត្យថាតើអ្នកដែល Like Page ទាំងនោះគឺជាអតិថិជនគោលដៅរបស់គាត់ ឬគ្រាន់តែមនុស្សយន្ត ឬក៏ក្រុមមនុស្សផ្សេងដែលមិនមែនជាអតិថជនសក្តានុពលរបស់គាត់។ បើចំនួនអ្នកLike សុទ្ធតែមិនមែនជាអតិថិជនគោលដៅទេនោះ ចំនួនទាំងនោះគ្រាន់តែតួរលេខតាំងលម្អរប៉ុណ្ណោះ ដែលមិនអាចបង្កើតបានជាការទិញលក់នោះទេ។

ដូចនេះ ថ្ងៃនេះខ្ញុំសូមធ្វើការសង្ខេបអំពីការកំណត់គោលដៅអតិថិជន ដើម្បីអាចឱ្យម្ចស់អាជីវកម្ម និងអ្នកទីផ្សារអាចយកទៅពិចារណាដើម្បីកំណត់គោលដៅរបស់អតិថិជនឱ្យបានត្រឹមត្រូវ ជាពិសេសអតិថិជនដែលមានសក្តានុពលខ្ពស់បំផុត។

តើធ្វើយ៉ាងម៉េច?

ក្រៅពីកំណត់យកអតិថិជនគោលដៅដែលអ្នកចង់បានកាលពីបើដំណើរការអាជីវកម្មដំបូង (ប្រសិនបើអ្នកធ្លាប់មានកំណត់) ជំហានដែលល្អមួយទៀតគឺការពិនិត្យឡើងវិញ និងវិភាគពីទិន្នន័យអតិថិជនបច្ចុប្បន្ន។

សាកគិតទៅមើល ក្នុងចំណោមអតិថិជនទាំងអស់ តើក្រុមអតិថិជនមួយណាដែលតែងតែមកម្តងហើយម្តងទៀត?តើក្រុមអតិថិជនណាដែលតែងតែប្រាប់ និងណែនាំអ្នកដទៃពីអាជីវកម្មរបស់អ្នក?តើវាល្អឬទេ ដែលយើងចាប់ផ្តើមរៀបយុទ្ធសាស្ត្រដើម្បីទាក់ទាញក្រុមអតិថិជនទាំងនេះឱ្យកាន់តែច្រើន?

ប្រាកដណាស់គឺល្អ! ព្រោះក្រុមអតិថិជនទាំងនេះបានស្ម័គ្រចិត្តហូតលុយពីហោប៉ៅរបស់ខ្លួនដើម្បីទ្រទ្រង់អាជីវកម្មរបស់អ្នកឱ្យរីកចម្រើន។ ដូចនេះ យើងអាចធ្វើការសិក្សាពីបុគ្គលិកលក្ខណៈរបស់អតិថិជនទាំងនេះ ដើម្បីរៀបចំកំណត់គោលដៅអតិថិជនដោយយោងទៅតាមព័ត៌មានដែលយើងមានមកធ្វើការផ្សព្វផ្សាយ និងរៀបចំមាតិការឱ្យស៊ីទៅនឹងអតិថិជនគោលដៅ។

ចំណុចមួយចំនួនដែលអ្នកត្រូវពិចារណាសម្រាប់អតិថិជនគោលដៅរបស់អ្នក៖

អាយុ : សារៈសំខាន់នៃអាយុអាស្រ័យទៅលើសេវាកម្ម ឬផលិតផលរបស់អ្នក។ ឧទាហរណ៍ថាអ្នកចង់ផ្សព្វផ្សាយពីសាលាក្មេងៗ អ្នកប្រាកដណាស់ត្រូវផ្សព្វផ្សាយទៅដល់ឪពុកម្តាយរបស់ក្មេងៗទាំងនោះ ដោយអ្នកអាចកំណត់អាយុបានយ៉ាងស្រួល ថាតើឪពុកម្តាយអាយុពីប៉ុន្មានទៅប៉ុន្មានដែលអាចមានកូនៗតូចៗ។ ប៉ុន្តែ ប្រសិនបើអ្នកធ្វើការផ្សព្វផ្សាយពីហាងស៊ុប ប្រហែលជាអាយុមិនមានសារៈសំខាន់ប៉ុន្មាននោះទេ។ ប៉ុន្តែត្រូវចាំថា យើងគួរតែធ្វើការកំណត់គោលដៅជាលក្ខណៈក្រុមអាយុ (ឧទាហរណ៍ចន្លោះពីណា ទៅណា) ជាជាងការកំណត់អាយុជាក់លាក់។
ភេទ: ធម្មតាផលិតផលមួយចំនួនគឺសាកសមជាមួយនឹងតែមនុស្ស ឬមនុស្សស្រី ដូចនេះ នៅពេលការធ្វើការផ្សព្វផ្សាយ យើងត្រូវកំណត់ភេទផងដែរដើម្បីឱ្យការផ្សព្វផ្សាយចំគោលដៅល្អ។ ឧទាហរណ៍ការលក់ផលិតផលថែរស្បែករបស់ស្ត្រី ដូចនេះអតិថិជនចម្បងគឺជានារី។ ប៉ុន្តែត្រូវចងចាំក្នុងចិត្តផងដែរ ថានរណាជាអ្នកទិញ និងនរណាជាអ្នកប្រើប្រាស់ ព្រោះពេលខ្លះ ផលិតផលមួយចំនួនគឺប្តីជាអ្នកទិញឱ្យប្រពន្ធ ឬបុរសទិញជូនសង្សារ ឬគូរកំណាន់ ដែលទាំងនេះសុទ្ធសឹងតែជាកត្តាសម្រាប់ដាក់ក្នុងការកំណត់គោលដៅ។
ទីតាំង ឬតំបន់: តើទីតាំង ឬតំបន់គឺជាកត្តាសំខាន់ដែរឬទេ?វាអាស្រ័យទៅលើអាជីវកម្មរបស់អ្នក ឧទាហរណ៍ហាងលក់ថ្នាំពេទ្យ អតិថិជនភាគច្រើនគឺជាអ្នកដែលរស់នៅម្តុំៗហាងនោះតែប៉ុណ្ណោះ ដូចនេះយើងអាចកំណត់ការផ្សព្វផ្សាយនៅក្នុងតំបន់គឺជាការប្រសើរបំផុតដើម្បីកាត់បន្ថយការចំណាយ និងបង្កើនចំណូល។ ប៉ុន្តែប្រសិនបើយើងជាអ្នកលក់អនឡាញ ទីតាំង ឬតំបន់មិនមែនជាកត្តាដែលសំខាន់នោះទេ។
ចំណាប់អារម្មណ៍: ដឹងពីចំណាប់អារម្មណ៍ និងចំណង់ចំណូលចិត្តអតិថិជនក៏ជាកត្តាអាចឱ្យយើងផ្សព្វផ្សាយទៅដល់អតិថិជនគោលដៅបានល្អផងដែរ។ ឧទាហរណ៍ ប្រសិនបើយើងលក់សម្លៀកបំពាក់កីឡា យើងអាចធ្វើការកំណត់ការផ្សព្វផ្សាយទៅដល់អ្នកដែលចូលចិត្តកីឡាបាន ព្រោះថា ការផ្សព្វផ្សាយផលិតផលដែលត្រូវនឹងចំណង់ចំណូលចិត្ត គឺអាចជម្រុញឱ្យការលក់បានច្រើនជាងមុន។
តួរនាទី ឬតំណែង: វាក៏មានសារៈសំខាន់ទៅតាមប្រភេទសេវាកម្ម ឬផលិតផលផងដែរ ឧទាហរណ៍យើងលក់សំលៀកបំពាក់ធ្វើការថ្លៃៗ ការកំណត់អតិថិជនគោលដៅប្រាកដជាក្រុមអតិថិជនណាដែលអាចមានភាគរយខ្ពស់ដែលមានលទ្ធភាព និងតម្រូវការ ដូចជាម្ចាស់អាជីវកម្ម អ្នកគ្រប់គ្រង ។ល។

នៅពេលដែលអ្នកបានកំណត់រួចហើយ អ្នកអាចធ្វើការរៀបចំយុទ្ធសាស្ត្រផ្សព្វផ្សាយឱ្យត្រូវនឹងគោលដៅ អតិថិជនរបស់អ្នក ហើយជាពិសេសនៅពេលដែលអ្នកចំណាយលុយផ្សព្វផ្សាយនៅលើFacebook អ្នកគួរជ្រើសរើស ក្រុមអតិថិជនទាំងនោះដើម្បីបង្កើនប្រសិទ្ធផល និងការលក់។

ពាណិជ្ជកម្ម

លាហើយExplore Feed!

By

ហាក់ គីមថុង

-

0

ចុងសប្តាហ៍នេះ Facebook នឹងធ្វើការបញ្ចប់ការធ្វើតេសរបស់ខ្លួនទៅលើ Explore Feed ដែលខ្លួនបានដាក់ឱ្យដំណើរការនៅប្រទេសចំនួនប្រាំរួមទាំងកម្ពុជា។ ឆ្លងតាមការធ្វើតេស្តសាកល្បងមួយរយៈកន្លងមក ក្រុមហ៊ុនបណ្តាញសង្គមយក្សមួយនេះបានធ្វើទទួលមតិរិះគន់ និងការមិនពេញចិត្តជាច្រើនពីសំណាក់ប្រើប្រាស់ដោយសារតែមានការបែងចែករវាង News feed (ទទួលបានតែការចែករំលែកពីមិត្តភក្តិ) និង Explore Feed (ទទួលបានការចែករំលែកពីបណ្តាPage ទាំងអស់)។

តាមរយៈការស្ទាបស្ទង់ អ្នកប្រើប្រាស់ជាច្រើនមិនចង់ឱ្យមានការបែងចែកដូចការធ្វើតេស្តសាកល្បងនោះទេ ហើយពួកគេចង់មិនពេញចិត្តនឹងឱ្យមានការបែងចែកFeed ជាពីរដូចដែលមាននាពេលបច្ចុប្បន្ន។

ហេតុដូច្នេះហើយ Facebook បានសម្រេចចិត្តនឹងមិនបន្តការបែងចែក Explore Feed និង News Feed ទៀតទេនៅក្នុងសប្តាហ៍នេះ។ អ្នកប្រើប្រាស់ទាំងអស់នឹងចាប់ផ្តើមឃើញ Facebook ត្រឡប់ទៅសភាពដើមវិញចាប់ពីសប្តាហ៍ក្រោយតទៅ។

នេះជាដំណឹងល្អសម្រាប់ Page ជាច្រើនដែលតែងតែរអ៊ូរទាំអំពីការធ្លាក់ចុះចំនួនអ្នកទស្សនាបន្ទាប់ពីមានបន្ថែមមុខងារ Explore Feed។ ប៉ុន្តែទោះជាមានការប្រែត្រឡប់ទៅសភាពដើមវិញក៏ដោយ Facebookនឹងបន្តបេសកកម្មរារាំង Page ណាដែលបង្ហោះព័ត៌មានក្លែងក្លាយ ការប្រើប្រាស់មាតិកា ឬវីដេអូរបស់គេយកមកបង្ហោះ ដើម្បីធ្វើយ៉ាងណារក្សាទុកតែPage មានគុណភាព និងបង្កើតអ្វីដោយខ្លួនឯង សម្រាប់ធ្វើឱ្យបទពិសោធន៍ប្រើប្រាស់របស់អតិថិជនរបស់ខ្លួនមានភាពល្អប្រសើរ។

ពាណិជ្ជកម្ម

៥ចំណុចដែលម្ចាស់អាជីវកម្មត្រូវដឹងអំពីFacebookសម្រាប់ឆ្នាំ២០១៨

By

ហាក់ គីមថុង

-

0

Facebookបានក្លាយទៅជាច្រកផ្សព្វផ្សាយ និងច្រកបង្កើនចំណូលមួយដ៏សំខាន់ដែលម្ចាស់អាជីវកម្មមិនអាចមើលរំលងបាន។ មិនមែនមានតែសហគ្រាសធុនតូចនិងមធ្យមទេដែលចាប់អារម្មណ៍លើបណ្តាញសង្គមយក្សមួយនេះ សូម្បីតែក្រុមហ៊ុនធំៗនៅប្រទេសកម្ពុជាយើងចាប់ផ្តើមបង្កើនកញ្ចប់ថវិការផ្សព្វផ្សាយនៅលើ Facebookផងដែរ។

Facebook គឺជាបណ្តាញសង្គមមួយដែលមានការវិវឌ្ឍឥតឈប់ឈរ ហើយមានភាពឆាប់រហ័សដែលតម្រូវឱ្យម្ចាស់អាជីវកម្ម និងអ្នកទីផ្សារ ត្រូវដើរឱ្យទាន់ដំណើរការនៃការវិវឌ្ឍនេះដើម្បីរក្សាប្រសិទ្ធភាព និងប្រសិទ្ធផលនៃការប្រើប្រាស់បណ្តាញសង្គមមួយនេះសម្រាប់អាជីវកម្ម។ ដូចនេះ ខ្ញុំសូមចែករំលែកចំណុច៥យ៉ាងដែលម្ចាស់អាជីវកម្ម និងអ្នកទីផ្សារគួរដឹងអំពីFacebook៖

១- ការកែប្រែការកំណត់មួយចំនួន

ហ្វេសប៊ុកនឹងធ្វើកម្រិតនូវផុសណាដែលមានលក្ខណៈផ្សាយពាណជិកម្មខ្លាំងពេក (ដូចជាBuy now, promotion 30%)ដោយឱ្យអ្នក Like Page តិចតួចប៉ុណ្ណោះអាចឃើញដោយមិនចំណាយលុយលើការផ្សព្វផ្សាយ។ ធ្វើការចាប់យកតែផុសណាដែលទាក់ទងនឹងចំណង់ចំណូលចិត្តរបស់អ្នកប្រើប្រាស់ ជាពិសេសPostរបស់ Page ដែលអ្នកប្រើប្រាស់ឧស្សាហ៍មានអន្តរកម្មជាមួយ(Comment, Like, Share, Click)ហ្រហែល៣00 Post ឬតិចជាងក្នុង១ថ្ងៃ។ ដូចនេះ ទោះបីជានរណាម្នាក់ចុច Like Page របស់អ្នកហើយក៏ដោយ ប្រសិនបើពួកគាត់មិនមានអន្តរកម្មជាមួយនឹង Page របស់អ្នក ពួកគាត់នឹងលែងឃើញអ្វីដែលអ្នក Post ទៀតហើយដែលនេះជាមូលហេតុទោះបីអ្នកមាន Like ច្រើនយ៉ាងណាក៏ដោយ ក៏មិនសូវមានប្រយោជន៍ឡើយ។

២- ការថយចុះអត្រានៃការមើលឃើញ Postរបស់ Page

អ្នកប្រើប្រាស់មានចំនួនកាន់តែច្រើន ហើយ Page ក៏មានចំនួនកាន់តែច្រើនផងដែរ ដែលធ្វើឱ្យអត្រាតួរលេខនៃអ្នកដែលឃើញរាល់ Postរបស់អ្នកមានកាន់តែតិចទៅៗ។ ខុសគ្នាឆ្ងាយពីពេលមុនៗ ដែលរាល់ការបង្ហោះអ្វីមួយនៅលើ Page អាចទៅដល់អ្នក Like Page របស់អ្នកមួយចំនួនធំ តែបច្ចុប្បន្ននេះ រាល់ការ Post នីមួយៗនៅលើPage អាចឱ្យ Fan របស់លោកអ្នកមើលឃើញមិនដល់១%ផង។ មានន័យថា ប្រសិនបើអ្នកមានអ្នក Like 10ម៉ឺននាក់ រាល់ការ Post នីមួយៗគឺអាចទៅដល់Fan ប្រមាណ១ពាន់អ្នកតែប៉ុណ្ណោះ ដែលមូលហេតុនេះហើយ ការទិញ Page Like ដែលមានស្រាប់ ឬការ Boost ដើម្បីបាន Page Like គឺជាការចំណាយលុយដែលមិនបានទទួលផលអ្វីតបមកវិញដូចពេលមុនឡើយ។

៣- Facebok ឥឡូវគឺមុខលុយ

ដូចខ្ញុំបានរៀបរាប់ខាងលើ បច្ចុប្បន្ននេះ ប្រសិនបើមិនចំណាយលុយលើការ Boost Post (ចាយលុយដើម្បីផ្សព្វផ្សាយ)នោះទេ មានមនុស្សតិចតួចបំផុតដែលអាចឃើញនូវអ្វីដែលអ្នកបង្ហោះ។ ព្រោះថា សព្វថ្ងៃនេះ ដើម្បីរស់រានមានជីវិតបាន Facebook ពឹងផ្អែកលើការរកចំណូលដោយការផ្សព្វផ្សាយពាណិជ្ជកម្មរបស់អ្នក ដូចនេះ គ្មានវិធីផ្លូវកាត់ណាមិនចំណាយហើយអាចរកចំណូលបានច្រើននៅលើ Facebook ឡើយ គ្រាន់តែការចំណាយលើការផ្សព្វផ្សាយមានពីរប្រភេទ គឺចំណាយបែបឆ្លាតវៃ (បែបយុទ្ធសាស្ត្រ) និងការចំណាយលើការខ្ជះខ្ជាយប៉ុណ្ណោះ។

