Facebook ប្រកាសបើកដំណើរការវ៉ែនតាវៃឆ្លាត Ray-Ban Stories

67
Facebook announces launch of Ray-Ban Stories smart glasses

Ray Ban Stories រួមជាមួយនឹងកម្មវិធី​មើល Facebook បែបថ្មី ដែលអាចចែករំលែកទស្សនៈ រឿងរ៉ាវ និងអនុស្សាវរីយ៍របស់អ្នកយ៉ាងរលូនជាមួយនឹងមិត្តភក្តិ និងអ្នកលេងតាមបណ្ដាញសង្គម។ កម្មវិធីមើលហ្វេសប៊ុកនៅលើប្រព័ន្ធប្រតិបត្តិការ iOS និង Android ធ្វើឱ្យមានភាពងាយស្រួលក្នុងការកែសម្រួល និងចែករំលែកមាតិកាដែលចាប់បាននៅលើវ៉ែនតាឆ្លាតវៃទៅកាន់កម្មវិធីនៅលើទូរស័ព្ទរបស់អ្នក ដូចជា៖

  • Facebook
  • Instagram
  • WhatsApp
  • Messenger
  • Twitter
  • TikTok
  • Snapchat និងអ្វីៗជាច្រើនទៀត។

លើសពីនេះ អ្នកក៏អាចរក្សាទុកនូវមាតិកាទាំងអស់នោះទៅក្នុងកំាំមេរ៉ាទូរស័ព្ទរបស់អ្នក ហើយកែសម្រួលនិងចែករំលែកពីទីនោះផងដែរ។ ក្រោយពីកែលម្អក្រោយពីការថត ឬបង្កើតឡើង អ្នកអាចផុសផ្សព្វផ្សាយបាន។

លក្ខណៈសំខាន់រួមរបស់ Ray Ban

  1. Capture៖ អាចថតយករូបភាព វីដេអូ បានច្បាស់ល្អ
  2. Share៖ អាចចែករំលែកទៅកាន់មិត្តភក្តិ និង Download ចូលក្នុងទូរស័ព្ទដៃ
  3. Listen៖ អាចស្ដាប់ Podcasts បទចម្រៀង និងផ្សេងៗ

👉🏻 ទស្សនាការណែនាំលម្អិតអំពីរឿងរ៉ាវរបស់ វ៉ែនតា Ray Ban Stories៖ https://www.facebook.com/zuck/videos/388482975992028

សរុបមក វ៉ែនតាវៃឆ្លាត Ray Ban Stories មានកំាមេរ៉ាពីរដើម្បីថតរូបនិងវីដេអូ មានមីក្រូហ្វូននិងឧបករណ៍បំពងសម្លេងដើម្បីស្តាប់ Podcasts បទចម្រៀង និងជំនួយការសំឡេង (និយាយបញ្ជា) ដើម្បីអនុញ្ញាតឱ្យអ្នកធ្វើអ្វីគ្រប់យ៉ាងដោយមិនចាំបាច់ប្រើដៃចុចបញ្ជាច្រើន។ លើសពីនេះ​ អាចកែសម្រួលការចាប់យករូបភាព វីដេអូរបស់អ្នក និងចែករំលែកដោយផ្ទាល់ទៅបណ្តាញសង្គមរបស់អ្នកជាមួយកម្មវិធីដៃគូ Facebook។ ថែមទាំង អាចចែករំលែកទៅកាន់មិត្តភក្តិ និង Download ដាក់ក្នុងទូរស័ព្ទដៃផងដែរ។

តម្លៃនិងទីតាំងលក់

វ៉ែនតា Ray Ban មានតម្លៃ 299$ បើតាមផេកផ្លូវការរបស់ Mark Zuckerberg បានផ្សព្វផ្សាយ និងអាចរកទិញបានតាមស្ទីល20បែប ដែលអាចរកទិញបានតាមអ៊ីនធឺណែត និងតាមហាងលក់រាយមួយចំនួននៅសហរដ្ឋអាមេរិក ក៏ដូចជាអូស្ត្រាលី កាណាដា អៀរឡង់ អ៊ីតាលី និងចក្រភពអង់គ្លេស។

បុព្វហេតុនៃការបង្កើតវ៉ែននេះឡើង

បើយោងតាមគេហទំព័រហ្វេសប៊ុក Monisha Perkash ដែលគាត់ជានាយកគ្រប់គ្រងផលិតផលនៅ Facebook Reality Labs និងដឹកនាំក្រុមបង្កើតវ៉ែនតាវៃឆ្លាតជាមួយ Ray-BanនិងLuxottica បាននិយាយថា “បេសកកម្មនៃការបង្កើតវ៉ែនតានេះ ក្នុងគោលបំណងជួយបង្កើតឧបករណ៍ដែលនឹងជួយមនុស្សឱ្យមានអារម្មណ៍ថា មានទំនាក់ទំនងគ្រប់ពេលវេលា គ្រប់ទីកន្លែង” លើសពីនេះ ចង់បង្កើតឱ្យមានអារម្មណ៍នៃវត្តមានបណ្ដាញសង្គមដោយអាចមានទំនាក់ទំនងជាមួយនឹងមនុស្សម្នាក់ទៀតដែលមានពេលទំនេរដូចគ្នាដោយមិនគិតពីចម្ងាយ។

អ្វីដែលសំខាន់នោះ វ៉ែនតាវៃឆ្លាត Ray ban Stories បានសហការបង្កើតឡើងថ្មី ដោយក្រុមហ៊ុន Ray ban និង Facebook ។ ហើយបានយោងតាម Facebook បង្ហាញថា Mark Zuckerberg និង Rocco Basilico ប្រធាន Wearables នៅ EssilorLuxottica ពិភាក្សាអំពីបច្ចេកវិទ្យានិងការរចនានៅពីក្រោយវ៉ែនតាឆ្លាតវៃជំនាន់ដំបូងនេះនិងបង្កើតទស្សនៈរួមគ្នាចំពោះបទពិសោធន៍ថ្មី ដែលផ្លាស់ប្តូររបៀបដែលមនុស្សទាក់ទងជាមួយអ្នកដទៃនិងនៅជុំវិញពិភពលោក។