អ្នកប្រាកដជាដឹងហើយថាសព្វថ្ងៃនេះប្រទេសជាតិទាំងមូលបានជួបនឹងបញ្ហាប្រឈមជាច្រើនដែលត្រូវដោះស្រាយ រួមមានបញ្ហានយោបាយ បញ្ហាសេដ្ឋកិច្ច ជាពិសេសគឺ ការកើតឡើងនូវជម្ងឺផ្លូវដង្ហើមដែលគេតែងហៅថា Covid-19 នេះឯង ដែលវាបានធ្វើឲ្យមនុស្សទូទាំងពិភពលោកខ្លាចរអារ និង ស្លាប់ដោយសារវាអស់ជាច្រើន។ ហើយនៅក្នុងនោះដែរយើងឃើញថានៅលើទំព័រ Facebook ពោរពេញទៅដោយព័ត៌មាន ទាំងព័ត៌មានពិត និង ព័ត៌មានមិនពិត។ ដូច្នេះអ្នកប្រាកដជាពិបាកក្នុងការវែកញែក ហើយក៏ពិបាកជឿទៅលើព័ត៌មាននោះផងដែរ។ម្យ៉ាងវិញទៀត ចំពោះគេហទំព័រមួយចំនួនដែលតែងតែចង់បានការlike ការComment និងការShare ឲ្យបានច្រើន ពួកគេបានយកព័ត៌មានខ្លះដែលហួសកាលសម័យមកធ្វើជាព័ត៌មានថ្មីៗ ហើយបំប៉ោង និង បំភ្លៃព័ត៌មាននោះដើម្បីទាក់ទាញមនុស្សឲ្យមើលកាន់តែច្រើន។ដោយសារតែឃើញមានបញ្ហាទាំងនេះហើយទើបនៅក្នុងថ្ងៃនេះ គំនិត នឹងនាំអ្នកទាំងអស់គ្នាឲ្យបានយល់ដឹងពីវិធីវិភាគនិងវែកញែកព័ត៌មានទាំងនោះបានកាន់តែច្បាស់។ ៨ចំណុចខាងក្រោមនេះនឹងធ្វើឲ្យអ្នកឆាប់ដឹងថាមួយណាជាព័តមានដែលអាចទុកចិត្តបាន៖
1. គិតពីប្រភពដើមនៃព័ត៌មាន： ចុចចូលមើលនូវរឿងរ៉ាវដើម្បីស៊ើបអង្កេតពីបេសកកម្ម និង ព័ត៌មានលម្អិតឲ្យកាន់តែច្បាស់។
2. អានឱ្យអស់: តើរឿងរ៉ាវទាំងមូលចង់និយាយពីអ្វី? ចំណងជើងអាចជាការបំប៉ោងខុសពីការពិត ឬក៏និយាយបំផ្លើសខ្លាំងពេក ក្នុងការខិតខំប្រឹងប្រែងដើម្បីទទួលបាននូវការចុចគាំទ្រ។
3. ពិនិត្យមើលប្រវត្តិអ្នកនិពន្ធ: ត្រូវធ្វើការ ស្រាវជ្រាវឲ្យបានរហ័ស ទៅលើអ្នកនិពន្ធ ថាតើគាត់ជាមនុស្សពិតប្រាកដ ដែលអាចធ្វើឲ្យយើង ជឿទុកចិត្តទៅលើគាត់បានដែរឬអត់។
4. ប្រភពគាំទ្រ: ចុចទៅលើlink ទាំងនោះ ហើយកំណត់ថាព័ត៌មានដែលទទួលបានពិតជាគាំទ្រនូវរឿងរ៉ាវទាំងនោះដែរឬទេ។
5. ពិនិត្យមើលកាលបរិច្ឆេទ: ការបង្ហោះនូវព័ត៌មានចាស់ៗនៅលើ Social media វា មិនប្រាកដថាព័ត៌មានទាំងនោះ ជាប់ទាក់ទងជាមួយនឹងបញ្ហាថ្មីៗដែលបាននឹងកំពុងកើតឡើងដែរ។
6. វាគួរឱ្យអស់់សំណើចដែរឬអត់? ប្រសិនបើវាមើលទៅហាក់ដូចជាសាហាវព្រៃផ្សៃពេក, នេះប្រហែលជាអត្ថបទរបស់អ្នកនិពន្ធដែល ចូលចិត្តលាបពណ៌ ចូលចិត្តតិះដៀលឬបំពុលសង្គមជាដើម។ ដូចនេះត្រូវស្រាវជ្រាវពីគេហទំព័រនិងឈ្មោះអ្នកនិពន្ធដើម្បីឨ្យមានភាពប្រាកដប្រជា។
7. ពិនិត្យពីភាពលំអៀងរបស់អ្នក: ត្រូវគិតថា គំនិត, ជំនឿរបស់ខ្លួនអាចមានផលប៉ះពាល់ដល់ការវិនិច្ឆ័យរបស់យើងដែរឬអត់។
8. សួរអ្នកជំនាញ: សួរបណ្ណារក្ស ឬក៏ប្រឹក្សាពីគេហទំព័រពិតប្រាកដ។