៤- ការបង្ហោះវីដេអូគឺជាទំនោរថ្មី

Facebook កំពុងវិវឌ្ឍខ្លួនឥតឈប់ឈរ ហើយបច្ចុប្បន្ននេះ ក្រុមហ៊ុនបណ្តាញសង្គមយក្សមួយនេះចង់ប្រកួតប្រជែងដណ្តើមយកប្រជាប្រិយភាពផ្នែកវីដេអូ ដោយចង់ប្រកួតប្រជែងជាមួយនឹង Youtube ឬកន្លែងផ្ទុកវីដេអូធំៗដ៏ទៀត។ នៅសហរដ្ឋអាមេរិក Facebookបានដាក់ឱ្យប្រើប្រាស់សាកល្បងនូវ Watch មានមុខងារប្រហាក់ប្រហែលនឹង Youtube ដែលអ្នកប្រើប្រាស់អាចស្វែងរកវីដេអូ ដែលខ្លួនចូលចិត្តបានយ៉ាងងាយស្រួល ហើយFacebookអាចនឹងដាក់ឱ្យប្រើប្រាស់ទូទាំងពិភពលោកក្នុងពេលឆាប់ៗខាងមុខនេះ។ មិនតែប៉ុណ្ណោះ រាល់ការបង្ហោះវីដេអូខ្លីៗគឺមានអត្រាមើលឃើញច្រើនជាង ពីសំណាក់អ្នកដែលLike Page បើប្រៀបធៀបនឹងការបង្ហោះរូបភាព ឬក៏ប្រយោគអក្សរនៅលើ Page។ សូម្បីតែការចំណាយលុយផ្សព្វផ្សាយក៏ដោយ ការចាយលុយផ្សព្វផ្សាយវីដេអូគឺមានតម្លៃធូរថ្លៃជាងការចំណាយលើការបង្ហោះរូបភាព ឬមាតិការផ្សេងៗ។ ប៉ុន្តែដើម្បីឱ្យមានប្រសិទ្ធភាពខ្ពស់ អ្នកត្រូវតែបង្កើតវីដេអូដែលទាក់ទាញ ជាពិសេសសម្រាប់៣ ទៅ៥វិនាទីដំបូង។

៥- ការដាក់ឱ្យសាកល្បង Explorer Feed គឺគ្មានអ្វីប៉ះពាល់ Page នោះទេ

កាលពីប៉ុន្មានខែមុន Facebook បានដាក់ឱ្យប្រើប្រាស់សាកល្បងនូវប៊ូតុង Explorer Feedដែលបែងចែករាល់ Post របស់មិត្តភក្តិ និង Post របស់ Page ដាច់ពីគ្នាដែលធ្វើឱ្យម្ចាស់ Page ជាច្រើនមានការជ្រួលច្របល់ និងភ័យពីការផ្លាស់ប្តូរនេះ។ តាមពិតទៅ ទោះបីជាមានការដាក់ឱ្យសាកល្បងក៏ដោយ ក៏មិនមានជះឥទ្ធិពលខ្លាំងលើ Page អាជីវកម្មនោះទេ ដោយសារតែមុននឹងការដាក់ឱ្យសាកល្បងនេះ Facebookបានកំណត់រួចទៅហើយលើអាត្រាតួរលេខនៃអ្នកមើលឃើញគឺមិនដល់១%ផងនៃអ្នក Like Page សរុបដូចបានរៀបរាប់នៅចំណុចទី២ខាងលើ។ សម្រាប់បទពិសោធន៍ពីPage ដែលខ្ញុំបានគ្រប់គ្រងវិញ បន្ទាប់ពីការដាក់ឱ្យសាកល្បងនេះ លទ្ធផលពី Page នីមួយៗគឺមានភាពប្រសើរជាងមុនទៅទៀត ជាពិសេសអន្តរកម្មជាមួយនឹង Page។ ដូចនេះ គ្មានអ្វីដែលម្ចាស់អាជីវកម្មគួរភ័យឬព្រួយជាមួយនឹងការដាក់សាកល្បងនេះទេ។ ហើយការដាក់សាកល្បងនេះ កាន់តែធ្វើឱ្យ Page ណាដែលមានភាពច្នៃប្រឌិត និងមានមាតិការល្អៗកាន់តែទទួលបានលទ្ធផលជាងពីមុនទៅទៀត។

ពាណិជ្ជកម្ម

ទិញFacebook Page Like គឺជាការចាយលុយខ្ចះខ្ជាយ

By

ហាក់ គីមថុង

-

0

មានសេវាកម្មលក់ Page Like ជាច្រើនបានប្រកាសព្រោងព្រាតនៅលើបណ្តាញសង្គមFacebook ដែលជាកន្លែងដែលកំពុងពេញនិយមសម្រាប់អាជីវកម្ម ហើយអ្នកខ្លះបានធ្វើការអះអាងថាទិញ Page Likeដែលពួកគេលក់ឱ្យ នឹងធ្វើឱ្យម្ចាស់អាជីវកម្មបង្កើនការលក់ទៀតផង។

តើគួរទិញ Facebook Page Likeដែលមានស្រាប់ ឬចាយលុយសម្រាប់បង្កើនការ Like Page ឬទេ? នេះគឺជាសំណួរមួយដែលម្ចាស់អាជីវកម្ម ឬអ្នកទីផ្សារតែងតែលើកជាចម្ងល់ និងចោទសួរមកកាន់ខ្ញុំជាច្រើន។ ចំពោះខ្ញុំ ការទិញ Facebook Page Like គឺជាការចាយលុយដ៏ខ្ចះខ្ជាយ និងមិនមែនជាការវិនិយោគទេ គឺជាការចំណាយសុទ្ធសាធសម្រាប់អាជីវកម្ម។ ហេតុអ្វី?

ការទិញ Facebook Page Like គឺជាការចាយលុយដ៏ខ្ចះខ្ជាយ និងមិនមែនជាការវិនិយោគទេ គឺជាការចំណាយសុទ្ធសាធសម្រាប់អាជីវកម្ម។

មុនដំបូងបង្អស់អ្នកត្រូវចោទសួរអ្នកណាខ្លះជាអ្នក Like Page នោះ?

យើងត្រូវចោទសួរថា តើPage ដែលគេលក់ឱ្យ មានLikeច្រើនស្រាប់ ឬអ្នកដែល Like Page នោះគឺជាអតិថិជនគោលដៅរបស់យើងដែរឬទេ? ប្រសិនបើមិនមែនទេ ចំនួន Like ច្រើន គឺបានតែបរិមាណប៉ុណ្ណោះ តែគ្មានគុណភាព មានន័យថា យើងមិនអាចលក់ឬរកចំណូលពីអ្នក Like ទាំងនោះបានទេ។ សេវាកម្មបង្កើនPage Like ភាគច្រើនគឺប្រើប្រាស់វិធីផ្សេងៗដូចជាប្រើប្រាស់គណនីក្លែងក្លាយដើម្បីឱ្យឃើញមានចំនួន Like ច្រើន ឬក៏ទិញ Like ពីក្រៅប្រទេស។ ដូចនេះអ្នកត្រូវត្រួតពិនិត្យឱ្យលម្អិតថាតើ ចំនួនLike នោះមកពីណា? តើនៅប្រទេសកម្ពុជា ឬក៏ប្រទេសផ្សេង? បើប្រទេសផ្សេងវិញ វារិតតែធ្វើឱ្យការចំណាយឥតប្រយោជន៍ថែមទៀតសម្រាប់ការទិញនេះ។ វិធីសាស្ត្រខ្លះទៀតដែលគេបង្កើត Page Like ឱ្យបានច្រើនផ្សេងទៀតគឺមានដូចជា បង្ហោះវីដេអូ និងរូបភាពកម្សាន្ត បង្ហោះពាក្យស្លោកស្នេហា ឬស៊ីអារម្មណ៍ ឬវីដេអូដែលអាចទាក់ទាញ Likeផ្សេងៗទៀតដើម្បីបង្កើនការ Like Page ឱ្យបានច្រើនក្នុងរយៈពេលខ្លី ដែលទាំងនេះ ខ្ញុំសូមទាញចំណាប់អារម្មណ៍ឱ្យពិចារណាម្តងទៀតថាតើពួកគាត់ដែល Like Page ទាំងនោះពិតជាអតិថិជនគោលដៅដែរឬទេ?

មានអ្នកLike Page ច្រើនមិនមែនមានន័យថាអាចលក់បានច្រើន

មានមនុស្សជាច្រើនយល់ច្រឡំថា នៅពេលដែលពួកគេមានអ្នក Like Page ច្រើនគឺនឹងធ្វើឱ្យគេអាចបង្កើនការលក់ ឬរកចំណូលបានច្រើន។ ប៉ុន្តែជាក់ស្តែងវាមិនមែនយ៉ាងដូច្នេះនោះទេ។ អ្នកត្រូវតែមានយុទ្ធសាស្ត្រធ្វើទីផ្សារ និងការលក់ឱ្យបានល្អទើបអាចរកចំណូលពីការលក់បាន។

Facebook រកចំណូលបានពីការផ្សព្វផ្សាយរបស់អ្នក

តើមានន័យដូចម្តេច? មានន័យថា Facebookអាចរស់រានបានដោយសារបានចំណូលពីអ្នកផ្សព្វផ្សាយពាណិជ្ជកម្មនៅលើបណ្តាញសង្គមមួយនេះ។ ខុសពីប៉ុន្មានឆ្នាំមុន បច្ចុប្បន្ននេះ Facebookគឺជាកន្លែងចាយលុយ ដើម្បីរកលុយ ហើយសម្រាប់ការបង្ហោះដែលមិនមានការចាយលុយផ្សព្វផ្សាយ Facebook បានធ្វើការកម្រិតអត្រាភាគរយឱ្យអ្នក Like Page ឃើញមានកម្រិតទាបបំផុតគឺប្រមាណ១%ប៉ុណ្ណោះនៃអ្នក Like សរុប មានន័យថាប្រសិនបើអ្នកមានអ្នកLike Page 10ម៉ឺននាក់ អ្នកដែលអាចឃើញអ្វីដែលអ្នក Post គឺមានប្រមាណ១ពាន់អ្នកប៉ុណ្ណោះ។ ហើយដើម្បីអាចឱ្យគេមើលឃើញច្រើន ឬទៅដល់អតិថិជនគោលដៅបានច្រើន អ្នកត្រូវតែចំណាយលុយផ្សព្វផ្សាយ។

មានម្ចាស់អាជីវកម្មជាច្រើនបានខកបំណងដោយសារតែមិនបានយល់ច្បាស់ពី Facebook Page ហើយបានធ្វើឱ្យគាត់សម្រេចចិត្តខុសក្នុងការទិញ Page Like ដែលមិនបានផ្តល់ផលអ្វីទាល់តែសោះសម្រាប់គាត់។ ប្រសិនបើមានអ្នកផ្តល់សេវាលក់ Like Page ឱ្យអ្នក អ្នកគួរតែគិតម្តងទៀត! គិតម្តងទៀត! ហើយម្តងទៀត! សម្រាប់ខ្ញុំវិញ ការទិញ Page Like ច្រើន ឬក៏ទិញ Page ដែលមាន Like ច្រើនស្រាប់គឺជាការខ្ជះខ្ជាយលុយ មិនមែនជាការវិនិយោគ។ មានតែការរៀបចំយុទ្ធាសាស្ត្រទីផ្សារ និងការលក់នៅលើបណ្តាញសង្គមឱ្យបានត្រឹមត្រូវតែប៉ុណ្ណោះដែលអាចជួយឱកយអាជីវកម្មរបស់យើងទទួលបានជោគជ័យបាន។

ពាណិជ្ជកម្ម

៤យុទ្ធសាស្រ្តចូលទីផ្សារកម្ពុជារបស់ Uber

By

Suos Sovanna

-

0

ក្រុមហ៊ុន Uber គឺជាក្រុមហ៊ុនបំរើសេវានៅក្នុងផ្នែកសេវាកម្មតាក់ស៊ី។ ក្រុមហ៊ុន Uber គឺជាក្រុមហ៊ុនអន្តរជាតិមួយ ដែលបំរើសេវាកម្មចាស់តាមរបៀបថ្មី តាមរយៈការអនុវត្តបច្ចេកវិទ្យាសម័យទំនើប ដោយភ្ជាប់ជាមួយស្មាតហ្វូន។ អ្នកប្រើប្រាស់សេវាកម្មរបស់ក្រុមហ៊ុន Uber ត្រូវដោនឡូត Uber App ដាក់ក្នុងស្មាតហ្វូនពួកគេជាមុនសិន ហើយបន្ទាប់មកពួកគេអាចប្រើ App នោះដើម្បីបញ្ជាហៅតាក់ស៊ីដែលនៅជិតបំផុត។

គួរញ្ជាក់ដែរថា ក្រុមហ៊ុន Uber មានដើមកំណើតពីសហរដ្ឋអាមេរិក ហើយមកទល់នឹងសព្វថ្ងៃក្រុមហ៊ុននេះមានប្រតិបត្តិការនៅក្នុង៥៧០ទីក្រុងទូទាំងពិភពលោក។ តើ Uber ប្រើយុទ្ធសាស្រ្តចូលទីផ្សារកម្ពុជាដោយរបៀបណាខ្លះ?

យុទ្ធសាស្រ្តចំណេញសងខាង ទាំងអ្នកបើកនិងអ្នកជិះ
- អ្នកជិះមិនចំណាយ លុយ

ក្រឡេកមកមើលវត្តមានរបស់ក្រុមហ៊ុន Uber នៅក្នុងប្រទេសកម្ពុជាយើងវិញ។ កាលពីក្នុងអំឡុងខែមិថុនាឆ្នាំ២០១៧នេះ ក្រុមហ៊ុន Uber បានបើកឲ្យមានការប្រើប្រាស់សាកល្បងនូវសេវាកម្មក៏ដូចជា App ជូនដល់អតិថិជនរយៈពេលប្រមាណ4ខែ គឺចាប់ពីខែមិថុនារហូតដល់ចុងខែតុលា។ តាមការសង្កេតរបស់អតិថិជនដែលបានប្រើប្រាស់សេវាកម្មនេះក្នុងអំឡុងពេលនៃការសាកល្បង បានឲ្យដឹងថាអតិថិជនម្នាក់បានទទួលប្រូម៉ូសិនជិះដោយមិនគិតថ្លៃចំនួន៤ដង។ ជាដំបូងពួកគេទទួលបានប្រម៉ូសិនជិះដោយមិនគិតថ្លៃចំនួនដប់ដង ដែលក្នុងការជិះម្តងៗគឺអាចមានតម្លៃខ្ពស់រហូតដល់១០ដុល្លា។ បន្ទាប់ពីប្រម៉ូសិននេះចប់ Uber ក៏ផ្តល់ប្រូម៉ូសិន១០ដុល្លាចំនួន៤០ដងបន្ថែមទៀត។ ប្រូម៉ូសិនលើកទី៣គឺផ្តល់៥ដុល្លាចំនួន១០ដង ហើយប្រូម៉ូសិនដែលទើបនឹងចប់នាចុងខែតុលានេះគឺ ២ដុល្លាចំនួន៥ដង។ ដូច្នេះកាក្នុងអតិថិជនម្នាក់ Uber ចំណាយអស់ប្រមាណ ៥៦០ដុល្លា។

អ្នកបើកបាន ចំណូលបន្ថែម

វិធិសាស្ត្រដាក់ឲ្យអតិថិជនជិះតាក់ស៊ីដោយមិនទាមទារការចំណាយប្រាក់ពីហោប៉ៅរបស់ពួកគេគឺពិតជាធ្វើឲ្យពួកគេមានភាពរីករាយនិងចង់សាកល្បងខ្លាំងណាស់ ដោយសារវាជាការចំណេញ និងមិនមានអ្វីដែលជាការខាតបង់នោះទេ។ ហើយចំពោះអ្នកដែលបានចុះឈ្មោះជាអ្នកបើកបរសម្រាប់ Uber វិញ ក៏បានទទួលក្តីសប្បាយមិនចាញ់អ្នកជិះឡើយ ដោយសារពួកគាត់បានទទួលចំណូលបន្ថែមដោយការដឹកភ្ញៀវឬអតិថិជនរបស់ Uber។ ដូច្នេះក្រុមហ៊ុន Uber បានវិនិយោគប្រមាណ៥៦០ដុល្លា ទៅលើការទាក់ទាញមនុស្សម្នាក់មកសាកល្បងសេវារបស់ខ្លួន ហើយទឹកប្រាក់វិនិយោគនេះនឹងបានក្លាយទោជាចំណូលរបស់អ្នកបើកបរក្នុងស្រុក។ ដោយសារទាំងអតិថិជននិងអ្នកបើកបរសុទ្ធតែចំណេញនិងមិនខាតបង់អ្វីឡើយ ទើបពួកគេនាំគ្នាចែករំលែកទៅកាន់ក្រុមគ្រួសារនិងមិត្តភ័ក្តតៗគ្នា។ នេះជាមូលហេតុមួយដែល Uber បានកើនភាពល្បីល្បាញលឿនក្នុងរយៈមិនដល់កន្លះឆ្នាំ។

យុទ្ធសាស្រ្តផ្ញើរសារ SMS

បន្ថែមពីលើនេះក្រុមហ៊ុន Uber ហាក់ព្យាយាមចាប់យកអតិថិជន ដែលស្ថិតនៅវ័យជំទង់ព្រោះគេឃើញក្រុមហ៊ុននេះ បានធ្វើការផ្សព្វផ្សាយ ទៅតាមបណ្តាញសង្គមដូចជា Facebook និង Instagram។ ក្រៅពីយុទ្ធសាស្រ្តនេះក្រុមហ៊ុន Uber ក៏បានប្រើយុទ្ធសាស្រ្តផ្ញើរសារ SMS ទៅកាន់ទូរស័ព្ទដៃរបស់អតិថិជន។ ដូចគ្នាទៅនឹងក្រុមហ៊ុនក្នុងស្រុកជាច្រើនដូចជា ក្រុមហ៊ុន Smart, Cellcard, WingMoney, Pipay, Costa Coffee ជាដើមគឺសុទ្ធសឹងប្រើប្រាស់យុទ្ធសាស្រ្តផ្ញើរសារ SMS ដើម្បីបង្តើនវិសាលភាពនៃការស្គាល់ពីម៉ាកសញ្ញា ទំនាក់ទំនងអំពីប្រម៉ូសិនថ្មីៗ និងជម្រុញការលក់។

យុទ្ធសាស្រ្តទំនាក់ទំនងសាធារណៈ (PR)

ទំនាក់ទំនងសាធារណៈ (PR) គឺជាយុទ្ធសាស្រ្តដំបូងដែល Uber បានដើរ។ ពួកគេបានបញ្ជ្រៀបឈ្មោះរបស់ខ្លួនតាមរយៈការប្រកាសអំពីការចុះហត្ថលេខានៅលើអនុសារណៈយោគយល់គ្នាជាមួយរាជរដ្ឋាភិបាលកម្ពុជាដោយបើកចំហរនិងជាសារធារណៈ។ សារព័ត៌មានក្នុងស្រុកមួយចំនួនដូចជាភ្នំពេញប៉ុស្តិ៍ វីអូអេ និងខេមបូឌាដេលី ជាដើម បានចុះផ្សាយពីព័ត៌មាននេះ។ ការង្ហាញជាសារធារណៈបែបនេះ ជួយឲ្យក្រុមហ៊ុន Uber កសាងបាននូវទំនុកចិត្តពីប្រជាជនក្នុងស្រុក និងធ្វើឲ្យប្រជាជនយល់ថាក្រុមហ៊ុន Uber គឺជាក្រុមហ៊ុនធំ មានទំនាក់ទំនងល្អនិងទទួលស្គាល់ដោយរដ្ឋាភិបាល និងមានភាពច្បាស់លាស់។

យុទ្ធសាស្រ្តបង្កើតភាពជាដៃគូរជាមួយនឹងក្រុមហ៊ុនក្នុងស្រុក

ការបង្កើតភាពជាដៃគូរជាមួយនឹងក្រុមហ៊ុនក្នុងស្រុកគឺជាយុទ្ធសាស្រ្តឆ្លាតវ៉ៃនិងចុងក្រោយមួយដែលខ្ញុំសង្កេតឃើញក្រុមហ៊ុន Uber កំពុងតែអនុវត្ត។ ការបង្កើតភាពជាដៃគូគឺចាំបាច់នៅពេលក្រុមហ៊ុន Uber ចូលមកទីផ្សារកម្ពុជាព្រោះទីផ្សារកម្ពុជាគឺជាទីផ្សារថ្មីមួយសម្រាប់ក្រុមហ៊ុន Uber ហើយចំណេះដឹងលើទីផ្សារនេះពិតជានៅមានកម្រិត និងតិចតួចជាងបើប្រៀបធៀបជាមួយនឹងក្រុមហ៊ុនដែលបានមានប្រតិបត្តការយូរឆ្នាំនៅក្នុងដែនដីសុវណ្ណភូមិនេះ។ ជាពិសេសគឺក្រុមហ៊ុនទាំងនោះបានកសាងក្រុមអតិថិជនរួចជាស្រេច! តាមការសង្កេត យើងឃើញថាក្រុមហ៊ុន Uber បានបង្កើតភាពជាដៃគូជាមួយកម្មវិធី Barcamp Asean 2017 និង After Life របស់ EDM Cambodia ដោយបានផ្តល់ជាលេខកូដបញ្ចុះតម្លៃពិសេសសម្រាប់អ្នកដែលចូលរួមកម្មវិធីទាំងនេះ។ អ្នកចូលរួមកម្មវិធី After Life បានការបញ្ចុះតម្លៃ ៥០ភាគរយទៅលើការធ្វើដំណើរទៅនិងត្រលប់មកវិញ។ ខ្ញុំយល់ថាវិធីសាស្ត្រនេះគឺមានប្រសិទ្ធិភាព ហើយក៏អាចធ្វើឲ្យកេរ្តិ៍ឈ្មោះកាន់តែត្រូវបានគេស្គាល់ច្រើនឡើងទៀត។

គួរបញ្ជាក់ដែរថា នៅទីក្រុងភ្នំពេញនៃប្រទេសកម្ពុជាយើង ក្រុមហ៊ុនបំរើសេវាកម្មតាក់ស៊ីដែលប្រើប្រាស់ App ធំៗមានដូចជា iTsumo (ចំនួនអ្នកទាញយក =5k), Exnet Taxi (ចំនួនអ្នកទាញយក =10k), PassApp Taxis (ចំនួនអ្នកទាញយក=10K) និង UGo711 (ចំនួនអ្នកទាញយក=10k)។

ពាណិជ្ជកម្ម

ហេតុអ្វីបានជាត្រូវវេចខ្ចប់ផលិតផលឲ្យបានល្អ?

By

Sreylen Vong

-

0

ការវេចខ្ចប់គឺពិតជាមានសារៈសំខាន់ចំពោះផលិតផល។ បើយើងប្រៀបធៀបការវេចខ្ចប់ជាមួយនឹងមនុស្សវិញនោះ វាហាក់បីដូចជាសំលៀកបំពាក់ដែលយើងពាក់ដូច្នេះដែរ។ សំលៀកបំពាក់បង្ហាញពីសំបកក្រៅ និងបុគ្គលិកលក្ខណៈរបស់មនុស្ស។ ប៉ុន្តែក៏មានពាក្យមួយឃ្លាថា “កុំមើលមនុស្សតែសំបកក្រៅ” ហើយបើយើងចង់ស្គាល់គេច្បាស់ លុះត្រាតែយើងចំណាយពេលវេលាក្នុងការសិក្សាពីគេ។ ផ្ទុយទៅវិញ បើយើងនិយាយពីការវេចខ្ចប់នៃផលិតផលវិញ គ្មានអតិថិជនណាមកចំណាយពេលវេលារបស់គេមកស្វែងយល់ពីផលិតផលរបស់យើងនោះទេ។ បើយើងសង្កេតមើលនៅតាមផ្សារទំនើបនិងហាងធំៗ ផលិតផលដែលគេដាក់លក់គឺសុទ្ធតែមានការវេចខ្ចប់ល្អ។ កាលពីមុន ភាគច្រើននៃផលិតផលដែលដាក់លក់នោះ គឺមិនមែនជាទំនិញនៅក្នុងស្រុកឡើយ។ តែសព្វថ្ងៃនេះយើងសង្កេតឃើញថា មានផលិតផលក្នុងស្រុកច្រើនជាងមុនបានដាក់លក់នៅតាមផ្សារនិងហាងទាំងនោះ។ ការវេចខ្ចប់បានល្អផ្តល់សារៈប្រយោជន៍អ្វីខ្លះដល់ផលិតផល?

បង្កើនទំនុកចិត្ត

ការវេចខ្ចប់បានល្អធ្វើឲ្យអ្នកទិញមានអារម្មណ៍ថាមានទំនុកចិត្តទៅលើផលិតផលនោះជាងផលិតផលដែលគ្មានការវេចខ្ចប់បានត្រឹមត្រូវល្អ។ វាធ្វើឲ្យអតិថិជនមានអារម្មណ៍ថាអ្នកយកចិត្តទុកដាក់ចំពោះផលិតផលរបស់អ្នក ហើយអ្នកក៏យកចិត្តទុកដាក់នឹងអ្នកទិញដែរ ព្រោះអ្នកបានចំណាយពេលក្នុងការរចនាសំបកផលិតផល ដូច្នេះគុណភាពនៃផលិតផលក៏គួរតែល្អដូចការវេចខ្ចប់ដែរ។ រីឯផលិតផលដែលវេចខ្ចប់មិនបានល្អ គ្មានអាស័យដ្ឋាន លេខទូរស័ព្ទឬឈ្មោះរបស់ម៉ាកសញ្ញាផងនោះ ទោះបីជាផលិតផលនោះល្អប៉ុណ្ណាក៏មិនធ្វើឲ្យគេមានទំនុកចិត្តដែរ។

ការវេចខ្ចប់ជួយបង្កើនតម្លៃទំនិញ

ការវេចខ្ចប់ជួយឲ្យអ្នកទិញមានអារម្មណ៍ថា ទំនិញនោះមានគុណភាពល្អនិងគួរចង់ទិញជាងទំនិញដទៃ។ ឧទាហរណ៍ៈ ចំពោះផលិតផលពីរដែលមានវត្ថុធាតុនិងគុណភាពដូចគ្នា ផលិតផលទី១ វេចខ្ចប់បានល្អស្រស់ស្អាត មានព័ត៌មានជាក់លាក់ពីផលិតផលនិងម៉ាក់សញ្ញា។ រីឯផលិតផលទី២ វេចខ្ចប់តែក្នុងថង់ធម្មតាឬមិនបានត្រឹមត្រូវ គ្មានព័ត៌មានជាក់លាក់ពីផលិតផលនិងម៉ាក់សញ្ញា។ បើទោះបីជា ផលិតផលទី១ មានតម្លៃថ្លៃជាងផលិតផលទី២បន្តិច គេប្រាកដជាជ្រើសរើសទិញផលិតផលទី១ជាមិនខានឡើយ ព្រោះអតិថិជនមានអារម្មណ៍ថាការវេចខ្ចប់និងគុណភាពនៃផលិតផលទី១សាកសមនឹងតម្លៃដែលបានដាក់លក់ជាង។

ទាក់ទាញចំណាប់អារម្មណ៍

ជាទូទៅ មនុស្សតែងតែចាប់អារម្មណ៍និងចូលចិត្តទិញផលិតផលណាដែលមើលពីខាងក្រៅទៅមានភាពស្រស់ស្អាតនិងទាក់ទាញក្រសែភ្នែកជាងជាក់ជាមិនខានឡើយ។ បើផលិតផលរបស់អ្នកអាចទាក់ទាញចំណាប់អារម្មណ៍របស់អតិថិជនជាងផលិតផលដទៃទៀតនោះ លទ្ធភាពនៃការលក់បានក៏ខ្ពស់ជាងដែរ។

ជាមួយគ្នានេះដែរ យើងក៏មិនគួរភ្លេចពីគុណភាពរបស់ផលិតផលដែរ។ បើការវេចខ្ចប់បានល្អអតិថិជននឹងសាកល្បងទិញ ហើយបើផលិតផលមានគុណភាពល្អគេនឹងប្រើប្រាស់បន្តទៀត។ ផ្ទុយទៅវិញបើប្រើប្រាស់ហើយគុណភាពមិនល្អនោះទេ គេក៏ឈប់ប្រើប្រាស់ផលិតផលនោះទៀតដែរ។

សរុបមកបើចង់ឲ្យផលិតផលអាចលក់បានថ្លៃជាងមុន ធ្វើឲ្យអ្នកទិញមានទំនុកចិត្ត និងទាក់ទាញការទិញនោះ អ្នកគួរតែចំណាយពេលវេលារចនាកញ្ចប់ផលិតផលនិងវេចខ្ចប់ឲ្យបានល្អ។ អត្ថបទនេះមានបំណងចង់ជម្រុញនិងលើកទឹកចិត្តដល់អាជីវកម្មក្នុងស្រុកឲ្យងាកមកគិតគូរពីអត្ថប្រយោជន៍នៃការវេចខ្ចប់ ព្រោះវាពិតជាមានសារៈសំខាន់ណាស់ក្នុងការជម្រុញការលក់នៃផលិតផលរបស់អ្នក ក៏ដូចជាផលិតផលក្នុងស្រុករបស់យើងដែរ។

ពាណិជ្ជកម្ម

គំនិតទាំង៥ដែលអ្នកអាចប្រើប្រាស់ដើម្បីទាក់ទាញអតិថិជនក្នុងស្ថានភាពមិនល្អ

By

bunneath Heng

-

0

មនុស្សជាច្រើនចូលចិត្តទៅផ្សារក្នុងថ្ងៃឈប់សម្រាកឬពេលទំនេរពីការងាររបស់ពួកគេ។ រីឯអ្នកលក់ជាច្រើនតែងតែលក់មិនដាច់នៅថ្ងៃធ្វើការឬក្នុងស្ថានភាពដែលថ្ងៃខ្លះមានអាកាសធាតុមិនល្អ។ ដូចនេះអ្នកត្រូវដឹងថាអ្នកគួរធ្វើយ៉ាងណាដើម្បីអាចទាក់ទាញអតិថិជនដែលមានចំនួនតិចតួចក្នុងស្ថានភាពអាក្រក់បែបនោះដើម្បីរកចំណូលសម្រាប់អាជីវកម្មរបស់អ្នក៖

គន្លឹះទី១ រក្សាអតិថិជនដែលបានចូលក្នុងហាងរបស់អ្នក

ការរក្សាអតិថិជនមិនឲ្យបាត់បង់ជាប្រការដែលចាំបាច់សណាស់។ ក្នុងនាមជាអ្នកលក់អ្នកត្រូវធ្វើយ៉ាងណាកុំឲ្យអតិថិជនរបស់អ្នកខ្លាចឬគ្មានអារម្មណ៍ក្នុងការទិញទំនិញរបស់អ្នក។ ដូចច្នេះអ្នកគួរតែបង្ហាញការគួរសមនិងភាពរួសរាយរាក់ទាក់ទៅកាន់អតិថិជន។ ម្យ៉ាងវិញទៀត អ្នកគួរតែផ្តល់សេវាកម្មបន្ថែមដូចជាអ្នកអាចផ្តល់ការប្រឹក្សាយោបល់ទាក់ទងនឹងទំនិញដែលគាត់បានជ្រើសរើសឬអ្នកអាចណែនាំផលិតផលដែលសមនឹងគាត់ឬផ្តល់ព័ត៌មានក្នុងការប្រើប្រាស់ជាដើម។

គន្លឹះទី២ ធ្វើផ្លាកសញ្ញាដែលទាក់ទាញអតិថិជន

ផ្លាកសញ្ញាគឺជាឧបករណ៍ដែលទាក់ដល់អារម្មណ៍របស់អតិថិជន។ ពិតជាចាំបាច់ណាស់ដែលអ្នកត្រូវមានផ្លាកដែលអាចធ្វើឲ្យអតិថិជនចាប់អារម្មណ៍។ ឧទាហរណ៍ដូចជាផ្លាកបញ្ចុះតម្លៃ។ អ្នកអាចច្នៃផ្លាកសញ្ញាបញ្ចុះតម្លៃឲ្យមានភាពទាក់ទាញក្នុងការផ្សព្វផ្សាយផលិតផលរបស់អ្នក។ អ្នកគួរតែព្យួរផ្លាកសញ្ញាបញ្ចុះតម្លៃនៅមុខហាងរបស់អ្នកនៅពេលដែលអតិថិជនដើរកាត់ហាងរបស់អ្នកពួកគាត់នឹងចាប់អារម្មណ៍។

គន្លឹះទី៣ ជូនដំណឹងអតិថិជន

កំណត់នូវការផុតកំណត់នៃការលក់ ការបញ្ចុះតម្លៃ ឬទំនិញបញ្ចុះតម្លៃមានកាលកំណត់សុទ្ធតែអាចធ្វើឲ្យអតិថិជនមានចំណាប់អារម្មណ៍ក្នុងការទិញទំនិញក្នុងហាងរបស់អ្នក។ ដូចនេះនៅរដូវកាលពិសេសដូចជាបុណ្យចូលឆ្នាំសកល ចូលឆ្នាំខ្មែរជាដើម អ្នកអាចផ្ញើសារជូនដំណឹងដល់អតិថិជនពីការបញ្ចុះតម្លៃដ៏ពិសេសនេះ។ ការធ្វើដូចនេះអាចទាក់ទាញអតិថិជនបានច្រើន។

គន្លឹះទី៤ ផ្តល់ក្តីបារម្ភ

អ្នកអាចបង្ហាញក្តីបារម្ភរបស់អ្នកចំពោះអតិថិជនដូចជានៅរដូវត្រជាក់ ភ្លៀង ក្តៅ ជាដើម។ អ្នកអាចផ្តល់ភេសជ្ជៈផ្សេងៗតាមអាកាសធាតុដូចជា កាហ្វេ តែ ទឹកត្រជាក់ ឬផ្តល់ជានំចំណីផ្សេងៗដើម្បីបង្ហាញការយកចិត្តទុកដាក់របស់អ្នកចំពោះអតិថិជន។ ដូចនេះ អ្នកគួរតែមានភេសជ្ជៈទាំងនោះនៅក្នុងស្តុករបស់អ្នកដើម្បីបម្រើអតិថិជនរបស់អ្នក។ អ្នកអាចប្រើប្រាស់បណ្តាញសង្គមដើម្បីបង្ហោះរូបភាពទាំងនោះនៅពេលអតិថិជនគាត់កំពុងតែផឹកភេសជ្ជៈដែលអ្នកបានផ្តល់ឲ្យក្នុងចំពោះការមកទិញអីវ៉ាន់ក្នុងហាងរបស់អ្នក។

គន្លឹះទី៥ ផ្តល់កន្លែងលេងសម្រាប់ក្មេង

អ្នកម្តាយជាច្រើនតែងតែមានកូនមកជាមួយនៅពេលដើរផ្សារ។ ដូចនេះអ្នកអាចបង្កើតកន្លែងលេងដ៏តូចមួយសម្រាប់កូនគាត់។ ធ្វើដូចនេះគាត់អាចមានពេលវេលាគ្រប់គ្រាន់ក្នុងការជ្រើសរើសទំនិញ។ ម្យ៉ាងវិញទៀត គាត់នឹងមានអារម្មណ៍កក់ក្តៅនៅពេលមកទិញទំនិញក្នុងហាងរបស់អ្នក។

ពាណិជ្ជកម្ម

ការពិតទាំង៤នៃអ្នកចាប់ផ្តើមអាជីវកម្មក្នុងឆ្នាំដំបូង

By

bunneath Heng

-

0

បើសិនជាអ្នកខ្លាចភាពលំបាកដូចជាភាពតានតឹង(ស្រ្តេស) ឬការប្រថុយនឹងគ្រោះថ្នាក់ អ្នកមិនគួរបើកអាជីវកម្មឡើយ។ ភាពជាសហគ្រិនអ្នកត្រូវការបេះដូងដ៏រឹងមាំដែលមិនងាយចុះចាញ់គ្រប់ឧបសគ្គព្រោះអ្នកគឺមានទំនួលខុសត្រូវលើអនាគតរបស់ខ្លួនឯង បុគ្គលិក និងគ្រួសារផងដែរ។ អ្នកពិតជាត្រូវការភាពអត់ធ្មត់ ការប្រឹងប្រែង និងការព្យាយាម ទោះបីជាអ្នកមិនប្រាកដថាអ្នកនឹងទទួលបានជោគជ័យក៏ដោយ។ ខ្ញុំឃើញថាមានម្ចាស់អាជីវកម្មជាច្រើនដែលមិនបានរៀបចំផែនការឲ្យបានច្បាស់លាស់នោះឡើយ។ ជាទូទៅបញ្ហាដែលនឹងអាចកើតមានឡើងដែលយើងនឹកស្មានមិនដល់នៅពេលឆ្នាំដំបូងគឹមានច្រើនណាស់។ ប៉ុន្តែបើសិនជាអ្នកឆ្លងផុតដំណាក់កាលនៃការបើកអាជីវកម្មក្នុងឆ្នាំដំបូងបាននោះភាគរយដែលអ្នកអាចរក្សាអាជីវកម្មរបស់អ្នកឲ្យទទួលបានជោគជ័យគឺមានអាត្រាខ្ពស់។ ខាងក្រោមនេះគឺអ្វីដែលអ្នកគួរពិចារណាមុនពេលដែលអ្នកចាប់បើកអាជីវកម្មឆ្នាំដំបូងរបស់អ្នក៖

ភាពជាសហគ្រិនអ្នកត្រូវការបេះដូងដ៏រឹងមាំដែលមិនងាយចុះចាញ់គ្រប់ឧបសគ្គ

១. អ្នកត្រូវការបុគ្គលិក

អ្នកប្រហែលជាគិតថាអ្នកធ្វើអ្វីគ្រប់យ៉ាងក្នុងអាជីវកម្មរបស់អ្នកដោយខ្លួនឯងបានព្រោះអ្នកគិតថាអ្នកឆ្លាតក្នុងការបង្កើតអាជីវកម្ម។ ដូចច្នេះហើយអ្នកគិតថាអ្នកអាចគ្រប់គ្រងកិច្ចការគ្រប់យ៉ាងបានដោយខ្លួនឯងទាំងអស់។ បើសិនជាអ្នកមិនចង់ឈឺក្បាលចំពោះអាជីវកម្មរបស់អ្នកខ្លាំងពេកទេ អ្នកគួរជ្រើសរើសមនុស្សឲ្យបានសក្តិសមមកជួយកិច្ចការអ្នក។ អ្នកគួរគិតថាមុខជំនាញមួយចំនួនត្រូវការអ្នកដែលមានជំនាញច្បាស់លាស់។ ឧទាហរណ៍ ជំនាញគណនេយ្យ ជំនាញបង្កើតគេហទំព័រជាដើមព្រោះអ្នកគ្មានជំនាញច្បាស់លាស់គ្រប់បែបយ៉ាងដើម្បីជួយអាជីវកម្មអ្នកឲ្យបានគ្រប់ជ្រុងជ្រោយទេ។ ម្យ៉ាងវិញទៀត អ្នកក៏ត្រូវការមនុស្សជួយក្នុងការទំនាក់ទំនងជាមួយអតិថិជន។ ដូចច្នេះ អ្នកអាចយកពេលវេលាទៅផ្តោតលើការងាររដ្ឋបាលនិងរិះរកគំនិតយុទ្ធសាស្រ្តធ្វើទីផ្សារបាន។ នៅពេលដែលអ្នកមានបុគ្គលិកដែលមានបទពិសោធន៍ធ្វើការជាមួយអ្នក ពួកគេអាចជួយកាត់បន្ថយបញ្ហាដែលកើតមានឡើងបាន។

២. អ្នកគួរតែស្គាល់អតិថិជនគោលដៅរបស់អ្នក

កំហុសមួយទៀតដែលខ្ញុំតែងតែឃើញគឺម្ចាស់អាជីវកម្មជាច្រើនគាត់គិតថាគាត់មានគំនិតអស្ចារ្យសម្រាប់អាជីវកម្មរបស់គាត់។ ផ្ទុយទៅវិញ គាត់មិនបានសិក្សាស្រាវជ្រាវឲ្យបានច្បាស់លាស់ថាតើនរណាខ្លះដែលជាអ្នកប្រើប្រាស់ផលិតផល ឬសេវាកម្មរបស់គាត់។ ទង្វើបេបនេះអាចធ្វើឲ្យអាជីវកម្មរបស់គាត់ដួលរលំបាន។ ចូរចងចាំថាបើអាជីវកម្មរបស់អ្នកគ្មានអតិថិជនទេគឺមិនអាចទទួលបានជោគជ័យឡើយ។ ដូចនេះអ្នកត្រូវស្គាល់អតិថិជនរបស់អ្នកឲ្យបានច្បាស់ថាតើពួកគាត់ត្រូវការអ្វីដើម្បីអ្នកបំពេញចិត្តពួកគាត់។ នេះហើយគឺជាជំហានដែលនាំអ្នកឆ្ពោះទៅកាន់ភាពជោគជ័យ។

៣. អ្នកមិនអាចកំណត់ប្រាក់ចំណេញ

នៅកំឡុងពេលដែលអ្នកបើកអាជីវកម្មនៅឆ្នាំដំបូង អ្នកនឹងត្រូវចំណាយច្រើនទៅលើអាជីវកម្មរបស់អ្នក។ ដូចនេះហើយអ្នកត្រូវមានការរៀបចំហិរញ្ញវត្ថុឲ្យបានច្បាស់លាស់ បើពុំដូចនោះទេអ្នកនឹងត្រូវស្រេ្តសពីបញ្ហាទាំងនោះ។ វាជាការប្រសើរ បើសិនជាអ្នកមានប្រាក់សន្សំផ្ទាល់ខ្លួនដោយអ្នកអាចយកលុយទាំងនោះដើម្បីទប់ទល់នឹងបញ្ហាហិរញ្ញវត្ថុបាននិងមិនបាច់ត្រូវខ្ចីអ្នកដទៃ។

៤. អាជីវកម្មថ្មីតិចតួចប៉ុណ្ណោះដែលអាចដំណើរការបានលើសពី២ឆ្នាំ

ការធ្វើជំនួញពិតជាពិបាក បើចង់ឲ្យវាជោគជ័យគឺរឹតតែពិបាកជាងការគិតរបស់អ្នកទៅទៀត។ ខ្ញុំនិយាយបែបនេះមិនមែនចង់បំភ័យអ្នកនោះទេ ប៉ុន្តែខ្ញុំចង់ឲ្យអ្នករៀបចំផែនការធុរកិច្ចរបស់អ្នកឲ្យបានច្បាស់លាស់ទុកជាទុនបម្រុងដើម្បីជំនះឧបសគ្គទាំងអស់ដែលអ្នកនឹងត្រូវប្រឈមមុខ។ គ្មានរូបមន្តឬមន្តអាគមណាអាចធ្វើឲ្យអាជីវកម្មរបស់អ្នកទទួលបានជោគជ័យនោះទេ បើសិនជាអ្នកមិនចំណាយពេលដើម្បីត្រិះរិះនិងរៀបចំគម្រោងអាជីវកម្មរបស់អ្នកឲ្យបានច្បាស់លាស់នោះទេ។

ពាណិជ្ជកម្ម

យុទ្ធសាស្ត្រទាំង៤ដែលអាចជួយទាក់ទាញអតិថិជន

By

Theara So

-

0

មិនខ្វល់ថាក្រុមហ៊ុនអ្នកជាក្រុមហ៊ុនដែលធំឬតូចនោះទេ ការចាប់យកអតិថិជនគោលដៅគឺជាកិច្ចការដែលពិបាកបំផុត។ ការប្រាស្រ័យទាក់ទងជាមួយអតិថិជនទាំងចាស់ឬថ្មីនិងការចូលរួមពីពួកគាត់អាចធ្វើឲ្យផលិតផលរបស់អ្នករីកចម្រើន។ ការផ្សារភ្ជាប់ទៅរកអតិថិជនមានច្រើនរបៀបដូចជា ការបង្កើតគេហទំព័រ ចែកចាយព័ត៌មានតាមរយៈទូរស័ព្ទឬក៏អ៊ីមែលជាដើម។ ចំពោះអ្នកដែលទើបចាប់ផ្តើមបើកអាជីវកម្មអ្នកគួរតែអនុវត្តតាមចំណុចខាងក្រោមនេះដែលអាចជួយអ្នកងាយស្រួលក្នុងការទាក់ទាញអតិថិជន។

១. ស្គាល់ពីអតិថិជន

ការផ្សារភ្ជាប់ជាមួយអតិថិជនគឺជាផ្នែកសំខាន់មួយនៅក្នុងការធ្វើទីផ្សារ។ ការផ្សព្វផ្សាយពាណិជ្ជកម្មជាដំណភ្ជាប់មួយដ៏សំខាន់បំផុតរវាងអាជីវកម្មអ្នកនឹងអតិថិជន។ គេនឹងដឹងថាអាជីវកម្មរបស់អ្នកគួរតែស្ថិតក្នុងជម្រើសរបស់គេឬអត់តាមរយៈការផ្សព្វផ្សាយរបស់អ្នក។ ហេតុនេះហើយអ្នកត្រូវស្គាល់ពីអតិថិជនគោលដៅរបស់អ្នកឲ្យបានច្បាស់ដោយអ្នកត្រូវដឹងថាលក់ទៅឲ្យអ្នកណា ផលិតផលបែបណាសមទៅនឹងអតិថិជនប្រភេទណា ឬគួររើសទីតាំងណាដើម្បីលក់ជាដើម។ ជួនកាលអតិថិជនដែលអ្នកកំពុងផ្សព្វផ្សាយទៅដល់អាចខុស មិនមែនជាក្រុមអតិថិជនពិតប្រាកដរបស់អ្នកក៏ថាបាន។

២. ប្រើប្រាស់យុទ្ឋសាស្រ្តចាប់យកអតិថិជនគោលដៅ

ការធ្វើទីផ្សារនិងការធ្វើទំនាក់ទំនងកត្តាសំខាន់នៅក្នុងពាណិជ្ជកម្ម។ វាតែងតែត្រូវបានគេលើកយកមកនិយាយព្រមគ្នាជាមួយនឹងពេលដែលអាជីវករចង់បង្កអ្វីថ្មីនៅក្នុងទីផ្សាររបស់ពួកគេ។ ដើម្បីឲ្យការធ្វើទីផ្សារបានសម្រេចពួកគេត្រូវតែមានការផ្សាភ្ជាប់ជាមួយអតិថិជនដោយពួកគេត្រូវបង្កើតយុទ្ធសាស្រ្តថាតើត្រូវចាប់យកអតិថិជនដោយរបៀបណា។

៣. ត្រូវមានបុគ្គលិកជំនាញ

ការធ្វើជំនួញគឺត្រូវតែមានធនធានគ្រប់គ្រាន់ ដើមទុន និងមនុស្សដែលមានសមត្ថភាព។ ដើម្បីអាចទាក់ទាញអតិថិជនបាននោះ ក្រុមហ៊ុនរបស់អ្នកគួរតែធ្វើការផ្សព្វផ្សាយតាមប្រព័ន្ធឌីជីថលដែលមានដូចជា Facebook និង Instagram ជាដើមដែលវាសុទ្ធសឹងតែជាបណ្តាញដែលល្បីល្បាញមានមនុស្សជាច្រើនកំពុងប្រើប្រាស់។ មិនមែនមានន័យថាគ្រាន់តែដាក់ផ្សព្វផ្សាយប៉ុណ្ណឹងអាចឲ្យអតិថិជនស្គាល់អ្នកបាននោះទេ។ អ្នកត្រូវតែមានបុគ្គលិកដែលមានជំនាញខាងឌីជីថលឲ្យជាក់លាក់នោះគេនឹងអាចមានវិធីសាស្រ្តចាប់យកអតិថិជន។

៤. កុំខ្លាចក្នុងការសាកល្បង

បណ្តាញឌីជីថលគឺតែងតែមានភាពផ្លាស់ប្តូរជានិច្ច។ សម្រាប់អ្នកដែលទើបប្រឡូកក្នុងវិស័យពាណិជ្ជកម្ម អ្នកមិនគួរខ្លាចក្នុងការសាកល្បងនោះទេ។ អ្នកអាចមានភាពលំបាកនៅពេលដំបូងដែលត្រូវជ្រៀតខ្លួនចូលទៅក្នុងបណ្តាញសង្គមដោយអ្នកត្រូវព្យាយាមខ្លាំងឲ្យគេស្គាល់ពីក្រុមហ៊ុនរបស់អ្នក។ អ្នកប្រហែលជាមានភាពលំបាកតែការសាកល្បងនេះអាចនឹងធ្វើឲ្យអ្នកជោគជ័យនិងទទួលបានការចាប់អារម្មណ៍ពីអតិថិជនច្រើន។

ពាណិជ្ជកម្ម

តើអ្វីជាឯកអគ្គរាជទូតនៃម៉ាកសញ្ញា(Brand Ambassador)?

By

Sreylen Vong

-

0

ឯកអគ្គរាជទូតនៃម៉ាកសញ្ញាគឺជាមនុស្សម្នាក់ដែលផ្សព្វផ្សាយពីផលិតផលនិងសេវាកម្មរបស់អាជីវកម្មធុនតូច។ ពួកគេបង្កើនការលក់របស់អាជីវកម្មធុនតូចដោយការធ្វើឲ្យគេស្គាល់អំពីម៉ាកសញ្ញានៃអាជីវកម្មនោះ។ ពួកគេអាចជាមនុស្សដែលអ្នកជួលពីខាងក្រៅមក បុគ្គលិកឬអ្នកដែលមកធ្វើការស្មគ្រ័ចិត្តជាដើម។

តើឯកអគ្គរាជទូតនៃម៉ាកសញ្ញាមានប៉ុន្មានប្រភេទ?

ឯកអគ្គរាជទូតនៃម៉ាកសញ្ញាមានជាច្រើនប្រភេទផ្សេងៗគ្នាដែលអ្នកអាចជ្រើសរើសបាន។ មានម្ចាស់អាជីវកម្មធុនតូចមួយចំនួនជ្រើសរើសធ្វើជាឯកអគ្គរាជទូតនៃម៉ាកសញ្ញារបស់គេដោយខ្លួនឯងនិងខ្លះទៀតជួលអ្នកដែលមានរបៀបវិជ្ជាជីវៈស្រាប់មក។

តើឯកអគ្គរាជទូតធ្វើអ្វីឲ្យពិតប្រាកដ?

បើយើងមើលទៅការងាររបស់ឯកអគ្គរាជទូតនៃម៉ាកសញ្ញាឃើញថាងាយស្រួល ប៉ុន្តែការងារនោះច្រើនជាងអ្វីដែលយើងមើលឃើញទៅទៀត។ បើទោះបីជាឯកអគ្គរាជទូតត្រូវបានជួលមកដោយបង់ប្រាក់ឬមិនបង់ប្រាក់ក្តី ការងាររបស់ពួកគេគឺត្រូវធ្វើឲ្យអតិថិជនមើលមកក្រុមហ៊ុនថាល្អ។ ជាពិសេសអ្នកដែលបានជួលមកដោយបង់ប្រាក់មានទំនួលខុសត្រូវផ្សេងៗទៀតផងដែរ។ ឧទាហរណ៍៖ ជាញឹកញប់ពួកគេត្រូវទទួលខុសត្រូវក្នុងការអភិវឌ្ឍន៍គំនិតទីផ្សារ និងធ្វើការប្រមូលផ្តុំនូវការឆ្លើយតបណាដែលមានប្រយោជន៍ពីអតិថិជន។ ពួកគេគឺដូចជាបុគ្គលិកដែរហើយនិងត្រូវចូលរួមការប្រជុំទៀតផង។

ឯកអគ្គរាជទូតមួយចំនួនផុសពីផលិតផលនិងសេវាកម្មរបស់អ្នក។ អ្នកខ្លះទៀតចូលរួមកម្មវិធីផ្សេងៗដើម្បីផ្សព្វផ្សាយពីផលិតផលរបស់អ្នក។

ត្រូវចាំទុកក្នុងចិត្តថាឯកអគ្គរាជទូតដែលល្អនឹងអាចមានប្រយោជន៍ទៅកាន់ទីផ្សារគោលដៅជាក់លាក់ណាមួយតែប៉ុណ្ណោះ។ មានក្រុមហ៊ុនមួយចំនួនបានបង្កើតកំហុសឆ្គងដោយព្យាយាមជ្រើសរើសឯកអគ្គរាជទូតដែលអាចមានប្រយោជន៍ចំពោះមនុស្សជាច្រើនតាមដែលអាចទៅរួច។ នៅទីបំផុត ពួកគេធ្វើឲ្យអាជីវកម្មបរាជ័យពីព្រោះគេមិនបានផ្តោតទៅលើមនុស្សមួយក្រុមណាឲ្យជាក់លាក់នោះទេ។

តើអាជីវកម្មធុនតូចអាចស្វែងរកឯកអគ្គរាជទូតនៃម៉ាកសញ្ញារបស់គេបាននៅកន្លែងណា?

អាជីវកម្មធុនតូចអាចស្វែងរកឯកអគ្គរាជទូតនៃម៉ាកសញ្ញារបស់គេបាននៅកន្លែងជាច្រើន។ ពួកគេអាចប្រើប្រាស់សិស្សនិស្សិត និងទំនាក់ទំនងរបស់គេដើម្បីផ្សព្វផ្សាយពីផលិតផលនិងសេវាកម្ម បើសិនជាផលិតផលរបស់គេសម្រាប់អ្នកដែលមានវ័យនេះ។ អាជីវកម្មធុនតូចក៏អាចប្រើបា្រស់ពួកអ្នកសរសេរblog និងអ្នកដែលមានឥទ្ធិពលនៅក្នុងផ្នែកឌីជីថលដូចជាពួកអ្នកជំនាញខាងទីផ្សារ។ ម៉ាកសញ្ញាក៏អាចប្រើប្រាស់មនុស្សល្បីៗដែលមានអ្នកតាមដានគាត់ជាច្រើននៅលើបណ្តាញសង្គមមកធ្វើការផ្សព្វផ្សាយ តែឯកអគ្គរាជទូតប្រភេទនេះភាគច្រើនសម្រាប់តែក្រុមហ៊ុនធំៗតែប៉ុណ្ណោះព្រោះមានតម្លៃថ្លៃ។ ក្រុមហ៊ុនក៏អាចធ្វើការជួលនូវឯកអគ្គរាជទូតនៃម៉ាកសញ្ញាដូចជាបុគ្គលិកធម្មតាផងដែរ។ សរុបមក ម្ចាស់អាជីវកម្មធុនតូចគួរតែជ្រើសរើសអ្នកដែលមានឥទ្ធិពលនៅក្នុងផ្នែកទីផ្សារណាដែលមិនចាំបាច់ចំណាយច្រើន ហើយអាចមានសក្តានុពលទៅកាន់អតិថិជនគោលដៅ។

តើអាជីវកម្មធុនតូចគួរវាស់ស្ទង់ប្រសិទ្ធិភាពរបស់ឯកអគ្គរាជទូតនៃម៉ាកសញ្ញាយ៉ាងដូចម្តេច?

ការវាស់ស្ទង់ប្រសិទ្ធិភាពរបស់ឯកអគ្គរាជទូតនៃម៉ាកសញ្ញាគឺដូចជាការវាស់ស្ទង់នូវគន្លឹះមួយចំនួនដែរ។ អ្វីដែលសំខាន់បំផុតគឺចំនួនមនុស្សដែលចូលមកមើលផុសរបស់គេនោះប៉ុន្មាន និងការចូលរួមជាមួយនឹងមាតិកា(content)ដែលគេបានផុសនោះ។

មួយទៀតគឺត្រូវមើលទៅលើភាពខុសគ្នានៃចំនួនក្នុងការលក់មុនពេលនិងក្រោយពេលដែលបានជួលឯកអគ្គរាជទូតមកនិងត្រូវកំណត់ថាការលក់ទាំងនោះវាត្រូវនឹងគោលដៅទីផ្សារដែលបានកំណត់ចំពោះឯកអគ្គរាជទូតនៃម៉ាកសញ្ញា។

តើអ្នកនឹងទទួលបានសារៈប្រយោជន៍អ្វីខ្លះពីការជួលឯកអគ្គរាជទូតនៃម៉ាកសញ្ញាមក?

នៅពេលដែលអ្នកជ្រើសរើសមនុស្សដែលត្រូវនឹងការងារនោះ គេនឹងនាំមកនូវការតាមដានពីប្រព័ន្ធផ្សព្វផ្សាយនិងកេរ្តិ៍ឈ្មោះរបស់អ្នកឲ្យល្អជាក់ជាមិនខានឡើយ។ គេបានផ្សព្វផ្សាយពីផលិតផលនិងសេវាកម្មរបស់អ្នកតាមរយៈអនឡាញនិងជួយឲ្យការលក់របស់អ្នកកើនឡើង។

តើអាចនឹងមានផលអវិជ្ជមានអ្វីខ្លះ?

វាមិនមានភាពងាយស្រួលនោះទេនៅក្នុងការគ្រប់គ្រងពួកគេ។ ប្រសិនបើគេមិនមែនជាបុគ្គលិករបស់អ្នកនោះទេ ពួកអាជីវកម្មធុនតូចនឹងមិនមានសិទ្ធិគ្រប់គ្រាន់នៅក្នុងការគ្រប់គ្រងពួកគេទេ។ ដូច្នោះហើយអ្នកគួរត្រូវរកមនុស្សណាដែលអាចទុកចិត្តនិងគ្រប់គ្រងបាន។

ពួកគេអាចនឹងល្បីជាងផលិតផលរបស់អ្នក

ឯកអគ្គរដ្ឋទូតដែលល្បីល្បាញមា្នក់ឬអ្នកដែលមានគេតាមដានច្រើននៅតាមប្រព័ន្ធអនឡាញក៏អាចធ្វើឲ្យកេរ្តិ៍ឈ្មោះរបស់ផលិតផលរបស់អ្នកចុះអន់ថយដែរ។ ជាពិសេសគឺនៅពេលដែលពួកគេមានរឿងអាស្រូវមិនល្អ។

ប្រភព៖ https://smallbiztrends.com

ពាណិជ្ជកម្ម

៦វិធីសាស្ត្រដែលជួយគ្រប់គ្រងភាពខ្វះខាតបុគ្គលិក

By

Pisey So

-

0

បុគ្គលិកគឺជាកម្លាំងស្នូលនៅក្នុងក្រុមហ៊ុន។ ហេតុនេះការខ្វះខាតបុគ្គលិកក៏នាំឲ្យដំណើរការនៃប្រតិបត្តិការនៅក្នុងអាជីវកម្មមួយមានការរអាក់រអួលដែរ។ មិនត្រឹមតែប៉ុណ្ណោះវានាំឲ្យអាជីវកម្មឈានទៅដល់ការខាតបង់ប្រាក់ចំណេញ អតិថិជនអស់ជំនឿចិត្ត ឬឈានដល់ការបិទទ្វារឬក្ស័យធនជាដើមក៏មាន។ នៅកំឡុងពេលដែលក្រុមហ៊ុនមិនទាន់អាចរកអ្នកដែលមានសមត្ថភាពគ្រប់គ្រាន់មកបំពេញដំណែងណាមួយបាន ផ្នែកគ្រប់គ្រងធនធានមនុស្សត្រូវរកដំណោះស្រាយដើម្បីចាត់ចែងបញ្ហាខ្វះខាតកម្លាំងពលកម្មទាំងនោះ។ គេសង្កេតឃើញថាមានវិធីជាច្រើនដែលគេអាចប្រើដើម្បីយកទៅអនុវត្តប្រកបដោយប្រសិទ្ធភាពដូចជា៖

បង្កើនម៉ោងធ្វើការបុគ្គលិក

វាគឺជាវិធីការបង្គាប់បញ្ជាឲ្យបុគ្គលិកប៉ុន្តែក្នុងនាមជាអ្នកគ្រប់គ្រងឬម្ចាស់អាជីវកម្មក៏ត្រូវគោរពតាមច្បាប់ការងារដែរ។ ប្រសិនបើការងារមានច្រើនប៉ុន្តែក្រុមហ៊ុនអ្នកនៅខ្វះមនុស្សអ្នកអាចស្នើឲ្យពួកគេតម្លើងម៉ោងធ្វើការរបស់គេដោយមានការគណនាប្រាក់បន្ថែមម៉ោងក្រៅពីម៉ោងធ្វើការធម្មតាឲ្យបានត្រឹមត្រូវតាមច្បាប់។ ជាពិសេសមិនថាអ្នកជាម្ចាស់ក្រុមហ៊ុនក៏ដោយក៏អ្នកគ្មានសិទ្ធិនឹងគម្រាមកំហែងគេឲ្យធ្វើការឲ្យអ្នកដែរ អ្នកត្រូវរង់ចាំការស្ម័គ្រចិត្តពីគេជាមុនសិន។ អ្នកត្រូវចៀសវាងការប្រើប្រាស់អំណាចរំលោភបំពានលើសិទ្ធិរបស់បុគ្គលិកជាដាច់ខាត។

អនុវត្តវិធីផ្សេងឲ្យបុគ្គលិកធ្វើការ

ដោយសារតែបច្ចេកវិទ្យាសព្វថ្ងៃមានការរីកចម្រើនជាលំដាប់ដែលវាជាជំនួយដល់ការធ្វើការរបស់មនុស្សបានច្រើនណាស់ដោយពួកគេអាចធ្វើការនៅទីណាក៏បាន។ ហេតុនេះអ្នកគ្រប់គ្រងអាចស្នើឲ្យបុគ្គលិកយកការងារទៅធ្វើនៅផ្ទះឬកន្លែងណាក៏បានក្រៅពីការិយាល័យរបស់គេបន្ថែមទៀតដើម្បីឲ្យពួកគេអាចបញ្ចប់ការងារបានទាន់ពេលវេលា។ វាពិតជាមិនមានភាពពិបាកឡើយព្រោះអ្នកអាចប្រើកម្មវិធីតភ្ជាប់គ្នាដើម្បីទំនាក់ទំនងធ្វើការបានច្រើនយ៉ាងអាស្រ័យលើប្រភេទការងារនីមួយៗ។ ម្យ៉ាងទៀតអ្នកអាចពិភាក្សាជាមួយបុគ្គលិកពីកិច្ចការណាខ្លះដែលគេអាចជួយបាននិងប្រាក់ឈ្នួលដែលសមស្របគេអាចទទួលយកបានព្រោះថាទោះបីជាពួកគេជាបុគ្គលិកមែនតែគេបានប្រើប្រាស់ពេលវាលាផ្ទាល់ខ្លួនមកធ្វើការ។

ស្វែងរកបុគ្គលិកឬក្រុមហ៊ុនពីខាងក្រៅ

វាគឺជាវិធីល្អមួយនៅពេលដែលអ្នកខ្វះខាតបុគ្គលិកឬអ្នកគិតថាផ្នែកដែលអ្នកខ្វះនោះគឺមិនសូវជាចាំបាច់ប៉ុន្មានទេ។ វាក៏ចាប់ផ្តើមមានការពេញនិយមជាបណ្តើរៗជាពិសេសសម្រាប់ក្រុមហ៊ុនធំៗព្រោះថាវាចំណាយអស់តិច។ អ្នកអាចរកក្រុមហ៊ុនផ្សេងដោយឲ្យគេចុះកុងត្រាធ្វើផ្នែកណាមួយមកឲ្យក្រុមហ៊ុនរបស់អ្នករហូតដល់កិច្ចការនោះចប់សព្វគ្រប់ឬដល់ពេលដែលអ្នកអាចរកបុគ្គលិកមកចូលក្នុងដំណែងនោះបានត្រឹមត្រូវហើយ។ ចំណែកបុគ្គលិកវិញបុគ្គលិកពេញសិទ្ធិយើងត្រូវការចំណាយច្រើនទៅលើប្រាក់ខែ ធានារ៉ាប់រង ថ្លៃត្រួតពិនិត្យសុខភាព ធ្មេញ និងប្រាក់សោធននិវត្តន៍ជាដើម។ ប៉ុន្តែបើអ្នករើសបុគ្គលិកពីខាងក្រៅអ្នកនឹងមិនសូវព្រួយបារម្ភពីបញ្ហាទាំងនោះទេព្រោះអ្នកអាចជួលគេក្នុងនាមជាបុគ្គលិកក្រៅក្របខ័ណ្ឌបាន។ មួយវិញទៀតអ្នកអាចជួលបុគ្គលិកពីក្រុមហ៊ុនផ្គត់ផ្គង់បុគ្គលិកដូចជា MPA ជាដើម។

កាត់បន្ថយការលាឈប់របស់បុគ្គលិក

នៅកំឡុងពេលខ្វះខាតបុគ្គលិកបែបនេះអ្នកត្រូវធ្វើយ៉ាងណាកុំឲ្យបុគ្គលិកចាកចេញព្រោះថាវានឹងបណ្តាលឲ្យដំណើរការរបស់ក្រុមហ៊ុនកាន់តែពិបាក។ បើពួកគេមានបំណងចង់ឈប់អ្នកគួរសាកសួរពីហេតុផលរបស់គេឲ្យបានច្បាស់លាស់និងដឹងពីតម្រូវការពិតប្រាកដរបស់គេដូចជាការអភិវឌ្ឍជំនាញ ប្រាក់ខែ ប្រាក់លើកទឹកចិត្តផ្សេងៗជាដើម។

យកអ្នកដែលចូលនិវត្តន៍ហើយត្រឡប់មកធ្វើការវិញ

មនុស្សដែលបានចូលនិវត្តន៍ហើយមានន័យថាពួកគាត់ជាមនុស្សចាស់ដែលមានបទពិសោធន៍ច្រើននិងជាវ័យដែលឈប់ប្រលងប្រជែងដណ្តើមផលប្រយោជន៍ទៀតហើយ។ អ្នកអាចយកពួកគាត់មកធ្វើការវិញក្នុងនាមជាបុគ្គលិកកុងត្រាសម្រាប់មកជួយជាអ្នកប្រឹក្សាយោបល់លើការសម្រេចចិត្ត និងចែករំលែកបទពិសោធន៍ដែលគាត់មានដល់បុគ្គលិកឯទៀតដោយផ្តល់ប្រាក់បៀវត្សរ៍តិចជាងមុន។

អាជីវកម្មនឹងមិនរលំឡើយបើអ្នកមានភាពវ័យឆ្លាតដោះស្រាយបញ្ហានិងប្រើប្រាស់ធនធានឲ្យអស់ពីលទ្ធភាព។

ឯកសារយោង៖ books.google.com.kh

www.coursehero.com

ពាណិជ្ជកម្ម

Call to actionនៅលើបណ្តាញសង្គម

By

Pisey So

-

0

អ្វីទៅជាCall to Action? តើវាមានប្រយោជន៍ដូចម្តេចខ្លះចំពោះការធ្វើទីផ្សារនៅលើបណ្តាញសង្គម? ជាការពិតCall to action ពិតជាមានប្រយោជន៍ណាស់។ គេប្រើវាក្នុងគោលបំណងជម្រុញសកម្មភាពរបស់អ្នកមើលឬអ្នកអានឲ្យមានអារម្មណ៍ថាគេត្រូវតែប្រញាប់ធ្វើសកម្មភាព បើមិនដូច្នោះទេគេនឹងហួសពេលឬខកខានការទទួលបានចំណេះដឹងឬព័ត៌មានបន្ថែមបន្តទៀត។ ចំពោះប្រយោគដែលគេប្រើដើម្បីបង្ហាញពីCall to action គឺគេចូលចិត្តប្រើប្រយោគសំណួរ (?) ឬ ប្រយោគឧទាន (!) ដើម្បីពញ្ញាក់អារម្មណ៍អ្នកអានឲ្យកាន់តែដឹងថាគេពិតជាត្រូវប្រញាប់ធ្វើសកម្មភាពដោយខានមិនបាន។ ប៉ុន្តែនេះមិនមែនមានន័យថាគេមិនអាចប្រើប្រយោគស្របនោះទេ។

ភាគច្រើនគេឃើញការប្រើប្រាស់ពាក្យទាំងឡាយបង្ហាញពីCall to Action នៅក្នុងការប្រកួតប្រជែង លេងល្បែងកម្សាន្ត ផុស(ទាំងរូបភាពនិងវីដេអូ) សម្រាប់ឲ្យអ្នកមើលធ្វើសកម្មភាពបន្តទៀត ឬការផ្សព្វផ្សាយ(Promotion)ជាដើម។ ដើម្បីឲ្យលោកអ្នកអានកាន់តែច្បាស់បន្ថែមអំពីរបៀបប្រើប្រាស់Call to Actionនៅលើបណ្តាញសង្គម ថ្ងៃនេះគំនិតនឹងលើកយកអត្ថបទមួយដែលបង្ហាញពីវិធីសាស្ត្រប្រើប្រាស់Call to Action ប្រកបដោយប្រសិទ្ធភាពភ្ជាប់ជាមួយឧទាហរណ៍មួយចំនួនផងដែរ៖

#១ ស្នើសុំឬផ្តល់ឲ្យអ្នកមើល

គេប្រើពួកវាដើម្បីឲ្យអ្នកអានធ្វើសកម្មភាពបន្តទៀត។ ម្យ៉ាងទៀត គេក៏មានបំណងទាក់ទាញចំណាប់អារម្មណ៍របស់អ្នកអានបានកាន់តែប្រសើរផងដែរ។

ទាំងនេះជាឧទាហរណ៍៖

អ្នកទាំងអស់គ្នា! តើចង់ឈ្នះរង្វាន់ពីក្រុមហ៊ុនយើងដែរឬទេ?
ដូចនេះ សូមចាប់ផ្តើម…
តោះមកលេងហ្គេមសប្បាយៗ…
សាកល្បង!
សាកល្បងឥឡូវដនេះ អ្នកនឹងឈ្នះ!
ចូលរួមជាមួយពួកយើងនៅថ្ងៃនេះ!
តើអ្នកពិតជាចង់ក្លាយជាអ្នកមានមែនទេ? អាននៅទីនេះ!
ចុះឈ្មោះឥឡូវនេះ!
(បង្ហាញពីលក្ខណៈបុគ្គលរបស់អ្នក) ខ្ញុំស្រលាញ់Follower របស់ខ្ញុំ! ខ្ញុំដឹងថាអ្នកក៏ចង់បានបែបហ្នឹងដែរ! ចុចFollow នៅខាងក្រោម!
ផ្ញើវាទៅកាន់មិត្តភក្តិរបស់អ្នកនៅលើ Facebook, Twitter, Instagram…
ទម្លាប់នៃការសរសេរគឺពិតជាមានតម្លៃណាស់! Sign up សម្រាប់ការប្រកួតប្រជែងសំណេរ៣០ថ្ងៃ
មើលថាមានអ្វីបន្ថែមទៀត!
ចូលរួមដោយឥតគិតថ្លៃ
ចុច Like ឬ Subscribe សម្រាប់ព័ត៌មានឬវីដែអូបន្ថែម
បរិច្ចាគឥលូវនេះដើម្បីជួយដល់…
ចុចនៅទីនេះដើម្បីអានអត្ថបទបន្ថែម
ចុចមើលវីដេអូឬរូបភាពបន្ថែមទៀត
Sign up ឥឡូវនេះ
Like ពួកយើងនៅលើហ្វេសប៊ុក
Download App
………………………………….

#២ ប្រាប់ពីកាលបរិច្ឆេទ

វាជាការប្រាប់ទៅដល់អ្នកមើលពីរយៈពេលដែលគេនៅសល់ឬពេលដែលគេអាចទិញទំនិញនោះ។

នៅសល់តែប៉ុន្មានថ្ងៃទៀតប៉ុណ្ណោះ! សូមប្រញាប់ឡើង!
ត្រឹមតែ២០ថ្ងៃទៀតប៉ុណ្ណោះ!
កុំបង្អង់យូរ!
ផុតកំណត់នៅថ្ងៃទៅ៣១ខែធ្នូនេះហើយ!
ត្រឹមតែរយៈពេលខ្លីតែប៉ុណ្ណោះ!
ការបញ្ចុះតម្លៃគឺប្រព្រឹត្តទៅចាប់ពីថ្ងៃទី១៥ខែកញ្ញាដល់ថ្ងៃទី២០ខែកញ្ញា
ទិញមួយថែមមួយរៀងរាល់ថ្ងៃអង្គារ
………………………………………….

#៣ ការទិញទំនិញ

នៅពេលដែលទំព័រហ្វេសប៊ុកជាទំព័រដែលប្រើប្រាស់ដើម្បីទិញទំនិញ គេប្រើប្រាស់ពាក្យទាំងអស់នេះដើម្បីឲ្យអតិថិជនទាក់ទងទិញទំនិញឬរបៀបដែលគេទិញទំនិញ។

ទំនាក់ទំនងមកកាន់ពួកយើង
ខលមកឥឡូវនេះ
ជំនួយ
ទិញឥឡូវនេះ
កុម្មង់ឥឡូវនេះដើម្បីទទួលបានវត្ថុអនុស្សាវរីយ៍ដោយឥតគិតថ្លៃ
សម្រាប់អ្នកទិញចាប់ពី១០$ឡើងនឹងទទួលបានកាដូអនុស្សាវរីយ៍ដ៏ស្រស់ស្អាតមួយភ្លាម
បញ្ចុះតម្លៃចំពោះអតិថិជនដែលមានគ្នាចាប់ពី៥នាក់ឡើងទៅ
ស្វែងរកអាហារដ៏ឈ្ងុយឆ្ងាញ់ដែលមានតម្លៃត្រឹមតែ…
ឆាតមកពួកយើង
ចុចមើលផលិតផលរបស់ពួកយើង
…………………………………

#៤ សុំមតិកែតម្រូវ

ក្នុងគោលបំណងកែលម្អទំព័រហ្វេសប៊ុកឬព័ត៌មានណាមួយរបស់សអ្នកឲ្យកាន់តែប្រសើរឡើង អ្នកអាចប្រើពាក្យទាំងអស់នេះបាន។

សរសេរComment របស់អ្នកនៅខាងក្រោម
Upload វីដេអូឬរូបភាពរបស់អ្នក
ចែករំលែកមតិយោបល់របស់អ្នក
ផ្តល់មតិកែតម្រូវរបស់អ្នកនៅខាងក្រោម
ប្រសិនបើអ្នកមានសំណូមពរបន្ថែម សូមឆាតមកយើងតាមប្រអប់សារ
…………………………………..

ដើម្បីឲ្យ Call to Action របស់អ្នកកាន់តែមានភាពទាក់ទាញ អ្នកអាច

ដាក់ពណ៌នៅជុំវិញប្រយោគទាំងនោះ
ប្រើប្រាស់ពុម្ពអក្សរដែលងាយមើល
ប្រើប្រាស់ប្រយោគខ្លីតែងាយយល់
ប្រើរូបភាពលាយនឹងអក្សរ(អត្ថន័យផ្សាភ្ជាប់គ្នា)៕

ឯកសារយោង៖

Dreamgrow. (2017). 34 Call to Action Examples for Your Social Media Content. Retrieved September, 29, 2017, from www.dreamgrow.com

ពាណិជ្ជកម្ម

ថ្លៃចំណាយនៃការចាប់ផ្តើមហាងមួយ

By

ហេង មុយលី

-

0

តើអ្នកធ្លាប់ចង់បើកហាងផ្ទាល់ខ្លួនទេ? អ្នកដឹងទេថាដើម្បីបើកហាងមួយបាន អ្នកត្រូវចំណាយលើអ្វីខ្លះ?

ការជូលទីតាំង៖ ប្រសិនបើអ្នកមិនមានទីតាំងផ្ទាល់ខ្លួនទេនោះថ្លៃចំណាយដំបូងដែលអ្នកត្រូវប្រើគឺការជួលទីតាំង។ ទីតាំងនៅលើផ្លូវធំគឺមានតម្លៃថ្លៃតែអ្នកនឹងអាចមានភ្ងៀវច្រើន។ ចំណែកឯហាងដែលមានទីតាំងនៅជាយក្រុងមានតម្លៃធូរថ្លៃក៏ពិតមែនប៉ុន្តែវាអាចធ្វើឲ្យអ្នកខាតបង់។ ពេលខ្លះអ្នកក៏អាចរកបានទីតាំងល្អនិងមានអតិថិជនគោលដៅច្រើនជាមួយនឹងថ្លៃជួលសមរម្យដូចជាហាងនៅជាប់សាលារៀនជាយក្រុងជាដើម។ អ្នកគួរតែរកអ្នកជំនាញអចលនទ្រព្យដើម្បីឲ្យគេជួយលើបញ្ហានេះ។
ការចំណាយផ្សេងៗ៖ សម្រាប់ការបើកហាងមួយ ការចំណាយទៅលើរបស់របរប្រើប្រាស់ផ្សេងៗគឺច្រើនណាស់។ ប្រសិនបើអ្នកមិនធ្លាប់ស្ថិតនៅក្នុងអាជីវកម្មនេះពីមុន អ្នកប្រហែលជាដឹងមិនអស់ឡើយថាត្រូវប្រើឧបករណ៍អ្វីខ្លះ។ វាអាស្រ័យថាអាជីវកម្មរបស់អ្នកគឺជាអ្វីប៉ុន្តែជាទូទៅមានដូចជាទឹកភ្លើង ក្រដាស សម្ភារៈក្នុងហាង តុកៅអី ម៉ាស៊ីនត្រជាក់ ទូទឹកកក ឧបករណ៍ប្រើប្រាស់ក្នុងផ្ទះបាយ សម្ភារៈបន្ទប់ទឹកជាដើម។
ការជួសជុលនិងរៀបចំកែលម្អហាង៖ អ្នកត្រូវចំណាយលុយជាច្រើនទៅលើសម្ភារៈដូចជា គ្រឿងសង្ហារឹមនិងជួសជុលកែលម្អហាងរបស់អ្នកទៅតាមម៉ូដដែលអ្នកចង់បានហើយអ្នកនឹងត្រូវការកម្លាំងពលកម្មដើម្បីសម្រួលកិច្ចការទាំងនោះ។
បញ្ជីសារពើភ័ណ្ឌ៖ ហាងលក់ទំនិញ ហាងកាហ្វេ ហាងលក់សម្លៀកបំពាក់ ហាងលក់ផ្កាជាដើមសុទ្ធតែត្រូវការទំនិញស្តុកទុកនិងបញ្ជីទំនិញដែលលក់ដាច់ឬលក់មិនសូវដាច់។ បើអ្នកចាប់ផ្តើមហាងជាលើកដំបូង អ្នកអាចចំណាយអស់ច្រើនទៅលើការទិញទំនិញចូលទៅក្នុងស្តុក។
ធានារ៉ាប់រង៖ អ្នកគួរតែមានការធានារ៉ាប់រងទៅលើបុគ្គលិកនិងមានកញ្ចប់ត្រៀមទុកសម្រាប់ហានិភ័យអាជីវកម្មក្នុងករណីមានបញ្ហាកើតឡើងជាយថាហេតុ។
បច្ចេកវិទ្យា៖ ទំនើបកម្មនៃការប្រើប្រាស់បច្ចេកវិទ្យាគឺជួយសម្រួលដល់កិច្ចការជាច្រើននៅក្នុងអាជីវកម្មសព្វថ្ងៃនេះដូចជាការប្រើប្រាស់កុំព្យូទ័រ ម៉ាស៊ីនព្រីន កូពី កាមេរ៉ាសុវត្ថិភាព កណ្តឹងប្រកាសអាសន្នជាដើម។
ផ្លាកយីហោនិងម៉ាកសញ្ញា៖ អ្នកត្រូវដាក់ផ្លាកយីហោនៅខាងក្រៅហាងជាប់ចិញ្ចើមផ្លូវដើម្បីផ្សព្វផ្សាយ។ លើសពីនេះអ្នកអាចចំណាយទៅលើការតុបតែងរូបរាងហាងដែលអាចឆ្លុះបញ្ចាំងពីម៉ាកសញ្ញាឬការបោះពុម្ពអាវដែលមានម៉ាកសញ្ញាដើម្បីផ្សព្វផ្សាយម៉ាកអាជីវកម្មរបស់អ្នក។
ទីផ្សារ៖ អ្នកត្រូវចំណាយលុយដើម្បីឲ្យគេស្គាល់ដោយបង្កើតគេហទំព័រ ទំព័រលើបណ្តាញសង្គម បោះក្រដាសផ្សព្វផ្សាយ ធ្វើកាតអាជីវកម្មជាដើម។
បុគ្គលិក៖ អ្នកត្រូវចំណាយលុយខ្លះទៅលើការជួលបុគ្គលិកនិងដំណើរការជ្រើសរើសបុគ្គលិក។ អ្នកក៏អាចជួលបុគ្គលិកក្រៅម៉ោងតែក្នុងកំឡុងពេលដែលមមាញឹកខ្លាំងជាដើម។

ពាណិជ្ជកម្ម

ផ្នត់គំនិតទាំង៦ដែលជួយឲ្យអាជីវកម្មរបស់អ្នកប្រសើរឡើង

By

bunneath Heng

-

0

ជាការពិតមិនមែនមនុស្សគ្រប់រូបសុទ្ធតែទទួលបានជោគជ័យក្នុងការបើកអាជីវកម្មនោះទេ តើអ្នកដែលឆ្ងល់ដែរទេថាយើងមានពេល ២៤ម៉ោងលើ២៤ម៉ោងដូចអ្នកដទៃដែរ ប៉ុន្តែការខិតខំប្រឹងប្រែងរបស់យើងមិនទទួលបានផលដូចអ្នកដទៃ? ដូចនេះ អត្ថបទក្នុងថ្ងៃនេះខ្ញុំចង់បង្ហាញឲ្យអ្នកដឹងពីផ្នត់គំនិតរបស់មនុស្សជោគជ័យដែលលោកអ្នកអាចយកទៅសាកល្បងប្រើប្រាស់ក្នុងការគិតរបស់អ្នកបានដើម្បីទទួលបានភាពជោគជ័យដូចពួកគាត់៖

ទី១ ចាប់ផ្តើមដោយមានគោលដៅច្បាស់លាស់

មូលហេតុដែលខ្ញុំលើកចំណុចនេះឡើងដោយសារតែខ្ញុំសង្កេតឃើញថាមនុស្សយើង៩៩ភាគរយមិនមានភាពច្បាស់លាស់ក្នុងការចាប់ផ្តើមធ្វើអ្វីមួយ។ ដូចនះ អ្នកត្រូវសួរខ្លួនឯងឲ្យច្បាស់ថាអ្នកចង់បានភាពជោគជ័យលើអ្វីហើយត្រួវលះបង់អ្វីខ្លះនិងធ្វើកិច្ចការអ្វីខ្លះដើម្បីសម្រេចបានគោលដៅរបស់អ្នក? ឧទារហណ៍ អ្នកចង់រកចំណួលឲ្យបាន$200,000 ក្នុងរយៈពេល៣ឆ្នាំនៃអាជីវកម្មរបស់អ្នក។ ដូចនេះអ្នកត្រូវចាប់ផ្តើមរកវីធីដើម្បីឈានដល់គោលដៅនោះហើយអ្នកត្រូវតែរំឮកខ្លួនឯងរាល់ពេលជាមួយគោលបំណងរបស់អ្នក។

ទី២ ការគ្រប់គ្រងពេលវេលានិងប្រសិទ្ធភាពការងារ

ជាការពិតការគ្រប់គ្រងពេលវេលានិងប្រសិទ្ធភាពការងារគឺជាអ្វីដែលអ្នកគួរតែចាប់ផ្តើមរៀនស្វែងយល់ឲ្យកាន់តែច្បាស់។ ដូចជាសម្ដី លោក Abraham Lincoln បានលើកឡើងថា “ អ្នកឲ្យពេលវេលាខ្ញុំប្រាំមួយម៉ោងក្នុងការកាប់ដើមឈើហើយខ្ញុំនឹងចំណាយពេលមួយម៉ោងក្នុងការសំលៀងពូថៅឲ្យមុត ”។ ហេតុដូចនេះហើយអ្នកអាចស្វែងរកដំបូន្មានចំពោះការគ្រប់គ្រងពេលវេលានិងប្រសិទ្ធភាពការងារតាមរយៈការមើលYoutube សួរមិត្តអ្នកដែលគេជោគជ័យ ជាដើមដើម្បីប្រើប្រាស់ដំបូន្មានទាំងនោះក្នុងការកសាងអាជីវកម្មរបស់អ្នកឲ្យប្រសើរឡើង។

ទី៣ ឆ្លៀតពេលទំនេររបស់អ្នក

អ្នកមិនត្រូវរស់រាល់ថ្ងៃគ្រាន់តែដើម្បីបញ្ចប់ការងារនោះទេ អ្នកត្រូវធ្វើអ្វីដែលប្រសើរជាងនេះ។ ថ្ងៃនិងពេលឈប់សម្រាកគឺជាពេលវេលាទំនេររបស់អ្នក។ អ្នកអាចយកពេលវេលាទាំងនោះមកអានសៀវភៅ ស្តាប់ព័ត៌មាន អានអត្ថបទដែលទាក់ទងនឹងអាជីវកម្មរបស់អ្នក ។ មិនថាអ្នកធ្វើអ្វីទេ អ្នកត្រូវដឹងថាវាជាកិច្ចការដែលមានប្រយោជន៍។

ទី៤ ចេះរៀបចំពេលវេលា

នេះគឺជាចំណុចមួយដែលខ្ញុំឆ្លងកាត់ខ្លួនឯងដោយពីរខែមុនខ្ញុំកើតជំងឺស្ត្រេសនៅពេលដែលជិតចុងឆមាសនៃការសិក្សារបស់ខ្ញុំ។ មូលហេតុដោយសារតែកិច្ចការសាលារបស់គ្រូនីមួយៗមកដំណាលគ្នាពេកហើយខណៈពេលនោះដែល ចំនួននៃអតិថិជនរបស់ខ្ញុំកើនឡើងដែលទាមទារឲ្យខ្ញុំត្រូវផ្គត់ផ្គង់ទំនិញជូនគាត់និងត្រូវជួបគាត់ដើម្បីពិភាក្សារឿងដំណើរការការងារ។ ប៉ុន្តែកិច្ចការទាំងអស់នោះខ្ញុំធ្វើមិនបានជោគជ័យឡើយដោយសារតែខ្ញុំភ្លេចរៀបចំពេលវេលាឲ្យបានត្រឹមត្រូវថាមួយណាចាំបាច់គួរធ្វើមុនហើយកិច្ចការណាដែលខ្ញុំអាចធ្វើតាមក្រោយបាន។

ទី៥ ការហាត់ប្រាណ

អ្នកចង់សម្រេចគោលដៅរបស់អ្នក អ្នកត្រូវមានសុខភាពល្អក្នុងការជម្នះគ្រប់ឧបសគ្គ។ ដូចនេះការហាត់ប្រាណគឺជាប្រការចាំបាច់ដែលអ្នកគួរធ្វើយ៉ាងហោចណាស់ឲ្យបាន៣០នាទីក្នុងមួយថ្ងៃដូចជាការដើរឬរត់តិចៗដោយអ្នកអាចស្តាប់ព័ត៌មានកំឡុងពេលដែលអ្នកកំពុងដើរផងដែរ។

ទី៦ កសាងអាជីវកម្មរបស់អ្នក

អ្នកត្រូវមានផ្នត់គំនិតចង់ឲ្យអាជីវកម្មរបស់អ្នករីកលូតលាស់។ អ្នកមិនគ្រាន់តែធ្វើឲ្យតែបាននោះទេ អ្នកត្រូវយកចិត្តទុកដាក់និងគិតថាអាជីវកម្មគឺសំខាន់ណាស់សម្រាប់អ្នកព្រោះអ្នកកំពុងតែបង្កើតអាជីវកម្មដែលពិតប្រាកដ។ ដូចនេះ អ្នកតែងតែជួបឧបសគ្គជាច្រើនដូចជាមានមនុស្សមួយចំនួនតែងតែចង់ឃើញអ្នកអន់ថយជាងឃើញអ្នកប្រសើរឡើង វិបត្តិហិរញ្ញវត្ថុ ខាតបង់ចំណូល ឬបុគ្គលិកអសមត្ថភាពជាដើម។ ហេតុដូច្នេះហើយអ្នកត្រូវតែមានសកម្មភាពជាក់លាក់ដើម្បីកសាងអាជីវកម្មរបស់អ្នកឲ្យបានជោគជ័យ។

ពាណិជ្ជកម្ម

៤ប្រភេទនៃប្រព័ន្ធសេដ្ឋកិច្ច

By

Pisey So

-

0

(Wikipedia, 2017) ប្រព័ន្ធសេដ្ឋកិច្ចគឺជាប្រព័ន្ធនៃផលិតកម្ម ការលៃលកធនធាន និងការបែងចែកទំនិញឬសេវាកម្មនៅក្នុងសង្គមឬទីតាំងភូមិសាស្ត្រជាក់លាក់ណាមួយ។ វាក៏យោងទៅតាមប្រព័ន្ធនៃសង្គមផងដែរដើម្បីកត់សម្គាល់ទៅលើចំណុចអាទិភាពណាខ្លះដែលសង្គមនៅអាចសម្រេចបានក្នុងគោលបំណងបង្កើតយុទ្ធសាស្ត្រសេដ្ឋកិច្ចដ៏មានប្រសិទ្ធភាពនិងទទួលបានភាពជោគជ័យ។ ប្រព័ន្ធនៃសេដ្ឋកិច្ចត្រូវកំណត់ថាអ្វីដែលគេត្រូវផលិត ផលិតដោយរបៀបណា និងផលិតទៅឲ្យអ្នកណា។ យ៉ាងណាមិញប្រព័ន្ធនៃសេដ្ឋកិច្ចត្រូវបានគេបែងចែកជា៤បែប៖

#ទី១ សេដ្ឋកិច្ចបែបប្រពៃណី

វាគឺជាសេដ្ឋកិច្ចដើមដែលប្រពៃណី ទំនៀមទម្លាប់ និងជំនឿរបស់គ្រួសារ សហគមន៍ ក្រុម កុលសម្ព័ន្ធ ឬសាសនារបស់ខ្លួននឹងកំណត់ពីទំនិញឬសេវាកម្មដែលសេដ្ឋកិច្ចនោះត្រូវផលិតនិងចែកចាយហើយភាគច្រើនការដោះដូរទំនិញគឺមិនប្រើប្រាស់លុយកាក់។ ប្រទេសដែលប្រើប្រាស់សេដ្ឋកិច្ចរបៀបនេះភាគច្រើនគឺស្ថិតនៅតំបន់ដាច់ស្រយាលនិងពឹងផ្អែកទៅលើវិស័យកសិកម្មជាចម្បង។ គេអាចហៅម្យ៉ាងទៀតថា “ភាពគ្រប់គ្រាន់សម្រាប់ចិញ្ចឹមជីវិត”។ សេដ្ឋកិច្ចរបៀបនេះគឺមិនសូវមានឬគ្មានការអភិវឌ្ឍន៍ ទទួលយកបច្ចេកវិទ្យា និងផ្នែកសុខាភិបាលពីបរទេសតិចតួចឬគ្មានសោះដោយប្រពៃណីនឹងសម្រេចពីការចិញ្ចឹមជីវិត ការស្លៀកពាក់ ក៏ដូចជាការតាំងទីលំនៅរបស់ពួកគេដែលប្រព្រឹត្តទៅតាមមនុស្សជំនាន់មុន។ ប៉ុន្តែវាមានលក្ខណៈប្រសើរត្រង់ថាសេដ្ឋកិច្ចបែបនេះនឹងជួយឲ្យប្រជាជននៅតែរក្សាប្រពៃណី ទំនៀមទម្លាប់ និងការបំពេញចិត្តមនុស្សជុំវិញបានស្របពេលដែលសេដ្ឋកិច្ចផ្សេងទៀតពិបាកនឹងធ្វើបាន។

#ទី២ សេដ្ឋកិច្ចបញ្ជាឬសេដ្ឋកិច្ចផែនការ

សេដ្ឋកិច្ចរបៀបនេះគឺរដ្ឋមានសិទ្ធិកាន់កាប់ទៅលើសកម្មភាពទាំងស្រុងនៃសេដ្ឋកិច្ចដោយការសម្រេចចិត្តចែកចាយនិងផលិតគឺធ្វើទៅតាមផែនការរបស់រដ្ឋាភិបាល។ វាមិនសូវមានភាពបត់បែនដូចសេដ្ឋកិច្ចទីផ្សារទេហើយប្រតិកម្មផ្លាស់ប្តូរការទិញទំនិញរបស់អ្នកប្រើប្រាស់និងភាពឡើងចុះនៃការផ្គត់ផ្គង់និងតម្រូវការក៏មានភាពយឺតយ៉ាវផងដែរ។ ឧទាហរណ៍ដូចជាប្រទេសដែលកាន់របបកុម្មុយនីស។ ហេតុផលចម្បងដែលរដ្ឋាភិបាលជ្រើសរើសសេដ្ឋកិច្ចប្រភេទនេះគឺដើម្បីអាចកាន់កាប់ធនធានដែលមានតម្លៃរបស់ខ្លួន(ឧ. ប្រេង រ៉ែ មាស)។ រីឯផ្នែកផ្សេងទៀតដូចជាកសិកម្មគឺប្រជាជនជាអ្នកដឹកនាំនិងចាត់ចែង។

#ទី៣ សេដ្ឋកិច្ចទីផ្សារសេរី

រាល់សកម្មភាពនៃការដោះដូរទំនិញដោយសេរីនិងអាស្រ័យទៅលើការត្រូវរ៉ូវគ្នារវាងអ្នកប្រើប្រាស់និងអ្នកផ្គត់ផ្គង់។ ក្រុមហ៊ុនក៏ដូចជាស្ថាប័នឯកជនមានសិទ្ធិកាន់កាប់ក្រុមហ៊ុន ដាក់តម្លៃទំនិញ គ្រប់គ្រងសង្វាក់ផលិតកម្ម ក៏ដូចជាបុគ្គលិកដោយខ្លួនឯង។ ចំណែករដ្ឋាភិបាលមិនមានសិទ្ធិគ្រប់គ្រងធនធានចាំបាច់ ទំនិញដែលមានតម្លៃ ឬវិស័យសំខាន់ៗនៃសេដ្ឋកិច្ចនោះទេ។ ប្រជាជនជាអ្នកកំណត់ថាសេដ្ឋកិច្ចត្រូវប្រព្រឹត្តទៅដោយរបៀបណា ការផ្គត់ផ្គង់ត្រូវធ្វើដូចម្តេច និងតម្រូវការអ្វីខ្លះដែលចាំបាច់។ ជាក់ស្តែងមិនមានសេដ្ឋកិច្ចទីផ្សារសេរីសុទ្ធសាធនៅក្នុងពិភពលោកឡើយ។ រដ្ឋាភិបាលនៅតែមានចំណែកចំពោះសេដ្ឋកិច្ចខ្លះៗដដែល។

#ទី៤ សេដ្ឋកិច្ចចម្រុះ

ជាសេដ្ឋកិច្ចមួយដែលរួមបញ្ចូលកិច្ចសហប្រតិបត្តិការរវាងសេដ្ឋកិច្ចទីផ្សារនិងសេដ្ឋកិច្ចផែនការជាមួយគ្នា។ ធនធានត្រូវបានគេបែងចែកទៅឲ្យទាំងឯកជននិងរដ្ឋជាអ្នកត្រួតត្រាតាមវិស័យនីមួយៗដែលប្រើប្រាស់គោលការណ៍ល្អបំផុតចំពោះប្រព័ន្ធទាំងពីរ។ ទីផ្សារសេរីគឺមានតិចឬច្រើនជាងរដ្ឋាភិបាលលើកលែងតែវិស័យសំខាន់ៗមួយចំនួនដូចជាវិស័យអប់រំ ថាមពល(ឧ. អគ្គិសនីកម្ពុជា) ទូរគមនាគម៍ជាដើម។ វិស័យទាំងនោះមិនអាចឲ្យឯកជនកាន់កាប់ទាំងស្រុងបានទេព្រោះវាអាចធ្វើឲ្យប៉ះពាល់ដល់សន្តិសុខជាតិ។ ជាក់ស្តែងយើងឃើញថាវិស័យផ្សេងៗគឺមានទាំងរដ្ឋនិងឯកជន(ឧ. វិស័យអប់រំ)។ ទោះបីជាតាមទ្រឹស្តីគឺគេចង់ធ្វើយ៉ាងណាឲ្យវិស័យទាំងពីរអាចទាញយកផលប្រយោជន៍ពីគ្នាទៅវិញទៅមកឲ្យបានល្អយ៉ាងណាក៏ដោយប៉ុន្តែចំពោះការអនុវត្តជាក់ស្តែងគឺមិនងាយនោះឡើយ។ យើងឃើញថាទំហំនៃការគ្រប់គ្រងរបស់រដ្ឋាភិបាលគឺធំដែលជួនកាលអាចមានឥទ្ធិពលលើសពីភាពចាំបាច់ទៅទៀត។

ឯកសារយោង៖

Economic system. (2017). Retrieved August 07, 2017, from en.wikipedia.org

Hill, Charles W.L. International Business (9th ed.) (Chapter 2). USA: University of Washington.

Dana G. (n.d). Economic System Types. Retrieved August 07,2017, from smallbusiness.chron.com

The Four Types of Economic Systems. (2017). Retrieved August 08, 2017, from quickonomics.com

Brian C. (2008). The Four Types of Economic Systems. Retrieved August 07,2017, from www.slideshare.net

Will G. (2014). The 4 Types Of Economic Systems Explained. Retrieved August 07,2017, from blog.udemy.com

ពាណិជ្ជកម្ម

7 ឧទាហរណ៍ធ្វើឲ្យទំព័រ Facebook អាជីវកម្មសកម្ម!

By

Suos Sovanna

-

0

Facebook បាននាំមកនូវ ភាពងាយស្រួលសម្រាប់អាជីវកម្មក្នុងការរក្សា និងបង្កើតទំនាក់ទំនង ជាមួយអតិថិជនគោលដៅ ក្នុងកម្រិតស្និទ្ធស្នាលមួយ ដែលមិនធ្លាប់មានពីមុន។ ជាពិសេសអាជីវកម្មនិមួយៗ អាចទំនាក់ទំនង ជាមួយអិតិថជនដោយផ្ទាល់! ពោលហ្វេសប៊ុក បានក្លាយទៅជា ច្រកទីផ្សារឬច្រកសម្រាប់លក់ផលិតផលទៅហើយ! ហេតុដូចនេះ ម្ចាស់អាជីវកម្មគ្រប់រូប ត្រូវស្វែងរកវិធីសាស្ត្របង្កើនអន្តរកម្ម ជាមួយអតិថិជននៅលើផេក។

ហ្គេមជាវិធីសាស្រ្តមួយ ដែលងាយស្រួលនិងធូរថ្លៃ ដែលអាជីវកម្មគួរតែអនុវត្ត ។ ហ្គេមអាចទាញចំណាប់អារម្មណ៍ និងអន្តរកម្មយ៉ាងច្រើន ពីយុវជន ហើយរហ័ស។ ដោយសារ ក្នុងការលេងហ្គេមម្តងៗ អ្នកលេងត្រូវគោរពតាមលក្ខខ័ណ្ឌ ដែលបានចែង។ ជាទូទៅគឺពួកគេត្រូវ (១) ចុច Like លើផេក (២) ចុច Like លើរូបភាព (៣) លេងហ្គេម (៤) Share ផុសជាសារធារណៈ (៥) Mention មិត្តភ័ក្តចំនួន៥នាក់។

ខាងក្រោមគឺជា 7 ឧទាហរណ៍នៃហ្គេម ដែលបានអនុវត្ត ដោយក្រុមហ៊ុនផ្សេងៗ ដែលអ្នកអាចយកជាគម្រូបាន។

1. លេងផ្គុំរូប

2. ចែករំលែកក្តីស្រាលាញ់ដើម្បីឈ្នះបានប័ណ្ណបញ្ចុះតម្លៃ

3. សំណួរចម្លើយ

4. ការចោទសួរជាសំនួរទាក់ទងទៅនឹងផលិតផលរបស់អ្នក

5. ការចូលរួមលេងល្បែងស្វែងរកផ្លូវ

6. ការចោទជាសំនួរបែបគណិតវិទ្យាដែលមានលក្ខណៈប្រកួតប្រជែង

7. ចែករំលែកភាពរីករាយនិងឈ្នះបានកែវយ៉ាងស្រស់ស្អាតមួយគូ

ពាណិជ្ជកម្ម

ហេតុអ្វីបានជាគុយទាវទូករីកលូតលាស់លឿននិងបរាជ័យលឿន?

By

Sreylen Vong

-

0

គំនិតជឿជាក់ថាអ្នកប្រាកដជានៅចាំហាងគុយទាវទូក8 Boat Noodle ឬគុយទាវទូកដែលមានឈ្មោះប្រហាក់ប្រហែលនេះ។ គុយទាវទូកបានចាប់ផ្តើមបើកលក់នៅកម្ពុជាដំបូងចុងឆ្នាំ២០១៤។ ក្រោយពេលបើក ហាងគុយទាវទូកទទួលបានការចាប់អារម្មណ៍យ៉ាងរហ័សពីសំណាក់មហាជន ហើយថែមទាំងបានលក់សិទ្ធិធុរកិច្ច(Franchise)ជាច្រើនថែមទៀត។ ប៉ុន្តែមិនយូរប៉ុន្មានក៏ឃើញថាហាងទាំងនោះបានទទួលបរាជ័យនិងបិទទ្វារជាបន្តបន្ទាប់។

តើមូលហេតុអ្វីដែលធ្វើឲ្យហាងគុយទាវទូកមួយនេះរីកលូតលាស់លឿនតែក៏បរាជ័យលឿនបែបនេះ?

ចិត្តសាស្រ្តរបស់មនុស្ស

មនុស្សពេលដែលឃើញអ្វីដែលប្លែកថ្មីតែងតែចង់សាកចង់ដឹង ហើយមនុស្សតែងតែចង់បង្ហាញទៅមិត្តភ័ក្តិនៅពេលពួកគាត់មានអារម្មណ៍ថាខ្លួនពិសេស(ញ៉ាំគចានច្រើន)។ គុយទាវទូកធ្វើឲ្យអ្នកញុំាមានអារម្មណ៍ថាប្លែក និងពិសេសដោយសារតែញុំារហូតដល់គរចានដែលជម្រុញឱ្យគាត់បង្ហោះនៅលើបណ្តាញFacebookដើម្បីអួត និងបង្ហាញមិត្តភ័ក្តិ ។ ដូច្នេះនៅពេលដែលទើបតែបើកដំបូងមានមនុស្សជាច្រើនបានទៅតម្រង់ជួរញុំា។ តែក្រោយពេលបានសាកល្បងញុំារួចមកក៏មិនសូវមានមនុស្សចាប់អារម្មណ៍នឹងទៅញុំាទៀត ជាមូលហេតុដែលធ្វើឲ្យហាងគុយទាវទូកនេះមិនអាចដំណើរការតទៅមុខទៀតបាន។ ក្រោយពេលដែលបានសាកល្បងអ្វីដែលប្លែកថ្មីរួចមកមនុស្សក៏មានអារម្មណ៍ថាធម្មតានិងលែងចាប់អារម្មណ៍ទៀត។

និនា្នការសង្គម

មនុស្សនៅក្នុងសង្គមភាគច្រើនទន់ទោរទៅរកគ្នា។ នៅពេលដែលឃើញគេញុំា ផឹកអ្វី ទៅកន្លែងណាមួយ ឬធ្វើអ្វីមួយដែលខ្លួនមិនធ្លាប់បានធ្វើនោះ អ្នកតែងតែចង់សាកល្បងនិងធ្វើតាមគេភ្លាម។ ដូចគ្នានេះដែរ អ្នកខ្លះពេលដែលឃើញគេទៅញុំាគុយទាវទូកហើយថតផុសនៅក្នុងហ្វេសប៊ុកធ្វើឲ្យគេមានចិត្តមួយថា ត្រូវតែទៅញុំានិងថតផុសឲ្យដូចគេដែរ។ បើគេមិនបានញុំានិងថតផុសនោះទេ គេនឹងគិតថាខ្លួនឯងដើរមិនទាន់សង្គម មិនទាន់អ្នកដទៃដែលនៅក្នុងបរិបទសង្គមតែមួយ។ ប៉ុន្តែមួយរយៈក្រោយមកការនិយមនេះនឹងផ្លាស់ប្តូរ ឬអន់ថយទៅវិញព្រោះម្នាក់ៗបានសាកល្បងរួចហើយ។ និន្នាការនៃសង្គមតែងតែដើរទៅមុខជានិច្ច ដូចនេះបើគ្មានការផ្លាស់ប្តូរ ឬកែប្រែខ្លះៗនោះទេនឹងធ្វើឲ្យអ្នកបរាជ័យជាក់ជាមិនខាន។

តម្លៃ

បើយើងសង្កេតមើលពីតម្លៃរបស់គុយទាវទូកវិញ ក្នុងមួយចានប្រហែល២៥០០៛ប៉ុណ្ណោះយើងប្រាកដជាគិតថាមិនថ្លៃនោះទេ ប៉ុន្តែបើញុំាមួយឆ្អែតមនុស្សម្នាក់ប្រហែលជាត្រូវញុំាពី៤ចានឡើងទៅ។ ជាមួយគ្នានេះដែរ បើយើងញុំាគុយទាវក្នុងហាងដទៃទៀតគឺមានតម្លៃប្រហែល៨០០០៛ប៉ុណ្ណោះក្នុងមួយចាន។ សរុបមក បើចង់ញុំាគុយទាវទូកឲ្យឆ្អែតប្រហែលជាត្រូវចំណាយថ្លៃបន្តិច។

ការពង្រីកខ្លួនលឿនពេក

ហាងគុយទាវទូកគឺបានពង្រីកខ្លួនយ៉ាងលឿនរហូតដល់រាប់សិបហាងក្នុងរយៈពេលដ៏ខ្លី។ ការពង្រីកខ្លួនលឿនពេកនេះ ក៏ជាមូលហេតុមួយដែលធ្វើឱ្យហាងគុយទាវទូកឆាប់សាបរលាបពីភាពពេញនិយមផងដែឬ។ ហេតុអ្វី? ព្រោះថា វិជាចិត្តសាស្ត្រមួយរបស់មនុស្ស នៅពេលដែលវាងាយស្រួលនឹងទទួលបានពេក (ទៅណាក៏ឃើញ) វាលែងក្លាយទៅជារបស់ពិសេសដូចមុនទៀតហើយ។ ម្យ៉ាងវិញទៀត នៅពេលដែលការផ្គត់ផ្គង់កើនលឿនពេក ធ្វើឱ្យអតិថិជនត្រូវបែកសាចទៅហាងផ្សេងៗគ្នាដែលធ្វើឱ្យមើលពីក្រៅហាងទៅលែងមានមនុស្សច្រើនតម្រង់ជួរដូចមុន ដែលកត្តានេះក៏រួមចំណែកជះឥទ្ធិពលដល់ចិត្តសាស្ត្រអតិថិជន ធ្វើឱ្យគាត់យល់ថាវាលែងពេញនិយមដូចមុនទៀតហើយ។ ចិត្តសាស្ត្ររបស់អតិថិជនភាគច្រើនគឺប្រហាក់ប្រហែលគ្នា នៅពេលដែលហាងណាមានមនុស្សច្រើន គឺគាត់ចូលចិត្តចូលហាងនោះ ទោះបីត្រូវប្រជ្រៀតគ្នា ឬរង់ចាំក៏ដោយ។

គុណភាពសេវា និងផលិតផល

បើយើងក្រឡេកទៅមើលគុណភាពសេវាកម្មរបស់គុយទាវទូកវិញគឺមិនខុសពីកន្លែងដទៃទៀតនោះទេ។ យើងត្រូវចំណាយពេលរង់ចាំនិងកម្ម៉ុង់ប្រហាក់ប្រហែលនឹងហាងដទៃទៀតដែរ និងមិនមានលក្ខណៈពិសេសអ្វីដែលគួរឲ្យចាប់ចិត្តដែរ។

បើក្រឡេកពីគុណភាពផលិតផលវិញ យុទ្ធសាស្ត្រទីផ្សារល្អអាចធ្វើឱ្យមនុស្ស មកភ្លោកទឹកភ្លោកដីបានដើម្បីសាក ប៉ុន្តែបន្ទាប់ពីបានសាកល្បងហើយមានអារម្មណ៍ថាមិនមានអ្វីឆ្ងាញ់ ឬពិសេសនោះ អាត្រានៃការវិលត្រឡប់មកវិញគឺមានកម្រិតទាបប៉ុណ្ណោះ។ ដូចនេះ មានតែគុណភាពផលិតទេដែលអាចរក្សានិរន្តរភាពនៃភាពពេញនិយមបានពីសំណាក់អតិថិជន។

សរុបសេចក្តីមក ចំណុចខាងលើនេះគឺពិតជាសំខាន់ណាស់ក្នុងការធ្វើអាជីវកម្ម បើសិនជាអ្នកមិនបានយកចិត្តទុកដាក់ទៅលើប៉ុន្មានចំណុចនេះទេ អ្នកអាចនឹងជួបប្រទះបញ្ហា និងការបរាជ័យជាមិនខានឡើយ។ អត្ថបទនេះគ្រាន់តែជាការសង្កេតនិងយល់ឃើញ ដើម្បីសិក្សាយល់ដឹងនិងធ្វើជាបទពិសោធន៍សម្រាប់ការធ្វើអាជីវកម្មតែប៉ុណ្ណោះ។

ពាណិជ្ជកម្ម

តើ Ponds កំពុងតែដើរខុសគោលដៅមែនដែរឬទេ?

By

Suos Sovanna

-

0

កាលពីប្រហែលមួយឆ្នាំមុន ក្រុមហ៊ុន Ponds Cambodia បានបង្កើតកម្មវិធីមួយ ដែលមានឈ្មោះថា High School Love ។ កម្មវិធីនេះគឺជាកម្មវិធីវិដេអូរឿងភាគបែបយុវវ័យ ដែលផ្តោតលើសិស្សវិទ្យាល័យ ដែលប្រឈមមុខនឹងរឿងស្នេហា និងបញ្ហាមុខមុន។ មកដល់ពេលថ្មីៗនេះ ក្រុមហ៊ុននេះបានប្រកាសពីវត្តមានបន្តរបស់កម្មវិធី វិដេអូរឿងភាគ High School Love រដូវកាលទីពីរ ដែលនឹងចាក់ជូនទស្សនាក្នុងពេលឆាប់ៗនេះ។

តើហេតុអ្វីបានជាក្រុមហ៊ុន Ponds Cambodia បង្កើតកម្មវិធីនេះឡើង? តើនរណាគឺជាអតិថិជនគោលដៅរបស់ក្រុមហ៊ុន Ponds Cambodia? មនុស្សស្រីជំទង់ ( អាយុ ១៨ដល់២៧ឆ្នាំ) ឬក្មេងជំទង់ ( អាយុ ១៣ដល់១៧ឆ្នាំ)?

ប្រសិនបើយើងសង្កេតមើល វីដេអូពាណិជ្ជកម្មកាលពីមុនៗ របស់ក្រុមហ៊ុននេះ យើងនឹងឃើញថា ការផ្តោតគឺស្ថិតទៅលើមនុស្សស្រីជំទង់ អាយុប្រមាណ១៨ឆ្នាំដល់២៧ឆ្នាំ ហើយមិនមែនជាក្មេងជំទង់នោះទេ។

ឧទាហរណ៍ នៅក្នុងវីដេអូពាណិជ្ជកម្មមួយរបស់ Ponds គឺសម្តែងដោយ កញ្ញាមាស សូនីតា ដែលបង្ហាញពីរបៀបរក្សាសម្រស់ ដើម្បីរក្សាបានភាពស្រស់ស្អាតរបស់នារីនាវ័យជំទង់ ។

ប៉ុន្តែមួយរយៈក្រោយនេះ តើហេតុអ្វីក្រុមហ៊ុននេះ បែរជាសម្រេចចិត្តថតជាខ្សែររឿងភាគ ដែលនិយាយពីក្មេងជំទង់ទៅវិញ? តើ Ponds កំពុងតែដើរខុសគោលដៅមែនដែរឬទេ?

ដើម្បីឆ្លើយទៅនឹងសំនួរ ដែលខ្ញុំបានចោទខាងលើនេះ ជាដំបូងយើងត្រូវមើលថាតើក្រុមហ៊ុន Ponds កំពុងប្រម៉ូតផលិតផលដដែល ឬផលិតផលថ្មី? ព្រោះទោះបីជាមានម៉ាកសញ្ញាដូចគ្នា ប៉ុន្តែផលិតផលទាំងនោះ អាចមានអតិថិជនគោលដៅខុសគ្នា។

ក្រឡេកមករឿងភាគ High School Love យើងម្តងទៀត យើងអាចសង្កេតឃើញថាកម្មវិធីនេះគឺត្រូវបានបង្កើតឡើងដើម្បីប្រម៉ូតផលិតផលថ្មីនៃ Pond’s ដែលជា Pond’s Acne Clear ។ Pond’s Acne Clear គឺជាផលិតផលរូបមន្តថ្មី ប្រើប្រាស់សម្រាប់កំចាត់មុន។ ខ្ញុំគិតថា Pond’s មានភាពវៃឆ្លាតក្នុងការចាប់យកអតិថិជនគោលដៅ សម្រាប់ផលិតផលថ្មីរបស់ខ្លួន ព្រោះក្មេងស្រីវ័យពី១៣ឡើងដល់១៧ឆ្នាំ គឺត្រូវប្រឈមនឹងបញ្ហាមុខមុនខ្លាំងជាងវ័យផ្សេងៗទៀត ហើយពួកគេតែងតែចង់បានថ្មាំព្យាបាលណា ដែលមានតម្លៃធូរថ្លៃ និងមិនមានភាពស្មុគស្មាញ (over-the-counter medications )!

ដូច្នេះលើកនេះ Ponds កំពុងប្រើយុទ្ធសាស្ត្រត្រឹមត្រូវណាស់ ជាមួយនឹងផែនការថតជាខ្សែររឿងភាគយុវវ័យ ដើម្បីបញ្រ្ជៀបការយល់ដឹងអំពីផលិតផលថ្មីរបស់ខ្លួនដោយប្រយោល ហើយជាពិសេសនោះគឺ បង្កើតបានជាអារម្មណ៍ស្និទ្ធស្នាលរវាងក្មេងស្រីជំទង់និងផលិតផល ដោយសារការសម្តែងក្នុងខ្សែររឿងបានបង្ហាញដូចទៅនឹងអារម្មណ៍ពិតរបស់ពួកគេ ដូចជាក្តីទុក្ខសោក កង្វល់ អារម្មណ៍តូចចិត្តដែលកើតចេញពីបញ្ហាមុខមុនជាដើម។

ពាណិជ្ជកម្ម